نمى الى علمي ان هناك طلبة في التطبيقي ( التجاري ) تم فصلهم من المعهد وذلك لتدني درجاتهم عجيب هذا القرار يجب اعطاء ابنائنا فرصه اخيره حيث الفصل اتى من تدني درجاتهم وليس من امور اخرى ونحن نطالب الهيئه العامه لتعليم التطبيقي مراجعة هذا القرار لانهم على وشك التخرج واعطائهم الفرصه ونحن على ابوب اعيادنا الوطنيه المباركه والكل يعلم مستوى التعليمي وضعف المستوى في التدريس هوؤلاء الطلبه لا يملكون المال لذهاب الجامعات الخاصة وابائهم ليسوا اغنياء ولا مقاولون نتمنى اعادة النظر في هذا القرار ولفته انسانيه لابنائنا وبناتنا
اخوي ابي اقول جم شئ استحملني. 1- الطالب على وشك التخرج لا يعني انه تخرج. لازم يعدي باقي المواد بنجاح. مثل طالب الثانويه العامة مو شرط انه ينجح في امتحانات الثانويه. 2- طرد الطلاب يكون بعد ثلاث انذارات. يعني الطالب كان على علم مسبق بانه في خطر بس ما سوى شئ ما درس او ما داوم. يعني الاداره (تطبيقي او جامعة) تعطي الطالب فرصه كافيه يشد حيله ويعدل وضعه بس ماكوا فايده. الجامعات الخاصه مثل ما تقول ما تعطي الا انذارين فقط و بعدها يطرد الطالب. 3- الطلاب الي تتكلم عنهم مفروض انهم رجال ويعرفون مصلحتهم وينهم من مصلحتهم. كافي دلع ما خرب التعليم في الكويت الا هل الدلع. 4- اذا هم فقراء لازم كانوا يعرفون مصلحتهم. هذي فرصه لتعليم من الكويت ببلاش ليش ما كانوا قد المسؤوليه. 5- وين اهلهم عنهم ليش ما شدوا عليهم من اول و ثاني و ثالث انذار. 6- ليش حطيت على التدريس و قلت عنه متدني. بس ما قلت عن هل الطلبه ان مستواهم متدني. لو ان التدريس متدني (و يمكن فيه قصور) ليش مو كل الطلبه انفصلوا بسسب تدني درجاتهم مدام مو قاعدين يفهمون من مدرسينهم. ليش فيه طلبه متفوقين و طلبه ممشين.
لو سمحت نبي رأى علمي ما نبي رأى فوقي و تتكلم كأنه القرارات بأيدك و يشرفنا و يشرفك و يشرف كل انسان انهم فقراء و بعدين كلامكم هذا كأنه ذرة رمل في العين و كفاية اراء ارتجالية تبي اتزيد عدد الطلبة يقعدون علي القهاوي
أأيد كلامك و بقوة،، الله يرحم أيام أمريكا ماكو شي اسمه ماما و بابا،، شدينا الحيل و رفعنا رووس أهلنا، الحمدلله رب العالمين. و الله الموفق
وبعدين اخوي المحسود احنا فقارى وشدينا غلى انفسنا ودرسنا وبعدين يا اخي انا برايي الواحد كل ما كنت ظروفه اصعب المفروض يطلع قلبه ويعرف مصلحته وين ويشد حيله لان اذا ما استغل هالفرصة يمكن اهله ما عندهم مجال يصرفون عليه يدرس عموما الله يعينهم ويسهل عليهم امرهم ويوفقهم
معليش ولكن أعرف وحده عطوها 3 انذارات وفصلوها ثم ارجعت بقدرة قادر وأخذت بعدها انذارين وبعدها تخرجت يعني لعب بلعب ..طبعا سالتها قالت شغل واسطات..وتحيا الكويت
ردا على الاخ صاحب مقوله تحملنه شوي اليوم انا بنفسي رحت الهيئه العامه للتطبيقي ووجدت كل المدراء والعمداء موجودين ولكن لا يستقبلون احد واذا تبيني اقولك الاسامي انا حاظر من العميد الى مساعد العميد وجيش من السكرتاريه يبخرون الغرف والشباب واقفين ساتول بره ليلحين تمدح ؟ عيل انا بقولك جم كلمه تحمل احنا مو مثالين وايد ايام الي انت كنت تذكرها مافي كمبيوترات وله في رياضيات حديثه اكو بابا وماما ويمه
