هنا التهاني والتبريكات للكويتين 120دينار كويتي

الحالة
موضوع مغلق

ALJAMAIKY

موقوف
التسجيل
18 أكتوبر 2006
المشاركات
234
هلا

الجمايكى والله ردودك بصراحه رائعه .وانت رائع لانك اطفيت على النقاش الحاد اللى صار بين الاخوان شى من الرذاذ البارد

بس تكفى لاتقولى بعد استريح.

صج الجمال جمال الروح....

هلا اخوي منور يالحبيب ترى عادي كلنا اخوان تبقي اراء وكل واحد حر برايه وبالعكس راح اقولك استرييييييييح بس استريح مالك شوي غير استريح اتفضل شاى قهوة حاضرين يبه
 

nawaf310

عضو نشط
التسجيل
7 أغسطس 2007
المشاركات
105
الحمد لله الذي بنعمته تتم الصالحات
مبرووووووووووووووووك

واقول للي مو عاجبتهم الزيادة
اخذوها وبعدين طالبوا بزيادة
والامور تبي سياسة وليست دفاشة

صح 100%

والحمدالله على كل شي
 

bo5aled

موقوف
التسجيل
17 أغسطس 2007
المشاركات
460
هذا اللي ذابحنه هالحسد انت وامثالك مايستحقون الزياده وانت قاعد تحسد العالم يا اخي عيب عليك وبسك حسد.

قال سبحانه وتعالي في مجكم كتابه الكريم " ومن شر حاسد اذا حسد"

"واذا خاطبهم الجاهلون قالوا سلاما"

وانا اقول لك سلاما

الاخ ضحية المخازن

آنا واحد مو مقتنع بزيادة ال 120 و بنفس الوقت أعتقد ان الزيادة للأجانب ال 50 خلخلت الحسبة و لولاها لكانت الزيادة 200 دينار على الاقل ( نأخذ بالاعتبار ان عدد الوافدين أكبر من المواطنين ) فماله داعي تجريح الاخ infiniti و الاخ aljamaiky وبعدين شنو انت وامثالك و الجاهلون ترا ( وفوق كل ذو علم عليم ) لا تستكبر على اخوانك لأني أراهم أكبر منك شأنا و أذا عندك ذرة ذوق أطالبك بالاعتذار لهم
 

الجاسوسة

موقوف
التسجيل
15 أكتوبر 2007
المشاركات
134
الاخ ضحية المخازن

آنا واحد مو مقتنع بزيادة ال 120 و بنفس الوقت أعتقد ان الزيادة للأجانب ال 50 خلخلت الحسبة و لولاها لكانت الزيادة 200 دينار على الاقل ( نأخذ بالاعتبار ان عدد الوافدين أكبر من المواطنين ) فماله داعي تجريح الاخ infiniti و الاخ aljamaiky وبعدين شنو انت وامثالك و الجاهلون ترا ( وفوق كل ذو علم عليم ) لا تستكبر على اخوانك لأني أراهم أكبر منك شأنا و أذا عندك ذرة ذوق أطالبك بالاعتذار لهم

يجب أن يعتذر ضحية المخازن للأعضاء اللي غلط عليهم​
 

hassankoc

عضو نشط
التسجيل
1 أبريل 2004
المشاركات
4,278
الإقامة
الكويت
احقنا قلنا نبارك يا شباب مو نتهاوش وكلنا اعيال الديره
مبروك
 

INFINITI

عضو نشط
التسجيل
19 سبتمبر 2007
المشاركات
4,316
الإقامة
راس العايــــر
هذا اللي ذابحنه هالحسد انت وامثالك مايستحقون الزياده وانت قاعد تحسد العالم يا اخي عيب عليك وبسك حسد.

قال سبحانه وتعالي في مجكم كتابه الكريم " ومن شر حاسد اذا حسد"

هذا رايي ووجهة نظري غصبن عليك ومو مهم انك تقبلها ولا اتعلق عليها
وانا اعرف العيب قبل لا اتعرفه . وبعدين مو انت اتسويلي فضل
وامثالي يعرفون السنع
مو انت اتعلمنا
الحمد الله والشكر
 

bo5aled

موقوف
التسجيل
17 أغسطس 2007
المشاركات
460
هذا رايي ووجهة نظري غصبن عليك ومو مهم انك تقبلها ولا اتعلق عليها
وانا اعرف العيب قبل لا اتعرفه . وبعدين مو انت اتسويلي فضل
وامثالي يعرفون السنع
مو انت اتعلمنا
الحمد الله والشكر

هدي أعصابك أخوي infiniti ترا هذا شخص ما يحترم أحد لو تشوف مشاركاته مع الاعضاء كلها قلة أدب آنا واثق ان المشرفين راح يحطونله حد
 

