أجــــــــــــمل الرديــــاات

الموضوع في 'إستراحة المنتدى' بواسطة ارحبو, بتاريخ ‏11 فبراير 2008.

  1. ارحبو

    ارحبو عضو جديد

    التسجيل:
    ‏21 يوليو 2007
    المشاركات:
    1,369
    عدد الإعجابات:
    0
    مكان الإقامة:
    الصرار
    السلام عليكم جميعا واهلا وسهلا وارحبوووو ملايين :)

    هنا نقدم اجمل الرديات على مختلف الشعار والمواضيع
    نستهل موضوعنا بقصيدة جميله جدا

    للشاعر ناصر القحطاني

    دم اتجاهـك شمـال مودعـك حاجـه ** سلم على حايـل وسلـم علـى شمّـر

    قدامك الخافـق اللـي ينشـد علاجـه ** كنـه معلـق علـى بـرزان ومسمّـر

    وانت تعرف يا بعد حيي مـن تواجـه ** بيضان الافعال لا مـن الزمـن سمّـر

    ان ضاقوا اعنف من البحر ومن امواجه ** وان راقوا اركد من الخرمان لا عمّـر

    كم صيت بيت عتق في الباب مزلاجـه ** وكم شيخ امـارة قبـل تعينـه مؤمّـر

    وكـم حاتمـي تكفـي فلـة حجـاجـه ** وشلون للضيف لو عن ساعـده شمّـر

    وان مـر تاريخهـم متلبـس تـاجـه ** كم عاشق كيٍـف وكـم حاسـد زمّـر

    في جوٍ اغلى على الرجلي الـى داجـه ** من ديرة السادس ومـن ديـرة معمّـر

    كنه الى اهـدي لـه البـراق ثجاجـه ** طلة غريرضحك ومـن الخجـل حمّـر

    توارثـوا حرثـه وتمتـيـر ديبـاجـه ** ركابـة الجيـب مـن ركابـة الضمّـر

    الود لا غرس بدري صعـب مخراجـه ** والله ولا الـذ واحلـى منـه لا ثمّــر

    ادخل على اللي تطوف البيـت حجاجـه ** من ناقص عنـد مـدح الغيـر يتذمّـر

    والمدح لو كان في الرديـان للصاجـه ** ويقال (عمر بلـد ) بالعـون ماعمّـر

    والذم لـو زاد فـي الطيـب تولاجـه ** لا احرق ولا اغرق ولا عمر ولا دمّـر

    مانيب متحسف بشعري علـى حاجـه ** الا انـي اروح ماغنيـت فـي شمّـر




    كثير من الشعار ردو على ناصر بس للامانه اعجبني
    رد الشاعر احمد الجريفاني

    هلا بشهمٍ صدق في رسم منهاجـه && هلا بمنهو تمثّل فـي جبـل شمّـر

    هلا بمن تعجـز القيفـان لحراجـه && ومن حقه إنه على القيفـان يتأمّـر

    وصل سلامك ولا يحتـاج ديباجـه && عمّرت صرح الغـلا ياعلّـك تعمّـر

    نظمت عـذرا تهبّـل فـي تغنّاجـه && لو حاول احدن يجاري حسنها قصّر

    يامير الاشعار يامن يحسـده تاجـه && اعذر محاكيك بالقيفـان لـو كـرّر

    لو يمرض الجود نادوا فيك لعلاجـه && تعطى البشاره لمن في جيتك بشّـر

    لو يظلم الكون نورك يجلب افراجـه && ماعاشرك في حياتـك حـي ويكـدّر

    يشهد لك ا لليل لامن ضوت ابراجـه && ويشهد لك الحبر والاقـلام والدفتّـر

    والطيب يشهد لك انك صرت هداجه && نعم المراجل ونعم الاصل والمخبـر

    قحطان كنه محيـطٍ تلطـم امواجـه && طوفان عارم ليامن الهـوى زمجـر

    ولامن هدا الموج يهدي غالي انتاجه && الـدر واللـول والياقـوت والعنبـر

