وبعدين مع تلفزيون الكويت!!!!!

[almoress]

شنو المصخره الي تعرض حاليا


وبعدين وتاليتها مع صلاح الساير؟؟


الأخ صاير شاعر بعد!!!!!!!!!!!!!!!!!!!


يبي يكحلها عماها


المشكله لو شايفها على فلاش ما استغرب


لكن لا يجب أن يأخذ الغير هذا الإنطباع عن أهل الكويت


يالله العفو والعافيه

 

[ابو عيسى]

شصاير شقايل ؟؟؟؟؟؟؟؟؟؟

 

[newsktv]

لو تدري كم شارين هالبرنامج اللايث .. يشيب راسك ​

 

[(فزاع)]

شاللي صاير يا جماعة الخير ..؟

 

[عاشق سدني]

تلفزيون الكويت الحين ييب المرض ويرفع الضغط لا اخبار مثل العالم محد بقدر يتكلم لا تعليقات كله رقابه الله يخلي الراي والوطن حريه وبرامج واخبار دش على الخبر على طول وتعليقات تبرد على العالم بس والاولى زين انهم لي الحين محترمين نفسهم ومايعرضون ويرفضون المسلسلات الواطيه الي مسويه سمعت الديره بالحضيض

 

[ياسر الروقي]

تلفزيون الكويت مثل العجوز المخرفه

 

[almoress]

أشكر مروركم يا أخوان وبارك الله فيكم


اللي صاير سلمكم الله


أخينا في الله صلاح الساير


مسوي كليب (صايرلي فيها وطني)


قايل قصيده بالمعنى الأصح فضيحه


يتطرق من خلالها عن صفات الكويتي وما يحبه الكويتيين


وعن أهل الكويت


لكن سخافه بكل ما تحمله الكلمه من معنى


ألا يوجد في تلفزيون الكويت من أطلع على هذا الكليب قبل عرضه؟؟


يتخلل القصيده أغاني عرضه لاتمس للكويت ولا لأهلها بصله


يتخللها أغاني وبنات يرقصون !!! ويقولون تراث


أخواني يعلم الله أنني عند مشاهدة الكليب


قلت في داخلي


دعيج الخليفه أرحم (على الأقل يسمى شعر)


كنت أدعي أن لا يرى هذه السخافه أحد من خارج الكويت


خذ على سبيل المثال بعضاً من كلمات ذلك السفيه


أنا كويتي أحب البر
أحب القنفذ وأحب الضب واليربوع

أنا كويتي أحب عوده المهنا
وأحب عبداللطيف الفلاني

احب المنقف و أحب ابو حليفه
أحب الفحيحيل الله يالفحيحيل



بسكم مصخره ترى فيه أوادم حابه تسنع حابه تشتغل حابه تطلع الشي بالصوره الصحيحه


الله يعين عليهم بخير

 

[(فزاع)]

لا حول ولا قوة الا بالله ..

 

[Edary]

خذ على سبيل المثال بعضاً من كلمات ذلك السفيه


أنا كويتي أحب البر
أحب القنفذ وأحب الضب واليربوع

أنا كويتي أحب عوده المهنا
وأحب عبداللطيف الفلاني

احب المنقف و أحب ابو حليفه
أحب الفحيحيل الله يالفحيحيل



بسكم مصخره ترى فيه أوادم حابه تسنع حابه تشتغل حابه تطلع الشي بالصوره الصحيحه


الله يعين عليهم بخير

::verymad::

اشفيها الفحيحيل

ناقصنا مطار ونعلن الاستقلال

 

[ياقوت]

​

 

[كويتى وبس]

أزيدكم من الشعر بيت اليوم وأمس أحتفالات الوطن العزيز وشوف من يقدم برنامج الأحتفالات مع
مذيعة من مصر ومذيعة من الأمارات مع كل الأحترام شى يضحك وين الكوادر الكويتية خصوصا فى هذ المناسبات الوطنية ؟

 

[عاشق سدني]

أزيدكم من الشعر بيت اليوم وأمس أحتفالات الوطن العزيز وشوف من يقدم برنامج الأحتفالات مع
مذيعة من مصر ومذيعة من الأمارات مع كل الأحترام شى يضحك وين الكوادر الكويتية خصوصا فى هذ المناسبات الوطنية ؟

بنسبه حق الكوادر الكويتيه ترا الاعلاميين الكويتين يعتبرون من افضل المذيعين واكثرهم بس تطلعهم الاولى وبعدين ياخذونهم ارتي واوربت و
مثل الحربان وبركات وحليمه بولند وغيرهم اما والباجي راحو حق الراي والوطن وحتى خريجين الاعلام الشباب قامو يروحون للخاصه لان الحين تلفزيون الكويت صار مايقدر حتى الكبار مثل الجاسم 6\6 والنجار وغالب والعوضي العصيمي والعنزي والحين وقفوا برامجهم الحواريه بهدف ان البرامج تحرجهم ومايبون حريه وين ايام قبل الي كانو يسمون تلفزيون الكويت صانع النجوم وباب الشهره !!

 

[برميت]

اي تلفزيون الكويت عليه السلام من زمان حطينا عليه اكس من سنه الطواعين كل البرامج اللي فيه فاشلة بس اهم شي فيه النشره الجويه

 

[I T C]

صلاح الساير ...الله يديم النعمه.

انا من شفته وهو وبرنامجه الكلام عليكم اللى اتحدى اى واحد فهم او استفاد منه شى!!!!!

الله يكون بعونا من هالاشكال اللى لاتسمن ولاتغنى من جوع

 

[لهيب]

والله زين في متابعين لتلفزيون الكويت عبالي خلصلوا

 

[khaled3030]

::verymad::

اشفيها الفحيحيل

ناقصنا مطار ونعلن الاستقلال

حلوووووووووووووووووووووووه
والله ضحكتني

 

[almoress]

مشكورين يا أخوان على مروركم


لكم ودي جميعاً

 

[zoya_y]

لاحول ولاقوة إلا بالله ... تلفزيون مندثر