البدو والحضر والزبيدي !

الموضوع في 'إستراحة المنتدى' بواسطة عاشق سدني, بتاريخ ‏14 مارس 2008.

  1. عاشق سدني

    عاشق سدني عضو جديد

    التسجيل:
    ‏10 أكتوبر 2007
    المشاركات:
    322
    عدد الإعجابات:
    0
    مكان الإقامة:
    في الاعماق
    منو ما ياكل الزبيدي ؟ الزبيدي أحلى سمجه بـ الدنيا !! قطاوة الكويت شبعت من عظامه .. من كثر ما ياكلونه هذا الشعب السمكي الأصيل منو ما يحب الزبيدي ؟

    آآآه يا الزبيدي .. بـ الصيف و بـ عز الحر ..يدقون عليك البيت و يقولولك تعال يا فلان اليوم مسويلك زبيدي .. تروح هلكان و عرقان و منتهي .. و تشوف السفره عليها بصل أمريكي .. و ليمونتين يلمعون و جرجير .. و لبن المراعي على كتر بارد و والاجار المعتق ..وعقبه جاي المخدر بالنعناع و تنطر شوي ولا حاطينلك الصحن .. العيش المدهّن و الحشو الوحشي و السمنه الخياليه .. و أخيراً شمعة الجلاس سيدتي الزبيديه طبعا مو كل بيت يعرف يطبخ هالطبخه العريقه للاسف

    كل هذي اللحظات السعيده تدمّرت في عيون المواطن الكويتي .. الزبيدي صار كيلوّه بـ 14 دينار يعني إذا حاب تصير إنسان لطيف و تتغدى زبيدي ويا أهلك .. لازم تدفع 100 دينار و اللي كان ياكل زبيدي يوم و ترك قام ياكله مره كل أسبوعين !! 14 دينار شنو .. ليش مو مليووون ؟! الله يخلي الميد والصبور خلطة من الثوم والبهارات وطعم لايعلى وبلاش !

    وبالمناسبه رحت ذاك اليوم سوق السمج مع صاحبي بالامارات لم سئلته عن الزبيدي عندهم قال ماييبونه ولم رحنه قالو هذا ييبونه من ايران بس يودونه الكويت لان عليه طلبيه وايد مايجي امارات !

    وعموما السمج بنهايه كل مفيد وافضل من اللحم لان اللحم يعتبر داء رئيسي لامراض القلب والشرايين والكوليسترول والنقرس الروماتيزي
    عشان جذيه نشوف اخوانه العيم يصك عمرهم 60 ومافي ولا مرض اما البدوي اكال اللحوم والبعارين بس يوصل 40 صارت فيه الجلطه من هاللحوم بس في بدو الي بصحرا تشوفه بصحه وقوته عن 3 رجال وعمره 70 ولم تساله ليش يقولك ماكل الا تمر وحليب نياق


    - بس السوال اهو متى راح ينزل سعر الزبيدي .. و جم تتوقعون راح ينزل في شهر 6 ؟!

    - بـ الوقت الحالي الأكثريه لجئوا للزبيدي الإيراني أو الباكستاني .. أيهما تفضّل ؟

    - حالياً تاكلون زبيدي كويتي ؟ إذا الإجابه " نعم " .. كل متى تاكلونه و شـ رايكم بـ سعره ؟!
     
  2. sa3od29

    sa3od29 عضو نشط

    التسجيل:
    ‏6 مايو 2007
    المشاركات:
    1,642
    عدد الإعجابات:
    0
    مكان الإقامة:
    عروس الخليج
    انا حسيت بعد الكلام الي كتبته راح يمر علينا زمن.....ناكل لحم كل شهر مره


    الله يسامحك ياخي انا اقرى الموضوع واتالم من الاسئلة الي حاطها


    بس اقول معاك حق هذا الي اقوله
     
  3. Pivotrend

    Pivotrend عضو مميز

    التسجيل:
    ‏18 يوليو 2003
    المشاركات:
    2,103
    عدد الإعجابات:
    0
    مكان الإقامة:
    الكويـــت
    اما البدوي اكال اللحوم والبعارين

    ماله داعي تصف البدوي بال " اكال " اخ عاشق CINDY
     
  4. عاشق سدني

    عاشق سدني عضو جديد

    التسجيل:
    ‏10 أكتوبر 2007
    المشاركات:
    322
    عدد الإعجابات:
    0
    مكان الإقامة:
    في الاعماق
    ههههههههههههههههههه خليت كل هالموضوع وماركزت الا على كلمة اكال الله يهداك حياكم على مروركم
     
  5. Shima

    Shima عضو نشط

    التسجيل:
    ‏17 أغسطس 2007
    المشاركات:
    1,120
    عدد الإعجابات:
    0
    اي والله ماله داعي
    ليكون حسباله الزبيدي مخلوق حق الحضر ليش نازل لكم صك بتخصيصه لكم هذا من خير الله وكلن ياكله
    مو العالم كلها تاكل لحووووم بس وقفت علي البدو ,,,,
    والله ماعندك سالفه
    وحاشر البدو في سالفتك ,,, لحد يتكلم عن البدو احمق انا ,, :p
     
