اعتقد السوق سيبدأ مرحلة الهبوط

[TechnoFund]

خلال الايام القليلة القادمة، إذا اكمل السوق هبوطه أقل من 13,530 .. اعتقد ان احتمال النزول القوي سيزيد بنسبة تفوق 80% ..

مجرد وجهة نظر للمضارب اكثر منها للمستثمر.

وجهة نظري قابلة للنقاش ومعرضة للخطأ !

 

[garmin]

وين المحللين

وجهة نظر تحتاج وقفه

شكرا لك

ننتظر مشاركات المحللين

اخوكم
بوفواز

 

[بوسعود66666]

عضو مميز وعضو محترف ؟
وين الاعضاء النشطاء
علشان يفيدونا

 

[الفارس الجسووور]

عضو مميز وعضو محترف ؟
وين الاعضاء النشطاء
علشان يفيدونا

يا يبه انت ما حفظت الدرس للحين ... يعني كل ما نزل السوق 100 نقطه يطلعلك تحذير بان السوق راح يكمل انت ناسي ان الشركات على وشك اعلان الارباح ؟؟؟ يعني لو احنا بعد التوزيعات جان قلنا والاخ اللي فاتح الموضوع قال ان كلامه قابل للخطأ والصواب يعني انت وجميع الاخوان ريحو اعاصبكم السوق بيكمل صعود وهذا مجرد هبوط صحي وطبيعي ومهم ودليل على ان السوق ماشي تمتام تطمن يبه

 

[garmin]

عضو مميز وعضو محترف ؟
وين الاعضاء النشطاء
علشان يفيدونا

آنا أشوف ممكن يكمل نزول ..حسب نظرتي البسيطه ..

لكن ودي أشوف كلامي هل يطابق التحليل


وباجر اذا ما مسك على 13530

راح ممكن يكمل نزول الى 13240 تقريبا

محترف تداول يفرق عن محترف تحليل

نبي كلام تحليل فني ماهو ضرب ودع

أخوك
بوفواز

 

[بو سليمان]

سقوط شي عادي
لكن انا اشوف السوق سيكون متذبذب حتي نهاية الربع الاول

و النزول و الصعود هي فرحت المضارب و رزقه فيه

السقوط الحر لن يحصل الا بعد فترة

 

[بو سعود2003]

كل واحد يعتقد على كيفه وياخذ السهم اللي يريحه والسوق قوي ودسم بس لا تشتري اي سهم وتكون مقتنع من السهم قبل ما تشتريه تكون ارباحه ممتاز


والسوق متوازن

 

[K.U]

السوق شكل نموذج وتد صاعد والوتد الصاعد غالبا ما يكون نموذج تشاؤمي واليوم كسر دعم هذا الوتد واغلق تحتها مرفق شارتين الشارت الاول يبين الوتد الصاعد ومنطقه الكسر ونقطتين دعم والشارت الثاني يؤكد الدعم الاول وهي وجه نظر قابله للصواب والخطأ

TechnoFund استاذ كبير ما اعقب على تحليله ولكن مشاركه وجه النظر لا اكثر ولا اقل

 

[بوسعود66666]

عاشو النشطاء

 

[خبير النفط]

السلام عليكم شنوا اعلى رقم وصل له السوق منذ بدايه العام ؟؟؟؟

 

[UNIX]

المؤشر السعري فشل مرتين بكسر المقاومة عند 13706،، و تقريباً في مؤشرات بدت توضح ان السوق متجه الى ال bearish sign

مثل ما تفضل أخوي بو سليمان ما راح يكون في سقوط حر الحين، السوق في ترقب لاعلانات ارباح الشركات الكبرى الأخرى و بعدها راح يصير رالي لي قبل التوزيعات "الجمعية العمومية"

و الله الموفق،،،

 

[K.U]

السلام عليكم شنوا اعلى رقم وصل له السوق منذ بدايه العام ؟؟؟؟

13.701.60

 

[خبير النفط]

كان مفروض يوصل +\- 13800 بعدين يبط لاكن احتمال ان بعض الناس خونوا يعنى تغدوا بربعهم قبل لايتعشون فيهم ربعهم
ماعادت الكلمه تصمل المهم تحقيق الربح للمحفظه

 

[Cha3bar]

السلام عليكم

بعيدا عن دقة قراءة مسار السوق فنيا إتخذت قرار بتسييل المحفظة الأسبوع الماضي والإحتفاظ بالكاش والإكتفاء بالتفرج على نتائج الشركات وتوزيعاتها لأرتب أوراقي وأحدد مساري قبل أو بعد الجمعيات العمومية لأن وايد أسهم أشوفها تضخمت وأسهم أخرى أشوفها مضاربية والباقي الرؤية ضبابية بالنسبة لي

 

[المحتار 68]

توقعاتي السوق راح يكمل نزول

وان شاء الله يكون هالتوقع خطاء

 

[((بن حسين))]

اعتقد ان نظرة المحافظ بالفترة القادمة التوجه للشركات التي لم تأخذ نصيبها من الارتفاع​

 

[سعود222]

الله يستر

 

[kndor]

ان شاء الله ماراح يكمل نزول الحين تو الناس على النزول مع الفرص فيه اسهم يحق عليها النزول واسهم ما استفادت كلش من هالصعود بالعكس خسرانه
ومو ناقصه نزول

 

[الفال الطيب]

والله قلة السيولة ما تبشر بخير ..!

 

[الأزدي]

بعد كسر القمه السابقه قد يختبر المؤشر العام نقطة 13550 ثم 13456