قبل 10 سنوات كنت ادور بيت للشراء ومن مكتب الدلال عطانى عنوان بيت اروح اشوفه
وصلت البيت ودقيت الباب طلع لى شايب قالى تعال دش شوف البيت الحين (ماكو احد الا انا وزوجتى ) المهم صارت الاجراءت وصار فى علاقه بينى وبينه فمره من المرات قالى انا ببيع البيت علشان زوجتى لاتتبهذل من بعدى لانى بروح امريكا واسوى عمليه قلب واسترسل الشايب وكانه يفضفض فقال انا مثل ما انت شايف العمر فوق 60 سنه ولا عندى اولاد يقول تزوجت الاولى وكانت بنت عمي وما صار بينا اولاد وبعد جم سنه كثرت المشاكل وطلقتها واخذت الثانيه كويتيه بس ما تصير له ونفس اللى حصل معاه بالاولى واخذ الثالثه وهو على يقين انه العيب منه هم قامت تعايره فطلقها يقول خلال الوقت هذا اخوانه وخواته التهوا بحياتهم واولادهم وهو بقي وحيد فيقول تزوجت اللبنانيه اللى على ذمتى حاليا وصار لها معاى اكثر من 20 سنه ولا جرحتنى بيوم وعايرتنى وكانت نعم الزوجه خلال السنوات اللى طافت فيقول ببيع البيت واخلى الفلوس كاش علشان اذا فشلت العمليه والله اخذ امانته يصير البيت ورث ويشاركونها اخوانى وخواتى فعلشان جذى انا ببيع البيت واخلى سيوله باسمها
اما ملاحظه احد الاخوان ليش يعطونك بنتهم الناس اللى موكويتين لانهم ناس شافت الفقر وتنشد حياه كريمه لبنتهم ومستقبل لعيالها
واسف على الاطاله
