شنو تسوون لما يضيق خلقكم

[meshari meshari]

شلونكم شباب وشابات. بما انكم وايد في المنتدي وعندكم خبرات مختلفه في الحياه. نبي نستفيد منكم...


شنو تسوون في وقت الفراغ.

انا عن نفسي انزل اغاني, واجمع ساعات, والماس,. لكن الصراحه الحين مليت منهم. ماعندي شي يديد. ودي اجدد حياتي واكتشف اشياء جديده

مثلا قولوا لي بعد الدوام شنو تسون, هل تنامون وبعدها ديوانيه, ام رياضه.

هل عندكم حياه ثانيه غير الدوام وعوار الراس والا حياتكم اهي دوام....


بانتضار تفاعلاتكم الحلوه لنستفيد منها


ملاحظه (انا عندي مشكله في ال ض و ظ للحين ما اقدر افرق بينهم, اسمحوا لي اذا كتبتهم غلط)

 

[iidvdii]

أنا واحد من الناس أتابع قناة ناشيونال جرافيك

 

[متفائل مـحبوب]

إكتشفت وبعد جهد جهيد
ان الي يصلي الصلاوات الخمس بالمسجد مايجيه ضيق ابدا
ويوم بعد يوم يزيد وساعه صدر لكن للي يقدر يحافظ على الصلاة في وقتها

مصيبتنا الي تعلمناه واحنا صغار من التلفزيون وغيره والاهل
انك شلون تضيع (تضيع )وقت الفراغ في شي على قولتهم مفيد

بس الصحيح الي يبعد ضيق الصدر نهائيا ودايما هي الصلاة عند وقتها مو بعد ماتفوتك او تضيعها او تجمعها كلها في وقت واحد لا ولكن في وقتها
وبعد ماتتم هذا الشرط والله لو يحطونك في قوطي ويسكرون عليك ماراح تحس بضيق ابدا ابدا
وانا جربت هالشي لكن للأسف للحين مو ثابت بالمحافظه على هذي الصلاة في وقتها والله يوفق الجميع ​

 

[نيويورك]

إكتشفت وبعد جهد جهيد
ان الي يصلي الصلاوات الخمس بالمسجد مايجيه ضيق ابدا
ويوم بعد يوم يزيد وساعه صدر لكن للي يقدر يحافظ على الصلاة في وقتها

مصيبتنا الي تعلمناه واحنا صغار من التلفزيون وغيره والاهل
انك شلون تضيع (تضيع )وقت الفراغ في شي على قولتهم مفيد

بس الصحيح الي يبعد ضيق الصدر نهائيا ودايما هي الصلاة عند وقتها مو بعد ماتفوتك او تضيعها او تجمعها كلها في وقت واحد لا ولكن في وقتها
وبعد ماتتم هذا الشرط والله لو يحطونك في قوطي ويسكرون عليك ماراح تحس بضيق ابدا ابدا
وانا جربت هالشي لكن للأسف للحين مو ثابت بالمحافظه على هذي الصلاة في وقتها والله يوفق الجميع ​

بارك الله فيك و جزاك الله خير

 

[دحيم 06]

شلونكم شباب وشابات. بما انكم وايد في المنتدي وعندكم خبرات مختلفه في الحياه. نبي نستفيد منكم...


شنو تسوون في وقت الفراغ.

انا عن نفسي انزل اغاني, واجمع ساعات, والماس,. لكن الصراحه الحين مليت منهم. ماعندي شي يديد. ودي اجدد حياتي واكتشف اشياء جديده

مثلا قولوا لي بعد الدوام شنو تسون, هل تنامون وبعدها ديوانيه, ام رياضه.

هل عندكم حياه ثانيه غير الدوام وعوار الراس والا حياتكم اهي دوام....


بانتضار تفاعلاتكم الحلوه لنستفيد منها


ملاحظه (انا عندي مشكله في ال ض و ظ للحين ما اقدر افرق بينهم, اسمحوا لي اذا كتبتهم غلط)

يوجد كتاب لابن الحداد المهدوي يثبت فيه ان هناك 93 كلمة فيها حرف( الظاء) والمتداول منها 32 كلمة ....وما عدى ذلك سوف تكون بحرف (الضاء)
واليك الكلمات بس مانبي اشوفك كاتب مرة ثانية (بانتضار)

1- الحَظّ: بمعنى النصيب .

2-الحِفْظُ: وهو ضد النسيان .

3-الحَظْرُ: وهو المنع .

4- الحَظْوَةُ: وهي الرفعة .

5- الظلم .

6- الظليم: وهو ذكر النعام .

7-الظبي : وهو الغزال .

8- الظبة: وهي طرف السيف .

9- الظعن: وهو السفر بالنساء .

10-الظرف.

11-الظريف .

12- الظَّنُّ .

13- الظِّلُّ .

14-الظفر : وهو ضد الخيبة .

15- الظهر.

16- الظماء .

17-الكظم : وهو كتم الحزن .

18-اللحظ : وهو النظر.

19-اللفظ .

20- النّظْمُ .

21-النظافة .

22- النظَر.

23- العظم.

24- العظيم.

25- العَظَل : وهو الشدة ، من قولهم : أمر معظل .

26- الغيظ : أعني الحنق .

27- الفظاظة : وهي القسوة .

28 -الفظاعة : من الأمر الفظيع ، وهو الشنيع .

29 - التقريظ : مدح الحي بالشعر .

30- المواظبة.

31 - الوظيفة.

32- اليقظة : ضد النوم . ​

تحياتي لك...
تصدق عاد ماافرق بين الكزبرة والبقدونس!!!
احد عنده حل !!!