    ما رامهم طامع إلا يرجـع ادراجـه && الليث ماينقـرب خـصٍ ليـا كشّـر

    نبراس عزٍ يسـرك فـي توهّاجـه && من خلقت الكون حتى ساعة المحشر

    يامن نظمت البيوت وقمت بخراجـه && عسى حياتك سهود ولايجيك الشّـر

    منت الذي يحسب بيوته على حاجـه && حنّا هلك والجبل في مثلكـم يفخـر
    ولا غابت الشمس محدن دور سراجه && نور القحاطين ساطع في جبل شمّـر


    تحياتي :)
     
  2. zoya_y

    zoya_y عضو جديد

    التسجيل:
    ‏26 ديسمبر 2007
    المشاركات:
    9,261
    عدد الإعجابات:
    4
    مكان الإقامة:
    DREAM WORLD
    شنو يعني الرديااااات ؟؟
     
  3. ارحبو

    ارحبو عضو جديد

    التسجيل:
    ‏21 يوليو 2007
    المشاركات:
    1,369
    عدد الإعجابات:
    0
    مكان الإقامة:
    الصرار
    يعني قصيدة ورد عليها لهدرجة صعبه :D
     
  4. بوسعود66666

    بوسعود66666 عضو مميز

    التسجيل:
    ‏1 أغسطس 2007
    المشاركات:
    15,265
    عدد الإعجابات:
    5
    مكان الإقامة:
    مجلس الوزراء
    هالحريم مايعرفون غير السوق والمجمعات:p
     
  5. zoya_y

    zoya_y عضو جديد

    التسجيل:
    ‏26 ديسمبر 2007
    المشاركات:
    9,261
    عدد الإعجابات:
    4
    مكان الإقامة:
    DREAM WORLD
    :rolleyes::p
     
  6. ياسر الروقي

    ياسر الروقي عضو نشط

    التسجيل:
    ‏11 يونيو 2007
    المشاركات:
    3,830
    عدد الإعجابات:
    14
    مكان الإقامة:
    بلدة طيبة ورب غفور
    احسنت ارحبوو نزل رديت صياف والثبيتي

    البعير اللي يشيل الحمل عود يرضع امه
    عقب ماقالوا شامخ النيبان مردوم السنامي
     
  7. ارحبو

    ارحبو عضو جديد

    التسجيل:
    ‏21 يوليو 2007
    المشاركات:
    1,369
    عدد الإعجابات:
    0
    مكان الإقامة:
    الصرار


    ابشششششششششششر على ذالخشم :)
    مع ان المحاورات فيها احتكاك ::verymad:: ومناوشات احاول ابتعد عنها
    بس تستاااااهل يالروقي
     
  8. Bent_alq8

    Bent_alq8 عضو جديد

    التسجيل:
    ‏28 سبتمبر 2007
    المشاركات:
    3,735
    عدد الإعجابات:
    0
    مكان الإقامة:
    حبيبتي الكويت
    تسلم إيدك ارحبو...مع إني مالي مزاج بهالأمور لكن كل شئ منك حلو:D
     
  9. يقولون

    يقولون عضو نشط

    التسجيل:
    ‏31 يوليو 2006
    المشاركات:
    1,558
    عدد الإعجابات:
    0
    الله يعطيك العافيه
     
  10. ارحبو

    ارحبو عضو جديد

    التسجيل:
    ‏21 يوليو 2007
    المشاركات:
    1,369
    عدد الإعجابات:
    0
    مكان الإقامة:
    الصرار

    لباااكبدش :D

    حياش الله بنت الكويت عزيزه وغاليه :)
     
  11. ارحبو

    ارحبو عضو جديد

    التسجيل:
    ‏21 يوليو 2007
    المشاركات:
    1,369
    عدد الإعجابات:
    0
    مكان الإقامة:
    الصرار

