أبشركم : بدأ النزول الفعلي للعقار السكني

[سايق الخير74]

استغرب من اللي يقول ما راح تنزل الاراضي يا جماعه الرجل قاعد يقولكم امثله صارت معاه يعني فعلا في نزول بعد ليش المكابر ان شاء الله تنزل وتنهار بعد استفادوا اهل العقار واايد على حساب الكويتيين بس عاد جا دورنا خل نشتري بأسعار معقوله وسؤالي اخوي سايق الخير في ارض شايفها بالشهدا مقابل بيان على الخط السريع جدامها كيبلات الكهرباء وما اعرف صاحبها وودي اشتريها شلون اعرف صاحبها وجم اتوقع سعرها ؟ ومشكوووووووووووووووووووور فرحتنا الله يفرحك

حياك الله اخوي سعر الارض اللي ذكرتها تقريبا 280-300 ألف وبما إنها يم كيبلات الكهرباء ممكن تنزل الى 260 ألف وهالاسعار قبل التطورات الاخيره بالسوق العقاري واتوقع مع الوقت ممكن تلقاها بأقل من هالاسعار وانا اذكر كانت في ارض معروضه بنفس المكان اللي ذكرته بالضبط بقطعه 2 احاول أسأل لك عنها واعطيك خبر ان شالله.

 

[alibahrain2]

السلام وعليكم

اخوي سايق الخير ابي بيت سد ولد في منطقة هدية ق 3 600 م

جم يسوي الحين قبل جم سنه كانت على 90 الف

وجزاك الله الف خير

 

[سايق الخير74]

اخواني تري مو شي زين ان البنوك الإسلامية والشركات الإسلامية تتوقف عن بيع المرابحة لشراء الأراضي والمنازل وان يحدد 30% من الراتب لشراء السلع الإستهلاكية او مواد البناء لأن مو كل الناس عندها كاش كذلك البنوك ستتأثر ارباحها ومن ثم علي المساهمين ومن ثم علي قيمة السهم والحبل جرار في التأثير علي اقتصاد البلد وهكذا ولذا كل مستثمر راح يتأثر ويمكن يخسر بسبب قرارات غير مدروسة ويمكن ما راح يستفيد أحد في النهاية ولذلك لا بد من دور مهم للرأي العام في ذلك حتي لا يقع الفاس بالراس علي صغار المستثمرين قبل التجار ودمتم

كلامك صحيح اخوي بس لاتنسى انه المرابحه وقفت عالسكن الخاص فقط ومازالت موجوده عالاستثماري والصناعي والتجاري وثانيا الشركات الاسلاميه عندها استثمارات وايد كبيره ومهمه غير قطاع المرابحه وتمويل السكن الخاص واعتقد انه ماينخاف عليها.

 

[سايق الخير74]

السلام وعليكم

اخوي سايق الخير ابي بيت سد ولد في منطقة هدية ق 3 600 م

جم يسوي الحين قبل جم سنه كانت على 90 الف

وجزاك الله الف خير

والله اخوي للامانه ماعندي فكره عن هديه وفي مكاتب متخصصه بهالمناطق واللي حوالينها ومتابعين اسعارها بس العام هالحزه كنت ادور بيت حق صديق بهديه وكانت ميزانيته 150 ألف ومالقى بهالاسعار وعقب شهر بدت بالارتفاع بس مع الوقت اتوقع راح تنزل اكثر.

 

[المستثمر الاخير]

اخواني تري مو شي زين ان البنوك الإسلامية والشركات الإسلامية تتوقف عن بيع المرابحة لشراء الأراضي والمنازل وان يحدد 30% من الراتب لشراء السلع الإستهلاكية او مواد البناء لأن مو كل الناس عندها كاش كذلك البنوك ستتأثر ارباحها ومن ثم علي المساهمين ومن ثم علي قيمة السهم والحبل جرار في التأثير علي اقتصاد البلد وهكذا ولذا كل مستثمر راح يتأثر ويمكن يخسر بسبب قرارات غير مدروسة ويمكن ما راح يستفيد أحد في النهاية ولذلك لا بد من دور مهم للرأي العام في ذلك حتي لا يقع الفاس بالراس علي صغار المستثمرين قبل التجار ودمتم

يعنى المواطن الا يبى يسكن مو مهم عندك

اهم شى شركات التمويل والبنوك وسعر سهمهم

الصراحه انت غريب

ياخى الناس تبى تشترى بيت وتسكن ويى عيالها بدون ايجارات

وبهذلتها

روح شوف اهل القسائم فى جنوب السره الغالبيه مأجر

بيته على الناس وساكن شقه

علشان يسدد اقساط للمساهمين اهل البنوك الا انت خايف عليهم

والله انا شارى بيت من 3 سنوات ولانى ولله الحمد ماجر حق احد

بس كلمة الحق تنقال وعلى فكرة انا املك نسب فى شركات

التمويل الا تقول عنها ......بس الارباح الا تجى بالطريقة هاذى

مانبيها

الله يهديك

 

[خالد.]

