"تعـــــــــال وأرجــــــــع وأطيعـــك بــــــاقي ســـنــيـــنــــي"

Bent_alq8

عضو نشط
التسجيل
28 سبتمبر 2007
المشاركات
3,735
الإقامة
حبيبتي الكويت
قصة حزينه قطعت فؤادي أحببت أن أنقلها لكم...لكي نعرف قيمة أحبابنا ولا نفرط فيهم لأن كل لحظة لا تعود...
stop55-c4e9d4ed42.gif
خلاااااص ابوي راااح ..؟؟
راح وارتاح من الدنيا ..
وخلانا فيها نعاااني ..!!
(قمت وانا حاسه اني بغرق من الدموع حسيت ان ربي يصحيني يقول انتي نايمه ابوك فيه شي قمت وتعوذت من الشيطان وصليت صلاة خاشعه ودعيت لأبوي بالشفاء دخلت علي امي قلت لها .يمه احس ابوي فيه شي دقي عليه اذا قام قالت لي ماعليك هذا كابوس قلت يمه وربي مو كابوس هذا احساس غريب اول مره احسه عطتني ظهرها وراحت.!
حاولت في امي اني ماأداوم بس مارضت ورحت البس مجبوره ..
نزلت استنى الفان وعلى طلعتي دخل خالي سلمت عليه امي وانا دخلت من الصدمه سألت امي غريبه مو من عادته يجي هذا الوقت ماعطتني جواب مقنع ..! وشوي واسمع الفان وصوته المزعج ..
دخلت المعهد وانا احس اني كارهه نفسي كل ربع ساعه افتح الجوال..

ركبت الفان وانا ادعي ربي انه يعدي اليوم على خير..

نزلت على اصوات البنات في الفان
"وش هالسيارات عندكم عزيمه" هذي الجمله فجرت كل الشكوك و الظنون الي عندي..!!
دخلت والي كان الباب مفتوح وهذا مو من العاده يكون الباب مفتوح دخلت واناحاسه ان رجولي ماتشيلني .. اول مادخلت والقى ولد خالتي الي مو متعوده اشوفه كثير لكن باين من عيونه ان فيه شي ونظراته لي نظراات غريبه عجزت افهمها ..
دخلت من البيت والقى خالتي وانا مو قادره افسر شي من الي يصير وادخل الصاله وانا كأني مجنونه واشوف مرة خالي والي كانت اشكالهم ماتبشر بالخير..... بكذا خلااااص حسيت احد من وراي يدفعني لغرفتي ..
دخلت غرفتي ورميت الشنطه والعبايه عند الباب مو قادره حتى يديني ارفعها ..
جلست على الكرسي وبدت الدموع تعبر..!!
دخل علي من دخل وانا مو حاسه بشي سبحان الله ربي عطاني هدوووء ماكنت اتوقعه ..
مرت ايام العزاء اسوأ ايام عشتها في حياتي اليوم بسنه...
وانا الآن اكتب قصتي في خامس يوم من رحيل الغالي..
راح في عز شبابه ..
الي كانت اكبر صدمه في حياتي لما قالو ابوك مــــــــــات لانه عمري ماتخيلت ابوي يتركنا لانه كان بكامل صحته الا اخر اسبوعين من حياته كان بالمستشفى ...
وكنت متامله انه يتعالج ويرجع لنا واما الموووت ما خطر على بالي ..!!!
وكانت اخر زياره زرتها بالمستشفى كان مارضى نطلع من عنده كانه حاس انه اخر يوم يشوفنا فيه ..
آآآه يابوي كيف انساك وكل شئ حولي يذكرني فيـــــــــك ...
والحين قلبي يتقطع حسره اتمنى يرجع يووم واحد بس اجلس معه اعوضه عن كل شي .. واقول له يسامحني على كل اخطائي ..
لكن خلاص اهو تحت التراب ماينفع ياليت ...
مايبي منا الا الدعـــــــاء ...اللهم اجمعني بابي في جنتك ...آميــــــــن,
"اللهم اجعل قبره روضة من رياض الجنه اللهم نقه من الذنوب والخطايا كما ينقى الثوب الأبيض من الدنس"



