ما هي المنتجات التي زادت اسعارها في الجمعيات؟

ahmad2

عضو نشط
التسجيل
2 أكتوبر 2006
المشاركات
574
أى مقاطعه هدفها إجبار التاجر على تنزيل سعره فاشله

المفروض اننا نترك اى منتج ارتفع سعره لتوفير فلوسنا ونقول الله يرزق التاجر من ناس مقتدرين غيرنا .
 

exteq8

موقوف
التسجيل
31 أكتوبر 2007
المشاركات
38
هارديز كان يبيع الوجبه لكبيره ب 1400 الان ب 1800
 

exteq8

موقوف
التسجيل
31 أكتوبر 2007
المشاركات
38
مطعم ولهان اللي بشارع المطاعم سنين وبنين اطلب منه
الوجبه كان سعرها ب1.000 امس طلبت ولا ب1.250
 

baselko

عضو نشط
التسجيل
10 يوليو 2005
المشاركات
1,469
امس رحت محطة الغسيل اغسل سيارتي دشيت محل الزينة للسيارات اشتري سجاد للسيارة سالت الموظف عن سعر سجاد كنت مشتريه قبل 4.250 دينار جان يقول لي ب 6 دنانير قلت له حتى انتوا زودتوا الاسعار ولا يقول صار لنا اسبوع مزودين الاسعار بس مو منا من التاجر زود علينا واحنا لازم نزيد .
 

life-enginer

عضو نشط
التسجيل
30 يونيو 2007
المشاركات
1,188
مطعم ولهان اللي بشارع المطاعم سنين وبنين اطلب منه
الوجبه كان سعرها ب1.000 امس طلبت ولا ب1.250

هارديز كان يبيع الوجبه لكبيره ب 1400 الان ب 1800

السلام عليكم يا أخوان بخصوص ولهان دق على 135 وراح يطلعلك مفتش يحرر مخالفه بوجودك كدليل من شخص أو شاهد والوزاره شغاله بجد من اللي شفته لكن الكلام يحتاجون وقت وشعب جدي بالموضوع يدق ويحط أسمه مو يقول يامعود مالي شغل لأن حتى اللي قالوا زادت علينا من المنشأ المفتشين يطلبون شهاده رسمية أو أغلاق محل مافي لعبه والأوراق كلها للوزير على طول وهناك ظبطني أنت ومعارفك لكن أذا وصلتوا هارديز أقول حدكم مو من حلات أكله سواء بدينار أو عشره دهن معفن وصراصير على الدجاج لا وعنكبوت شوف عيني
 

meshal350

عضو نشط
التسجيل
13 مايو 2007
المشاركات
42
يا جماعه العالم كله زادت عندهم الاسعار مو بس بالكويت ، انا توني جاي من دبي نفس الغلاء عندهم يعنى عندك حليب الاطفال S26 بالكويت سعر العلبه 1,760وبعض الجمعيات 1,800 وسعره بدبي 1,850
 

ahmad2

عضو نشط
التسجيل
2 أكتوبر 2006
المشاركات
574
واخيراً حطو رقم الشكاوي
135
135
135
135

كل ما اشوف هالرقم اضحك !!!

لأنى مره دقيت عليهم لكى اشتكى على محل وقعدت آخذ واعطى وانا متحمس ابى اوضح لهم الصوره ، جان يصدمنى الموظف يوم قال ولد عمى
احنا طنبور طين لا نهش ولا نش يعنى احنا حق المنظره بس عشان يقولون فيه خط ساخن حق الشكاوى ..
 

bo fawaz

عضو نشط
التسجيل
25 يونيو 2006
المشاركات
4,890
دعوه موجهه للشعب لمحاربة ارتفاع الاسعار


