مطلوب جهاز لاسلكي Uhf

[أسمراني]

مطلوب جهاز لاسلكي الدولي مع دايركشين

الاتصال على 9756568

بو مبارك

 

[نوط بو 1000]

موفق اخوي..

عندي جهاز سي بي 40 موجه جديد بكرتونه..

أدري مو هذا طموحك بس حبيت أعرضه عليك

 

[عضو سري]

دقيقة ياجماعه ابي الجهاز هذه اللسلكي يفيد بشنو ممكن الافادة تراني ما اعرف جزاكم الله الف خير

 

[نوط بو 1000]

دقيقة ياجماعه ابي الجهاز هذه اللسلكي يفيد بشنو ممكن الافادة تراني ما اعرف جزاكم الله الف خير

هلا بالحبيب

هذا جهاز لاسلكي مثل مال الدوريات بس يستخدم بالسياره تركب له ويلس او تحط له اريل فوق السطح و تستخدمه في البيت..

يستخدم للتعارف و السوالف بين الشباب..

هذا بالنسبه لجهازي اما للجهاز إللي الأخ طالبه كبير شوي مثل الفيديو و يستخدم في البيت و تكلم فيه ناس من دول العالم حسب قوة ارسالك و استقبالك..

إن شاء الله تكون المعلومه وصلت

 

[أسمراني]

تشكر اخوي عضو سري لا فديتك عندي انا السيبي كوبرا وشنو الي عندك وجم تبيه يمكن احد يبيه اعرضه لك


كفيت وفيت نوط بو الف كلامك عدل في عدل ما اقدر اعقب على كلامك والله مشاء الله عليك

 

[غيلان 1]

نوط ابو الف

كم تبي بجهازك

 

[نوط بو 1000]

أخوي أسمراني ما قصرت على كلامك الطيب..

الأخ غيلان 1 قبل ما أعطيك السعر رحت أدور الجهاز في المخزن خبرك مادري عنه من سنين توقعت يمكن حد من أخواني ماخذه بس الحمدلله لقيته

عندي جهازين الأول نوعه Realistic TRC - 482

و الثاني نوعه Radio Shaek TRC - 481

الجهازين 40 موجه سيتيزن باند و حجمهم صغير و بكراتينهم..

ابي الواحد ب50 دينار نهائي و إللي بياخذهم أثنينهم له محول كهرباء للبيت جديد هديه

 

[عضو سري]

يعطيك الف الف عافية بوطلال على الافادة الطيبة بس الى اعرفة انه اللاسلكي اهوه حق التجسس في طبعا هل جهاز موجود بالكويت واعتقد اسمه جاكور وفية بعد جهاز وايد وايد قوي مادري شنو اسمة ايبلكم اسمة وانشاء الله اذا في شي طيب لك يابوطلال افا عليك اخو عزيز وغالي تامرني امر حبيب حبيب

 

[نوط بو 1000]

يعطيك الف الف عافية بوطلال على الافادة الطيبة بس الى اعرفة انه اللاسلكي اهوه حق التجسس في طبعا هل جهاز موجود بالكويت واعتقد اسمه جاكور وفية بعد جهاز وايد وايد قوي مادري شنو اسمة ايبلكم اسمة وانشاء الله اذا في شي طيب لك يابوطلال افا عليك اخو عزيز وغالي تامرني امر حبيب حبيب

الله يعافيك يالغالي

بالنسبه للجهاز إللي تقصده هو السكانر يتجسس على التليفونات و ترددات الشرطه و غيرها وهو ممنوع شرعاً و قانوناً..

الجهاز اللي عندي للدردشه بين الشباب وهو مسموح فيه و ممكن تطلع له ترخيص من وزارة المواصلات بشرط يكون عندك كتالوج الجهاز علشان يتأكدون من الترددات إللي يستقبلها..

الجكوار هذا تليفون يركب حق خط البيت و يوصل مسافات كبيره يمكن إختلطت عليك المعلومات

 

[عضو سري]

والله مادري وانا اخوك ماعرف حق اللاسلكي ههههههههه يا الله ماعلية ومنكم نتعلم


الجهاز الى عندك بوطلال ممكن تعطيني مواصفاته عندي واحد خبرة يشترية منك عطني مواصفاته حبيب بوطلال

 

[نوط بو 1000]

والله مادري وانا اخوك ماعرف حق اللاسلكي ههههههههه يا الله ماعلية ومنكم نتعلم


الجهاز الى عندك بوطلال ممكن تعطيني مواصفاته عندي واحد خبرة يشترية منك عطني مواصفاته حبيب بوطلال

مواصفاته مثل ما ذكرت لك 40 موجه و جديد بكرتونه مع مكرفونه و قاعدة التركيب للسياره و أغراضه..

و إذا تحب تعرف مواصفات اكثر حط اسم الجهاز في قوقل و بتطلعلك و إذا حبيت تشوفه عالطبيعه أنا حاضر عندك رقمي و تعرف مكاني كلمني و ما يصير خاطرك إلا طيب.

 

[أسمراني]

نوط فديتك احصل عندك اريل للسيبي مع كيبل 20 متر لان عندي السيبي والاريل اهملته كان عندنا بنيان وانكسر فا اذا عندك عطني سعره اذا ممكن

 

[Rowdy]

الاجهزه هذي موجوده بشركة ريديو شيك بالشيوخ تحصلونها بالمجمع اللي فيه يوريكا طابق الاول اكو انواع بس لازم تأخذ لها ترخيص وبعدين يبيعونها لك

 

[نوط بو 1000]

نوط فديتك احصل عندك اريل للسيبي مع كيبل 20 متر لان عندي السيبي والاريل اهملته كان عندنا بنيان وانكسر فا اذا عندك عطني سعره اذا ممكن

لا والله يالغالي أنا كنت أمارس هالهوايه من قبل الغزو و وقفت بال93 تقريباً وما بقى عندي غير هالجهازين

تحصل عند العصفور في البلوكات (سوق الديره) أو مؤسسة الأسوار مقابل مطافي السالميه بس مو متأكد إذا للحين موجود لأن خبري فيه من سنين.

 

[نوط بو 1000]

الاجهزه هذي موجوده بشركة ريديو شيك بالشيوخ تحصلونها بالمجمع اللي فيه يوريكا طابق الاول اكو انواع بس لازم تأخذ لها ترخيص وبعدين يبيعونها لك

مشكور أخوي عالمعلومه والله تطورنا ، كنا نهربهم بالواسطه بالخش و الدس

عموماً أنا أببيعهم بدون ما تاخذون ترخيص و إللي يبي يطلع ترخيص بعدين بكيفه.