أجــــــــــــمل الرديــــاات

ارحبو

عضو نشط
التسجيل
21 يوليو 2007
المشاركات
1,369
الإقامة
الصرار
البدايه كانت من تركي الديحاني في قصيدة

(( صاحبي والموتر البطراني ))

اقحم بها نهى نبيل ...


راكب اللي امواصفاتـه كلهـا مرسومـه = موترٍ فيه المزايـا غيـر وشكـلٍ ثانـي

لو يشوفه مرهي الدينـار يفـرق سومـه = ماكذب من قال عنـه مركـب الشيخانـي

جيب لكـزز يعجبـك بقفايتـه وقدومـه = ياسـلام الله عليـه الموتـر البطـرانـي

لا نطحته كنه السلطـان قيصـر رومـه = وان تعدا قلـت مـشالله وصـح السانـي

وان ركبته والهوى ضده وشـد عزومـه = يستريـح الرنـج والفكسـار والالمانـي

قومتـه ياسرعهـا يازينهـا مـن قومـه = لا مسكلـه خـط كنـه عالسفـر شفقانـي

كل قطعه في حديـده ياعـرب مهضومـه = مـن بدايـة مدقـره للمدقـر الـورانـي

فتحتـه مناظـره والقصـه المبـرومـه = والكفـر ومكيفـه والشبـك والبيبـانـي

صانعه بوذي خسيس وضايعـات سلومـه = مايعـرف الا شـراب الـرد والدخانـي

منوة اللي مبتلش ثم ضاع وسـط هدومـه = مثل حالي بس اهوجس واكتـب القيفانـي

واتنخـى موتـري واليـوم فعـلٍ يومـه = ساعتيـن الا وانـا فـي ديـرة الخلانـي

والله ان مسجـلـه ماتدخـلـه فطـومـه = مايطبه غيـر شـروى تركـي الميزانـي

وادخل الديره وجفني مهتنـى فـي نومـه = بـس تتحـرى عيونـي سيـد الغزلانـي

صرت متعلق واحاسيس الولـه مصدومـه = راحن اسبوعيـن لا جانـي ولا خلانـي

مادريت ان الغلا والعشـق هـذي علومـه = ويل حالي من عـذاب الحـب والوجدانـي

عاشقٍ مغرم وروحي بالهـوى مضلومـه = منسجن والحال حالـه والغضـي سجانـي

اتوجـد وادعـي الله يحفظـه ويـدومـه = مـرةٍ يرضـى علـي ومـرةٍ قومـانـي

فاتـنٍ يذبـح حـلاه ونـادرات ارسومـه = كل وصفٍ في وصوفه يسـرق الاذهانـي

عين نجلا طول فارع والحريـر هدومـه = والبـلاوي كلهـا بالتـيـن والرمـانـي

وول ياقو الرموش اليـا طلقـته سهومـه = كنهـا وقعـه مابيـن مطيـر والعتبانـي

واعذابي صاحبـي طلـع علـي نجومـه = ماعلى السانـه سـوى ماظنتـي تلقانـي

وان صدفته صارحت الروحه معه مشؤومه = وبعدها يرسل مسـج ويسكـر الاوزانـي

لـو فكـر فـي نشـر ابياتـه المعدومـه = سلمـوا علـى نهـى مذيعـة الورعانـي

اتبعـه واعـانـده واجــوده بكمـومـه = غاليٍ حطـم مشاعـر تركـي الديحانـي

طول عمري اعشقـه ومحبتـي محرومـه = ولاذبحني غير ربعي ان طروا النسيانـي

مانسيتـه لـو كلنتـن يسكـن القيصومـه = ويتزوج بنت ماشـع عاصـي الحلانـي

الله اكبر ويـن طريتـه وجبـت علومـه = من ذكرت الجيب مدري بعدها وش جانـي

والله ان اعضاء جسمي اصبحت مقسومـه = بين مفتـون المـلا والموتـر
البطرانـي




وهذا رد نهى نبيل ..

