التصحيح (الخفى ) منقول من اخونا بودخيل

[الجارح]

كل المحليلن بدون استثناء يقولون ان هناك تصحيح قادم وهذا الكلام صاره اكثر من شهرين .....عندما ا رتفع السوق الى ارقام قياسيه في كل مره

تحليلياً ومنطقيا المفروض حدث التصحيح من ثلاث الى اسبوعين اللي مضوا
ليش ماصار التصيح

هذا السؤال اللي دائما نتسائل .................ولحل هذا اللغز اقرا تعليقى وربط الافكار
لفت انتباهي احد المواضيع اللي كتبها واحد من الاخواه ( اسوق صعد ...ولم نستفيد منه ) ...وربطه مع الاقفالات الثواني الاخيره وربط ادراج كثير من الشركات في 2007
وهناك ملاحظه قمت الاحظها ان الؤشر السعري اخضر ولما تفتح القطاعات
تلقا كثير من الاسهم حمرا
يا اخوان الماي قاعد يمشي من تحتنا وحنا ماندري ........كثير من الاسهم
قاعد اتصحح وحنا قاعد انراقب المؤشر السعري
المحافظ اعرفت نقطه ضعف المؤشر السعري فقامت تعمل تصحيح
للاسهم من دون لحد يحس .....ماتلاحظون في الاوان الاخير كثر الكلام من مدراء المحافظ بتغير المؤشر السعري لان في خداع كثير ............لما كثرت الشركات المدرجه انكشف الخلل بالسعري في السابق الشكات قليله واي محاوله للغش بالاقفالات توضح الان اخر 20 ثانيه المؤشر قام يقفز 35 نقطه الى 50 نقطه هه في السابق غير موجوده
الان اصبحت واضحه وضوح الشمس ولا استغرب اذا قفز اخر 30 ثانيه 100 نقطه

شوفو اسهم العقارات واسعارها هل هي اسعار لمؤشر سعري 14300
والقطاعات الاخرى

ماتلاحظون السوق اخضر والاسعار حمراء .......اسوق اخضر واعلى خمس بجدول البورصه شركات دايخه
وانزل خمس شركات هم الشركات القويه بالسوق

التصحيح دخل على السوق من باب الاسهم وليس من باب السعري
واللي ينطر السعري خل ينطر .........لعب محترفين


واعتقد تحليله 100% صح

اشرايكم يامحللين

 

[مراقب الاسهم]

ماشاء الله تفكير عميق ونظره من زاويه تدل على بعد نظر صاحبها

هذا الموضوع يجرنا سلسه ((افكار))) واسأله فلسفيه تحتاج الى اجابه


اذا كان التصحيح فعلا حدث بصورته الخفيه والمؤشر السعري لايعكس الصوره الحقيقيه للسوق

لماذا ينادي من ينادي (((وانا واحد منهم )))و يتوقعون حدوث تصحيح
بالمؤشر السعري وان هناك تضخم في السوق ؟؟؟؟

لنا عوده ان شاء الله عن قريب

واشكر اخونا الجارح على النقل

 

[talal555]

فعلا كلام منطقي وواقعي

موضوع يستحق القراءة






مشكووووووووووووووور على النقل

 

[الريان]

كل المحليلن بدون استثناء

ما اعرف احد في هذا المنتدى قال ان التصحيح بدا واخر مواضيع كانت لزووم وابو عبدالله وماذكروا هالشي

فاعتقد هالشخص لايبالغ في تعليقه يقول كل المحليلين بدون استثناء

 

[aliii]

بالنسبة للمؤشر يوجد بلوغ أهداف ولكن ما في أي تصحيح لا مخفي ولا غيره

بالنسبة للاسهم فالامر طبيعي جدا ... اسهم تنتهي من موجاتها الدافعة وتدخل في موجات تصحيحية واسهم أخر العكس هو الصحيح
بمعنى وجود تحركات مختلفة لاسهم مختلفة

ولكن واضح انه في حالة عامة من الحذر سائدة بين مجاميع المتداولين
وفي اسهم بالغت وما زالت تبالغ في صعودها ويحق لها لان هذه الفرصة
لا تتكرر الا كل سنة أو السنتين

الشيء الايجابي ان حركة السوق بشكل عام في ايقاع منتظم ودقيق
وما في مؤشر لفلتان الى الان


.

