اللي عنده 10 آلاف دينار

[العوضى]

كل 10000 دينار يطلعلك بالشهر 39 دينار شوى , اعرف ناس حاطين فى اعيان وياخذون 79 دينار بالشهر على كل 10000 دينار

نسيت اضيف انهم فوق هذا عطوهم 200 دينار ارباح على كل 10000 دينار نهايه السنه غير الأرباح الشهريه 79 دينار ( كلامى على اعيان )

 

[قاروه]

اصلا هالشي معروف ياقاروه بس اغلب الاخوان ماعندي خلفية او ماعندهم ودايع ولاتعاملوا فيعتقدون هالنسبة هي كذلك لكن السؤال هل هي مركبة ام لا لان فيها فرق كبير مو بسيط اذا مركبة اما لا وصراحة اذا مركبة السيولة ستهرب من البنوك الاخرى بشكل كبير وتتوجه الي بيت التمويل

طيب بوريم مالفرق بين المركبه والغير مركبه ؟

المركبه الي تضاف ارباح كل شهر على حده وتجمع باخر السنه ؟

 

[باش مهندس]

يعني مو كل شهر 4%

قوية يا بيت التمويل .... والله قوية

مو جذي عاد ... لاحول ولا قوة الا بالله

 

[قاروه]

يعني مو كل شهر 4%

قوية يا بيت التمويل .... والله قوية

مو جذي عاد ... لاحول ولا قوة الا بالله

شفت شلون قصوا علي وعليك

الله يجزاه خير بوريم الي نورنا

 

[باش مهندس]

بدال ما تخسرها في البورصة:

«بيتك»: 4،745% سنويا أربـاح «وديعـة الكـوثر» لشهر فبراير

أعلن بيت التمويل الكويتي ــ بيتك ــ أن الأرباح السنوية الخاصة بوديعة «الكوثر» السنوية ذات التوزيع الشهري قد بلغت 4،745% لشهر فبراير 2008.
وقال مساعد المدير العام للقطاع المصرفي محمد ناصر الفوزان أن الأرباح قد تم ايداعها في حسابات العملاء، وهذا هو الشهر الثانى منذ اطلاق هذه الوديعة الجديدة في بداية يناير الماضي، وسيتم الاعلان شهريا عن توزيعات أرباحها، وكانت التوزيعات عن شهر يناير قد بلغت 4،307%.
وأضاف : وديعة الكوثر طرحها «بيتك» بهدف توفير أوعية ادخارية متعددة الأشكال والفترات الزمنية، ومتنوعة العوائد، ومتباينة من حيث امكانية الحصول على تدفقات مالية منتظمة بشكل شهري اوربع سنوي اوسنوى، وبما يناسب مختلف شرائح العملاء واحتياجاتهم، حيث تأتى وديعة الكوثر مكملة لودائع «بيتك» الحالية التى توزع عوائدها سنويا وكل ثلاثة أشهر، ومستهدفة المودعين الباحثين عن دخل شهري بعوائد مرتفعة.
والحد الأدنى لفتح حساب وديعة الكوثر هو 10 آلاف دينار، ويمكن فتح حساب الوديعة في أي يوم من الشهر، ويتم احتساب الأرباح شهريا منذ بداية الشهر وحتى نهايته، وتعلن الأرباح في الأسبوع الأول من كل شهر، وفي حال فتح الوديعة بعد اليوم الأول من الشهر يتم احتساب الأرباح من اليوم التالي لفتح حساب الوديعة، على أساس عدد الأيام المتبقية منذ ذلك التاريخ وحتى نهاية الشهر.
ويتم استثمار أموال الوديعة بناءً على السياسات العامة للاستثمار لـ«بيتك» وبما يحقق أكبر قيمة ممكنة من العوائد، مشيدا بالنجاح الكبير الذي حققه «بيتك» في هذا المجال والذي أسفر عن تقديم أعلى التوزيعات على الودائع على مستوى السوق لسنوات متتالية.

بس ممكن تشرحولي هالفقرة لأني مو فاهمها الصراحة !!!!!!!!!!!

