عالم مجانين !!!!

الموضوع في 'إستراحة المنتدى' بواسطة مراقب الاسهم, بتاريخ ‏7 فبراير 2008.

  1. مراقب الاسهم

    مراقب الاسهم عضو نشط

    التسجيل:
    ‏14 سبتمبر 2005
    المشاركات:
    870
    عدد الإعجابات:
    12
    الطرق السريعه بالكويت بالفتره الاخيره صراحه شي عجيب


    اذا شفت المنظره الخلفيه وانت تسوق ماتعرف ايهو الغني فيهم واي هو الفقير كلهم زينون وليتات رزق حتى الهنود

    لا وطايحين بالليتات اللي ترمش والفلشرات واختلط الحابل بالنابل بين وصرنا مانعرف نفرق بين الشرطي والشخص العادي كلها صار عندها دوريات وكلهم مباحث


    وكله مشاخط على الطريق مادري ليش اذا شفتهم تقول ماشاء الله وعسالله يسهل كل هذي حالات ولاده وبيرحون للمستشفى آخر شي بيلحق على الصالون
    بيعدل زلوفه المحروس ولد امه لا وياليت السياره سبورت وشي مرتب كامري 4 سنلدر
    ورفيجه لاهبل اللي وراه مكسيما جنهم بايقين السياره من خواتهم

    صج ايام قبل مرينا بهالسوالف ولكن كنا نحس على دمنا شوي
    ومو بهالطريقه وكنا نطلع بعيد عن عيون الناس واماكن بعيده مثل صبحان وكبد وصله الدوحه والاماكن الصحراويه وغيرها

    واليوم صراحه عالم مجانين والداخليه على قول المثل يامطوطي بجيب مافيه قوانين صارمه وغالبيه الشرطه مصبنه مثل طقتهم هالمستهرين افضل حل لهم يسوون لهم مثل العمانيين ((المكبس)) اللي يصيدونه استهار ورعونه حبس شهر مع التقريعه وسيارته يكبوسنها بمكبس السكراب قدام عيونه ولا يكبسون وجهه معاها عشان يحرم هالسوالف

    وانا ودى أسألكم انتو ملاحظين معاي الطرق السريعه هالايام في شي غلط والا انا اتوهم عشان مرت بي الايام وعديت هالمرجله العمريه ؟؟
     
  2. iidvdii

    iidvdii عضو جديد

    التسجيل:
    ‏30 ديسمبر 2007
    المشاركات:
    391
    عدد الإعجابات:
    0
    مكان الإقامة:
    Q8
    أخوي يعطيك العافيه
    حبيت أوضح كم شغله
    ما أظن فيه أحد يختلف معاك على الموضوع بس الأساس تربية الأهل السبب الأول في اللي قاعد تشوفه بالشوارع مو بس الخطوط السريعه
    والشغله الثانيه الحكومه مو حاطه قوانين صارمه علشان تصير رادع للمستهترين
    والشغله الثالثه قيادة الهنود والوافدين عموما تسبب لخبطه بالطريق
    والشغله الرابعه شرطتنا الله يعينهم ما عندهم أوامر بحريه التصرف
    او المطارده لأنه ما في قانون يحميهم ودورياتهم غير مؤمن عليها يعني اذا
    صار في الدوريه أي شي يتحمله الشرطي .
    بعد هذا كله أكيد تلقى المستهترين ترس في الشوارع
    ودمتم
     
  3. ياقوت

    ياقوت عضو جديد

    التسجيل:
    ‏18 فبراير 2006
    المشاركات:
    1,726
    عدد الإعجابات:
    0
    مكان الإقامة:
    kuwait
    من امن العقوبة اساء الادب​
     
  4. meshari meshari

    meshari meshari عضو جديد

    التسجيل:
    ‏22 نوفمبر 2007
    المشاركات:
    208
    عدد الإعجابات:
    0
    انا عن نفسي احب التواضع. سيارتي مرسيدس موديل 1986 260se
    ذهبيه. وارثها من اهلي, صج تفشل وسعرها السوقي 500 دينار لكن مايهمني المظهر.
    خل اهل المواتر يكدون اقساط وانا اكد خرده احسن
    ولو ابي 599 GTB تري علي الراحه هههههه
     
  5. salem.srsr

    salem.srsr عضو جديد

    التسجيل:
    ‏12 يوليو 2006
    المشاركات:
    1,826
    عدد الإعجابات:
    0
    مكان الإقامة:
    KUWEIT

    انت صح .. [​IMG]
     
  6. zoya_y

    zoya_y عضو جديد

    التسجيل:
    ‏26 ديسمبر 2007
    المشاركات:
    9,261
    عدد الإعجابات:
    4
    مكان الإقامة:
    DREAM WORLD
    لوول كلام منطقي ... يزاك الله خير
     
  7. مراقب الاسهم

    مراقب الاسهم عضو نشط

    التسجيل:
    ‏14 سبتمبر 2005
    المشاركات:
    870
    عدد الإعجابات:
    12
    zoya_y
    meshari
    salemsrsr.
    iidvdii
    ياقوت

    اشكر على المشاركه والاضافات الجميله
    فعلا من امن العقوبه اساء الادب والله يكفينا شر هالمجانين
    ويسكنهم في مساكنهم وانا متفائل جدا بوزير الداخليه الجديد
    وان شاء الله نلقا حل لجميع المشاكل العاالقه والتمرسبه التي بدات تفطفو مؤخرا