شنو ناخذ بعد التوزيعات بيتك-زين-برقان-خليج تأمين؟

[UNIX]

السلام عليكم
يا ريت تفيدونا ايها الاخوه عن السهم الذي يصلح كاستثمار قصير المدى يعني لمده 3-6 شهور
انا من وجهت نظري ان زين وبيتك ممكن يشوفون الدينارين و... وراح تكون اسعارهم مغريه بعد التوزيعه وزياده رأس المال او المنحه وبعد شفت ان الخليج للتأمين موزعه توزيعه كبيره فيمكن سهنها يوصل الى 760فلس وبرقان ايضا توزيعته حلوه طبعا هذه الحسبات تقريبيه ولا اجزم عليها
فشرايكم اذا كانت تصلح ام لا واذا كان كاستثمار جيد ام لا الرجاء الافاده من الجميع ولتعم الفائده عالكل

وشكرا


اخوكم / ورق خسران

شوف اخوي سواء خذيت السهم قبل أو بعد التوزيع كله نفس الشي، لأن قب التوزيع محمل بالأرباح. و بالنسبة حق تخوفك من زين بشأن المنح و الزيادة لرأس المال،، ترى تخوفك مو بمحله لأن المنح و زيادة رأس المال للشركات التشغيلية ان دل يدل على ارادة ادارة الشركة بالتوسع و تحقيق مزيداً من الأرباح و هذ الشي اشوفه بالدكتور سعد البراك و الاستاذ ناصر الخرافي.

الخوف من المنح و زيادات رأس المال بالشركات الداثرة،، اللي همهم يخذون الفلوس و يعطونك منها الأرباح الكاش و الشركات تارسة البورصة.

بالنسبة لي أنصحك بالأسهم التالية للاستثمار فقط لا غير:

1- بيتك
2- زين
3- أجيلتي
4- الأولى للاستثمار أو بيت الأوراق

 

[ميكانيكي]

اخوي

ماكو صندوق ومحفظه ما يملك اسهم في بيتك

 

[ورق خسران]

اله يعطيك العافيه يونيكس ما قصرت طال عمرك عالنصيحه

 

[ورق خسران]

بيتك او زين اختار
بس لو تصبر لما تبين ملامح سنة2008 احسن ماتدري شنو يصير بالسوق
وانت حر

جزاكم الله خير

 

[ورق خسران]

اخوي

ماكو صندوق ومحفظه ما يملك اسهم في بيتك

والله كلامك صح يالغالي بس توهقت ما ادري شنو اللي اوكي بيتك اغلب شغلهم عقاري والعقار يمكن يطيح بالكويت و زين اسمها وايد وبتزيد 125%
والله احترنا عموما الله يعطيك العافيه يالغالي عالمرور والمشاركه

 

[ورق خسران]

روابط متعلقة بيت التمويل الكويتي
ارتفاع القيمة السوقية للسهم بنسبة 1076%
أنهى سهم بيت التمويل الكويتي "بيتك" جلسة اليوم بارتفاع كبير في مستوياته السعرية حيث ارتفع عند الإغلاق بنسبة 2.6% عند مستوى 3.94 دينار بحده الأعلى وهو أعلى مستوى سعري يصل له السهم منذ الإدراج في يناير من عام 1995.
هذا وكان إغلاق السهم أول يوم تداول له في السوق الكويتي في عام 1995 عند مستوى 335 فلس وبمقارنة هذا المستوى بمستوى إغلاق اليوم نجد أن القيمة السوقية للسهم قد حققت ارتفاعاً قياسياً بلغت نسبته 1076% تقريباً.
وما نتحدث عنه من أرقام قياسية تحققت اليوم للسهم جاءت من خلال تنفيذ 338 صفقة على عدد 5.3 مليون سهم تقريباً حققت ما قيمته 20.7 مليون دينار وهي أعلى قيمة تداول في السوق الكويتي خلال جلسة اليوم والتي تسببت بصورة مباشرة في دفع القطاع بالكامل للارتفاع واحتلال صدارة قائمة أكثر القطاعات ارتفاعاً بنمو نسبته 1.29%.
جدير بالذكر أن أرباح "بيتك" في السنة المالية المنتهية في 31 ديسمبر 2007 كانت قد بلغت 275.27 مليون دينار تقريباً مقارنة مع 162 مليون دينار للفترة المقارنة من عام 2006 بنمو نسبته تقترب من 70%، مما دعا المجلس إلى رفع توصية للجمعية العمومية لبيتك والتي ستنعقد يوم الاثنين الموافق 10/3/2007 لمناقشة اقتراحه بتوزيع أرباح على المساهمين بنسبة 65% نقداً و20% منحة


منقول من الاخ مصراوي من النوادي جزاه الله خيرا

 

[UNIX]

والله كلامك صح يالغالي بس توهقت ما ادري شنو اللي اوكي بيتك اغلب شغلهم عقاري والعقار يمكن يطيح بالكويت و زين اسمها وايد وبتزيد 125%
والله احترنا عموما الله يعطيك العافيه يالغالي عالمرور والمشاركه

منو يقول عقار؟

شوف القوائم المالية لبيتك راح تشوف أغلب ايرادات البنك من:

1- التمويل
2- الاستثمار
3- العقار
4- الايجارة
5- المصرفي

 

[ورق خسران]

منو يقول عقار؟

شوف القوائم المالية لبيتك راح تشوف أغلب ايرادات البنك من:

1- التمويل
2- الاستثمار
3- العقار
4- الايجارة
5- المصرفي

ما قصرت يا الحبيب شورتك وهداية الله ما تدري متى يتفصخ سهمهم يعني متى يوزعون؟
والله يعطيك العافيه عالمشاركه والافاده

 

[ورق خسران]

بيت التمويل الكويتي ( بيتك ) الجمعيه بتاريخ 10/3/2008
التفسيخ بتاريخ 11/3/2008
بالتوفيق

 

[ورق خسران]

باجر الجمعيه تتوقعون بيتك يرد يكمل حد اعلى بعد؟؟
واذا كمل جم راح يسكر وهل راح يتأثر سعره بالتوزيعه؟