al3zeez
عضو نشط
- التسجيل
- 7 أكتوبر 2007
- المشاركات
- 589
السلام عليكم
هالسالفه صارت معاي الشهر الي طاف وللحين قاعد اعاني
الشهر الي طاف كنت مشترك بخدمه الانترنت بالوطنيه (14 دينار شهريا) ووصلت فواتيري الى 90 دينار قلت اوقف الخدمه لانه باقي 5 دنانير ويفصلونه فمالها داعي
المهم كلمت خدمه العملاء وقلتلهم وقفوا الخدمه قالوا اوكي اقل من 24 ساعه وتكون ملغيه
ثالث او رابع يوم كنت مداوم وقلت بجرب النت شغال ولا لا
جربت بالخط الي قلتلهم يوقفون الخدمه عنه ولا شغال
قلت اقزر الدوام على النت ابرك مدام للحين ما وقفوها
المهم بعد اسبوع تغريبا فصلوا خطي وصادف انه قبل الرواتب بيوم
ثاني يوم نزل الراتب رحت اسددلهم قالوا مطلوب 170 دينار
للعلم الخطوط الي باسمي توصل 95 حدها ويفصلونهم
قلت من وين جبتوا ال170 ردوا علي اني انا مقدم طلب توقيف الخدمه ( الي هي الانترنت) وقمت اشبك فالحسبه صارت على الكيلو بايت
بمعنى التوقيف = عندهم حساب بالكيلو بايت
صراحه تضايقت وصكت فيني الدنيا لان ماني حاسب هالحسبه
قلت حيل الله اقوى بعطيهم نص المبلغ والشهر الجاي الباقي
المهم وانا واقف عندهم دفعت 100 وقلت خل ال70 الشهر الجاي ومشيت
معاش الشهر هذا رحت دفعت ال70 الباقيه واشتغل الخط
ثاني يوم من شغلت الخط دق علي رقم ما اذكره بس اذكر بدايته 900 رديت عليه ولا واحد مصري سلم وقال الاخ فلان قلتله اي نعم قال الرقم المدني 123 قلتله اي نعم قال معاك مكتب المحامي خالد العبدالجليل قسم تحصيل الاموال (عاد بيني وبينكم هالمحامي الوحيد الي مالله عطاني حب له) المهم قلتله خير انشالله قال عليك قضيه من الشركه الوطنيه للنصب والاحتيال (الوطنيه للاتصالات) قلتله لا اخوي قديمه يمكن لاني قبل يومين مسددلهم اصر علي اني مو مسددلهم قالي لحظه القضيه على الرقم كذا وكذا انصدمت لمن قالي الرقم لاني ما اعرفه دقيت الرقم بتليفوني الثاني طلعلي مخزن عندي باسم رقم الداتا
رقم الداتا هذا اخذته شهر 6 2007 وكلنا عارفين لازم تدفع فلوس الاشتراك ال28 مقدم للشهر الجاي
انا شغلته اقل من شهر وبقى عليه تغريبا 9 ايام قلت بروح اوقفه وارجع للقديم ابو 14 دينار
دقيت على خدمه العملاء وقالوا نفس الكلام اني دفعته مره وحده والمبلغ الي عليه الحين 24 دينار
ولازم اراجع الرئيسي لاحتمال وجود خطأ ( طبعا من تكلمهم بحقك على طول راجع الرئيسي)
حيل الله اقوى
راجعت الرئيسي يوم الخميس الساعه 4 العصر
نطرت دوري وطلع رقمي ورحت للموظف والابتسامه من الاذن اليمين لليسار
قلتله الموضوع كذا وكذا
قالي روح للاخت الي هناك
رحت للاخت وكلمتها قالتلي انت كنت مشترك ب28 دينار وانفصل تليفونك ونزلت عليه 3 اشتراكات بمعنى 28 + 28 + 28 ؟؟؟؟؟؟
قلتله انا فاصله بنفسي وكان باقيله 9 ايام انا اذكر قالت كمبيوترنا ما يجذب
على هالكلمه في كم واحد قاعدين ولازم طبعنا يالكويتيين شماته الكل قام والفت علي
قلتلها اوكي ما يجذب وانا جذاب واخذج على قد عقلج
نفرض نفس ما تقولين نزلوا على 3 اشتراكات 28+28+28= 84 دينار
انتوا ليش حاطين علي 24 عندكم تنزيلات ولا عيشتكم واقفه على ال24 هذي
وبعدين انتوا ما تنطرون على هالاشتراك هذا الذات شهرين لازم كل شهر بشهره
اعتفست خلقتها وطاحت كحلتها وتوهقت ونفس ما تعلمت طبقت
قالتلي تعالي يوم الاربعاء او الخميس الصبح لان الحين مو مداومين المحاسبه
طبعا عطيتها كم كلمه بسبه كمبيوترهم ما يجذب وطلعت
وناطر يوم الاربعاء او الخميس بخلي دوامي علشان اراجع باخطاء غيري
