أبشركم : بدأ النزول الفعلي للعقار السكني

[ahmad2]

بصراحه كل ما اتذكر صاحبنا اللى يقول ( من صجكم فيه عقار ينزل بعد ما طلع ) يكسر خاطرى وأقول أكيد متوهق بعقار شراه بالعالى والحين الله يعلم بحاله أنا أقوله خساره 20% أحسن من 50% اذا مو أكثر بيع والله يعوض عليك .​

 

[سايق الخير74]

شخبار قسايم اشبيليه وعبدالله المبارك
دورين وسرداب وموقع جيد
جم تتوقع اسعارهم
مع جزيل الشكر​

اشبيليه عليها عزوف من 3 شهور والحين بدت بالنزول في بيت شارع رئيسي وارتداد بطن وظهر 500متر 3 ادوار كان طالب 330 قبل شهرين ومالقى حتى سوام عقبها نزل لما 300 وانباع من اسبوعين 290 وكان ناوي يوصله لما 250-240 على كلام صاحبه لو ماشراه هالشخص 290 وفي ارض شارع رئيسي 400 متر بطن وظهر انسامت من شهرين 207 آلاف كان راعيها يتغلى يدقون عليه ومايرد والحين يوميا يتصل ويتمنى 170ألف..غرب الجليب كذلك موقع جيد دورين كانو بحدود 200-220 وحاليا نزلو الى 170 ومتوقع ينزلون أكثر والله اعلم.

 

[chompion_league]

اشبيليه عليها عزوف من 3 شهور والحين بدت بالنزول في بيت شارع رئيسي وارتداد بطن وظهر 500متر 3 ادوار كان طالب 330 قبل شهرين ومالقى حتى سوام عقبها نزل لما 300 وانباع من اسبوعين 290 وكان ناوي يوصله لما 250-240 على كلام صاحبه لو ماشراه هالشخص 290 وفي ارض شارع رئيسي 400 متر بطن وظهر انسامت من شهرين 207 آلاف كان راعيها يتغلى يدقون عليه ومايرد والحين يوميا يتصل ويتمنى 170ألف..غرب الجليب كذلك موقع جيد دورين كانو بحدود 200-220 وحاليا نزلو الى 170 ومتوقع ينزلون أكثر والله اعلم.

اي هذة الاخبار الي تونس

بعد خل ينزلون اكثر واكثر

نبيهم يوصلون اقل من 150 ان شاء الله

 

[السراي]

مهما زادوا رواتبنا ..ما راح يكون في فايده وتحمل الدوله مصاريف على الفاضي.. برأي المشكله الاساسيه بالسكن. يعني صراحه ليش ما تشتري الحكومه ممثله بهيئة الاستثمار هالشقق اللي انبنت على الهبل. وتوزعهم على المواطنين لما يوصل دورهم للبيت .. يعني اللي يدفع إيجار 350 دينار راح يوفرهم.. مو احسن من ال 120 دينار؟

 

[*بورصاوي_مبتدأ*]

بحدود 400 ألف أقل أو أكثر بشوي ويعتمد عالقطعه افضل قطعه بالسره 5 وبعدها 4 والباجي أقل.

الله يعطيك العافيه وبارك الله فيك يخوي

 

[FAWAZ-1]

فعلا النزول واضح ياجماعه

انا كنت ابي ابدل طلبي الاسكاني مع ارض في فهد الاحمد قسايم وكان العرض ب35 الف شارع واحد
اليوم دق علي راعي المكتب يقولي تبي تبدل علي 25 الف ونحاول فيه بعد يعني حتي بعشرين راح يرضي ...انا طلبي 93 وطالبيني حق جابر الاحمد ...وفعلا عنده استعداد يبدل علي العشرين وانا الحين اللي افكر مو اهو ؟؟؟؟؟؟؟؟؟؟؟؟؟؟؟
شرايكم ابدل والا راح يتبدل الحال مع الايام الجايه ويقوم اهو اللي يعطيني مو انا اللي اعطيه

ماتدري جم وصلت اسعارها الحين ... الراس او البطن والظهر ؟؟؟
والله يعطيك العافيه على هالخبر الحلو

 

[سايق الخير74]

اذا قلنا انه من تاريخ كتابة هالموضوع قبل شهر تقريبا كان العقار قد ابتدا بالنزول الفعلي وكان بحاجه الى عملية تنفس صناعي...الحين أسعار العقار دخلت غرفة الإنعاش بحاله جدا خطره ويوم بعد يوم الحاله تسوء اكثر لأنه قبل شهر كان النزول بحدود 20% على اقصى تقدير بس الحين وصل 40% والقادم أعظم..مقولة العقار يمرض لكن مايموت هذا هو المرض وان كان للمرض درجات.

 

[شرياص العديلية]

اذا قلنا انه من تاريخ كتابة هالموضوع قبل شهر تقريبا كان العقار قد ابتدا بالنزول الفعلي وكان بحاجه الى عملية تنفس صناعي...الحين أسعار العقار دخلت غرفة الإنعاش بحاله جدا خطره ويوم بعد يوم الحاله تسوء اكثر لأنه قبل شهر كان النزول بحدود 20% على اقصى تقدير بس الحين وصل 40% والقادم أعظم..مقولة العقار يمرض لكن مايموت هذا هو المرض وان كان للمرض درجات.

صبحك الله بالخير سايق الخير ...

يمكن انت قاعد تتكلم عن المناطق الخارجية وليست الداخلية ..