ALJAMAIKY

موقوف
التسجيل
18 أكتوبر 2006
المشاركات
234
تسلمون شباب عالمؤازره مايصح الا الصحيح
الجماعة عبالهم هالزيادة من جيوب العالم ولا زكات اموال
موقاعدين يفكرون ان احنا كويتيين ولنا من ارضنا نصيب الجيوش الى ساعدت بتحرير الكويت كلن خذا مايكفية بخشم الدينار على قولتهم
واحنا شنو جزانا صاينيين بلدنا من امية سنة وحابين بعضنا بعض حضر وبدو وشيعي وسنة
حاولوا اكثر من مره يزعزعون امننا لكن عشان احنا شعب ذكى وشعب يحسن النية بكل تصرفاتة
وماقدروا علينا
حكامنا منا وفينا ومانرضي بغير الصباح شيوخ لنا وهالعهد مو توه هالعهد من بداية هجرة العتوب من نجد يعنى قبل 356 سنة ومازلنا على العهد باقوووووون
ولك بالغزو اكبر دليل دوروا بالكويت من الناس الى طلعوا والناس الى بقوا احد يمثل حكومة كويتية مؤقته والله مالقوا ولا احد قاموا جابوا العراقي نسيت اسمه لبسوه كويتي وطلعوه عالتلفزيون
كل هالوفاء شنو جزاااه
واحنا والله نطلب ونتدلع على حكومتنا من باب العشم والمحبه والميانة
لا احنا اهل مظاهرات ولا اعمال ارهابيه ولا مؤامرات والله يديم علينا هالنعمه
شعب طيب والله احنا طيبيين شنو جزانا
والناس صدقنى ماطالبوا الا من بعد الفقر المتقع
الكويتي صارله 20 سنة يصرف على نفسة ويكشخ من جيبة الخاص المعاش من 100 سنة 400 دينار مازاد قبل الجمعية عربانتين تترسهم والله اذكرها انا 40 دينار تكفي البيت شهر
الحين انا بيتي صغير ماجلة الثلاجة 120 دينار شوف الفرق وسيارتنا من معاشنا وملابسنا من معاشنا بانزينا من معاشنا وحاطين قروض عشان بس نلحق عالمعيشة
وانا بوريك التناقض الى خلانا نطالب بالزيادات من باب العشم
500 مليون وديعة حق لبنان لدعم اقتصادها
100 مليون قرض حق باكستان
170 مليون حق جورجيا لبناء محطة توليد كهرباء بعز ازمتنا وبعز حملة ترشيد نبيها خضرة
165 مليون هذا توه قبل اسبوع حق السودان لاقامة مشاريع حيوية حق السودان
ناهيك عن الاردن ومصر وامريكا عمرك سمعت احد يتبرع حق امريكا غيرنا
هذى المواضيع الى تخلينا نطالب ولا لو الدولة ماعندها شي صدقنا نعطيها من ارواحنا ولك في فجحان هلال المطيري عظه كان يدعم الحكومة ايام الفقر وفتح على حسابة اول بنك بالكويت
والطيبين امثاله من اهل الكويت كثر
تخيل ابو يعطيك دينار وعيال الجيران يعطيهم 10 شنو ردت فعلك اول رد علية بتقوله يبه انا ولدك ؟؟؟؟؟؟؟؟؟؟
هذا الى نقصده وبعض القراء موفاهمين الوضع للاسف ولى الحين نرد ونقول طلباتنا من باب العشم عطونا جزاهم الله خير ماعطونا بنظل احنا عيالهم نموت ونحيا عشانهم وارواحنا فداهم
والله يخلى الكويت وشعبها
 

ابو ريتاج

عضو نشط
التسجيل
10 ديسمبر 2007
المشاركات
733
بصراحه الجاميكى كلامك كله عال العال واشكره على الصراحه وحنا عيال الديره خيرها لنا واروحنا لها.هذا الى اقوله وبعض الاعظاء الى شايف نفسه ويهايط على الفاضى شكله مو حاس بلى نحس فيه .... فأنا بصراحه اضم صوتى مع اخوى الجاميكى واقول خلنا نستريح.. وانشالله تزيد الزياده والى مو عاجبه الكلام فأنت شى طبيعى بمكان محوط بأربع طوف وانت عارف شغلك
 

hassankoc

عضو نشط
التسجيل
1 أبريل 2004
المشاركات
4,278
الإقامة
الكويت
مادري ليش احنا معظم الكويتين ما نرقى بأسلوب الحوار والحديث بدون ما انجرح بعضنا البعض والله لو يفكر الواحد بالنهايه ترا كلها لحظة غضب وانا انصح نفسي وانصح اخواني لحظة الغضب لا تتكلم ولا تفعل او تنفعل بالكلام او بالأفعال اكظم غيضك واستعذ بالله الى ان تهدأ ثم تكلم تجد حوارك وحديثك عكس لحظة انفعالك وغضبك كل منا يراجع نفسه قبل لا ينام انا ليش قلت جذي ليش سويت جذي صدقوني الواحد يعيش مرتاح البال لا غلط على احد على ما يقولون اتنام مظلوم ولا تنام ظالم وسلامتكم وتعيشون وبالنهايه هم اقول لكم مبرووووووووووووووك
 
الحالة
موضوع مغلق
أعلى