الله يعطيك العافيه اخوي الوافي
مابقى شي مازادوا سعره والمشكله كل شي محتاجينه
حتى الصناعيه والكراجات
على فكره زياده الكراجات من النصابين الي شغالين فيها اساسا
لاني قبل يومين بنشر معاي التاير وحطلي رقعه وسعرها القديم نص دينار والحين بدينار سألته ليش رافعين اسعاركم على بالي نفس ما سمعت انها زياده مصنعيه طلع حجي فاضي
الزياده منهم ورده على سؤالي ان الاحوال المعيشيه تغيرت والاجار زاد والاكل زاد (وقعد يشكي الحال)
بمعنى ان كل واحد صار يرفع السعر الي في باله على كيفه
المقاطعه ماراح تكون حل لان هم عارفين شنو حاجيات الناس من حليب وحليب اطفال واجبان وغيره وغيره
وصراحه ما اعتقد في بيت بالكويت او بالعالم يقدر يعيش من غيرهم
بالسعوديه صار نفس هالموضوع ارتفاع اسعار وقاطعوهم وقدروا يرجعونهم عن زياده الاسعار بالقصب مو بالطيب
لكن بالسعوديه كانت شركه او ثنتين على ما اذكر يعني تقدر وبسهوله انك ما تشتري منهم
لكن هني كل الشركات رفعت اسعارها مو بس كي دي دي
وصعبه نقاطعهم كلهم الا بحاله وجود بديل
تقبل تحياتي واسف على الاطاله وشكرا على الموضوع المميززززز