 

[ياقوت]

مو مشكله اخ مشاري مع الوقت تتعلم التفريق بينهم
انتضار = انتظار


اما بالنسبة لوقت الفراغ بصراحه انا قاعده احاول اترسه ولكن ماني قادره من الروتين يمكن لما يضيق خلقي الجأ الى الكتب بس ساعات بصراحه امل وماحب اقرى .. قاعده احاول اسويلي شي ثاني غير الدوام وبصراحه فكرت اكثر من مره اني اعمل في دوام على فترتين بس محد نصحني وتراجعت
اذا تحب تدش دورات ماشالله في وايد منها هني
واذا تحب تشترك مع جمعيات زينه تحس لها نشاطها ايضا ماشالله موجودين
انا عن نفسي لما يضيق خلقي احب اروح سينما بس حاليا قررت اني ما اروح نظرا لانهم رفعوا اسعارهم وهالزياده مالها داعي اساسا يقولون انه يوم الاثنين مسوينه دينار ونص بس مادري عن مدى صحة هذا الخبر وعموما اهيا المسألة مو مسألة فلوس كثر ما اهيا اعتراض ورفض
تقدر تشترك بنادي صحي مع اني ماحبهم
والمشكله انك اذا تبي تطلع تروح مطعم او شي ماشالله الاماكن كلها زحمه وعالم انا عن نفسي احب اطلع الظهر او العصر الوضع يكون اهدى
جني سولفت وايد ان شاء الله اكون فدتك


وعلى سالفة الكزبرة والبقدونس مره امي مطرشتني الجمعيه اشتريلها خضرة وتبي كزبرة وانا ماني عارفتها جان اسال مره كبيره يمي حجيه ايهي الكزبرة جان تقولي شنو ما تعرفينها بصراحه انحرجت قلتلها لا قالتلي ما يصير يمه لازم تعرفين معصبه علي كانت قلتلها ان شاء الله
يحلوهم الحريم الكبار لسانهم عسل الله يحفظهم ان شاء الله

​

 

[INFINITI]

موضوع حلو وفكره جميله
انا عن نفسي اذا ضاق خلقي ابدع في مجال عملي بحيث اني ابتكر شغلات حلوه تعجب اللي يقدرها واطلع بحركات غريبه وعجيبه . بس هالشغلات احتفظ فيها لنفسي ونادرا اعطيها للعزيزين علي . ومشكور على فتح هالحوار
عـــــــــــــــاش

 

[ALJAMAIKY]

انا مقتنع بكلام الاخ الى قال الصلاة في اوقاتها فعلا ماتحس بضيقة ويجيلك شعور براحة نفسية واستكانه استكانة مشتقة من سكينة مو استكانة شاي لا تصير دعاية للمنتج انا بصراحه بعد هالامور اهتم بالزرع والحيوانات وساعات ننغمس في بيروقراطية الدواويين والروتين القاتل الى ماعندهم الا مساك الله بالخيييييييييير بس

 

[meshari meshari]

والله ما قصرتوا ومشكورين وايد علي النصايح الحلوه...

وشكر كبير لياقوت ودحيم, هم ساعدوني في معرفه الفرق بين ض ظ

مشكورين كلكم واحد واحد

 

[نوط بو ربع]

الأخ الحبوب أحب أقولك صدقت والله إن الراحه تكمن في الالتزام بالفروض الخمس ... لا فضّ فوك .
الأخ دحيم والله منت هيّن باللغه أثاريك ؟! سيباويه باللغه ما شاء الله ...
وبعدين يا أخ دحيم ويا أخت ياقوت والله من صجكم ما تعرفون الفرق بين الكزبرة والبقدونس ؟؟ الكزبره تبدا بحرف الكاف والبقدونس يبدا بحرف الباء أويلاه عليكم بس .


بالنسبه لي يا اخ مشاري اذا ضاق صدري أمارس هوايتي المفضله الا وهي التبطّح على الكنبه ومشاهدة التلفزيون وبجانبي جميع ما انتجته شركة نستله من حلويات ... مرّه حاولت أغير هالهوايه وأستبدلها بأخرى تعود على الجسم بالفائده فقمت ورحت حق الحديقه اللي بالبيت قلت بجرّب البستنه وأكل الكستنه قمت وأخذت شبل وقلت أوسّع حوض النخله ... والشيله الاولى بالشبل والثانيه والثالثه وعينك ما تشوف الا النور عقبها حاشني شد عضلي بكرشي تحت منطقة السرة بالضبط ... دخلت البيت زحفا الله وكيلك ... الظاهر كان لازم أسوّي تمارين سويديه او ستريتجات قبل اشتغل بالشبل فمن عقبها ما فكرت اغير هوايتي المفضله الا وهي مشاهدة التلفزيون والتبطّح على الكنبه اللي حيل ابرك من الهوايات العضليّه ... وسلامتكم

 

[zoya_y]

موضوع حلو وفكره جميله
انا عن نفسي اذا ضاق خلقي ابدع في مجال عملي بحيث اني ابتكر شغلات حلوه تعجب اللي يقدرها واطلع بحركات غريبه وعجيبه . بس هالشغلات احتفظ فيها لنفسي ونادرا اعطيها للعزيزين علي . ومشكور على فتح هالحوار
عـــــــــــــــاش

بالله ماتقول شستفدنا منك ؟؟؟ ​

الحمدالله انا ماعندي وقت فرااااااااغ كله اشتغل صبح وليل الله يعيني بس ممارسة الرياضة شي جيد بالفراغ ​