حمايه المستهلك

[الوسواسي]

اليوم رحت حمايه المستهلك الي بالفيحاء كانت عندي معامله ولفت انتباهي وجود خباز يعمل في احد الأفرع في منطقه العديليه وكان سبب وجوده انه رافع سعر الخبز الي يحط عليه سمم 20 فلس زياده عن السعر السابق واهالي المنطقه اعترضوا على هذه الزياده وقاموا برفع شكوه عليه وحررت مخالفه على الخباز
عجبني تصرف اهالي المنطقه على هذه الشكوه لعدم اعطاء اخرين فرصه لأستقلال المواطنين حتى لوكان على ابسط شي
الساكت عن الحق شيطان اخرس

 

[ابو عيسى]

هذيل واهم عيال الفيحاء

لو منطقتنا قالوا ايييييه خله يرفع ما ينلام الطحين رافعين سعره

 

[الفيلكاوي_80]

اليوم رحت حمايه المستهلك الي بالفيحاء كانت عندي معامله ولفت انتباهي وجود خباز يعمل في احد الأفرع في منطقه العديليه وكان سبب وجوده انه رافع سعر الخبز الي يحط عليه سمم 20 فلس زياده عن السعر السابق واهالي المنطقه اعترضوا على هذه الزياده وقاموا برفع شكوه عليه وحررت مخالفه على الخباز
عجبني تصرف اهالي المنطقه على هذه الشكوه لعدم اعطاء اخرين فرصه لأستقلال المواطنين حتى لوكان على ابسط شي
الساكت عن الحق شيطان اخرس

عفيه عليهم والله زين يسون

لو كل واحد فينا خذ الامر بجديه مهما كان سعر الزياده جان ما وصلنا للي أحنا فيه الحين

الحمد لله على كل حال

مشكور أخوي

 

[sporty]

الله يعطيكم العافيه والله حطوا ايدكم بأيدنا وماراح نقصر بشي بس كل شي تشوفونه غلط على طول روحو حماية المستهلك او اتصلو على 135 واستفسروا عن الشكوى او الملاحظه

 

[Bubyan]

المواطن رقيب

وهذا الدور لازم نقوم فيه..

 

[rakan_yes]

جزاهم الله خير

خوش فكره
بس وين الناس الي تبطق

على فكره حماية المستهلك رقااابه لها دور كبير في التجاره
لاتستهينون فيهم ياخذون حقك ولو شيصير
انا اشتكيت على شركة الساير على موتري 2008 لاند كروزر والحمد لله وقفوا معاي ليمن رضخ غصبن عنه الساير


لاتستهينون في حمايت المستهلك
هذولي صج قايمين بواجبهم على اكمل وجه
قواااهم الله

وقواكم الله على هالخبر الجيد

تقبلوا تحياتي
ابورااشد

 

[الصج ينقال]

كفو والله

 

[ياقوت]

اشتكوا على الخباز الحين خلوا كل هالغلا وما يابوا الا الخباز يعاقبونه
خل يعاقبون الناس اللي تستاهل العقاب
حماية المستهلك بس يقدرون على الخباز والحلاق والمصور غير جذي ما منهم لا فايده ولا عايده​