سايق الخير يعطيك العافيه على المعلومات الطيبه
بماأنك عندك فكره عن العقار والاراضي بخصوص بوفطيره صحيح قبل كانت حق سعودي
وبعدين شراها منه تاجر كويتي ودخله معاه شريك
وبخصوص اراضي بو فطيره ياريت تفيدني بسعر الارض اللي تكون راس
وشكرا

 

[law]

الله يجزاك خير يا سايق الخير على هالموضوع المهم ......

 

[فنان999]

ما أدري ليش البعض زعل من كلامي يا اخوان واحد يبي يشتري بيت وهو علي قد الحال اذا ما في مرابحة شلون يشتري بيت يطر يعني
30% حد اقصي للقرض معناها ما راح المواطن يشتري ما يكفيه من مواد بناء وغيرها
شنو تعتقدون راح يسير البنوك الاسلامبة و
ال شركات التمويلية راح تكش ذبان بعدين
وبعدين هذه الشركات والبنوك اذا ما وزعت ارباح جيدة اخر السنة المساهمين راح يصيحون عليها وين الأرباح والنهاية صغار المستثمرين هم الي يخسرون
ترضون هالشيء

 

[ahmad2]

الإخوان اللى مصرين الى الآن أن الأسعار لن تنزل مو فاهمين مقصد الأخ صاحب الموضوع الرجل قال أن الأسعار بدأت فعليا بالنزول للأسباب التى سبق ذكرها لكن مو معناه انها بتنهار راح تنزل ولكن تبقى الأغلى فى منطقة الخليج لأن الأسعار الأخيره تعتبر ضرب من الجنون ومبالغ فيها جدا جدا يعنى على سبيل المثال فى منطقة العقيله راح يرد سعر الأرض 400 متر شارع واحد إلى حدود 100 ألف أقل أو أكثر بقليل وأعتقد هالسعر مو انهيار للعقار .​

 

[يوسفاني]

شباب البنوك و شركات التمويل من زمان ما تعطي قرض اكثر من 70 الف اكان شخصي او عقاري او غيره حتى لو كان دخلك 10 الاف بالشهر انا افتريت على كل شركات التموين ابي قرض اكثر من 70 الف ماحصلت و دخلي الشهري مرتفع جدا و ممكن ادفع اي قسط قالو لي البنك المركزي محدد القرض بحد اقصى 70 الف مهما كان دخلك و القروض اكثر من 70 الف كانت تعطى للشركات فقط و اللي وقفوها عنهم بالنسبه للسكن الخاص
يعني توقيف القروض و المرابحه ...الخ ماتضر المواطن بس تأثر على الشركات الي تضارب بالعقار السكني و تخلي أسعاره نار

 

[masakeen]

الإخوان اللى مصرين الى الآن أن الأسعار لن تنزل مو فاهمين مقصد الأخ صاحب الموضوع الرجل قال أن الأسعار بدأت فعليا بالنزول للأسباب التى سبق ذكرها لكن مو معناه انها بتنهار راح تنزل ولكن تبقى الأغلى فى منطقة الخليج لأن الأسعار الأخيره تعتبر ضرب من الجنون ومبالغ فيها جدا جدا يعنى على سبيل المثال فى منطقة العقيله راح يرد سعر الأرض 400 متر شارع واحد إلى حدود 100 ألف أقل أو أكثر بقليل وأعتقد هالسعر مو انهيار للعقار .​

كدلك بعض الانخفاضات في اسعار الاراضي و المساكن لن يكون له تاثير
على ارباح قطاع الشركات العقاريه كونها غير مصرح لها بالمتاجره بالبيوت
و الاراضي الخاصه بالمناطق السكنيه

 

[neidan]

اخواني تري مو شي زين ان البنوك الإسلامية والشركات الإسلامية تتوقف عن بيع المرابحة لشراء الأراضي والمنازل وان يحدد 30% من الراتب لشراء السلع الإستهلاكية او مواد البناء لأن مو كل الناس عندها كاش كذلك البنوك ستتأثر ارباحها ومن ثم علي المساهمين ومن ثم علي قيمة السهم والحبل جرار في التأثير علي اقتصاد البلد وهكذا ولذا كل مستثمر راح يتأثر ويمكن يخسر بسبب قرارات غير مدروسة ويمكن ما راح يستفيد أحد في النهاية ولذلك لا بد من دور مهم للرأي العام في ذلك حتي لا يقع الفاس بالراس علي صغار المستثمرين قبل التجار ودمتم

اخوي الموضوع موضوع حاجة مو استثمار.. احنا نبي نسكن.. المستثمر لو ما انه مو مكتملة احتياجاته جان مااستثمر في الزايد عنده بالبورصة او غيرها.. انا اقول خل تشيل اييدها هالبنوك الاسلامية وتدور لها باب ثاني غير باب مساكن الناس.. وياريت قانون يلزم بعد زيادة الفائدة ويحددها مثل ماهو صاير باسعار الاتصالات و غيرها..