 

[باش مهندس]

شفت شلون قصوا علي وعليك

الله يجزاه خير بوريم الي نورنا

انا من غير شي ما أحب حركات بيت التمويل
اذا طلع هالكلام صحيح ... خلالالالالالالالالاص بعد مافي شي عندي اسمه بيت التمويل

لا تلوموني ::verymad::

 

[ناصر الكويت]

كل 10000 دينار يطلعلك بالشهر 39 دينار شوى , اعرف ناس حاطين فى اعيان وياخذون 79 دينار بالشهر على كل 10000 دينار

انا اقول في شي غلط

ممكن احد يفتي لنا بودائع الاستثماريه و بحساب التوفير الاستثماري لبنك بوبيان

لاني ماحصلت معلومات كافيه بموقع البنك ومره وحده نستفيد من فتحة الموضوع وحركة بيت التمويل الكويتي

 

[Bo_NaJeM]

ياجماعه الخير

انا يوم من الايام اتصلت على بنك بيت التمويل
وسألتهم عن هالش اكنت حاط ابالي انه راح ينزل لي بالشهر 480 بالشهر
تفاجأة صراحه من هالمبلغ اللي راح اطلع منها كل شهر على ال 10000 قلت يامعود لا بورصه ولا بطيخ احطهم بالوديعه واقعد مرتاح اشحلاتي
بس من يوم دقيت عليهم واستفسرت عن الشي بانت عندي فيلجا


سألت الموظف قلت له اخوي عندكم وديعه الكوثر
قال لي اي نعم امر
قلت له هل صحيح انه الفايد الوديعه واصله هالشهر 4.8
قال لي اي نعم
قلت له اذا حبيت اني اشارك بالوديعه اشلون
قال لي لازم يكون عندي 10000 دينار لكي اشتر شهاده بالوديعه
والارباحها بتكون شهريه
فا قاطعت الموظف وقلت له يعني كل شهر ينزل لي 480 دينار
فجاوبني وقال
لاء الفايده اتكون شهريه يعني
10000 دينار * 4.8 الفايده = 48000 / 100 = 480 دينار / 12 شهر
المجموع الكلي = 40 دينار
يعني مبلغ الشهر على المبغ والفائده الواصله لهذا الشهر يكون 40 دينار
يمكن يصعد او ينزل الشهر اللي وراه يعني 4.8 فائده الشهر واحتمال الشهر الجاي يكون 4.9 او 4.3 يعني الفائده متحركه وليست ثابته
قلت له اوكي
يعني كل شهر ينزل بحسابي ارباح المبلغ
قال لي اي نعم
بس هناك شي واحد
قلت له شنو اهو
قال لي لازم المبلغ يكون موجود بالوديعه سنه كامله واذا يت بسحب افلوسي خلال سته اشهر ما راح استفيد من الفائده اللي نزلت خلا السته اشهر
فقلت له يعطيك الف عافيه على التوضيح وما قصرت


هذا اللي صار معاي
وانته اهني اتكون مخير يا انك اتحطهم بالبورصه او بالوديعه

 

[ابو محمد 2007]

يا اخوان الكلام واضح 10000 يعطونك تقريبا 36 دينار شهريا انا اشوف البورصة افضل والله يرزق الجميع

 

[باش مهندس]

ياجماعه الخير

انا يوم من الايام اتصلت على بنك بيت التمويل
وسألتهم عن هالش اكنت حاط ابالي انه راح ينزل لي بالشهر 480 بالشهر
تفاجأة صراحه من هالمبلغ اللي راح اطلع منها كل شهر على ال 10000 قلت يامعود لا بورصه ولا بطيخ احطهم بالوديعه واقعد مرتاح اشحلاتي
بس من يوم دقيت عليهم واستفسرت عن الشي بانت عندي فيلجا