 

[كوادر]

على هالاساس المؤشر راح يرتفع اكثر و اغلب الاسهم الرئيسيه نزوووول

 

[الاديب]

شفيها أذا المؤشر وصل ل 15 الف نقطه و16 الف 20 الف 22 الف ويصحح ويوصل 17 الف ماهي المشكله ،،،،،هل مؤشر البورصه عندنا لازم يوصل 12 وينزل 9 آلاف يعني ؟؟؟؟سؤال يحتاج أجابه​

 

[الجارح]

ما اعرف احد في هذا المنتدى قال ان التصحيح بدا واخر مواضيع كانت لزووم وابو عبدالله وماذكروا هالشي

فاعتقد هالشخص لايبالغ في تعليقه يقول كل المحليلين بدون استثناء

انا لاابالغ فى تعليقى الموضوع مميز ونحب الجميع يشارك فيه

ومنقول من اخ ثقه ومميزه بكتاباته

اوعلى فكره انا اسمى الجارح موهالشخص

 

[1st choice]

فعلا كلام فيه الكثير من المنطق والواقعية والاحترافية....
وهذا ايضا اللى مخلى التفاوت براى المحللين لصعود
السوق او نزوله لان تلاعب الاقفالات الاخيرة زاد وصار
احيانا بفارق كبير لا يعكس واقعية التداول اليومى

 

[الريان]

انا لاابالغ فى تعليقى الموضوع مميز ونحب الجميع يشارك فيه

ومنقول من اخ ثقه ومميزه بكتاباته

اوعلى فكره انا اسمى الجارح موهالشخص

اول شي اخي الكريم انا ما غلطت ذكرت هالشخص واقصد اللي انت ناقل كلامه فقط لا اكثر ولا اقل ولما قلت شخص ما كنت النية الاساءة نهائيا ولا التقليل من شانه ابدا والله على ما اقول شهيد لكن القصد اشلون يحكم على الكل من غير استثناء غريب هالشي وانا اعيد واكرر اتكلم عنه وليس عنك انت مجرد ناقل لكلامه تبي تدافع كيفك ومن حقك وعلى راحتك لانه ممكن تعرفه او صديق لك بس عموما ولا واحد من محللين هالمنتدى قال بدا التصحيح

 

[بن عدوان]

اعتقد هذا مايطلق عليه تبادل الادوار بين الاسهم

وهو ان البعض يرفع المؤشر والبعض الاخر يصحح

مثلا ان القيادي يصحح وبعض الاسهم الاخرى ترتفع ومن ثم يكون العكس يرتفع القيادي ويصحح الاخر

 

[ابودخيل2006]

اود اشكر اخوي الجارح على نقل ......عزيز وغالي
انا عضو قديم من 2005\11 بس قليل المشاركه بمنتداكم .....وانا ادري من الواحد يشوف عضو جديد يخاف اشوي بسبت الاشاعات و التجارب المريره من بعض الاعضاء الجدد .......
=================================



عندي مقدمه اذا سمحتوا لي حتى يكون تحاورنا فيه الفايده للجميع (( مكرر ))
تذكرت برنامج تلفزيوني
عن شركه هيتاشي اليابانيه ...كانت هناك فكره انهم محتاجين يطورون منتج
تدرون كيف طوره ..........ابساطه جلسوا على طاوله مسديره ووضعوا المنتج القديم امامهم وجلس عالم رياضيات وعالم كمياء وعالم بالحاسوب وعالم فزيائي وعالم اللكترونيات
وطور المنتج كلا بعلمه... فالعلم هو مجموعه عقول وليس عقل واحد ولا اصبح العلم ناقص
وانا احترم اللي يحورني ............فكل تقدير وحترام لكل من شارك