(( ألا ياللي تعيروني ))



ألا ياللـي تعيرونـي بـأنـي حـقـة الأطـفـال = أنا ساس الشعر فيني مـن أقصـى جـد بجـدودي



كتبت الشعر من صغري وصغت من الحروف رجال =وصار الحرف بي معنـى وجـوده زان بوجـودي



أنا ملح الشعر أبقـى ومهمـا هالزمـن بـي طـال = يساندني دعـا أمـي إليـن أوقـف علـى عـودي



وأنا يوم إننـي طفلـة تربـت مـن وراي أجيـال = على شاشه وطـن غالـي بحضنـه أنثـر ورودي



ورغم اللي حكوا فيني ورغـم اللـي علـي انقـال = أنا أبقى بنت ناس أجواد وأصل الجود مـن جـودي



وراي رجال تفزعلي إذا فـي يـوم حظـي مـال = تقطع أيد(ن) انمـدت لـو تعـدت علـى حـدودي



ووراي عيون تسهرلـي وتتركنـي مريـح البـال = في ليلي نومهم يحرم ولـو عيـن المـلا رقـودي



وأنا مهما أصادف في دروب الشعـر مـن أنـذال = أبد مـا ينتهـي صبـري وانـه يختـرب مـودي



لأني عارفه العنقـود لـو يـوم(ن) عجـز ينطـال = يصيـر بعينهـم حامـض لأن قلوبهـم ســودي
 

Shima

عضو نشط
التسجيل
17 أغسطس 2007
المشاركات
1,116

" قاصد خير "

عضو نشط
التسجيل
24 أكتوبر 2006
المشاركات
1,614
حطه ولا مايصير اهنيه خلني اتطمش علي اشعارها ,,,,,, :eek: :D :p

ماعليج الا كتابة الأعلامية والشاعرة نهى نبيل على قوقل ....:) وشوفي القصائد لا وصوتية بعد . على فكرة قصائدها كتير مهضومة ;)
 

ابوعايض

عضو نشط
التسجيل
8 يناير 2006
المشاركات
1,738
الإقامة
الكويت
لاصرت بالصمان والقيض حاديك

لاصرت بالصمان والقيض حاديك

قصة الابيات :

أراد الزواج بابنة عمه ، فاشترط والدها أن يكون المهر ناقة والده ، والده كان يحب الناقة حبا كبيرا فقد ألفها ، ورأى فيها
مالم يره في غيرها ، لكن اصرار الابن على الزواج بابنة عمه جعله يمارس ضغوطا كبيرة على والده من أجل الموافقة
على الشرط ، ضاقت حيلة الوالد ، ففكر بإقناعه بطريقة أخرى ، ثم ركبا الناقة وانطلقا في أراض الصمان الواسعة
تحين الأب الفرصة وتخلص من الماء الذي معهما ، وبعد أن بلغ بهما العطش أي مبلغ ، نهزها بعصاه كي تذهب بهم الى
أقرب ماء ، فانطلقت بقوة حاسة الشم لديها الى أقرب ماء ، وما أن وصلا وشربا مايسد رمقهما ، التفت الى ابنه وأنشد :




لاصرت بالصمان والقيض حاديك
أيّا حسين الـدل وايّـا المطيـة
أيّاه وايّا كـور وجـن توديـك
عـن السمايـم قريـة قرقفيـة

لكن الابن رد على والده ببيتين آخرين هزم بهما والده حيث أنشد :

الله كريم وما ومر بالتهاليـك
ولا ومر بافراق صاف الثنيـة
لاصرت بايام الرخا عند اهاليك
حبة حسين الدل تسوى المطية
 

ارحبو

عضو نشط
التسجيل
21 يوليو 2007
المشاركات
1,369
الإقامة
الصرار
مشكور يابوعايض والقصص كثيره وذات فايده في الموروث الشعبي
لكمـ منها .... طيــــــــــر شلــــــــوى

نسمع دائما فلان طير شلوى أو طير شلوى أنا حبيت أكتب لكم قصة طيور شلوى كاملة,معها قصيدتين.



كان في ثلاث أطفال كبيرهم عمره ثلاث سنوات والاصغر مازال بالمهد ,

توفي والدهم ولم تطل امهم بالقاء بعده الا لستة اشهر وتوفاها الله

ولم يبقى لهم الا جدتهم من ابيهم وتدعى شلوى

ونظرا لضيق الحال اصبحت هذه العجوز تدور البيوت وتطلب الطعام للأطفال

وكانت من باب الاستلطاف تقول (ما عندكم عشى أو غدا لطويراتي ) تقصد بذالك الاطفال الثلاثة



وانتشر خبرها بين الناس وعلم بامرها الشيخ عبد الكريم الجربا
الملقب بـ(السمن العربي ) لكرمه

فامر بنقل بيتها الى جانب بيته وتم ذالك وكان الجربا قبل ان يقدم الغداء او العشا يقول

(لا تنسون طيور شلوى) وكان يشرف بنفسه على ذالك

ومع الايام كبر الاطفال الثلاثه وهم( شويش , عدامه , وهيشان )

واصبحوا رجالايستطيعون القتال

ونظرا لارتباط الحلال بالربيع رحل الجربا وجماعته الى مكان قرب الحدود السورية

حيث مكان الربيع والماء وهنا كان تواجد الدولة العثمانية (الاتراك) وايضا قبيله اخرى تسكن المكان


وكان الجربا وجماعته قليلي العدد مقارنه بالاتراك وعدد افراد القبيلة الاخرى .