    يعافيك :) واسعدني مرورك
     
  12. ارحبو

    ارحبو عضو جديد

    التسجيل:
    ‏21 يوليو 2007
    المشاركات:
    1,369
    عدد الإعجابات:
    0
    مكان الإقامة:
    الصرار



    يقول مطلق ( رحمه الله ) ::

    الحريبي ينفض اللحية ويطوي في معمه
    طار عقله من شليويح المطيري والزلامي

    البعير اللي يشيل الحمل عود يرضع أمه
    بعد قالوا شامخ النيبان مردوم السنامي


    فقال صياف الحربي ::

    الحريبي يوم غنى حطكم في راس كمه
    ثم خلاكم عجينه كن مافيكم عظامي

    الجمل يمشي على الدرب وكلامك مايهمه
    من هديره قمت من نومك وحرمت المنامي


    يقول مطلق ( رحمه الله ) ::

    الزمان اللي ستر حالك وحالي لاتذمه
    والحرم من دونه المسعى وبيبان السلامي

    أنت داب كل ماحرك شدوقه سال سمه
    والله إنا مانذوق السم يالداب التهامي


    يقول صياف ::

    أنت ذيب تكره البارود لو إنك تشمه
    ماتحب النور الأبيض ماتحب إلا الظلامي

    الطعام اللي ليا شفته على صدرك تضمه
    لاتقول إنه حلال ولاتقول إنه حرامي


    يقول مطلق ( رحمه الله ) ::

    علموا صياف لايتبع خفيف الظل عمه
    دام أنا وياه فالمذهب وفي الطرقة ليامي

    قله إنا مانبالي اللي بنا نقال نمّه
    بعد عود بايعة بين القبائل مايسامي


    يقول صياف ::

    أنت أشوفك كل ماتسرح تضوي لك مطمه
    تحسد المسلم على دينه ليا صلى وصامي

    لايزعلك الكلام اللي عسى ربي يتمه
    ثم بده مستريح بلا شراب ولاطعامي


    يقول مطلق ( رحمه الله ) ::

    كل شئ في طريقك يا أبيض الشارب تخمه
    لين ضيعت الفشق والبندقية والحزامي

    إن نثرت القش ياصياف ماتقدر تلمه
    وإن قربت من العرب ميسمك جوف النار حامي


    يقول صياف :::

    لو يبي يتركك على باب الخزينه رحت يمه
    وإن نظر لك نظره حمراء تعديت النظامي

    المسافر مايطب البحر لين إنه يطمه
    يذكر الله في بلد مكه ويلبس له إحرامي ,,


    وسلامتكممممممممممممممممممممم
     
  13. ياسر الروقي

    ياسر الروقي عضو نشط

    التسجيل:
    ‏11 يونيو 2007
    المشاركات:
    3,830
    عدد الإعجابات:
    14
    مكان الإقامة:
    بلدة طيبة ورب غفور
    مشكوور يا ارحبووو الله من الدفن في هالقصيده

    السؤال من هو البعير ؟ من يقصد الشاعر
     
  14. sa3od29

    sa3od29 عضو نشط

    التسجيل:
    ‏6 مايو 2007
    المشاركات:
    1,642
    عدد الإعجابات:
    0
    مكان الإقامة:
    عروس الخليج
    شكرا ارحبو لوضع القصيدة لشاعر ناصر القحطاني بمدح قبيلتي........................لك ولشاعر الشكر :)
     
  15. ابوعايض

    ابوعايض عضو نشط

    التسجيل:
    ‏8 يناير 2006
    المشاركات:
    1,735
    عدد الإعجابات:
    2
    مكان الإقامة:
    الكويت
    لبا والله كبدك يا ارحبو على القصيد والعلوم الطيبه عطنا ماعندك من الرديات
    والقصيد الطيب ولا تبخل علينا وانا ولله اني مت من الضحك يوم قريت ردك لباااكبدش اخاف انها زعلت علبالها مسبه اختي Bent_alq8 اخوي ارحبو يتلبلبلش يعني بالعربيه لبيه اي يلبي طلبك وكبدش تعني الكبد وتنطق عند العجمان كبدش وعند الهواجر كبدس
     
