ارجو المساعده من االاخ ممدوح والعطار خصوصا

[الصايغ]

يعطيكم العافيه او اتمني المساعده الكافيه الوافيه من الشباب او خصووصا العطار او ممدوح
بغيت اعرف رايكم في AFRR Ivoc
بغيت اعرف ايهما الافضل
او اشكثر راح يصعد او متي يصعد او افضل وقت حق شراائه

 

[alattar]

هلا بولد العم يالله اتحييه

ياولد عمي ابتعد عن الأثنين بما ان شارت الديلي والويكلي غير واضحين معناته الاسهم اتخرع حتى لو كان هناك فرصه ان يصعدون مافيها حسايف اهم شي انك بالأمان واذا كنت من المبتدئين بالسوق افضل الأبتعاد عن اسهم البني اللي مثل هذا النوع

واي سهم عندك انا بالشوفه ولايردك الا اللسانك

بس ودي اسئلك انت من الكويت ولا من اهل الدمام


تحياتي

 

[الصايغ]

الله يسلمك ما اتقصر او يعني هذه راايك
عيل شنو تنصحنااا تري انا توني مبتدئ
او مابي غيير بالبني ستوك غيره مابي


او انا الصايغ الي بالكويت بيت محمد علي

 

[alattar]

اخوي الصايغ

ياولد العم انت حر بما انك مصمم على البني ولكن يعلم الله اني غير متابع الى اي سهم بني من اللي قلبك يحبه الا سهم واحد بس ماعطى نقطة شراء الى الحين ومتى ماعطى نقطة شراء سوف اذكره اذا شاء الرحمن


وسوف اعطيك اسمه ولكن لاتشتريه الا لمن يعطي نقطة شراء واضحه

BBAN


تحياتي

 

[الصايغ]

والله يا ولد العم انا مو مستعيل علي شي بس انا حاليا قاعد اتعلم
بعد تدري المبتدئ اول ما يطقطق يطقطق بالبني فااا مدام جذي انشووف علي الي وصيتنا علييه او انتابعه والرزق علي الله
او الله يرزقناا يمعود وراانه زوااج