اخوى اسأل واحد مجرب
انا اختلفت مع البنك ,, وعلى طول توجهت البنك المركزى ,, شاد حيلى
طبعا ماراح اقولك شلون وصلت للمسئوله فى البنك المركزى ,, ستين واسطه وخمسين تلفون بس علشان تكرم وتقابلنى ,, تكرمت و قابلتنى
معاى ملف فيه جميع الاوراق والتقارير اللى تثيت انه البنك اخل بالاتفاقيه هذا سنه 1999 والاتفاقيه كانت 1996 ,, الاخت وانا قاعد اتكلم واشرح واقدم الاوراق ,, وشاد حيل امى وهى ولا بالبال يدق التلفون ترفعه تمر موظفه تحاجيها ,, للامانه ,,ارتفع الضغظ
اخر ردها على خل الاوراق واحنا نشوف ,, بلشنا بفلة الادب ,, خلنا نشوف ,, تاكدت انه ماوراها الا الخرطى ,, قلت لها ليش عيونج مو براسج الحين عطينى رد ,,كبرت هالكلمه براسها ,, هات ياصراخ
رحنا المحكمه ,, كسبنا اول درجه وخسرنا بالاستئناق شلووون ما ادرى سنة 2005 عاش قضائنا
وعلى بالك ايست لا والله ,, الحين لفيت على شركة التامين ,, ودايركت شركة التامين تسحب البنك معاها ,, وما زالت القضيه قيد التداول ,,
ترى مو دايما البنك على حق
البنك المركزى يمثل علينا ,, المركزى يقولك نحمر العين عليهم وموظفينه اكثر ناس مستفيدين من البنوك ,, شهالجمبزه
اخوى تاكد انك على حق قانونيا ,, ودوغرى على المحكمه بلا مركزى بلا يحزنون ,, على الاقل تسدد اصل المديونيه,, وما يمنع فوقها شئ معقول ,, لكن التسويه لاطبنا ولاغدا شرك ,, يا انهم بيزيدون المده عليك ,, او انهم بيخلون عليك دفعه اخيره ,, لااااااااااااااااا توافق فى الحالتين ,, انت على حق ,, ما عليك منهم ,, حتى اذا رفعت قضيه ووكلت محامى احرص على الحضور جدام القاضى ,, ترى اكثر القضاة يتعاطفون مع المواطن خاصه اذا كان حاضر جدامه يحس انه فى اهتمام وهالمواطن جاد عكس المحامى يدز هالمذكره بيد المندوب ويمشى