استراتيجيه الكر والفر لمحاربة ارتفاع الاسعار الغيرمبرر

1- مقاطعة المنتجات الوطنيه الى تحظى بدعم حكومى مثل شركات الدواجن والالبان

والى تخلو عن شعارهم السابق الكويتى انفع

اول من طالب بزيادة الاسعار الشركات الوطنيه وعلى راسها شركة KDD

للعلم مشتقات شركة KDD فى دول الخليج سعرها ريال واحد فقط

المده المحدد للمقاطعه 3 اشهر مشتقات الحليب تنتهى صلاحيتها فى فتره

قصيره

البدائل كى دى كاو وشركة ABC وشركة نجديه والمراعى والصافى

نفس الجوده وارخص الاسعار

2- مقاطعة مشتقات نستله والبائل شركة المراعى

نفس الجوده وارخص بالسعر

3- الدجاج المجمد ساديا وهلال والشركات الوطنيه مدة المقاطعه 6 شهور

تنتهى صلاحية نصف المعروض

البدائل دجاج فقيه او دجاج حى من المزارع والاسماك والحوم

ايد وحده ماتصفق والحرب علينا كلنا

البائل موجوده بس نبى الاراده

ارجوا نشر المقال لمن قراء لتعم الفائده





منقول للفائده انا راح اطبق لان الكلام واقعى
 

صقرالبحر

عضو نشط
التسجيل
23 سبتمبر 2005
المشاركات
2,701
اللي يحبون الدجاج البرازيلي
مثل ساديا وهلال
حاليا الدجاجه الكويتيه جنسيه اولي
اغلي من البرازيليه الحلوه ب 50 فلس فقط
فالكويتيه اولي

كويتيه 1000 غ 840
برازيليه 1000 غ 790

وخلوا البرازيليات يطيحون بجبد تجارها

تحياتي
 

kuwaitey

عضو نشط
التسجيل
23 ديسمبر 2006
المشاركات
1,507
مساكم الله بالخير ياشباب

انتو ليش حارين نفسكم يبه الحكومة مع التجار ضدكم يعنى مافي فايده

التجار بيمشون اسعارهم عليكم غصب طيب عليك انت يا المواطن ماتدرى

تلحق على الاسعار ولا البنيان ولا الاقساط ولا ولا

انا بنصحكم نصيحه وانتو احرار

انا قلت شلى بعوار الراس قمة ودقيت سلف ورحت الجمعية الاستهلاكية

المشتركه فى الخفجى روحو اهناك وشوفو الاسعار وتعرفون انه تجارنا

يهوووووووووووووووووووووود ولايخافون الله

والله العظيم شوف العين ابسط مثال عصير كى دى دى بــ95 فلس وعندنا

فى الكويت 150فلس

هذا شنو يسمونه البضائع كويتيه وفى السعودية ارخص مننا

فلفل بوديج اهنى سعره 160 فلس اهناك 100 وغيره وغيره وااااااااااااااااجد

حافظات بامبرز الحجم العائلى اهنى اخذ العلبة ام 50 حبه بربع دنانير

اهناك العلبه فيها 70 حبه بسعر ثلاث دنانير وشغلات وااااااااجد ارخص مننا

بكل شى بكل شى

علب الكلنكس .. البهارات .. الدجاج .. المعلبات ... المنظفات ..

الكريمات .... العصائر نص القيمه

حليب كرنيشن ,,,, حليب النيدوو

كيلو الهيل بروحه يفرق بحدود 800 فلس الا دينار مو متاكد

حاربوهم خلوووو بضائع التاجر الكويتى تعفن على الرف وشوف شنو بيصير

ياكثر الكويتين فى الخفجى تحس ان المواطنين الكويتين متفقين على

محاربة التجار وعلى فكره ترا حفر الباطن ارخص من الخفجى يعنى ارخص

من الكويت بواااااااااجد

سألت مدير الجمعية عن الاسعار قلت مافى احد فكر انه يزيد السعر قالى

شركة كى دى دى ارفعت السعر وبعد مارفعو السعر رفضنا تنزيل منتجاتهم

عندنا وبعد اسبوع واحد رجعوها على

على الاسعار القديمه تدرون ليش نزلو الاسعار لان اهناك مافى ظهررررر

يسندهممم طردتهم ببيزه​
 

صقرالبحر

عضو نشط
التسجيل
23 سبتمبر 2005
المشاركات
2,701
شكرا لصاحب الموضوع
والصراحه احنا مطبقين مقاطعة المنتجات
اللي ارتفعت اسعارها ويوجد الكثير من البدائل
وانا ادري ومتاكد انه الكثيرين مثلي قاعدين يطبقون
المقاطعه وهذا الاخ بوفواز طلع وياي
فلا تقول شدعوة السالفه واقفه علي بروحي او شدعوة
التاجر بيخسر اذا انا ماشريت بالعكس لاتحبط نفسك بنفسك
وتخلي الجشعين ينتصرون عليك وتاكد انه معاك الله ثم الكثيرين
وارفع شعار لالالالالالا للغلاء

موفقين
 

كاتب_متقاعد

عضو نشط
التسجيل
1 يونيو 2007
المشاركات
250
يا اخوان مطعم ملك المشويات يمشى والحمدالله عكس الاتجاه كان ماعون الكباب بدينار الحين 850 فلس :)
 
أعلى