هنا طمع الوالي التركي بقبيلة شمر هو والقبيلة الاخرى وارسل مرسالا للجربا يطالبهم بدفع الودي (الضريبه)

اجتمع الجربا مع شمر ونظرا لقلتهم و وجودهم المؤقت وافق الجربا على دفع الودي

وبعد فترة بسيطه رفعو الودي على الجربا الضعف و وافق الجربا


وبعد مدة اقبل فرسان الاتراك والقبيله المواليه لهم وارسلو مرسال
يطلب من الجلربا ان يعطيهم (خاكور) باللهجة التركيه فقال الجربا ماذا تقصدون بالخاكور؟؟؟



فقال المرسال (اي نساء من حريم شمر للجيش التركي لغرض المتعه)


هنا تدخل احد الشيبان وفي مكان ليس ببعيد عنهم قبورا يستطيع الجميع رؤيتها وانشد قائلا:




هنيكم يا ساكنين تحت القاع ====ما مركم ودي تقفاه خاكور
هنيكم متم بحشمه وبزاع ====ومامن عديم ينتخي ينغز الثور؟


كان يقال ان الدنيا على قرن ثور متى تحرك الثور قامت القيامه


ومطلب الشاعر بشطر البيت الثاني ان يشعر الموجودين ان الموت اهون من هالطلب


وما ان اتم شعره بقوله :
ما من عديم ينتخي ينغز الثور ؟

الا ان قفز شويش العجرش وقال :

أنا ...... وانا طير شلوى , واخذ الشلفا ورفعها بالهواء وعند سقوطها ضربها بسيفه

وامتطى صهوة جواده واندفع بشجاعة منقطعة النظير على جيش الاتراك حيث شق طريقا وسط الخيل والطرابيش الحمر تتطاير يمنة ويسره من ضرب شويش لرؤوس الخيالة ,
هنا لحق به عدامه وهيشان العجرش والجربا ومن معه اغارو على القبيلة الاخرى


وما هي الا ضحوية كان كل شيء قد انتهى


تم الانتصار على الاتراك والقبيلة الموالية لهم

وغنم شجعان شمر والجربا مغانم وكانت هذه احد الاسباب في غناة الجربا ومن هنا ظهرت شجاعة طويرات شلوى

الشايب صاحب القصيدة لايزال على مركاه في مجلس الجربا يشاهد الذي حصل امامه وعند انتهاء المعركة وتقابل فرسان شمر قالو نريد اذا سال الشايب عن من مات نقول شويش...

وعندما سال الشايب واسمه (ردهان ابن عنقا )


قالو له شويش مات فقال :

قالو شويش وقلت لالا عدامه=== (أوزاد هيشان زبون الملاييش)
ماهو ردى بمدبرين الجهامه===لكن هوش شويش بالربع ما هيش
يوم شويش حزم راسه نهار الكتامه===دبر ظني وحمر الطرابيش
يوم شويش مثل يوم القيامه===بالله عليكم لا تحكون بشويش



بعد انشاده قالو له لا نبشرك شويش حي


وبعد هذه المعركه ساد الجربا وجماعته المكان واصبحو ياخذون الودي على من تبقى من القوم .





هذي قصة طيور شلوى
 

قلب المؤشر

عضو نشط
التسجيل
4 نوفمبر 2007
المشاركات
469
الإقامة
قــلب أمـــي
مشكور أستاذ ارحبو
على الموضوع اللي بروعة صاحبه
وهم مشكور على معلومة طير شلوى:d
ونعم بشمر وباقي القبايل
 