سألت الموظف قلت له اخوي عندكم وديعه الكوثر
قال لي اي نعم امر
قلت له هل صحيح انه الفايد الوديعه واصله هالشهر 4.8
قال لي اي نعم
قلت له اذا حبيت اني اشارك بالوديعه اشلون
قال لي لازم يكون عندي 10000 دينار لكي اشتر شهاده بالوديعه
والارباحها بتكون شهريه
فا قاطعت الموظف وقلت له يعني كل شهر ينزل لي 480 دينار
فجاوبني وقال
لاء الفايده اتكون شهريه يعني
10000 دينار * 4.8 الفايده = 48000 / 100 = 480 دينار / 12 شهر
المجموع الكلي = 40 دينار
يعني مبلغ الشهر على المبغ والفائده الواصله لهذا الشهر يكون 40 دينار
يمكن يصعد او ينزل الشهر اللي وراه يعني 4.8 فائده الشهر واحتمال الشهر الجاي يكون 4.9 او 4.3 يعني الفائده متحركه وليست ثابته
قلت له اوكي
يعني كل شهر ينزل بحسابي ارباح المبلغ
قال لي اي نعم
بس هناك شي واحد
قلت له شنو اهو
قال لي لازم المبلغ يكون موجود بالوديعه سنه كامله واذا يت بسحب افلوسي خلال سته اشهر ما راح استفيد من الفائده اللي نزلت خلا السته اشهر
فقلت له يعطيك الف عافيه على التوضيح وما قصرت


هذا اللي صار معاي
وانته اهني اتكون مخير يا انك اتحطهم بالبورصه او بالوديعه

الله يا حلاة البوووووورصة

خلاص انا اسحب كلامي اذا السالفة جذي
البورصة احسن لي الصراحه

 

[Bo_NaJeM]

بس تدري اخوي شنو ميزه هالوديعه


انك بعد مرور السنه فلووسك موجوده

 

[الريان]

بس تدري اخوي شنو ميزه هالوديعه


انك بعد مرور السنه فلووسك موجوده

وتدري شنو من اضرارها بالكويت نسبة التضخم اعلي منها وهذا امر سيء للاسف لان المقياس الحقيقي للودايع ان يكون اقوى من التضخم فمثلا تضخم هذا العام قبل فترة وصل الي 7 بالمية ووديعة بيت التمويل كانت 8.4 بالمية يعني الربح الاصلي 1.4 بالمية لان المبلغ الباقي وهو 6 بالمية يعادل اصلا انخفاض ققيمة الاموال بسبب ارتفاع التضخم يعني لو رحت تشتري بيت او او او راح يكون اعلى من العام الماضي على الاقل 7.

ترا مافات شرح سلسل وعامي جدا حتي تصل الفكرة الي الغالبية

 

[kndor]

قاروه انا متاكد من اللي قلتله الف بالمية وعارف شنو اقول اذا قالوا شهريا بمعدل كذا يعني قسم المعدل على عدد الاشهر بالسنة

وللعلم احسبها انت منطقيا 4.3% * 12شهر = 43 % من صجك 43 بالمية خلال سنة لوديعه

انت صح ميه بالميه
والحسبه هذى حق الحساب الاستثمارى او التوفير ناسى اسمه بالضبط وتنزلك شهرى وانا مسويها عند بيت التمويل والوديعه 8.4 والحساب الاستثمارى 4.3 سنوى
والله اعلم اذا غيرو طريقتهم بس مومعقوله الوديعه السنويه 8.4 والشهريه4.3
ماتدش العقل

 

[ولد متيره]

انا اقول اقضب مينونك لا ييك اين منه تحمدو الله على البورصة لو تربح بالشهر 40 دينار ولا اتخلي فلوسك بكيف بيت التموين على الاقل بالبورصة تستفيد معلومات يرتفع ضغطك ينزل نحس بتغيرات بحياتك

 

[ناصر الكويت]

انا اقول اقضب مينونك لا ييك اين منه تحمدو الله على البورصة لو تربح بالشهر 40 دينار ولا اتخلي فلوسك بكيف بيت التموين على الاقل بالبورصة تستفيد معلومات يرتفع ضغطك ينزل نحس بتغيرات بحياتك

التغييرات حلوه بالحياة

يعني يحوشك السكر والضغط ويشتغل القولون وتشيب بعدها تصلع وبالنهاية تصير مثل ابيهاااااااا بدرب الزلق


