ايهما افضل توزيع المنحه000او النقدي؟؟؟

[مضارب1]

اخواني الاعزاء
ايهما افضل شركه تعلن 20% منحه و 5% نقدي00000000000000
واخرى تعلن 20%نقدي و 5% منحه0000000000000000000

نرجو الافاده000000

 

[سوق المناخ]

يازين المنحه مع الاسهم الثقيله
الوطني
بيت التمويل
هواتف
كيبلات
نقل
الدار
المخازن
........................الخ
اما الشركات الورقيه فالكاش افضل

 

[كويتي مبتسم]

منحه و....

منحه وحد اعلي عقب التفصخ .......
حد طايل

 

[كويتي مبتسم]

منحه وحد اعلي عقب التفصخ .......
حد طايل

توني ألاحظ اني عضو جديد وانا معاكم من 2004 !!!!!!!

 

[سوق المناخ]

توني ألاحظ اني عضو جديد وانا معاكم من 2004 !!!!!!!

وتوني الاحظ ان مشاركاتي اكثر من مشاركاتك ب صفر :d

 

[boursachi]

اخواني الاعزاء
ايهما افضل شركه تعلن 20% منحه و 5% نقدي00000000000000
واخرى تعلن 20%نقدي و 5% منحه0000000000000000000

نرجو الافاده000000

المنحة تعني ان الشركة مقبلة على نمو.. لأن المنحة = أسهم = زيادة في راس المال
فالشركات الي تقدر تحافظ على اداءها, واثتبتت قدرتها في السابق (لتنفيع المستثمر طبعا في هذا الموضع وليس المضارب) تكون المنحة فيها نوع لطيف جدا من نموّك انت ايضا كمستثمر.. تزداد كميتك (ولو ان بسوقنا يتفصخ السهم) فتقدر تتحكم بالي تسيّله والي تخليه وهكذا..
لاحظ مثلا المشاريع .. ما وزّعت منحة لأن مو من صالحها .. فحجم الشركة كبير كما هو لتشغيل اموالها, واذا زاد راس مالها تكون مطالبة بالمحافظة على اداء معين

اما الكاش, فأكيد له مزايا وهي انها عبارة عن سيولة اضافية فورية. . تقدر تقضيها بالتأكيد لنفسك, او تكون سهلة انك ترد تدخلها السوق وتكبر معاها المحفظة.. لكن في هذا الحال, يبيلك كمية راهية عشان لم يوزعون نقدي, يطلع لك شي "زين" بالدينار
وطبعا توزيعة النقدي هي صرف الارباح بلا رجعة.. فمن تطلع من الشركة, ما ترد لها كحال المنحة

الزبدة يعتمد عليك بالدرجة الاولى وشالي تبيه لهالسنة (2008)

 

[حسين بن عاقول]

انا اقول قاصيين علينا تخيل انك تملك سهم و انت مكتتب فيه بسعر 100 فلس و سعره بالسوق لحد الان 100 فلس والتوزيعه له 10% نقدي و 10 % منحه من يتم التوزيع ينزل سعر السهم عشان يوازن التوزيعه ..وعاد شوف اذا شركة رفعت السهم لين يوصل 100 فلس عشان تحس بالارباح او لا ...هذي وجهت نظري

 

[kndor]

اتوقع المنحه افضل

 

[***بومحمد***]

والله أعلم

أولا يعتمد على نوع الشركه .
وثانيا يعتمد عليك انت وشنو هدفك بالأسهم فإذا كنت مضارب وبشكل مستمر أو يومي فالمنحه نوعا ما ماتصلحلك أو بمعنى أدق راح تعطلك شوي بسبب التفصيخه ... أما إذا كنت مستثمر فالمنحه أفضل وخصوصا مع الشركات الكبيره وذات المستقبل الموعود ((التكانه))

والله يوفقك ويرزقك والجميع

 

[ولد البورصه06]

صغار المستثمرين تكون لهم المنح احلى اما الكبار فيفضلون الكاش لانه مايبون ابيعون وتقل نسبتهم

 

[makandari]

المضارب الكاش افضل له.
المستثمر المنحه افضل له.