السلام عليكم اخواني الكرام بغيت اسألكم عن رأيكم بالنسبه للوظيفه واحد عنده شهادة ثانوية علمي شنو احسن مكان يتوظف فيه قطاع خاص ولا حكومي من ناحية الدوام والمعاش والاجازات
والله اذا تبي معاش قوي روح قطاع خاص بس كراف طبعااا واذا معاش يمشي الحال ودوام علي كيف كيفك روح قطاع حكومي بس اذا رحت قطاع حكومي خاص مني تمام تلعبهااا صح يعني عندك كذا مكان لهم كادر حلووو بس انصحك تكمل سنتين في التطبيقي تاخذلك دبلوم تعدل من وضعك
على اعتبار إنه ماعنده شهاده لاراح ينفعه لا الحكومي ولا الخاص ...أقول يروح يكمل دراسته أحسن وأبرك له ... لو ياخذ دبلوم بينفع صج أكثر لانه بالحاله الأولى الي اهي عدم حصوله على شهاده راح يشغلونه بكلا القطاعين بوظيفه موذاك الزود ... وهذا حرام وراتبه مايتعدى 400 د ويتعب بعد بس إذا اخذ دبلوم واشتغل بالقطاع الخاص راتبه يوصل600 وفوق بعد حسب التخصص ... بالنسه لسؤالك الراتب بالقطاع الخاص أكبر لانه ساعات العمل أكثر والاجازات بالقطاع الحكومي أكثر من الخاص ... ( نصيحه من أخت خل يكمل دراسته ودامه علمي خل يروح معهد الكهربا والماي رواتبهم اتوصل 800 وفوق واهم دبلوم وإذا مايبي خل يدخل أحد دورات الشرطه وإلا المطافي ) . وتقبلوا مروري
بسم الله الرحمن الرحيم اخوي باغي الخير المحترم اولا : نصيحة اذا كنت لا تريد اكمال دراستك فعليك بالقطاع الخاص افضل بكثير من الحكومي ، وانا اختلف مع اخواني بان القطاع الخاص كراف وساعات عمل اكثر فالقطاع ا لخاص افضل وخصوصا في الشركات الاستثمارية الكبري للاسباب التالية :- 1) راتبك سيكون 350 دينار + 120 دينار الزيادة التي تم الموافقه عليها يعني المجموع 470 دينار + دعم العمالة 197 دينار فيصبح الاجمالي 667 دينار ولو خصمنا منها قيمة التامينات الاجتماعية بحدود 45 دينار فيصبح صافي راتبك هو 622 دينار ( اذا كنت اعزب ولو كنت متزوج سيكون الراتب اكبر) 2) زيادة سنوية على الراتب لا تقل عن من 4% الى 8% حسب التقييم. 3)ساعات العمل في القطاع الخاص لا تختلف كثير عن الحكومة بزيادة ساعة واحدة فقط. 4)يوجد مزايا عديدة في القطاع الخاص منها ( التامين الصحي + البونص السنوي + لعمولات الشهرية + الدوارت التدريبية) 5) تبوأ منصب اكبر في حالة التميز بالعمل. مع خالص تحياتي لك اخوك بو عبدالعزيز هذا قليل من فيض
اذا يبى المعاش والمخصصات خله يدخل دورة ضباط باي مكان الجيش الحرس الوطنى الداخليه اهو وميوله لان الماعش راح يوصل حول الالف اول مربوط طبعا مع الخدمه راح يعطونه سياره وتلفون مدفوعين التكاليف وشتى بانزين بلاش يعبى حق الفريج ودورات بالخارج عليها مخصصات ممتازه وبعد مايوصل رتبة عميد له مخصصا استثنائيه ووضيفه ممتازه راتب وسلطه وعلاقات ودرات الداخليه اربع سنوات بكلريوس علوم شرطيه ودورات الحرس والجيش اعتقد ثلاث سنوات
انا اايد كلامك وايد القطاع الخاص تاخذ منه الخبر بالعمل بس الافضل والاحسن ان تكمل دراستك اذا احببت الله يوفقك اخي ياباغي الخير
انا مااعتقد انه عنده معدل عشان دورات الضباط ... دورة الضباط تبي معدل وإذا مو معدل واسطه ... خل يجتهد ويروح الكهربا والماي والله نصيحه من أخت رواتبهم قويه يبون معدل 55 % وبدون واسطه يصير فني بأحد المحطات ومعاشه قوي وبدلات وماادري شنو
كلام سليم اذا دخل التكنولوجيا خله يختار تخصص استكشافات بتروليه توه تخصص جديد صارله سنتين والوظيفه بشركة نفط الكويت بدون واسطه او يدوره واسطه ويسجل بشركة النفط مشغل بالثانويه راتبه عزوبي 900 دينار قابل لزياده
1- معهد الكهربا والماي ( بسرعه راح تلاقي وظيفه بمحطه ومعاش قوي وعند الحكومه الله يعز الحكومه ) . 2- دورة المطافي ( هم جيده ) انا ما حبذ التكنولوجيا مو ذاك الزود الوظايف معهد الكهربا والماي أقوى رواتب وأقل معدلات
بارك الله فيكم جميعا على اللي طرحتوه وجزاكم الله خير انا ابي اتوظف وبالنسبه للدراسه اكملها بعدين انا حاسب حسابي بصراحه محتاج الوظيفه اكثر من الدراسه عموما ما قصرتو على اللي طرحتوه وبارك الله فيكم
إذا كنت بتتوظف عشان الراتب هم أقولك أدرس عقب توظف صدقني لي توظفت بتبهدل على مايسمحون لك بالدراسه والله ووايد ناس قالو بندرس ويتعيزون ... ادخل معهد الكهربا والماي وتخصص تخصص نادر الي اهو الميكانيكا بتاخذ مكافآه وعقب اتخرج بشهادة دبلوم ميكانيكا تشتغل بمحطة الزور وإلا غيرها براتب 850 وماتسوي شي وعقب اتكمل دراستك براهااااات لي توظفت وتصير مهندس
اسمع الكلام اللي يجمد عالشارب ،،، كمل جامعتك واشتغل العصر سواء بالحكومة أو بالخاص و بالليل نادي صحي ،،، واذا طلعت مبجر مر الديوانية سلم عالشباب واقعد بو ساعتين ،،، خلك عصامي ،،،