يواسوني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

وكنه حلم قدامي يقيدني من الصرخات

ابي اصحى ولكني عجزت القى اللي يصحيني

فداك القلب ياابوي ومهما قلت من كلمات

صغيرة في كبر حقك بس اتمنى تعذرني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتني بدون حساب ولا سمعتك تقول هات

وانا اشرب حيل من دمك ودمك ما يكفيني

ياابوي ارجع كافي ابجلس معك لو لحظات

واقبل ايدك ورجلك وافرش لك رمش عيني

ياابوي ما تحملهم يقولوا فات ما قد مات

تعال غير هالقول واطيعك باقي سنيني

واترك كل ماتنهاني عنه وانفذ ما تبي بسكات

واصلي الفجر بدري قبل منت تصحيني

ياابوي ارجع تكفى وطفي شمعة الآهات

ابيك انت ولا غيرك على موتك يعزيني

وضمني وداويني مثل ما كانت الهقوات

ما ابي احداً يواسيني ابيك انت تواسيني

دخيلك بس لا تبكي اذا شفت بي الدمعات

انا مقوى ابكيك اذا انت تبكيني‎


"تعـــــــــال وارجــــــــع واطيعك بــــــاقي ســـنــيـــنــــي"
http://www.4shared.com/file/28856961/f643531/04___.html?s=1
stop55-c4e9d4ed42.gif
 

Bent_alq8

عضو نشط
التسجيل
28 سبتمبر 2007
المشاركات
3,735
الإقامة
حبيبتي الكويت
الله يعطيج العافيه

صج صج قصه حزينه و مؤثره

الله يعافيك أخوي ويشرفني أن تكون أول المعلقين... وأتمنى أن نأخذ العظة منها ونستغل وجود أحبابنا حولينا...
فعلاً القصة تحطم مع إنها قصة وفاة عادية لكن موت الوالد يكسر الظهر..:(
 

yoyo1983

عضو نشط
التسجيل
22 أبريل 2007
المشاركات
22,665
الإقامة
DaMBy
بارك الله فيج
 

الفيلكاوي_80

عضو نشط
التسجيل
11 يناير 2007
المشاركات
3,079
الإقامة
الكويت الحبيبه
الله يعافيك أخوي ويشرفني أن تكون أول المعلقين... وأتمنى أن نأخذ العظة منها ونستغل وجود أحبابنا حولينا...
فعلاً القصة تحطم مع إنها قصة وفاة عادية لكن موت الوالد يكسر الظهر..:(

يزيدني شرف طال عمرج إني أشارك معاج

والله وفاة الوالد تدرين شنو معناته . معناته سقوط العامود الرئيسي للبيت

و هذي حال الدنيا اليوم تفرح بمولود و باجر تبكي على مفقود

و الحمد لله على كل حال

الله يحفظكم من كل شر . أمين أمين أمين
 

Bent_alq8

عضو نشط
التسجيل
28 سبتمبر 2007
المشاركات
3,735
الإقامة
حبيبتي الكويت
يزيدني شرف طال عمرج إني أشارك معاج

والله وفاة الوالد تدرين شنو معناته . معناته سقوط العامود الرئيسي للبيت

و هذي حال الدنيا اليوم تفرح بمولود و باجر تبكي على مفقود

و الحمد لله على كل حال

الله يحفظكم من كل شر . أمين أمين أمين
"هذي حال الدنيا اليوم تفرح بمولود و باجر تبكي على مفقود
"

صدقت والله يحفظك ويحفظ غاليك يا رب.
 

الفيلكاوي_80

عضو نشط
التسجيل
11 يناير 2007
المشاركات
3,079
الإقامة
الكويت الحبيبه
"هذي حال الدنيا اليوم تفرح بمولود و باجر تبكي على مفقود
"

صدقت والله يحفظك ويحفظ غاليك يا رب.

