اصحاب التداول الالكترونى عن طريق النت تفضلو بالدخول

[kndor]

نبى حل ياجماعة الخير هالنوع من التداول مو صحيح اننا ننطر لما المكاتب تحط اوامرا بعدين يجينا الدور هالشغله قاعده تخسرنا فلوس انا حاط امر من امس ويجى واحد الساعه تسع ويحط امر ويسير قبلك بالدور والله يرزقهم هذا مو حسد لاكن نبي المساواه
شنو الحل برايكم هل نقدر نضغط على ادارة السوق عشان تشوف مشكلتنا

 

[q80mofa]

والله صدقت اخي الكريم هذي مشكلة التداول الاكتروني
وودرت كثير من المتداولين بسبب هذا التأخير
وان شاء لله يلقون حل لهذا التأخير ..
بس بالنسبة لي إذا حطيت أمر شراء على سهم مهمه أدق على الشركة الساعة 9 بالضبط علشان يدخلون أمري بالسوق بشكل مستعجل

 

[FOREVER]

عندي لكم حل واتوقع مافي غيره تداول باحد شركات الوساطه وخل صفحة الاوسط عندك وشوفها بالبيت واذا بغيت تبيع تدق علي الدلال تلفون وانت بالبيت

وشكرا

 

[kndor]

والله صدقت اخي الكريم هذي مشكلة التداول الاكتروني
وودرت كثير من المتداولين بسبب هذا التأخير
وان شاء لله يلقون حل لهذا التأخير ..
بس بالنسبة لي إذا حطيت أمر شراء على سهم مهمه أدق على الشركة الساعة 9 بالضبط علشان يدخلون أمري بالسوق بشكل مستعجل

شكرا على مرورك يالغالى
يعنى برايك مافيه الا هالحل

 

[kndor]

عندي لكم حل واتوقع مافي غيره تداول باحد شركات الوساطه وخل صفحة الاوسط عندك وشوفها بالبيت واذا بغيت تبيع تدق علي الدلال تلفون وانت بالبيت

وشكرا

شكرا على المرور
يعنى ماكو الا هالحل
ودنا نضغط عليهم

 

[boalons]

الاوسط تعدل اخر ايامه

الاوامر قامت تصير نشطه قبل التداول !

قبل فتره الاوامر تعلق الى 9:15

 

[باش مهندس]

نبى حل ياجماعة الخير هالنوع من التداول مو صحيح اننا ننطر لما المكاتب تحط اوامرا بعدين يجينا الدور هالشغله قاعده تخسرنا فلوس انا حاط امر من امس ويجى واحد الساعه تسع ويحط امر ويسير قبلك بالدور والله يرزقهم هذا مو حسد لاكن نبي المساواه
شنو الحل برايكم هل نقدر نضغط على ادارة السوق عشان تشوف مشكلتنا

كلم الجهة صاحبه التداول الالكتروني ... البرنامج عندهم

 

[نقوشي]

شركات التداول

هي صاحبة التأخير

انا كلمت ادارة البورصة قالت كل الأوامر لدينا سواسية سواء كنت حمد العميري * او اقل متداول لدينا

لذلك تطبق شركات التداول والدلالين ايضا

نظام التفرقة

وهنا تبدأ المحسوبية والناس طبقات

واللي عنده ملايين مو نفس اللي عنده بضع الآف

لوتصير هالشغله بأمريكا مثلا ويكشفونها

يسكرون الشركة او مكتبب الدلاله بالشمع الأحمر

بس هنيه محد يدري ومحد يطالب ومحد ومحد ...

خلها على الله

وللتأكيد أتحدى يطلع اي شخص مسؤول بشركة الوساطة المالية بالانترنت

ويقول تأخير الأوامر بالتداول الإلكتروني من البورصة بتصريح رسمي ...

لان الرد سيأتيه ليكشف الألاعيب التي تتم بهذا الشأن


* مدير محافظ الخرافي

 

[BO-MUBARAK]

فعلا الاوامر بالتلفون تتنفذ اسرع والنت فايدته تشوف امرك تنفذ والا

 

[nasy]

تاكد اخوي لان من بعد ما عدلت البورصه السستم

الاوامر بالاوسط بدأت تتنفذ قبل التداول بعشر دقايق بعد صبرنا الطويل عليهم ولله الحمد

فانت تتداول بأي شركه ؟؟؟؟

 

[*بورصاوي_مبتدأ*]