  16. ارحبو

    ارحبو عضو جديد

    التسجيل:
    ‏21 يوليو 2007
    المشاركات:
    1,369
    عدد الإعجابات:
    0
    مكان الإقامة:
    الصرار
    لبيت حاج يا بوعايض ابشرررر بعزك :)
    ومشكوور على مرورك الطيب
    مع اني كنت بصرف نظر عن الموضوع
    لان اغلب اللي بالاستراحه مايحبون الشعر
    دام ابو عايض معنا :)
     
  17. ارحبو

    ارحبو عضو جديد

    التسجيل:
    ‏21 يوليو 2007
    المشاركات:
    1,369
    عدد الإعجابات:
    0
    مكان الإقامة:
    الصرار
    بن حمري والقرقاح .....!

    السلام عليك ..
    أعرض لكم هذه المساجله التي جرت بين الشاعرين العملاقين
    فلاح بن قرقاح و راية الشعر ( علي بن حمري )
    من أجزل المساجلات التي شاهدتها
    وأنا اجزم انكم سوف تحتفظون بها في المفضله
    ولن تمـّلوا من قرائتها

    اليكم هي :




    فلاح بن قرقاح

    يا ابن حمري عزتي للي على الغبن يتصبّـر
    يرسم البسمه على وجهه وهو في أخس حاله
    ..

    كن ما للغيض في صـدره سحـاب لا تزبّـر
    بالرعد والبرق والماء والبرد يصدق خيالـه
    ..

    لاضواه الليل شاف اضغـاث حلـم مايعبّـر
    ضاق باله ضيقةٍ من وطي أثرها ضاق بالـه
    ..

    ولا أقبل النهار بالنـور وظـلام الليـل دبّـر
    خذا يومه بأوله في رحلـة آلآمـه وآمالـه
    ..

    يجبره وقته على عـرف النشامـا والمثبّـر
    ويعتزل ذولا لجل ذولا ولـو يبطـي لحالـه
    ..

    خل نقـال الكـلام يقـول مغـرور وتكبّـر
    الكبر للواحـد الفـرد الصمـد جـل جلالـه
    ..

    خوي الرديان يبشر لـه بكسـر مـا يجبّـر
    ماله منهم غيرما لرشا الغروب من المحالـه
    ..

    والحزيـن دواه لاقـام يتـزفـر ويتعـبّـر
    مثل ورعٍ شاف يوم العيد كلّـن مـع عيالـه
    ..

    وهو جا لبوه مطراشٍ ما منه الطيـر خبّـر
    ومن ردى عمّه خذته أمه وراحت مع خواله
    ..

    وأطيب الخوال صام الوقفـه وهلـل وكبّـر
    وشرى عيدية هله وأخته ولدها ما شرى له
    ..

    خاطر الورع انكسر والوجه بشر اللون غبّـر
    صلى الله وسلم وبارك علـى محمـد وآلـه
    ..

    كن مابه عقب نهش الدود لأجسـاد المقبّـر
    بعث وإحساب وحياة وأجر واعقاب وعدالـه
    ..

    ياعلي شعرك من الواقع كتب وأملى وعبّـر
    وأثبت إن للشعر ترسانه وللشاعـر رسالـه
    ..

    يكفي إن إسمك مع الأيام يكبـر مـا يكبّـر
    كوكب ما كن لخلـق الله مجـال الا مجالـه
    ..

    وثوبك من العز والنوماس يذرع مـا يشبّـر
    ملبس لايق على قـومٍ لهـم قالـه وطالـه
    ..

    أمـا أنـا لاعابـدٍ زهـد ولا طـاغٍ تجبّـر
    ليت أمان كلاش ابو عطفه ورد لبو محالـه
    ..

