1. السهم الامريكي

    السهم الامريكي عضو نشط

    التسجيل:
    ‏5 أكتوبر 2004
    المشاركات:
    4,134
    عدد الإعجابات:
    17
    مكان الإقامة:
    طبعا الكويت
    :rolleyes:عينكم عليها ency

    up up up
     
  2. Qpeedo

    Qpeedo عضو جديد

    التسجيل:
    ‏3 يوليو 2003
    المشاركات:
    287
    عدد الإعجابات:
    0
    مكان الإقامة:
    kuwait
    السلام عليكم
    السهم هذا قصته حلوة ويستاهل الواحد يقرأ عنه ويتابعه والمحللين يكتبون عنه . وهذه قصته معاي :
    أنا متبع من سنتين خوش استراتيجية وهي اني ادور الشركات الطبية اللي تكون راس مالها جيد وعندها عدة منتجات , الشركات هذه دايما تسوي ابحاث عن ادوية جديدة وتصرف عليها مبالغ كبيرة , فأنا أقتن فرصة عدم موافقة ال Fda عن البحث والبتالي تشوف سهم الشركة ينزل أكثر من 50 % في يوم أو عدة أيام وأنا أقعد أتابع السهم ينزل الا ان يبدي يوقف عند سعر ويبدأ يرتفع شوية بشرط ان الفوليوم يرد طبيعي . وهني أبدي اشتري السهم بأقل سعر يوصله. وأنطر عدة سيناريوهات منها : 1-ماينزل خبر والسهم يصعد سعره شوية لأنه وايد يطيح من هالأخبار 2-اذا ابي اطمع انتظر خبر تعديل البحث أو اعادته بس بشرط ان تكون الشركة عندها عدة منتجات بالسوق ومو واقف شغلها على البحث أو الدواء الجديد.
    شريت قبل فترة Ency بناء على الاستراتيجية مالتي :) وكان سعرها في حدود 5 دولار على مااعتقد وراس مالها 190 مليون .وبسبب بحث عن دواء عندهم يعالج الشعب الهوائية فشل جدام ال Fda طاح سعر السهم الى 59 سنت فقمت واشتريته على سعر 69 سنت وكنت حاط ابالي ابيعة بدولار . نسيت الكمبيوتر فتره قصيرة وبعدها تفاجأت بخبر ان شركة فايزر (أكبر شركة طبية راس مالها 140مليار صاحبة الحبة السحرية فياغرا)تبي تشتري Ency بقيمة 190 مليون وبالأصح تبي تشتري البحث اللي فشل...!!!
    فقامت وعرضت شراء الشركة بقيمة 190 مليون أي مايعادل 2.35 للسهم . وبالتالي ارتفع السهم 2.33 ولله الحمد. طبعا لحد الحين ماتمت البيعة في مفاوضات واذا تمت السهم راح يصعد فوووق واذا ماتمت تححححت .
    للعلم بأن في شركة قدمت للي عندهم السهم عروض على 2.35 ومنهم انا . والحين انا محتار ابيع والا انطر استثمر .
    واكتشفت معلومة حلوه , ليش شركة فايزر تبي البحث ؟؟!!
    لأن الفياغرا كان أساسه دواء للدم والشعب الهوائية وبالصدفة اكتشفوا انه يشتغل بمكان ثاني مثل السحر واستغلوه على هالأساس . وهذا البحث الي فشل أعاد القصة نفسها . وبالتالي شركة فايزر تبي تشتري البحث وتركنه , ولا تخلي شركة ثانية تطلع دواء منافس لها اذا تعدى موافقه ال Fda .
    شرايكم ياجماعة أخلي السهم وأغامر ولا أبيع ؟؟ لان عندي مهلة لآخر الشهر بخصوص العرض اللي قدموه لي.
    وشكرا
     
  3. الأرستقراطي

    الأرستقراطي عضو نشط

    التسجيل:
    ‏17 أكتوبر 2007
    المشاركات:
    7,178
    عدد الإعجابات:
    12
    مكان الإقامة:
    OKBK
    يعطيك العافية أخوي Qpeeedo على هالاستراتيجية اللي بصراحة اعجبتني ،،، ولو اني أول مرة أشوف مشاركات لك بالسوق الامريكي ،،، أتمنى ما تكون الاخيرة ،،، بس سؤالي بالنسبة لل fda هل عدم الموافقة على الدواء عادة تكون قطعية أم قابلة للاستأناف و اعادة النظر ،،، تحياتي ،،،
     
  4. Qpeedo

    Qpeedo عضو جديد

    التسجيل:
    ‏3 يوليو 2003
    المشاركات:
    287
    عدد الإعجابات:
    0
    مكان الإقامة:
    kuwait
    الله يعافيك
    بالنسبة للأدوية فانها تمر في أربع مراحل
    منها مرحلة البحث الى مرحلة التجربة على الناس
    وكل مرحلة لازم توافق عليه الاف دي ايه , وطبعا كل رفض يفرق من مرحلة لأخرى بشأن تأثيرها على السهم .كل ماتزيد تأثر أكثر
    المهم ان الشركة تقدر تتظلم وتستأنف من القرار , أو تغير شي بسيط منها مثل تشيل مادة تسبب حساسية مثلا وتعيد تعرضه عليهم
    جرب تتابع الطريقة , وتحصل الشركات هذه من الياهو فاينانس بس سو فلتر على الشركات الطبية الخسرانة خلال 5 أيام أكثر من 50 % من سعرها , بس لازم تقرأ عن سبب النزول .
     
  5. الحبيب الغالي

    الحبيب الغالي عضو جديد

    التسجيل:
    ‏7 مارس 2008
    المشاركات:
    66
    عدد الإعجابات:
    0
    الله يعطيك العافيه