كافي استرزاق على ظهور هالمساكين الناس دشة محاكم والسبة قروضها وفوايد هالبنوك.. لاتقولي قروض ترلليه قروض سكن وبيوت لا وبقلعة وادرين عشان لاتقول نتكشخ على ظهر الاقساط..

العقار السكني لازم ينزل.. و البنوك لازم تنزل فايدتها.. ونعم للتشريعات اللي تحد المواطن من الاقتراض اكثر من 30 وحتى 20% بعد.. لان اللي بيتحرك العقار بالنازل اذا يبي يبيع صاحب العقار..

 

[BO-MUBARAK]

يا اخوان ليش زعلانين افا عليكم اغلب البنوك الكويتية افتحت افرع او اسحوذت على بنوك دولية
والشعب الكويتي تشبع من القروض والقانون الجديد او القرار الجديد ليس باثر رجعي
والبنوك مخططين لهذا الامر وتوجهت للاقراض للدول الجاوره ودول اخرى
يعني اخلصت من الكويت وصارت دولية

وبذلك لا يهم اي قرار يخرج او حتى وصلت اسعار البيوت السكنية ان شاء الله الى سعر الفلا 80 الف دينار

وهذا مايطلق عليه الاستثمار الدولي حيث ان المحلى تشبع ولا يحتمل قروض اكثر


اي شخص الحين يبي قرض من الوطني يسوي عقد وياهم للافرع في دولة اخرى او من بيت التمويل

فاهمين

 

[الشرقاوي]

مشكور اخي الكريم سايق خير على هالموضوع القيم
يعني نفهم من كلامك ان العقار الاستثماري والتجاري راح يصعد لان الشركات العقاريه راح توجه سيولتها الى الاستثماري بدلا من السكني
وشكرا لك

 

[يقولون]

حياك الله اخوي سعر الارض اللي ذكرتها تقريبا 280-300 ألف وبما إنها يم كيبلات الكهرباء ممكن تنزل الى 260 ألف وهالاسعار قبل التطورات الاخيره بالسوق العقاري واتوقع مع الوقت ممكن تلقاها بأقل من هالاسعار وانا اذكر كانت في ارض معروضه بنفس المكان اللي ذكرته بالضبط بقطعه 2 احاول أسأل لك عنها واعطيك خبر ان شالله.

الله يجزاك خير يارب ويرحم والديك لا تنساني ابي ارتداد حلو واذا نفس المكان احس واكون شاكر لك

 

[سايق الخير74]

سايق الخير يعطيك العافيه على المعلومات الطيبه
بماأنك عندك فكره عن العقار والاراضي بخصوص بوفطيره صحيح قبل كانت حق سعودي
وبعدين شراها منه تاجر كويتي ودخله معاه شريك
وبخصوص اراضي بو فطيره ياريت تفيدني بسعر الارض اللي تكون راس
وشكرا

الله يعافيك اخوي خالد واول مره اسمع المعلومه اللي حضرتك ذكرتها وماعتقد صحيحه وبالنسبه للأرض سعرها الحالي نزل خلال شهر من 200 الف الى 170 الف ومقططين ومولاقين شراي انصحك لاتستعيل والله يوفقك.

 

[سايق الخير74]

مشكور اخي الكريم سايق خير على هالموضوع القيم
يعني نفهم من كلامك ان العقار الاستثماري والتجاري راح يصعد لان الشركات العقاريه راح توجه سيولتها الى الاستثماري بدلا من السكني
وشكرا لك

هذا مجرد توقع خصوصا انه فوايد البنوك في تخفيض مستمر وهالشي من صالح العقار الاستثماري خصوصا لانه الودايع اصبح عائدها ضعيف.

 

[سايق الخير74]

إخواني الجهيني و law مشكورين عالكلام الطيب والله يوفقكم ويجزاكم كل خير.

 

[Falcon]

يا أخ سايق الخير....مساك الله بالخير

للعقار و الاراضي السكنية مؤشر ....مثل الاسهم ...و لكن بنسبة مخاطرة أقل و مردود مادي على مدى بعيد ...خصوصا للشركات المختصة. هذى ما يمنع من التصحيح المؤقت......

أما و ضع العقار في فترة انهيار الاقتصاد الكويتي و الظروف السياسية السيئة بذلك الوقت....وقت سوق المناخ طبعا يختلف أختلاف كلي عن الوضع الحالي لأن مازال السيولة في السوق في وضع ممتاز ووضع السياسي ممتاز...والبورصة تسجل مستويات قياسيةفي الارتفاع...زيادة الرواتب....ارتفاع ايرادات الدولة من مبيعات النفط و تسجيله ارقام قياسية جديدة ....كل المعطيات تقول اقتصاد البلد قوي و احتمال الدولة مقبلة على مشاريع عقارية ضخمة...أذن العقار اذا ما رتفع راح يكون عند سعر جيد...يعني نزول مو اكثر من 10%

مجرد وجهة نظر و بالتوفيق

 

[shanab]

يعني الواحد اذ يبي بيع يبيع الحين قبل ماينزل حد ادني