شركة الوطنية تخسر بسبب الداون لود وتلغي الاشتراكات

[ECLE]

هذي ما تصير حتى في زيمبابوي ..... يعطونك إشتراك مفتوح وبعدين يقولون لك إستخدام سئ؟؟؟؟

الشركة مو غبية للدرجة هذي .... مو محامي إلا طالب حقوق يخليهم يصفون طابور عند مخفر شرق

 

[عازف الجيتار]

الموضوع غريب ومازال مافي خبر من صاحب الموضوع

 

[Prnce]

الموضوع يخص الاخ دارك اهوا صاحب هالمشكلة

 

[meshari meshari]

ارفع شكوي واطلب تعويض عن الضرر الادبي (عن البلاك لست) مؤقتا 5001 وبعدها اطلب تعويض عن الضرر المادي عن قطع الخدمه وتعطيل مصالحك في النت.

 

[dark500]

السلام عليكم ورحمة الله وبركاته جميعا


يااخوان انا مشترك بموقع عرب نوكيا بالاسم اللي سبق وذكرته وانا شفت الموضوع منقول اهني بالصدفه وماني متابع اهني كثر ماني متابع بعرب نوكيا


المهم

اللي يقول اني اروج لشركة زين مستعد اضع رقم تليفوني اللي بيسال عدل


امس اخر مره متكلم مع موظف 121 وصار هوش بالكلام لانه اسماني من مستخدمي النت السيء

الاخ قالي ان جاهم امر بالقطع لمن تعدى ال 100 جيجا عاد بالشهر ولا من الاشتراك مابلغني وقالي ان استخدامي 130 جيجا وفي غيري انقطع عنهم تعدو ال 230 جيجا وقلتله ان هذي حريه لاني ادفع فلوس مو ببلاش وقالي القرار اداري ومايقدر يرد علي غير اني اراجع المبنى الرئيسي وللاسف مافي اداره الا الاربعاء والى الان خطي مقطوع والمدفوع 300 لمدة سنه وماكملت الاربع شهور وانا سجلت امس بالمنتدى على فكره والى الان ماتفعل اسمي واذا على قولة الاخ انها ترويج لزين فانا مستعد اروح لزين اذا كان القطع بهذا الشكل اللي مافيه اي احترام


وللي يبي يتأكد يتصل على 121 ويسال عن الخطوط المقطوعه بسبب الاستخدام السيء واكيد في موظفين بالوطنيه اهني كما هو واضح بالرد ويتأكدون وخل يسال شنو السيء في الامر بيقولون التحميل الزائد


وشكرا للجميع

 

[Prnce]

الله يعينك اخوي دارك بس من حقك تشتكي وتاخذ حقك

 

[dark500]

هلا فيك اخوي برنس وحياك الله بس قهرني اللي يقول اروج لشكة زين اصلا انا مشترك ب 14 لسنتين بالوطنيه والان اشتراك 28 لاربع او خمس اشهر والخدمه ممتازه لكن هالتصرف ديكتاتوري ومشين للشركه بحقنا

 

[ALFARSY]

السلام عليكم انا صار معي السالفه هذي تقريبا قبل سنه ورجعتهم بالعاصمه ودخلت بصراحه بخشومهم وطلبت من مديرهم قلتله ابي اي شي يثبت لي ان الاشتراك في ليمت معين مو تقصون علينا مفتوحه انا عطوني بلاك لست وخلوه ايج المهم بعد يومين تاسفو ورجعلولي الاشتراك بختصار شركه تعيسه

 

[Prnce]

السلام عليكم انا صار معي السالفه هذي تقريبا قبل سنه ورجعتهم بالعاصمه ودخلت بصراحه بخشومهم وطلبت من مديرهم قلتله ابي اي شي يثبت لي ان الاشتراك في ليمت معين مو تقصون علينا مفتوحه انا عطوني بلاك لست وخلوه ايج المهم بعد يومين تاسفو ورجعلولي الاشتراك بختصار شركه تعيسه

ماعطوك تعويض ..
الأسف شيفيد بالله بعد عوار الراس والروحة والجية
بعدين لو لهم حق عليك و 5 فلوس مايسامحونك فيها والحق الحين معاك يتأسفون لك شالفايدة

 

[dark500]

الأخ الفارسي ماعطوك اي تعويض لاني بصراحه كرهت نفسي بهالعطله اما دايل اب ولا كفيه مع انهم مايخلون فلس ابيض لنا الا ويحاسبونا عليه وهالقطع شمل عدد كبير مو حاله ولا اثنين وبصراحه انا اندبست بسبب المقدم سنه ولا فاتح خط ثاني بهالعطله ومرتاح ..