    قبل دعواي أحسب إن كل الدعـاوي تنتدبّـر
    وأكتشفت إن الذنوب أكروب والبدعه ضلاله



    علي بن حمري

    يا ابن ريفه مرحبـا والعبـد فـي الدنيـا مدبّـر
    فرحتـي بـك فرحـة المسلـوب لاردو حـلالـه
    ..

    ربع القلب .. وجلى ضيقه .. وروض الصدر زبّر
    وانفتـح بـاب مهـو بالسهـل فتحـه وانقفالـه
    ..

    انت عز .. وخوتك تشـرى.. ومحزمـك المعبّـر
    خوفة الله .. واحترام النـاس ..وكعـام العيالـه
    ..

    اتعـوذ مـن قلـوب الحسـد وعـيـونٍ تحـبّـر
    باسمـك اللهم عــن نـيـة ردى والا فسـالـه
    ..

    عشت يانجـم النجـوم مقصّـر الشبـر المشبّـر
    ياسميـك العـرق يامجنـى عريقيـن السـلالـه
    ..

    انت لك منبـر علـى قمـة جبـل منتـب منبّـر
    والشهاده منـك راس المـال والهيضـه جمالـه
    ..

    من جبره الوقت عكس اللي تبـي نفسـه تجبّـر
    لـو يصـب الشاهـي بفنجـال والبـن ببيـالـه
    ..

    ولايضر الهبـره اللـي كـل مـن جاهـا تهبّـر
    احمدو لأنعام واعطـو النـاس واسعـو بالعدالـه
    ..

    وخـوة الفسـل الضعيـف سـواة نـوٍ مايسبّـر
    واحـدٍ مقصـوره ايدينـه ومقصـوره حبـالـه
    ..

    حسبته : ثـورٍ علـى قرنينـه اليـا ثـار غبّـر
    ليت ياراعيـة مـا فكيـت رجلـه مـن هجالـه
    ..

    احسبنـي صابـر واثـري علـى مابـي مصبّـر
    وخفـت لاصبـري يهملنـي ولاعنـدي بـدالـه
    ..

    انتنشـد عـن علـوم الكفـو مثلـك وانتخـبّـر
    عن نجوم الأرض ..وأهل العرف .. واكرام السباله
    ..

    تدري اني ما أشتـري سلعـه بـلا نيـمٍ ونمبَّـر
    ما اشتري الا حاجـةٍ تسـوى وتضمنهـا وكالـه
    ..

    عـازف العـود الحزيـن يجـر صوتـه ويتعبّـر
    يا الله انـك ترحـم الدوخـي وعبـدالله فضالـه
    ..

    ماملـت عينـي صـور الايـام لوانهـا تكـبّـر
    صرت أفكر كيف أخلي الوقـت يدرجنـي سؤالـه
    ..

    كيف عز الرجـل مـن حييـن والا مـن مقبّـر؟
    والرجل وجهـه يعتـق رقـاب والا مـن حلالـه
    ..

    شف برابرة العرب والا العرب مـا هيـب بربَّـر
    لمـة حثالـه علـى الدنيـا تلاقيـهـا حثـالـه



    وتقبلوا تحياتي
     
  18. ابوعايض

    ابوعايض عضو نشط

    التسجيل:
    ‏8 يناير 2006
    المشاركات:
    1,735
    عدد الإعجابات:
    2
    مكان الإقامة:
    الكويت
    عزالله انها رديه جزله من ناس جزلين وان قحطان تفخر بهم
     
  19. NBK

    NBK عضو نشط

    التسجيل:
    ‏29 مارس 2006
    المشاركات:
    5,313
    عدد الإعجابات:
    38
    مكان الإقامة:
    الكويت الحبيبه
    تسلم يالغالي على الموضوع الرائع
     
  20. ارحبو

    ارحبو عضو جديد

    التسجيل:
    ‏21 يوليو 2007
    المشاركات:
    1,369
    عدد الإعجابات:
    0
    مكان الإقامة:
    الصرار

    مشكور على مرورك :)



    الله يسلمك يالغالي :)