تمويل خليج امس حد اعلى والسبب!!

[*بو عبدالله*]

السلام عليكم ورحمة الله وبركاته

طبعا سهم غني عن التعريف صراحة واثبت وجودة العام الماضي بعد ارتفاعة اكثر من 100%

امس السهم كان متفسخ وسعر الاساس له على ال 970 وفتح 990 واغلق مطلوب بالحد الاعلى على 1040 مليون ونص سهم تقريبا

قبل شوي وصلني كلام من احد الاشخاص ان التمويل الخليجي غدا حد اعلى

والسبب وجود خبر قادم من السعودية


اعتبروا هالكلام اشاعة لكن تابعوا السهم


وهذا ما وصلني للامانه


بالتوفيق للجميع

اخوكم


​

 

[الوزني]

السلام عليكم ورحمة الله وبركاته

طبعا سهم غني عن التعريف صراحة واثبت وجودة العام الماضي بعد ارتفاعة اكثر من 100%

امس السهم كان متفسخ وسعر الاساس له على ال 970 وفتح 990 واغلق مطلوب بالحد الاعلى على 1040 مليون ونص سهم تقريبا

قبل شوي وصلني كلام من احد الاشخاص ان التمويل الخليجي غدا حد اعلى

والسبب وجود خبر قادم من السعودية


اعتبروا هالكلام اشاعة لكن تابعوا السهم


وهذا ما وصلني للامانه


بالتوفيق للجميع

اخوكم


​

الله يبشرك بالخير بو عبدالله
على نقل الخبر

 

[anacardia]

بعد التجارب دائما عقب تفسخ السهم تخرج لنا الشركات بأنباء عديدة لرفع قيمة السهم ليبدأ بعد ذلك التصريف بالعالي ، عموما السهم فيه خير لكن الحذر واجب

 

[*بو عبدالله*]

العفو يا شباب ما ادري بصراحة شنو الخبر

بس الحذر واجب ولا تشتري الا بقناعتك

عموما السهم استثماري بالدرجة الاولى


بالتوفيق

 

[*بو عبدالله*]

8:51:6 ِ.وقف التداول باسهم (تمويل خليج)لحين ورود ايضاح بخصوص ما نشر فى بعض الصحف
يعلن سوق الكويت للاوراق المالية بانه تم وقف التداول باسهم شركة بيت ‏
التمويل الخليجي لحين ورود ايضاح بخصوص ما نشر فى بعض الصحف ‏
المحلية.

 

[mash3el]

الله يعطيك العافية اخوي ابو عبدالله على هذا الخبر

وإن شاء الله يرزقنا ويرزقك

 

[*بو عبدالله*]

السهم عاد الى التداول ووصل حد اعلى

حاليا حد اعلى الا طقة


بالتوفيق

 

[Buffett]

صبحك الله بالخير أبو العببببببببد ..

شرايك ناخذ الحين ؟؟

 

[*بو عبدالله*]

هلا دكتورنا

والله مادري يقولك بس السهم ممتازل للاستثمار مو للمضاربة يعني ما منه خوف

اذا فيك صبر 3 اشهر ممكن تدخل عليه



بالتوفيق

 

[*بو عبدالله*]

وقت حدوث اي تصحيح راح يكون فرصة جيدة لاخذ مراكز للاستثمار

ولو اني اشوف ان ال 1000 دعم جيد جدا ان شاء الله للمستثمر

 

[al7mly]

ودي اعرف شغله سهم وزع ربحيته وتفسخ؟؟؟؟؟؟
حد اعلي يومين شكو ؟؟؟؟؟؟؟؟ نفسي افهم يعني اللي خذاه الحين بيقعد سنه كامله ينطر ارباحه ... زين ليش ماخذه قبل انتهاء السنه الماليه وابيعه بعد التفسيخ وكهذا ..حد يفسر لي الشغله هذي

 

[البحرين]

التطبيل وما يسوي ، مستغلين نشاط عصام جناحي وكثرة الاخبار لجذب المضاربين والتصريف عليهم. السهم محترم واستثماري درجة اولي بس هذا مو سعرة، تو الناس.

 

[*بو عبدالله*]

ودي اعرف شغله سهم وزع ربحيته وتفسخ؟؟؟؟؟؟
حد اعلي يومين شكو ؟؟؟؟؟؟؟؟ نفسي افهم يعني اللي خذاه الحين بيقعد سنه كامله ينطر ارباحه ... زين ليش ماخذه قبل انتهاء السنه الماليه وابيعه بعد التفسيخ وكهذا ..حد يفسر لي الشغله هذي

انا اقولك واعتبرها تفسير شخصي او وجهة نظر شخصيا

بعد الاداء الملفت للسهم في العام الماضي وارتافعة الى اسعار ممتازة للمستثمرين بالتاكيد وخصوصا كان سعر تفسيخة العام الماضي بحدود ال 600 فلس واستمر النزول الى ال 500 ولامس ال 475

وفي نهاية المطاف وصل السهم الى 1180 فلس قبل التفسيخة لهذا العام

فبالتالي الكثير من الناس وانا شخصيا انصح الكثير بان يغلب على نشاطه في الاسهم الاستثمار وليس المضاربة وهذا ما يعني انه يستلم ارباح فقط ولكن الاستفادة الارتفاعات التي قد تكون استثنائية


الخلاصة

ان السهم استثماري واتصورر ان هذا العام قد يحقق 50% للمستثمر وخصوصا ان السهم لديه مقومات الصعود من ارباح تشغيلي وعقود ضخمة وادارة جيدة وصانع سوق جيد فدخول المستثمرين قد يكون السبب الرئيسي الي صعدة لمدة يومين والسبب الثاني هو العقد الاخير في الجزائر


بالتوفيق

 

[راعي سيمنز]

ما طار طير وارتفع إلا كما طار وقع

اعتقد اخوي بو عبدالله مثل ما لاحظنا على اكثر الشركات اللي تتوالى فيها الأخبار والصفقات مع صعود للسهم نجد انه يتم فيها التصريف بالعالي وبعدها نجد السهم طاح اكثر من 40 %

 

[*بو عبدالله*]

كل سهم بالتاكيد معرض للنزول اخوي راعي سمنز

لكني ذكرت انه السهم للاستثمار ان شاء الله مجدي


طبعا افضل ان ننتظل عملية تصحيح بالسوق ممكن نحصل السهم بافضل الاسعار


ولو يطيح السهم 40% من سعره جان ادخل عليه بكل فلوسي

 

[راعي سيمنز]

احسنت يا بوعبدالله وبارك الله فيك وعساك على القوه
الله يستر على الكل ولا يخسر احد ويرزق الأخوان بالربح الحلال الطيب

 

[البحرين]

كل سهم بالتاكيد معرض للنزول اخوي راعي سمنز

لكني ذكرت انه السهم للاستثمار ان شاء الله مجدي


طبعا افضل ان ننتظل عملية تصحيح بالسوق ممكن نحصل السهم بافضل الاسعار


ولو يطيح السهم 40% من سعره جان ادخل عليه بكل فلوسي

وانا اتسلف وارهن اللي جدامي واللي وراي وادش علية بس خلة ينزل 40%