دائما اللي عنده خبر بالسوق في كل بدايه لسنه يتوقع سناريو جديد
هناك اسهم افلت ( انتهت) دورتها وهناك اسهم راح تبدا دورتها
هناك سناريو جديد لحركه المؤشر اذا كنا نفكر بطريق وحده وبقناعتنا الخاصه فهذي مشكله كبيره ... المحلل بوجه نظري الناجح اذا توقع وكان متوقع 90% ان السناريو يحدث ........ولكنه لم يحدث ماتوقعه هنا يجب ان يقف ويتامل عند نقطه توقعه ما الخلل الذي حدث .........وهذا افضل من الهروب ........وهذا الملاحظ بالمنتديات هناك محليلن بعتقادي ممتازين لكن لم يحالفه التحليل ففضل الخروج على تحمل النقد اللادع ........وهنا رجائي للاخوان والمشرفين حمايه المحليلن ومواصلته في حالت الانقطاع عن التحليل او تعرضو لهجوم غير منطقي
.....لان بختصار المحلل قاعد يقدم (( خدمات مجانيه )) يبي فقط الدعاء وذكر الطيب

اسف على الاطاله
لنبدا
تكمله للموضوع ( تغير طريقه التفكير )

هناك سؤال ليش تغيرت طبيعه المؤشر السعري وانعكاسها على اسعار
السوق لم يعد دقيقه

هذا السؤال يجاوبه المحلين الاساسين ......هل القيمه الدفتريه لسوق تغيرت ... المعروف عند المحللين الاساسي ان اي منحه او زياد راس مال
لها تاثير سلبي على القيمه الدفتريه لسهم .. ولاني ليس محلل اساسي
فارجوا مشاركتي

شفوا معاي

المؤشر السعري عباره عن مجموع قطاعات .......تدرون ان مؤشر قطاع الاغذيه صاره تصحيح عنيف ونزل 100%
وبعض القطاعات احتوت فجوات ولاخر عمل شمعات 3 نازله شفوا وعلقوا

 

[الجارح]

اول شي اخي الكريم انا ما غلطت ذكرت هالشخص واقصد اللي انت ناقل كلامه فقط لا اكثر ولا اقل ولما قلت شخص ما كنت النية الاساءة نهائيا ولا التقليل من شانه ابدا والله على ما اقول شهيد لكن القصد اشلون يحكم على الكل من غير استثناء غريب هالشي وانا اعيد واكرر اتكلم عنه وليس عنك انت مجرد ناقل لكلامه تبي تدافع كيفك ومن حقك وعلى راحتك لانه ممكن تعرفه او صديق لك بس عموما ولا واحد من محللين هالمنتدى قال بدا التصحيح

بارك الله فيك اخوى الريان

 

[Seven]

السوق بخير ان شاء الله ....

 

[الجارح]

اسمح لنا بودخيل نقلنا موضوعك بدون علمك مسبقا

فقط لتعم الفائده

والان انت حضرت

والموضوع موضوعك

وبارك الله فيك

 

[ابودخيل2006]

اول شي اخي الكريم انا ما غلطت ذكرت هالشخص واقصد اللي انت ناقل كلامه فقط لا اكثر ولا اقل ولما قلت شخص ما كنت النية الاساءة نهائيا ولا التقليل من شانه ابدا والله على ما اقول شهيد لكن القصد اشلون يحكم على الكل من غير استثناء غريب هالشي وانا اعيد واكرر اتكلم عنه وليس عنك انت مجرد ناقل لكلامه تبي تدافع كيفك ومن حقك وعلى راحتك لانه ممكن تعرفه او صديق لك بس عموما ولا واحد من محللين هالمنتدى قال بدا التصحيح

اول شي اخوي الريان اتشرف بمعرفتك ........
انا قلت الاتي

كل المحليلن بدون استثناء يقولون ان هناك تصحيح قادم وهذا الكلام صاره اكثر من شهرين
هل بهذا الكلام خطا ........انا ماقلت ان التصحيح بدا
وانا عند كلمتي المحليلن كلهم وبدون استثناء قلوا ان هناك تصحيح قادم
ومفهوم التصحيح معروف........ ومفهوم الانهيار معروف ....
فهل انت عندك محلل ثقه لم يقل ان التصحيح قادم فرجوا افدتنا لتعم الفايده
ام اللي يبي السوق صاعد بدون تصحيح فكيفه .......هذا خوش محلل

 

[ابودخيل2006]

اسمح لنا بودخيل نقلنا موضوعك بدون علمك مسبقا

فقط لتعم الفائده

والان انت حضرت

والموضوع موضوعك

وبارك الله فيك

هههههههههههههههههه ذكرتني بمسرحيه .....(( مبلاااااااااش ))
شنو الموضوع موضوعك .......

