تكفون ياحكومة لاتزيلون ديوانيتي الخارجية !!!

[ابو غانم]

هذا لسان حال المواطن الكويتي وهو يقرأ الأخبار بإزالة الدواوين الخارجية .. والله لو مساحة بيتونا نفس مساحة بيوت الامارات أو قطر من 1500 متر وفوق ماقلنا شي .

بس مساحة البيوت والله بعضها 270 متر والديوانية فعلا متنفس للشعب الكويتي .. والله حرام يشيلونها الا عاد الديوانية اللي مضايقه الجيران ومسكره الشارع هذي مشكله صراحه .

وأنا أقول بعد تكفون ياحكومة لاتشيلون الدواوين :

 

[ALJAMAIKY]

والله انا اييدك جملة وتفصيلا تصدق ان الديوانية تحفظ النشأ وتقلل الزحمه وتوفر مصاريف لان لومافى دواوين الواحد بيروح يفتر بالشارع ولا بيدورله قهوه وبيصرف فلوس المهم انا مثلك مؤيد الديوانية الى مو مسويه ازعاج للجيران وشكلها حضاري ويعتبر تجميلي للمنطقه بصراحه حرام يشيلونها وفى بعض الدواويين اهلها والله مايستحون لدرجة مره شفت ديوانية اكبر من البيت نفسه وفى بعض الناس اقسم بالله مايستحون وماتنلام فيهم الحكومة تارس كيربي بشكل تقشعر له هدب العين لا ومقسم غرف ومؤجرهم المشكلة الشين خرب عالزين

 

[zoya_y]

هممم تعاطفاً مع الشبيبه مع إني كنت من المعارضين بشده وجود هذه الدواوين ... بس لازم تحترم الحكومه رأي الشباب الكويتي وتلبي مطالبه ​

هذيل عماد الوطن وحامي حماه ... الله كريم ​

 

[نيويورك]

نظرا لمطالبات المواطنين قررنا تأجيل الموضوع ستة شهور .. يعني نسينا الموضوع علشانكم .. بعد اشتبون .. حاضرين

http://www.alwatan.com.kw/Default.aspx?MgDid=596944&pageId=26

 

[ابوعايض]

لازم الحكومه تحسم الدواوين مو كل شوي تطلع وتهدد المواطنين بازالة الدواوين
لا والقهر القانون ما يطبق الى في ام الهيمان والصباحيه فقط قمة المسخره
الدواوين فيها علوم ارجال واجتماع الاهل والاصحاب وفيها يتربا عيالنا من شيبانهم واخوانهم الكبار
الحكومه المسخره بدال لا تزيل دواوين الآباء والاجداد ليش ما تروح تزيل اوكار الدعاره والاماكن المشبوهه

 

[zoya_y]

لازم الحكومه تحسم الدواوين مو كل شوي تطلع وتهدد المواطنين بازالة الدواوين
لا والقهر القانون ما يطبق الى في ام الهيمان والصباحيه فقط قمة المسخره
الدواوين فيها علوم ارجال واجتماع الاهل والاصحاب وفيها يتربا عيالنا من شيبانهم واخوانهم الكبار
الحكومه المسخره بدال لا تزيل دواوين الآباء والاجداد ليش ما تروح تزيل اوكار الدعاره والاماكن المشبوهه

أي مو أبوي ما يقدر إلا على أمي ​

 

[INFINITI]

نطرو بس
بييكم خبر حتى ممنوع المخيمات بالربيع
انا ما أقول الا (فوق الهريسه معبوج . شلون تصير يا أم هيله)
وعسى بس مايزيلون الشاليهات ويقولون تشويه لمنظر الحضاري

 

[نوط بو ربع]

سبحان الله ! المواطن كأنه زوج أم الحكومه ! أي قرار فيه تعكير صفو المواطن وإقلاق راحته تلقا القرار ينفذ ويطبق من حينه ... قرارات إكسبرس ... حدائق المنازل , الديوانيات , المظلات , خيمة بالحديقه شيلها ! شكو مادري ؟! ويخصصون لجنه لكل محافظه لمتابعة التنفيذ , وإعلانات في الصحف اليوميه ويصورون لك أعضاء لجنة إزالة التعديات بجرافاتهم المجحفلة وعلى وجوههم فرحة النصر المظفّر على المواطن المعتدي والمغتصب لتراب الوطن وذلك بإزالة خيمه عامود بناها هذا المعتدي الآثم في حديقة منزله ؟! وكأنهم جنودنا البواسل في حرب تحرير الكويت ... قرار ضد المواطن يمرر وينفذ بسرعة البرق ؟!
ولكن قرار من مصلحة زوج أم الحكومة - المواطن - تلقاه يمشي مثل مشية سلحفاة حايشها التهاب في المفاصل وتموت هالسلحفاة والمواطن لم يحقق غايته المرجوّه من حكومة السلاحف ؟!

 

[trader_1]

ما تدرون عن حركات الحكومه لما تتضايق ولا تنبعص تهدد بإزاله الدواوين ليش أغلب الأعضاء ديوانيته 50 متر في 12908445 متر ....

مره إزاله و مره رفع أسعار و مره ضرايب شفيكم هذا حكومه الكويت و صل على النبي ... تمشي مع سياسه "" سيب و أنا أسيب ""