ها يا شباب منو عنده تجربة بحساب التوفير الاستثماري او الوديعة الاستثمارية ببنك بوبيان

 

[بو دانه]

مساء الخير علي الجميع....الحسه الصحيحه هي علي العشر الاف 35دينار باشهر بشرط ماتكسر الوديعة خلال سنه واذا كسرتها ياخذون الفلوس اللي عطوك.....انا توني مكلم الموظف

 

[fawaz74]

بدال ما تخسرها في البورصة:

«بيتك»: 4،745% سنويا أربـاح «وديعـة الكـوثر» لشهر فبراير

أعلن بيت التمويل الكويتي ــ بيتك ــ أن الأرباح السنوية الخاصة بوديعة «الكوثر» السنوية ذات التوزيع الشهري قد بلغت 4،745% لشهر فبراير 2008.
وقال مساعد المدير العام للقطاع المصرفي محمد ناصر الفوزان أن الأرباح قد تم ايداعها في حسابات العملاء، وهذا هو الشهر الثانى منذ اطلاق هذه الوديعة الجديدة في بداية يناير الماضي، وسيتم الاعلان شهريا عن توزيعات أرباحها، وكانت التوزيعات عن شهر يناير قد بلغت 4،307%.
وأضاف : وديعة الكوثر طرحها «بيتك» بهدف توفير أوعية ادخارية متعددة الأشكال والفترات الزمنية، ومتنوعة العوائد، ومتباينة من حيث امكانية الحصول على تدفقات مالية منتظمة بشكل شهري اوربع سنوي اوسنوى، وبما يناسب مختلف شرائح العملاء واحتياجاتهم، حيث تأتى وديعة الكوثر مكملة لودائع «بيتك» الحالية التى توزع عوائدها سنويا وكل ثلاثة أشهر، ومستهدفة المودعين الباحثين عن دخل شهري بعوائد مرتفعة.
والحد الأدنى لفتح حساب وديعة الكوثر هو 10 آلاف دينار، ويمكن فتح حساب الوديعة في أي يوم من الشهر، ويتم احتساب الأرباح شهريا منذ بداية الشهر وحتى نهايته، وتعلن الأرباح في الأسبوع الأول من كل شهر، وفي حال فتح الوديعة بعد اليوم الأول من الشهر يتم احتساب الأرباح من اليوم التالي لفتح حساب الوديعة، على أساس عدد الأيام المتبقية منذ ذلك التاريخ وحتى نهاية الشهر.
ويتم استثمار أموال الوديعة بناءً على السياسات العامة للاستثمار لـ«بيتك» وبما يحقق أكبر قيمة ممكنة من العوائد، مشيدا بالنجاح الكبير الذي حققه «بيتك» في هذا المجال والذي أسفر عن تقديم أعلى التوزيعات على الودائع على مستوى السوق لسنوات متتالية.

تذكرني بواحد يقول ايام قبل وهو عند نفسه خبير اقتصادي البنك الوطني راح يوزعه 60 % كاش وسعره دينار يعني لايطوفك راح يعطونك 600 فلس كاش...اخوي باش مهندس عليك واحد والريان عطاك الزبده

 

[kwt.to.kwt]

39 دينار شهريا ما تسوى

تك وحدة بالبورصة تطلع اكثر منها

 

[UNIX]

قاروه انا متاكد من اللي قلتله الف بالمية وعارف شنو اقول اذا قالوا شهريا بمعدل كذا يعني قسم المعدل على عدد الاشهر بالسنة

وللعلم احسبها انت منطقيا 4.3% * 12شهر = 43 % من صجك 43 بالمية خلال سنة لوديعه

كلامك صحيح، التوزيع شهري على أساس سنوي 4.3% / 12 = 0.358%

 

[معشي الجن]

نصيحه هالسنه ادخل على سهم صح والا لا تدخل مثل الدار بس مو الحين لما يتفصخ الرابطه هم مو الحين لما يتفصخ البنوك لما اتفصخ والشركات اللي شغلها نفط وبردو لما اتفصخ والله يرزقك