رحله للمالديف حياك معانا!!!

[جوكوزال]

السلام عليكم
اخواني اخواتي اعضاء المنتدى

ودي ان شاء الله اسافر شهر 5 القادم المالديف
واللي عنده اي معلومه عن الديره لا يقصر
عن الفنادق والاماكن السياحيه والرحلات الموجوده عندهم وطرق التنقل بين الجزر والمطاعم واي شي سياحي
واذا فيه صور زين او مواقع عن الديره
واسعار الفنادق والتذاكر واحسن طيران

اخاف نسيت شي (ما اعتقد) لوووووول

 

[الأرستقراطي]

الجزيرة رائعة من حيث المناظر الطبيعية ولكنها غالية جدا ،،، أقمنا بفندق كانت ليلته 350 دينار من سنتين ،،، ثم انتقلنا الى آخر متواضع سعره 180 في الليلة ،،،

 

[ياسر الروقي]

جوكوزال اعتقد ماليزيا اندوسيا سنغافورا افضل من المالديف ترى صغيره

و3 ايام كافي عليها
يعني لو تروح مرسى مطروح والغردقه بمصر اقرب وارخص
واتمنى لك رحله سعيده

 

[جوكوزال]

الجزيرة رائعة من حيث المناظر الطبيعية ولكنها غالية جدا ،،، أقمنا بفندق كانت ليلته 350 دينار من سنتين ،،، ثم انتقلنا الى آخر متواضع سعره 180 في الليلة ،،،

مشكور اخوي وصج الاسعار غاليه بس عشان شهر العسل مو مشكله

الله يعطيك العافيه
ننتظر مزيد من الاراء

 

[dnyay]

اف 350 دينار بشنو هذا بالليله ولا بالشهر ؟
واللهى عن تجربه ماليزيا لشهر العسل مناسبه جدا جدا جدا

 

[zoya_y]

والله أنا حدي سوريا ... بس تروح وترد بالسلامه

 

[ياقوت]

بصراحه ما عندي فكره ولكن شفت صورها من فتره ماشالله حلوه ولكن للاسف الايميل مسحته


بس ان شاء الله تستانسون والف مبروك ان شاء الله
منك المال ومنها العيال يارب
وتعيشون حياة سعيده ان شاء الله
بالرفاه والبنين


​

 

[بو راس يابس]

والله أنا حدي سوريا ... بس تروح وترد بالسلامه

عدل وانا اقول وين شايفج ،،،، مرة شفتج ماسكه خط رفحا بجمس احمر موديل 92 وجناطكم فوق الجمس لا ومع الجناط اباريج ملونة .... رايحين مخيم مو سوريا


لوووووووووووووووووووووووول

 

[q8_chamber]

مشكور اخوي وصج الاسعار غاليه بس عشان شهر العسل مو مشكله

الله يعطيك العافيه
ننتظر مزيد من الاراء

الف الف الف مبروووووووووووووك

منك المال و منها العيال


الله يوفقك و يبعد عنكم المشاكل ​

 

[جوكوزال]

جوكوزال اعتقد ماليزيا اندوسيا سنغافورا افضل من المالديف ترى صغيره

و3 ايام كافي عليها
يعني لو تروح مرسى مطروح والغردقه بمصر اقرب وارخص
واتمنى لك رحله سعيده

مشكور الروقي الله يعطيك العافيه واللي قلته افكر فيه ان شاء الله
ولا خلا ولا عدم
بس ما ادري ليش المالديف داشه مزاجي

 

[جوكوزال]

اف 350 دينار بشنو هذا بالليله ولا بالشهر ؟
واللهى عن تجربه ماليزيا لشهر العسل مناسبه جدا جدا جدا



مشكور الله يعطيك العافيه وما ليزيا مسافر لها من قبل

وحبيت اغير

 

[ياسر الروقي]

مشكور الروقي الله يعطيك العافيه واللي قلته افكر فيه ان شاء الله
ولا خلا ولا عدم
بس ما ادري ليش المالديف داشه مزاجي
الف مبروك والله يهنيكم ...... شهر عسل اممم شرايك بتركيا لكن لا تروح الا قروب مع مكتب سفريات كويتي وخل الرده على جده عمره
اعتبر هالبلد فيه كل مقومات السياحه ....
والرحله استنطبول 4 ايام جزر الاميرات يوم واحد يلوى يوم واحد بورصه 4 ايام لاتنسى الطبيعه والاكل المميز ومتعة التسوق كلها في تركيا مجموع عشر ايام بالاضافه للعمره 3 تقريبآ اسبوعين شرايك اصلح افتح مكتب سفريات

 

[جوكوزال]

والله أنا حدي سوريا ... بس تروح وترد بالسلامه

الله يسلمج لج حضورج المميز
المنتدى صخه من غيرج الحمدلله على السلامه

 

[جوكوزال]

بصراحه ما عندي فكره ولكن شفت صورها من فتره ماشالله حلوه ولكن للاسف الايميل مسحته


بس ان شاء الله تستانسون والف مبروك ان شاء الله
منك المال ومنها العيال يارب
وتعيشون حياة سعيده ان شاء الله
بالرفاه والبنين


​

الله يرحم والديج ياقوت دعوه حلوه من عضوه مميزه

ومشكووووووره

 

[جوكوزال]

الف الف الف مبروووووووووووووك

منك المال و منها العيال


الله يوفقك و يبعد عنكم المشاكل ​

الله يجزاك خير اخوي وعزيز يا الغالي

الله يبارك فيك ومشكوووووووووور

 

[جوكوزال]

مشكور الروقي الله يعطيك العافيه واللي قلته افكر فيه ان شاء الله
ولا خلا ولا عدم
بس ما ادري ليش المالديف داشه مزاجي
الف مبروك والله يهنيكم ...... شهر عسل اممم شرايك بتركيا لكن لا تروح الا قروب مع مكتب سفريات كويتي وخل الرده على جده عمره
اعتبر هالبلد فيه كل مقومات السياحه ....
والرحله استنطبول 4 ايام جزر الاميرات يوم واحد يلوى يوم واحد بورصه 4 ايام لاتنسى الطبيعه والاكل المميز ومتعة التسوق كلها في تركيا مجموع عشر ايام بالاضافه للعمره 3 تقريبآ اسبوعين شرايك اصلح افتح مكتب سفريات

الروقي كلك ذوووووووووووووووووق يا ذوق

وافكارك عجيبه الله يجزاك خير
وان شاء الله ندخلها بخطة الصيف
مشكووووووووور يا الغالي

 

[al.jamly91]

اولا الف مبروك
انا رايح المالديف قبل شهرين تقريبا الجزر زينه ومكان هادى جدا بس عيبها انها غاليه بخبال يعنى مثلا البيبسى 2.5 دينار كويتى وغيره مثل الطياره البحريه لمدة 15 دقيقه ب250 دولار والغواصه لمدة ساعه ب100 دولار يعنى اسعار مبالغ فيها جدا وانشاء الله بحط صور لك بالمنتدى
وبالتوفيق انشاء الله

 

[al.jamly91]

هذى صورتين وبحط لك الباقى قريب

هذى الصور للفندق وانشاء الله بحط الرحلات

 

[جوكوزال]

الله يبارك فيك اخوي الجاملي ومشكور على الصور والنصيحه

 

[جوكوزال]

شلونكم شباب
شدعوه ما فيكم ابن بطوطه
عطونا علوم المالديف الطيبه