لا تفكر نجدد قرضك

[جاد جدا]

اولا القروض مافيها بركه وكل من اخذ قرض الله يعينه
ثانيا اذا كنت محتاج فلوس وتنطر الزيادة فاعلم ان البنك المركزي وضع الاقساط لازم ما تزيد عن 30% من الراتب حسب جريدة الوطن عدد اليوم يعني اذا راتبك 600 وقسطك 300 وناطر الزيادة عشان يصير رابك 720 وتجدد القرض فحسب النظام الجديد لازم قرضك ما يزيد عن 230 دينار يعني لا تفكر وتعود على معاشك ونظم امورك وانسى البحبوحه المالية وتعود على الفقر واشتر سيارة صيني 2000 دينار والبس دشداشة الصفاة وتريق شباتي وتغدى عيش مشخول ومرق دقوس وتعشى خبز ايراني مع حليب التموين وعيالك طلعهم السكة يلعبون بدل الملاهي والعاب طفل المستقبل

 

[zooz]

ازيد على كلامك بعد ، تراهم وقفوا الرهن العقاري للسكن الخاص وهذا الخبر من بيت التمويل وتقدرون إدقون عليهم علشان إتأكدون ... وقفوا الإجارة والمرابحة على السكن الخاص بسبب إمتناع وزارة العدل من تسجيل عقود الرهن على قسائم السكن الخاص ... يا شباب ما بقالكم إلا الشقق ويمكن تنطال بعد

الله يعين الجميع إنشاء الله

 

[UNIX]

اتق الله في نفسك،

شد حيلك و ييب شهادة تسوى و اشتغل بالقطاع الخاص و اصنع نفسك، و اقتصد لأن الاقتصاد بركة.

كف عن التشاؤم، مابيك تموت شباب.

 

[كويت2]

اضحك على نفسك .. فأنت بالكويت

 

[جاد جدا]

ليش الجرايد الثانية ما كتبت عن هالموضوع بس جريدة الوطن قالت مصدر مسؤول كأنه اشاعة او جس نبض والبنك المركزي لا يرد ولا يعلق مادري ليش

 

[بشاير]

قول لا اله الا الله وخلوكم متفائلين القرارت الي اتخذها او راح يتخذها
البنك المركزي تصب في مصلحتنا لان البنوك والشركات
التمويليه قاعده تستغل جهلنا بالقوانين وتعطي واهي ما تهمها مصلحتنا
بقدر ما تهمها ارباحها, خل البنك المركزي يسكر الحنفيه عليهم وشوف
ارباحهم جم راح تصير ما اقولك الحين شوفها بعد سنتين وشوف اسعار
البيوت باجر , والله القيود الي قاعد يسويها البنك المركزي من صالحنا
نتعب الحين لكن الشوف من راح يتعب باجر( بمعني بنشوف من راح يضحك باجر اهنا ولا البنوك)

 

[al7mly]

قول لا اله الا الله وخلوكم متفائلين القرارت الي اتخذها او راح يتخذها
البنك المركزي تصب في مصلحتنا لان البنوك والشركات
التمويليه قاعده تستغل جهلنا بالقوانين وتعطي واهي ما تهمها مصلحتنا
بقدر ما تهمها ارباحها, خل البنك المركزي يسكر الحنفيه عليهم وشوف
ارباحهم جم راح تصير ما اقولك الحين شوفها بعد سنتين وشوف اسعار
البيوت باجر , والله القيود الي قاعد يسويها البنك المركزي من صالحنا
نتعب الحين لكن الشوف من راح يتعب باجر( بمعني بنشوف من راح يضحك باجر اهنا ولا البنوك)

كلام صحيح

 

[مضارب شجاع]

المشكله ان القوانين ما تطبق الا على الفقاره المساكين ، اما الهوامير من حظهم الحكومه ما تجرب صوبهم ، لا عبين لعب وما كلين الاخضر واليابس ، ومستغلين الاراضى الحكوميه مثل الشاليهات والشويخ الصناعية ومزارع الوفره والجواخير ...... والله قهر والمواطن محطون طحن
الله كريم وانشاء الله يحوش التجار هذا الظلم وتسحب شاليهاتهم وجواخيرهم ومزارعهم يصبح كل مواطن متساوين فى الحقوق .

 

[ابن صفير]

اولا القروض مافيها بركه وكل من اخذ قرض الله يعينه
ثانيا اذا كنت محتاج فلوس وتنطر الزيادة فاعلم ان البنك المركزي وضع الاقساط لازم ما تزيد عن 30% من الراتب حسب جريدة الوطن عدد اليوم يعني اذا راتبك 600 وقسطك 300 وناطر الزيادة عشان يصير رابك 720 وتجدد القرض فحسب النظام الجديد لازم قرضك ما يزيد عن 230 دينار يعني لا تفكر وتعود على معاشك ونظم امورك وانسى البحبوحه المالية وتعود على الفقر واشتر سيارة صيني 2000 دينار والبس دشداشة الصفاة وتريق شباتي وتغدى عيش مشخول ومرق دقوس وتعشى خبز ايراني مع حليب التموين وعيالك طلعهم السكة يلعبون بدل الملاهي والعاب طفل المستقبل

بالعكس القرار هذا اذا صحيح من صالح المواطن
لكي يوفر من راتبه مصروفه الشهري
افضل من القروض اللي تدمره في المستقبل القريب
ويعجز عن سدادها قي المستقبل القريب
ويطالب في اسقاط القروض بسبب عدم تبقي
مصروف من راتبه الشهري
والله اعلم

 

[UNIX]

المشكله ان القوانين ما تطبق الا على الفقاره المساكين ، اما الهوامير من حظهم الحكومه ما تجرب صوبهم ، لا عبين لعب وما كلين الاخضر واليابس ، ومستغلين الاراضى الحكوميه مثل الشاليهات والشويخ الصناعية ومزارع الوفره والجواخير ...... والله قهر والمواطن محطون طحن
الله كريم وانشاء الله يحوش التجار هذا الظلم وتسحب شاليهاتهم وجواخيرهم ومزارعهم يصبح كل مواطن متساوين فى الحقوق .

أنا ملاحظ أسلوبك، انت اشتراكي؟ مره أشوفك ضد البنوك الربوية و مع البنوك الاسلامية و السبب ليس الدين.. بل "المادة"

الحين أشوفك مع سحب الشاليهات و المزارع من التجار... شالسالفة؟؟ انت تبع جمال عبدالناصر؟

لا يكون راح تأمم هارديز و مطعم كناري؟

يعني كنت أتمنى أقرا منك انتقاد ايجابي نستفيد منه.. ما هجيت انك تبي تساوي التاجر بالعامل!

 

[سايق الخير74]

الحق أحق أن يتبع http://www.asharqalawsat.com/details.asp?section=17&article=150754&issue=8834