الاسعار الجديدة للسلع ،،،

[الأرستقراطي]

أعزائي الاعضاء أرجو منكم التفاعل بالموضوع لمعرفة أسعار السلع التي ارتفعت ارتفاع غير مبرر ،،، أرجو من الجميع التفاعل لتعم الفائدة و لأني بصراحة مابي أنصدم وآنا رايح على الكاشير أدفع فلوس ،،،

سعر آيس كريم K D D قلاص من 40 فلس لي 100 فلس يعني أكثر من 100% زيادة بالسعر

 

[starter]

اول مشاركة لي بالاستراحة لعيونك يا الارستقراطي

عيش غزالة خيشة 20 كج من 6.3 الى جريب ال9

غثا غثا

 

[calpe]

ياجماعه الخير


حليب النيدو

من 2800

الى 5160

؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!


الله يسلم حليب السفتي مال التموين

على دينار وربع

 

[المرشد1]

عصير الاطفال سن تب الاصفر بالجمعيات الكرتون 24 حبه 1.920
وبالستي سنتر 1.80 خيال والله

 

[iidvdii]

والله مدري شقولك أخوي ولا يهونون الأخوان
أكثر شي متأكد من أرتفاعه قطع غيار السيارات
البطاريه الأستبلايزر شمعات الليت رقعه التاير
غاز المكيف وكثير غيرها
بس ما نقول الا الله يعين ويهدي التجار لأن الطمع شين
تصدق ودي أبكي من القهر اللي نشوفه استغلال غير طبيعي
الله يرحم الحال الحمدلله

 

[ياسر الروقي]

أعزائي الاعضاء أرجو منكم التفاعل بالموضوع لمعرفة أسعار السلع التي ارتفعت ارتفاع غير مبرر ،،، أرجو من الجميع التفاعل لتعم الفائدة و لأني بصراحة مابي أنصدم وآنا رايح على الكاشير أدفع فلوس ،،،

سعر آيس كريم K D D قلاص من 40 فلس لي 100 فلس يعني أكثر من 100% زيادة بالسعر

الاستقراطي ههههههه شارى ايس كريم بعز البرد الله يسامحك لا يكون حق العيال بس !!
اول فبراير جيت من السفر وكنت ماسك على جبنة بيضاء
فرنسيه شريت وكان سعر الكيلو 1900 علمآ انه كان 1500 تقريبآ
المهم قبل يومين لقيت سعرها 2500 دينارين ونص للكيلو

 

[الأرستقراطي]

و الله يا أخوان توني جاي من كارفور و كنت با شتري الاشياء المهمة فقط يعني ثلاث أرباع العربانة و لا يصكني 81 دينار على البراد ،،، العادة عربانتين متروسين من ما لذ و طاب 120 دينار واقول وايد ،،، سلملي على 120 ،،،

 

[المرشد1]

اخوي الارستقراطي جرب روح للستي سنتر بالسالميه اسعارهم زينه

 

[الأرستقراطي]

اخوي الارستقراطي جرب روح للستي سنتر بالسالميه اسعارهم زينه

آنا من عمر ما أدش الجمعيات الا للأشياء البسيطة والاماكن اللي أتسوق فيها هي :
1- مركز سلطان
2- لولو هايبر ( عند المشاتل ) بس شيكو على تاريخ انتهاء الصلاحية
3- كارفور
4- سيتي سنتر

 

[يامفجرهم]

عصير كي دي دي كوكتيل سعره اللحين 150 فلس

وغير حليب الكرنيش الله كريم

 

[ارحبو]

عصير كي دي دي كوكتيل سعره اللحين 150 فلس

وغير حليب الكرنيش الله كريم

حليب الكرنيشن استبدلناه بحليب وادي فاطمه

تعرفه والا احط لك صورته

 

[الأرستقراطي]

أخواني الاعضاء اذا حجت حجايجها و احياتكم لروح اتسوق بالخفجي وارجع ،،، بس في مشكلة !!! المثلجات يذوبون بالرجعة ،،،

 

[ارحبو]

أخواني الاعضاء اذا حجت حجايجها و احياتكم لروح اتسوق بالخفجي وارجع ،،، بس في مشكلة !!! المثلجات يذوبون بالرجعة ،،،

لا مايذوب تعرف ثلاجات السفر قبل ايام الخط رمل ولا بقالات ولا محطات على الطريق اللي لونها ازرق والا برتقالي والغطا ابيض عرفتهم اخذهم واشتر ماجلتك وانت راد بشتك تحت ابطك نوطك بو الف راكب قطارك راد بيتك

 

[برميت]

كل المنتجات الغذائيه زاد سعرهاا نقول علشان الموارد الغذائيه زادت يالله مو مشكله

انزين سعر تذاكرالسينمااا شكوو يزيد ؟؟؟

امووووت وعرف ليش ((هل ياترى بسبب استخدام المثل اللي يقول حشرا مع الناس عيد )) ولا شسالفه ؟؟؟
واكيد النفيش والبيبسي وهل خرابيط ياي الدور عليهم

يالله شنقول بعد غير .........((الله كريم ))

 

[starter]

أخواني الاعضاء اذا حجت حجايجها و احياتكم لروح اتسوق بالخفجي وارجع ،،، بس في مشكلة !!! المثلجات يذوبون بالرجعة ،،،

للاسف ما ينفع الحدود السعودية ما يطوفونك ومعاك منتجات غذائية(حسب الكمية طبعا)

يا اخي في السعودية في دعم للمنتجات الغذائية ليش بالكويت ماكو؟؟؟::verymad::::verymad::::verymad::

 

[سهم مرتاح]

ليش مافي تاجر يفهم وينزل الاسعار ويخلي الكويت كلهم يجونه
بدال زيادة 20 و100 فلس على السلعه يربح الشهره ويدبل ارباحه!!

 

[starter]

يا ليت في تاجر مثلك سهم مرتاح

كيف حالك؟؟؟ لك وحشة

 

[سهم مرتاح]

ماتشوفش وحش ياخووي ستارتر
والله بخير ومشتاقيلك
شلوون بحر الاسهم وياك عساك تبحر وترسي بس

 

[starter]

يالله لك الحمد

بس لا بد ...الايام دول ..يوم لك ويم عليك

بس اللي نطلعه من الاسهم نصرفه على هالتجار

بس يا شباب افضل شي المقاطعة

 

[Bokandar79]

الله يعينكم يا اصحاب البيووت..

انا عزابي واجيل ثلاجة الدوام 40 او 50 دينار شهريا...

انصحك يابوتيسير بالعسكري... ولا مره دشيتها بس يقولون ارخيصه.. مرر عليهم