السلام عليكم جميعا

يا اخوان انتو تتكلمون عن اي شركه؟ لاني ناوي اشترك بهالنظام واخوي شغال عليه ويقول لما يحط امر الشراء مثلا بالليل يتنفذ الامر احيانا على طول اول ما يفتح السوق وبالكثير مو اكثر من ثلاث الى اربع دقايق تأخير فأرجو الافاده​

​

 

[amr-mohammad]

السلام عليكم ورحة الله وبركاته
موضوع دخول الأوامر بسرعة على السوق من خلال التداول الالكتروني تعدل بعد ما البورصة زادت سعة ادخال الأوامر حسب ما أعلنوا ، وأعتقد والله أعلم إن الموضوع ما فيه محسوبية من الشركات لأنهم مش معقول يجازفوا بسمعتهم ويخلوا الناس توخر عنهم ... وبالطبع المنافسة اللي بين شركات التداول الالكتروني تخليهم يلتزموا بالأداء الجيد والمنافس لكسب مزيد من العملاء
دا طبعاً رأيي الشخصي ...
ولي كلمة آخيرة ...
الرزق يجيك وين ماتكون ووقت ما هو مكتوب لايعجله السرعة ولايبطئه التأخير ، الرزق أبداً لن ينتهي
وأنا هقولك لك موقف حصل معي ...
كنت ناوي اشتري سهم على سعر معين وحولت فلوس لحسابي في التداول ، تأخر التحويل وأنا شايف السهم قاعد ياخذونه على السعر اللي أنا أبيه وقرب يخلص المعروض ... قعدت أدق على الشركة وتهاوشت معاهم وقلت لهم أنتوا بكده بتضيعوا علينا فرص جيدة ... وسبحان الله وقت ما سووا التحويل لحسابي يقوم السهم ينزل وأشتري بالنازل والحمد لله ...
ثق بالله وأعلم أن رزقك لن يحصل عليه غيرك
والله الموفق

 

[FAWAZ-1]

ياجماعه ... انا في شركة الوطنية واتداول في نظامها الالكتروني ..
نظامهم بطىء جدا واذا حطيت الامر قبل ما يفتح السوق .. راح ينحط طلبك تقريبا الساعه 9.10 ... يعني يتأخر بشكل كبير ، فلذلك اذا بحط اوامر قبل السوق اتصل على البروكر
ميزة استخدامه انك تكون على بينه بشكل سريع على اوامرك اللي تحطها عما اذا تنفذت ام لا .. بالاضافه انك تكون على بينه وبشكل دقيق على مبلغ محفظتك ...

فعلا تأخير الاوامر قبل السوق مشكله

 

[solaiman]

ادري ان سؤالي ماله علاقه بالموضوع
ولكن سمعت انه ممكن تشتري كسر عن طريق الاوسط بطريقه ما. رغم انهم مانعين شراء الكسور ومسموح فقط البيعز

فجزاكم الله خير اللي يعرف الطريقه يشرحا لي

 

[q8q822]

الوطني احط الامر بالليل يطرشون مسج قبل يبطل السوق بخمس دقايق يقولون دش الامر




الــــوطني وبس

 

[ka3000]

قسم itبالبورصه مسيطره المحافظ عليه

 

[kndor]

تاكد اخوي لان من بعد ما عدلت البورصه السستم

الاوامر بالاوسط بدأت تتنفذ قبل التداول بعشر دقايق بعد صبرنا الطويل عليهم ولله الحمد

فانت تتداول بأي شركه ؟؟؟؟

بيتك للتداول

 

[ورق خسران]

احسن شي اشتراك انترنت سريع بالبيت وبروكر يرد عليك اول ما تدق عليه

 

[امبركو]

ياجماعه ... انا في شركة الوطنية واتداول في نظامها الالكتروني ..
نظامهم بطىء جدا واذا حطيت الامر قبل ما يفتح السوق .. راح ينحط طلبك تقريبا الساعه 9.10 ... يعني يتأخر بشكل كبير ، فلذلك اذا بحط اوامر قبل السوق اتصل على البروكر
ميزة استخدامه انك تكون على بينه بشكل سريع على اوامرك اللي تحطها عما اذا تنفذت ام لا .. بالاضافه انك تكون على بينه وبشكل دقيق على مبلغ محفظتك ...

فعلا تأخير الاوامر قبل السوق مشكله

اخوى آنا مشترك بالوطنيه للوساطه ،،
والتداول جيد لله الحمد والأوامر تدش قبل افتتاح السوق وبسرعه مو مثل قبل ماتدش الاوامر الا بعد افتتاح السوق بعشر دقائق ...

 

[voldo]

بيتك للتداول ونفس المشكله عندي!!!