و يحفظ جميع المسلمين من كل شر

 

يقولون

عضو نشط
التسجيل
31 يوليو 2006
المشاركات
1,558
ما احب اسمع او اقرى قصه حزينه حتى الافللام اذا في شخص انظلم وهالسوالف اتحمس واغير القناة:)
 

عقد ألماس

عضو نشط
التسجيل
9 أكتوبر 2005
المشاركات
648
الإقامة
الكويت
سبحان الله كأنج تتكلمين عن قصة وفاة أبوي....ذهب وترك لنا ذكراه في كل زاوية بالبيت...الله يرحم موتانا جميعا
 

الفيلكاوي_80

عضو نشط
التسجيل
11 يناير 2007
المشاركات
3,079
الإقامة
الكويت الحبيبه
سبحان الله كأنج تتكلمين عن قصة وفاة أبوي....ذهب وترك لنا ذكراه في كل زاوية بالبيت...الله يرحم موتانا جميعا

الله يرحمه إن شاء الله
 

برميت

عضو نشط
التسجيل
15 فبراير 2008
المشاركات
4,292
ااااااااااااخ عورتي قلوبنااا

الاب اهم شخص في حيات كل انسان نفس ماقال الفيلكاوي اهو عامود البيت والي يرتكز عليه

اللهم ارحم موتانا وموتا المسلمين

بارك الله فيج بنت الكويت
 

جوكوزال

عضو نشط
التسجيل
13 يناير 2007
المشاركات
1,890
اغلا من الوالد مافيه
واقرب من الوالد مافيه
والرجال ما ينكسر ظهره الا بموت ابوه الله يرحم والدي وجميع اباء المسلمين
مومن عادتي ادش الاستراحه اثناء التداول
بس هالقصه جذبتني
الله يسامحج
 

Bent_alq8

عضو نشط
التسجيل
28 سبتمبر 2007
المشاركات
3,735
الإقامة
حبيبتي الكويت
سبحان الله كأنج تتكلمين عن قصة وفاة أبوي....ذهب وترك لنا ذكراه في كل زاوية بالبيت...الله يرحم موتانا جميعا
الله يرحمه برحمته ويغمد روحه الجنه...شكراً لكي غاليتي الماسة...
 

Bent_alq8

عضو نشط
التسجيل
28 سبتمبر 2007
المشاركات
3,735
الإقامة
حبيبتي الكويت
ااااااااااااخ عورتي قلوبنااا

الاب اهم شخص في حيات كل انسان نفس ماقال الفيلكاوي اهو عامود البيت والي يرتكز عليه

اللهم ارحم موتانا وموتا المسلمين

بارك الله فيج بنت الكويت
سلالالالامة قلبك من الآه....أهم شئ برميت دشي الرابط..
واللهم آآآآمين..:rolleyes:
 

Bent_alq8

عضو نشط
التسجيل
28 سبتمبر 2007
المشاركات
3,735
الإقامة
حبيبتي الكويت
اغلا من الوالد مافيه
واقرب من الوالد مافيه
والرجال ما ينكسر ظهره الا بموت ابوه الله يرحم والدي وجميع اباء المسلمين
مومن عادتي ادش الاستراحه اثناء التداول
بس هالقصه جذبتني

الله يسامحج
يشرفني مرورك أخي...
والله يسامحنا أجمعين..
 

" قاصد خير "

عضو نشط
التسجيل
24 أكتوبر 2006
المشاركات
1,614
دام هذه قصصكم خلاص ماااراح ادش الأستراحه أبد .. والله الواحد يدش يبي يقط أهمومه يلقي واحد ناطرة بقصة تبجي الصخر . حتى كيبوردي مايشتغل من الدموع اللي نزلت عليه مثل المطر لا لا كلام ماينسكت عليه خلاص ماااراح ادش :mad:
 
أعلى