بس ماراح اخليهم الاربعاء لحماية المستهلك والعقد موجود

 

[عازف الجيتار]

بيييييي صج صج صار سالفة نصب عيل خلاص احنا مانحمل كيف ابوهم والله سالفتك يقهر واشتكي ولاتتردد مايفيد فيهم شي يقولك الاسف مايفيد هالايام يقطعني عن النت وانا دافع مبلغ وبعدين يقولون اسفين والله حاله صج قهر الله يكون بعونك

 

[dark500]

اخوي عازف تخيل من سرعه 1.8 الى دايل اب الآن ولان حضراتهم معطلين والمشكله في الاداره فقط والفتره الصباحيه يعني الدعم الفني بالرئيسي يقول مالي شغل راجع المدير

 

[dark500]

تطور جديد


يقولون اللي انقطع خطه ينساه بس اللي دافع مقدم يروح ياخذ باقي مستحقاته ومافي نت ابدا بعد اليوم

 

[عازف الجيتار]

هههههههههههاااااااااااااااااااااي والله حالتهم حاله الله يعينك على الدايل اب احسن شي اتسويه افتح اشتراك الوطنيه شهري او زين شهري بس مو سنوي والله يكون بعونك

 

[(فزاع)]

ارفع شكوي واطلب تعويض عن الضرر الادبي (عن البلاك لست) مؤقتا 5001 وبعدها اطلب تعويض عن الضرر المادي عن قطع الخدمه وتعطيل مصالحك في النت.

وين يقدرون يرفعون هالشكوى ..؟
مجمع المحاكم ..؟ ولا حماية المستهلك ..؟ ولا مخفر ..؟

بعد تعرف ان احنا والله شعب طيب وعلى نياته ومسالمين .. والكل قاعد يمص من دمنا ولا لنا بسوالف الشكاوي ..

ياريت اللي يعرف ما يبخل علينا ..

 

[dark500]

اظن الحل عند حماية المستهلك لان كل اللي بالكويت شركتين ولو صارت بعد بالاتصالات نصير اشخاص محظورين واستخدامنا سيء مع انا ندفع لكن الشكوى لله


شكرا لمرور الجميع ونتمنى من اهل الخبره الاجابه للحلول ان وجدت حتى نختصر الوقت ونرتاح بشكل افضل لانه شي يقهر بصراحه

 

[أسمراني]

انا اشتراكي بو 14 وما انقطع ولا شي بالعكس ميه بالميه

يمكن غلطه منهم والله

 

[nxman]

اخوي جميع الشركات الي تبيع خدمة الانترنت بالعالم والكويت يوجد عندها شغله اسمها سياسة الاستخدام الصحيح او ما يسمى fair use policy الي توفر مظله قانونيه تحمي شركات الانترنت من ما يسمى سوء الاستخدام او excessive usage نعم قد يكون اشتراكك غير محدود التحميل ولاكنه يخضع لسياسه الاستخدام الصحيح الي تقوم بحماية حقوق الشركه قانونيا وتمكنها من ايقاف الخدمه عن اي مشترك دون سابق انذار وحسب علمي ان الحد الاعلى للتحميل عند شركات الانترنت بالكويت هو 30 جيجابايت بالشهر وفي حالة تخطي المشترك لهذا الحد بشكل مستمر يقوم قسم الدعم الفني بالشركه بفصله لانه يتسبب لهم بخساره خصوصا ان السرعات المتوفره لديهم محدوده ولو ان كل مشترك عندهم قام باستخدام الانترنت بنفس الطريقه سوف يتسبب ذلك بشلل خدمة الانترنت عند الشركه المقدمه للخدمه انا انصحك اخوي انك تشترك مره ثانيه باسم مختلف او انك تحول لشركه ثانيه مثل زين وتراقب عمليه التحميل لان اذا استمريت بنفس الشكل راح تنطرد من حتى من الشركه الثانيه وانشاء الله اكون افدتك

 

[dark500]

حياكم الله جميعا


امنا بالله انه استخدام سيء مثل مايقولون واللي هو فوق ال 30 جيجا فهل الاجراء سليم من ناحية الفصل بهذه الطريقه مع ان العميل ماعنده علم واللي مفكر انه دافع ومافي عليه اي مشكله لانهم ماوضحو هالنوع من الاستخدام نهائيا وخاصه اني عند الأشتراك الموظف قالي اشتراكك مفتووووووووووح غير محدد البيانات فمعناها انهم من تسببوا بالخطأ وبشكل سيء لاني لو كنت اعلم كنت استخدمت دي اس ال ارضي وافتكيت وتركت الوطنيه لاموري الأخرى لان ماعندي مشكله في الدفع ..الاتصالات مثلا تقول انه عندما تكون البيانات المحمله قد تجاوزت ال 30 جيجا فالسرعه ستقل الى نهاية الشهر وتبدأ من جديد في الشهر الذي يليه وهنا الواحد يكون على بينه


الخطوط المقطوعه الان هي من تجاوزت ال 100 جيجا لااعلم الحسبه من بداية الاشتراك من 4 او 5 شهور او من بداية السنه لان هناك من تعدى ال 230 جيجا بحسب قول الموظف


تحياتي للجميع

 

[Roy]

السلام عليكم

اذا كان هالكلام صحيح كما ذكر الاخ نكسمان هذا يسمونه تضليل و اخغاء معلومات عن العميل بما يسبب له الضرر لانه في العقد بين العميل و الوطنية للاتصالات مو ذاكرين اي نقطه او بند عن حدود التحميل لا و على ما اظن كاتبين غير محدود .

اظن انه الاخ كان يقوم باعمال هكرز و اختراق المواقع و هذا ظن لا يغني عن الحق شيئا