الاحرش

عضو نشط
التسجيل
1 يونيو 2007
المشاركات
1,372
الإقامة
عريفجان
صح لسان الشعار

وتسلم اناملك على النقل
 

ارحبو

عضو نشط
التسجيل
21 يوليو 2007
المشاركات
1,369
الإقامة
الصرار

قصيدة محمد ابن الذيب بأميره من اّل سعود


ياعبدالله ابن غراب والجود في الماجـود = وأنا في فرنسا ويش أخلي وويش أرجي ؟

أنا رحت فيها عند وحده مـن آل سعـود = ورجالها مـن ربـع عدنـان خاشقجـي

عفيفـة عفيفـة مالحقهـا ولا منـقـود = عليها السلام وحورهـا النعّـس الغنجـي

لها بيت فـي جـده وسواقهـا محمـود = على موترن ماهوب كدلك ولا هو ابجـي

مع إسطابه الخلفـي سطابيـن والا زود = وهو في النعيرية يسفر علـى الخفجـي

تقل مهرتن من خيل راكان أو ((صاهود)) = أبعنهـا بالسـرج والا بــلا سـرجـي

رقت برج ليفل واجتمع من عليها النـود = ورحب بها البـراق والمـزن والثلجـي

لو إنها تقول البرج برجي بدون شهـود = تهاوا لها البرج وتهـاووا هـل البرجـي

ياحكام نجد أنـا بوجـه المليـك العـود = ويالله من جانـي فـلا غيـره المنجـي

لو إنها من العجمان ماهي من آل سعـود = وهي بالحـلا ذا كـان زليـت بالهرجـي

وياخشمي عليك اللوم من شمة البـارود = ماينهاك عن دوس الحما وضعك الحرجي




رد الشاعر السعودي على القصيدة

الا يانديبي جعلها روحه بلا عود = تولم وخذ قافٍ كتبته على نهجي

رسالة ووصلها ولا كلفت مجهود = عسى عقب توصيل المراسيل ماتنجي

الا جيت من غنى ولا هو ترى محدود = نهق كنه اللي فوقه اغماد مع خرجي

يغزه ابليس العود ويشجعه محمود = تجمع خدوشٍ سامجة هرجهم سمجي

عطه من ضميري كلمةٍ كنها العبرود = تخلي اعظام الهيس تبرد وترتجي

سمعنا كلامك وانت ماتسمع المنقود = هبيلٍ ضميرك ضاربة بابرة البنجي

وانا حافظٍ لك موقفٍ ثابتٍ مشهود = تشوفه جماهير الملاعب على البرجي

نقلها عربسات الفضاء والعباد اشهود = وشاهدها العرب والفرس والهند والزنجي

تماديت في عمياك ماترتدع بحدود = ولحقت الشيوخ اللي لهم مقدم السرجي

سلاطين نجد اللي حموها من النمرود = طويلين الايدي والنسب ساطعٍ لنجي

شيوخٍ على اشيوخ العرب فارقين بزود = وفي عهدهم نشرب قراحٍ بدل همجي

اخذها رسالة يا محمد بلا مردود = واذا عدت توبناك ......... العلجي



--------------------------------------------------------------------------------
 

ابو غانم

عضو نشط
التسجيل
19 ديسمبر 2003
المشاركات
1,288
أضرب على قوقل وعطني علومه


:) :) :)
حلو المطلع هذا .. أنشهد ان سلطان الهاجري شاعر
 

ارحبو

عضو نشط
التسجيل
21 يوليو 2007
المشاركات
1,369
الإقامة
الصرار
الف شكر على مجهودك الرائع امتعنا بالرديات الجزله


واصل واصل

:)

بارك الله فيك اخوي من ذوقك والشكر لله وحده

أضرب على قوقل وعطني علومه


:) :) :)
حلو المطلع هذا .. أنشهد ان سلطان الهاجري شاعر


أضرب على قوقل وعطني علومه= مالك ومال مجمعين الكلامي

واليا غدى لأسما الرياجيل حومه= فالمعمعه مثل الجراد التهامي

أحدن يبيع رخيص وأحدن يسومه= تحصل أسمي مع كبار الأسامي

بشعر اليا مر الخشوم معرومه= يطيح من عوج الخشوم العرامي

وقل للمغفل لا يواصل هجومه= ترى نضامه يختلف عن نضامي

ما بيني وبينه نقاش وخصومه= مخاصم الجهال عيب وحرامي

حياك يابو غانم :p
 

عقد ألماس

عضو نشط
التسجيل
9 أكتوبر 2005
المشاركات
648
الإقامة
الكويت
حييت وحي ماجبت
ويعطيك الف عافيه ارحبو على الرديات والسوالف الطيبه

ولا عليك أمر هات قصة شليويح العطاوي مع البنت القحطانية اللي تمنت شوفة شليويح وعند ما شافته ... قالت له : ذكرك جاني وشوفك ما هجاني


ومثل ما قال بو غانم أضرب على قوقل وعطني علومه :)
 

عقد ألماس

عضو نشط
التسجيل
9 أكتوبر 2005
المشاركات
648
الإقامة
الكويت
حييت وحي ماجبت
ويعطيك الف عافيه ارحبو على الرديات والسوالف الطيبه

ولا عليك أمر هات قصة شليويح العطاوي مع البنت القحطانية اللي تمنت شوفة شليويح وعند ما شافته ... قالت له : ذكرك جاني وشوفك ما هجاني


ومثل ما قال بو غانم أضرب على قوقل وعطني علومه :)


أعتذر من أخوي أرحبو ما قصدت الإساءة ..
 
أعلى