اسف على الاطاله ولكن والله من القهر الي فيني قتبت هالموضوع بتفاصيله
هالسالفه صارت معاي الشهر الي طاف وللحين قاعد اعاني
الشهر الي طاف كنت مشترك بخدمه الانترنت بالوطنيه (14 دينار شهريا) ووصلت فواتيري الى 90 دينار قلت اوقف الخدمه لانه باقي 5 دنانير ويفصلونه فمالها داعي
المهم كلمت خدمه العملاء وقلتلهم وقفوا الخدمه قالوا اوكي اقل من 24 ساعه وتكون ملغيه
ثالث او رابع يوم كنت مداوم وقلت بجرب النت شغال ولا لا
جربت بالخط الي قلتلهم يوقفون الخدمه عنه ولا شغال
قلت اقزر الدوام على النت ابرك مدام للحين ما وقفوهاالمهم بعد اسبوع تغريبا فصلوا خطي وصادف انه قبل الرواتب بيوم
ثاني يوم نزل الراتب رحت اسددلهم قالوا مطلوب 170 دينار
للعلم الخطوط الي باسمي توصل 95 حدها ويفصلونهم
قلت من وين جبتوا ال170 ردوا علي اني انا مقدم طلب توقيف الخدمه ( الي هي الانترنت) وقمت اشبك فالحسبه صارت على الكيلو بايت
بمعنى التوقيف = عندهم حساب بالكيلو بايت
صراحه تضايقت وصكت فيني الدنيا لان ماني حاسب هالحسبه
قلت حيل الله اقوى بعطيهم نص المبلغ والشهر الجاي الباقي
المهم وانا واقف عندهم دفعت 100 وقلت خل ال70 الشهر الجاي ومشيت
معاش الشهر هذا رحت دفعت ال70 الباقيه واشتغل الخط
ثاني يوم من شغلت الخط دق علي رقم ما اذكره بس اذكر بدايته 900 رديت عليه ولا واحد مصري سلم وقال الاخ فلان قلتله اي نعم قال الرقم المدني 123 قلتله اي نعم قال معاك مكتب المحامي خالد العبدالجليل قسم تحصيل الاموال (عاد بيني وبينكم هالمحامي الوحيد الي مالله عطاني حب له) المهم قلتله خير انشالله قال عليك قضيه من الشركه الوطنيه للنصب والاحتيال (الوطنيه للاتصالات) قلتله لا اخوي قديمه يمكن لاني قبل يومين مسددلهم اصر علي اني مو مسددلهم قالي لحظه القضيه على الرقم كذا وكذا انصدمت لمن قالي الرقم لاني ما اعرفه دقيت الرقم بتليفوني الثاني طلعلي مخزن عندي باسم رقم الداتا
رقم الداتا هذا اخذته شهر 6 2007 وكلنا عارفين لازم تدفع فلوس الاشتراك ال28 مقدم للشهر الجاي
انا شغلته اقل من شهر وبقى عليه تغريبا 9 ايام قلت بروح اوقفه وارجع للقديم ابو 14 دينار
دقيت على خدمه العملاء وقالوا نفس الكلام اني دفعته مره وحده والمبلغ الي عليه الحين 24 دينار
ولازم اراجع الرئيسي لاحتمال وجود خطأ ( طبعا من تكلمهم بحقك على طول راجع الرئيسي)
حيل الله اقوى
راجعت الرئيسي يوم الخميس الساعه 4 العصر
نطرت دوري وطلع رقمي ورحت للموظف والابتسامه من الاذن اليمين لليسار
قلتله الموضوع كذا وكذا
قالي روح للاخت الي هناك
رحت للاخت وكلمتها قالتلي انت كنت مشترك ب28 دينار وانفصل تليفونك ونزلت عليه 3 اشتراكات بمعنى 28 + 28 + 28 ؟؟؟؟؟؟
قلتله انا فاصله بنفسي وكان باقيله 9 ايام انا اذكر قالت كمبيوترنا ما يجذب
على هالكلمه في كم واحد قاعدين ولازم طبعنا يالكويتيين شماته الكل قام والفت علي
قلتلها اوكي ما يجذب وانا جذاب واخذج على قد عقلج
نفرض نفس ما تقولين نزلوا على 3 اشتراكات 28+28+28= 84 دينار
انتوا ليش حاطين علي 24 عندكم تنزيلات ولا عيشتكم واقفه على ال24 هذي
وبعدين انتوا ما تنطرون على هالاشتراك هذا الذات شهرين لازم كل شهر بشهره
اعتفست خلقتها وطاحت كحلتها وتوهقت ونفس ما تعلمت طبقت
قالتلي تعالي يوم الاربعاء او الخميس الصبح لان الحين مو مداومين المحاسبه
طبعا عطيتها كم كلمه بسبه كمبيوترهم ما يجذب وطلعت
وناطر يوم الاربعاء او الخميس بخلي دوامي علشان اراجع باخطاء غيري
اسف على الاطاله ولكن والله من القهر الي فيني قتبت هالموضوع بتفاصيله