  6. Nagooshy

    Nagooshy عضو نشط

    التسجيل:
    ‏17 مايو 2006
    المشاركات:
    3,228
    عدد الإعجابات:
    2
    مكان الإقامة:
    الخالديه - الكويت
    اي والله صدقت

    انا اليوم رحت سوق السمج ولقيت الزبيدي الكويتي غالي.... :( والله ضايق خلقي


    وخذيتلي الزبيدي الايراني...بعد لاحول ولا قوة
     
  7. Pivotrend

    Pivotrend عضو مميز

    التسجيل:
    ‏18 يوليو 2003
    المشاركات:
    2,103
    عدد الإعجابات:
    0
    مكان الإقامة:
    الكويـــت
    اخ عاشق CINDY وصفك البدوي ب " اكال " غلط
    اما انها تعني تكبر و عنصريه او خطأ تعبيري
    ولا تنسى ان الحضر عندهم عادات شاذة ماله داعي نذكرها
    خلني ساكت احسن

    " انا خلقناكم شعوبا و قبائلا لتتعارفوا ان اكرمكم عند الله اتقاكم "
     
  8. kndor

    kndor عضو نشط

    التسجيل:
    ‏29 يوليو 2007
    المشاركات:
    1,076
    عدد الإعجابات:
    23
    مكان الإقامة:
    الكويت
    يازين لحم الحاشى
    والطلى اللى على كيفك

    البدو رمز الاصاله والطيب والعزه والشجاعه والكرم بكل المجالات

    والزبيدى له الفخر ان البدو ياكلونه
     
  9. UNDER_0

    UNDER_0 عضو نشط

    التسجيل:
    ‏2 ابريل 2006
    المشاركات:
    788
    عدد الإعجابات:
    9
    أعتقد أخونا ماكان يقصد بكلمة أكال شيء
    مجرد تعبير أن البدوي مقدار أكلهم للحوم الحمراء أكثر من زمان اول وهذا بسبب طبيعهتم على الرعي والصحراء...وسلامتكم
     
  10. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء
    لاسمك لا دجاج لا لحم كله بيصير غالي

    اخرتنا بنحول على الفول والكشري واذا بنتدلع شوي نسوي معكرونه بالبشمل


    سؤال / العنوان كان عن البدو والحضر

    وما ذكرت الحضر ذكرت العيم
     
  11. sa3od29

    sa3od29 عضو نشط

    التسجيل:
    ‏6 مايو 2007
    المشاركات:
    1,642
    عدد الإعجابات:
    0
    مكان الإقامة:
    عروس الخليج
    :) يا شباب بقولكم معلومة بس بسيطه ترى الحضر المقصود فيهم هم اهل المدينه الي ساكنين المدينه او على الساحل وهم بالاصل بدو

    والبدو مو كلهم بدو وذلك لتشابه اللهجات....لكن في من البدو من هو فلاح يزرع وساكن جبال..وفي من البدو ساكن مدينه وفي من البدو تحضر

    فكلنا نفس الشي والي يختلف عن البدوي والحضري مو العرق...الي يختلف اللهجه والبيئة والعادات والتقاليد فقط لا غير واله كلهم يصيرون حق بعض لو رجعتو للتاريخ وشكرا
     
  12. عاشق سدني

    عاشق سدني عضو جديد

    التسجيل:
    ‏10 أكتوبر 2007
    المشاركات:
    322
    عدد الإعجابات:
    0
    مكان الإقامة:
    في الاعماق
    اوووووووو يبه الموضوع صار عنصريه شسالفه تر خطاء تعبيري موقصد والبدو اشرف ناس واكرمهم بعاداتهم وتقالديهم وجودهم ولم اقول اكال لحوم اهو هم رمز للرجوله والوحشنه مثل الاسود ويكفي انه اصلنا بدوي بس الناس فسرت غلط
    تحيااااااتي على مروركم


    [​IMG]