خلك قاعد وين تبي تروح ............
ههههههههه

 

[الجارح]

هههههههههههههههههه ذكرتني بمسرحيه .....(( مبلاااااااااش ))
شنو الموضوع موضوعك .......

خلك قاعد وين تبي تروح ............
ههههههههه

ههههههههههههههههه

ياعمى من صجك المحللين ايقولون ان السوق صاعد مادام المؤشر

اخضر يعنى انت الله ايهدين شوف المؤشر مالك شغل بالاسهم

خلك مع المويه

 

[ابودخيل2006]

من ناحية عندي محلل انا والله الحمد محلل

تم تعديلها بواسطة الريان

الله يزيد علم ياريان ........وان شاء الله منها الى العلى

انا احب اي نقاش ان لا يصير شخصاني ......وللاسف كثير من النقاشات بالمنتديات الاقتصاديه يبدا بالفايده وينتهي بالشخصانيه
فانا صاحب شهاده عليا وتخصص صعب جداً
فما ما ودي ندخل بالنقاش
ارجعك الى موضوعنا الرئيسي ............هل كلامي في خطا
واهل العلم العالي دايما يعروف الحق ويتبعونه

تبي كلام منتديات ولا كلام الصحيح
كلام منتديات كل شي ok وماكو الا العافيه

الكلام الصج ..........راقب هل الاسبوعين الياين عدل وراح تلاقى الجواب

 

[***بومحمد***]

كل المحليلن بدون استثناء يقولون ان هناك تصحيح قادم وهذا الكلام صاره اكثر من شهرين .....عندما ا رتفع السوق الى ارقام قياسيه في كل مره

تحليلياً ومنطقيا المفروض حدث التصحيح من ثلاث الى اسبوعين اللي مضوا
ليش ماصار التصيح

هذا السؤال اللي دائما نتسائل .................ولحل هذا اللغز اقرا تعليقى وربط الافكار
لفت انتباهي احد المواضيع اللي كتبها واحد من الاخواه ( اسوق صعد ...ولم نستفيد منه ) ...وربطه مع الاقفالات الثواني الاخيره وربط ادراج كثير من الشركات في 2007
وهناك ملاحظه قمت الاحظها ان الؤشر السعري اخضر ولما تفتح القطاعات
تلقا كثير من الاسهم حمرا
يا اخوان الماي قاعد يمشي من تحتنا وحنا ماندري ........كثير من الاسهم
قاعد اتصحح وحنا قاعد انراقب المؤشر السعري
المحافظ اعرفت نقطه ضعف المؤشر السعري فقامت تعمل تصحيح
للاسهم من دون لحد يحس .....ماتلاحظون في الاوان الاخير كثر الكلام من مدراء المحافظ بتغير المؤشر السعري لان في خداع كثير ............لما كثرت الشركات المدرجه انكشف الخلل بالسعري في السابق الشكات قليله واي محاوله للغش بالاقفالات توضح الان اخر 20 ثانيه المؤشر قام يقفز 35 نقطه الى 50 نقطه هه في السابق غير موجوده
الان اصبحت واضحه وضوح الشمس ولا استغرب اذا قفز اخر 30 ثانيه 100 نقطه

شوفو اسهم العقارات واسعارها هل هي اسعار لمؤشر سعري 14300
والقطاعات الاخرى

ماتلاحظون السوق اخضر والاسعار حمراء .......اسوق اخضر واعلى خمس بجدول البورصه شركات دايخه
وانزل خمس شركات هم الشركات القويه بالسوق

التصحيح دخل على السوق من باب الاسهم وليس من باب السعري
واللي ينطر السعري خل ينطر .........لعب محترفين


واعتقد تحليله 100% صح

اشرايكم يامحللين

خوش كلام وعموما الواحد لازم يتهيء للأسوء مهما بلغت الإيجابيات ... بس لايكون مبالغ بالحذر ولا حتى بالتفائل ... وبنظري ان الأسلم ان الواحد يركز على مؤشر السهم نفسه الى يتعامل معاه أسلمله من مأشر السوق ككل لأنه من خلاله يقدر يعرف الدخول والخروج المانسبين ..... الى إذا كان شاري بكل الأسهم