أعطيك مثال واقعي :

أخوي شرى له بيت بالعديلية 750 م زاوية وارتداد 10 م واجهة شرقيه

قبل سنة بالضبط ب460 ألف ... شهر رمضان اللي فات عطوه 750 ألف دك

بس اهو يبي يبنيه ... الحاصل أن سعر الأرض لأن البيت هدام أصلا

سعرها السوقي آخر سومه 670 ألف ( فقط نزول 12% وليس 40% )

لأن لو كما تفضلت ... معناتها أن أسعار بيوت العديلية والخالدية راح تكون

350 ألف و 400 ألف ... يمكن توصل بس مو الحين ...

وان وصلت ... من صادها عشى عياله بالكاش وليس بالدين ... لأن سكرها

بويوهنا بيت التمويل وقرارات البنك المركزي بخصوص القسط 40% ...

على الطاري .. ( أبيك تقيم لي سعر عماره بالنقره 870 متر هدام

زاوية داخليه متفرعه من شارع قتيبه ) أجارها 1800 دك ....

عطني سعرك يا سايق الخير ​

 

[سايق الخير74]

هلا وغلا بالشرياص صبحك الله بالخير..صح كلامك النسبه اللي انا ذكرتها 40% تبدأ من المناطق الخارجيه بس على فكره قبل اسبوعين انباع بيت 750 متر هدام بالعديليه شارع واحد 490ألف وعندي بيت معروض 750متر شارع وجدامه ساحه عوده ويمه ساحه زوينه وبظهره سكه يبون 650ألف ولما الحين حتى سومه ماكو وعلى فكره مو هدام والبيت نظيف ومجدد وكله رخام...بالنسبه للتقييم أسألك صاحبي لأنه متخصص بالإستثماري وانا بالسكني واكيد عندك فكره إنه الإستثماري ماله علاقه بالنزول الحالي وبالعكس مصحصح هالفتره ويعتمد اذا فيها إخلاء ولا لأ وفيها مخطط ولا لأ عموما في ارض بحولي زاويه ويمها ساحه عووووده مساحتها 600متر طالبين 750ألف.

 

[سايق الخير74]

أراضي بوفطيره قبل 5 شهور كانت اقل ارض 170 ألف وخلال الاسبوع اللي طاف تمت صفقات 80 ألف !! يعني نزول 47% هذا التصحيح ولا بلاش

 

[Falcon]

يا سايق الخير
الاراضي نزلت للتجار فقط و هذه فرصة ذهبية لهم.. و فئة قليلة من البسطاء اللي عندهم سيولة على كد الحال يعني 100 ألف + 70 ألف من التسليف + قرض بنكي = ممكن يشتري بيت في الوقت الحالي.


ولكن متى ما يكون الفرد المتوسط قادر يشتري ..أهني نقول ممكن يكون القعار نزل.

ارجوا قصدي واضح للجميع

 

[كوادر]

شخبار العقارات و الاراضى الحين و اتوقع خلال اخر السنه اذا وصل مؤشر السوق 6 الاف نقطه نقدر نتكلم بشكل اوضح و الاسعار بوقتها اتصحح اكثر.

 

[ReeEEeeM]

ابي منطقه مشرف 750 او 1000 متر
الخالديه
اليرموك اكون شاكره لو قلت لي بجم سواء ارض او بيت

 

[سايق الخير74]

ابي منطقه مشرف 750 او 1000 متر
الخالديه
اليرموك اكون شاكره لو قلت لي بجم سواء ارض او بيت

مشرف اسعارها مابين 280الف الى 400 ألف حسب الموقع شارع واحد أو موقع مميز للأرض...هذي اسعار خلال الشهرين اللي طافو...اتوقع راح تنزل بنسبة 10% خلال الشهرين اليايين....الخالديه مابين 400ألف للشارع الواحد و 630ألف للمواقع الجيده ونفس الشي اتوقع نزول لا يقل عن 10% خلال شهرين...اليرموك حسب القطعه.....قطعه 1 و 2 مابين 400ألف الى 700ألف للمواقع الجيده....قطعه 1 العروض فيها نادره جدا...جميع هالأسعار للمساحات مابين 750 متر و1000 متر...كل ما قلت المساحه يقل السعر طبعا.

 

[بو هباش الكويتي]

حلو خوش فرصه للي يبي يشتري بس شنو الفايده فلوسنا كلها بلبورصة نشتري اشلون بيت هههههههههههههههه هذي الورطه

 

[rikan]

هلا بسايق الخير عساك تسوقه على الجمال وتوزعه وتاخذ اجره

يله عاد قول امين

واسلم على الشباب المشاركين بالموضوع واللي يدخلون على الموضوع

سايق الخير اتوقع والله اعلم بان حتى الاستثماري والتجاري راح يدخلون

بحسبة النزول بعد فتره عندي احساس قوي والله يرزق الجميع اللهم امين ​

 

[ابو سالم]

شنو الفايدة من نزول الأسعار والفلوس أكلوها الحرامية

 

[بورصة نت]

اخوي سايق الخير 74

ممكن اسعار البيوت اللي مساحتها مابين 375 و 400 متر في منطقه السلام او حطين علي كم اسعارهم الان وشكرا

 

[حفار قبور]

شنو الفايدة من نزول الأسعار والفلوس أكلوها الحرامية

إي والله صدقت

 

[مساهم11]

بشرك الله بالخير
وان شاء الله ينزل وينزل كما نزلت البورصه