    حنا بدو يمكثرين العذاريب**** وحنا هل الناموس ياجاهلينا

    حنا ولدنا لاظهر كنه الذيب***** يضحك حجاجه لا لفو الغانمينا

    والعود لامنه كساوجهه الشيب**** يزود قدره كثر زود السنينا

    وماحن نهوز قصيرنا بالمشاعيب**** بالعكس الطفبه من ام الجنينا

    خوينا نسقيه حلو المشاريب **** ولو مهتنا حنا ترى مهتنينا

    وحنا ليصارالطلب والمطاليب*** مروين حد مصقلات السنينا

    حنا لياكثرت علينا المشاغيب****نصبر عليها لين ربي يعينا

    وحنا ليا شدنا فروس المشاديب**** فوق العلالي مثل اسود العرينا

    وحن لاهرجنا مانعرف الاكاذيب**** يعيـبنا هرجـن بلـيا يقينــا

    وحن ضيفنا يلقى كثير التراحيب ****ونسقيه من صفر الدلال الثمينا

    من عقب ذا نطيبه من غالي الطيب**** ونفدغمه فطحت خروفن سمينا

    صحيح حن نتبع هوا شمخ النيب**** ممشا معاها عز يـا نـاقديــنا

    هاذي عطايا الله حرش العراقيب****عز العرب ياللي لها ناكرينا

    تامن بنا الطياح ام الدباديب**** اللي بها عشب القفر قد رعينا

    تبرا الحيرانن صغارن حباحيب **** سودن اذانيها كما شلفتينا

    من لامنا في حبنا لفطر الشيب **** جعله فدا لمهجرعات الحنينا

    ماتعيبناسود البكار الحنازيب**** مدام نعطي حقها اللي علينا

    هاذي صفات البدو واهل المواجيب**** بياعت الغالي على المشترينا

    (( نعم بدو كان البداوه غدت عيب**** وكن ذي عذاريب البدو قابلينا))
     
  13. al7bebe

    al7bebe عضو نشط

    التسجيل:
    ‏24 مارس 2005
    المشاركات:
    10,052
    عدد الإعجابات:
    941
    الحمدالله انا مو من الصين

    جان اكلنا كل شيء
    الحمدالله انا مسلمين
     
  14. عليمنكي

    عليمنكي عضو نشط

    التسجيل:
    ‏17 يوليو 2005
    المشاركات:
    360
    عدد الإعجابات:
    0
    مكان الإقامة:
    الكويت

    شقصدك يعني شفيهم المصريين
    وشفيه الفول والكشري
    ولا يعني انتم سمويتوه مموش صار اوكي

    اي ما ارضا على الخوال ترى الوالده مصريه :p
    ولحد اييب طاري الفول :)
     
  15. ياقوت

    ياقوت عضو جديد

    التسجيل:
    ‏18 فبراير 2006
    المشاركات:
    1,726
    عدد الإعجابات:
    0
    مكان الإقامة:
    kuwait
    يازين الكشري :) خصوصا اذا اكلته من كشري ابو طارق

    وعلى ضوء غلاء الاسعار اتوقع انه احنا بنرد ناكل اموش ومعدس :) طعمهم لذيذ طبعا.. واللحم ناكله بعيد الاضحى والدياي والسمج في عيد الفطر ​
     
  16. حكيم زمانه

    حكيم زمانه موقوف

    التسجيل:
    ‏18 فبراير 2008
    المشاركات:
    127
    عدد الإعجابات:
    0
    رجاء صاحب الموضوع لايسوي جنجال مع نفرات بدوي بعدي واجد وايد مو جين جنجال
     
  17. قلم حر

    قلم حر عضو مميز

    التسجيل:
    ‏29 مايو 2004
    المشاركات:
    26,415
    عدد الإعجابات:
    3,380
    مكان الإقامة:
    الكويت بلد الاصدقاء
    المصريين اجدع ناس :)
     
  18. khalid592

    khalid592 عضو نشط

    التسجيل:
    ‏2 مايو 2005
    المشاركات:
    673
    عدد الإعجابات:
    0
    مكان الإقامة:
    kuwait
    البدوي اكال البعارين هههههههههههه ليش شايفنه اسود الله يهداك .. انا بدوي ما اكل لحم يعني اعتبر غير عنهم؟؟ بعدين اكثر ناس ياكلون السمج بدو واكثر ناس يتفننون بطبخ السمج هم بدو .. عبالك انه البدو مو اهل بحر يعني؟؟ طلعت متخلف يا راعي الموضوع .. نتمنى من المراقبين يسكرون الموضوع التافه لانه فيه عنصريه من كاتبه الاحمق !!!!
     
  19. نيويورك

    نيويورك مستشار قانوني

    التسجيل:
    ‏20 يناير 2007
    المشاركات:
    1,159
    عدد الإعجابات:
    0
    مكان الإقامة:
    الكويت


    انا رحت له مقابل هيلتون رمسيس .. و عنده اجانب ينزلون بباصات ياكلون كشري

    http://www.aboutarek.com/final/kosh_info/kosh_77.htm
     
  20. عاشق سدني

    عاشق سدني عضو جديد

    التسجيل:
    ‏10 أكتوبر 2007
    المشاركات:
    322
    عدد الإعجابات:
    0
    مكان الإقامة:
    في الاعماق
    احتراما للمنتدى المحترم ولا عرفت شلون ارد على اشكالك عالعموم ترا المنتدى هذا حق المحترمين مو مكان هيلق وسب وانا اذا كتبت كلمه محد قصد فيها غلط ووضحت السالفه لكن الاحمق الي مايفهم بالقوانين المنتدى مثلك ومايفهم الي نكتب بالموضوع والموضوع عن الزبيدي اذا كنت تعرف تقرا لكن شتفهم عالعموم القافله تسير ........!