هذا الي صار معاي .......... بيت التمويل والايجار

[متداول اسلامي]

السلام عليكم
مساكم الله بالخير يا شباب
سمعو السالفه وشاركوني العجب

يمكن في احد بالتحقيقات يفيدنا
او احد من بيت التمويل ويفيدنا
ونعرف الي لنا وعلينا

اول شي مأجر سياره من بيت المويل سنتين
ماباقي شي وينتهي العقد المهم
قبل كم يوم بطريق منطقة جبد ومايخفى عليكم ماطريق كبد

طبيت في حفره في الشارع العام شارع طريق كبد المعروف الي امتداده من جسر صباح الناصر الى الدوار
هذا الشاره في حارتين
يمين للشاحنات
ويسار للسيارات الي تسرع وتمشي

ماشي بالحاره الشمال فجأه الي جدامي وخر ولف يمين بسرعه والا

جدامي حفره بالقار
الحفره وما ادراك مالحفره

طبيت فيها وكانت حفره قويه وخطره ويمكن الي مر بالشارع هذا يشهد لكلامي

الاضرار الي سببتها لي الحفره
ان السياره الجانب الايسر التاير الامامي والتاير الخلفي من الجانب الايسر
على الرنقات
رنقات تعورت رجفه يعني الميزان اعتفس وهذا شي بسيط بالسيارات
ودعاميه انكسرت من تحت

رحت
البيت ريحت
رحت من باجر مخفر المنطقه قلت السالفه قالوا لازم تروح مخفر موقع الحادث
رحت مخفر جبد قلت لهم السالفه
قالي اي طريق وانت داخل كبد ولا وانت طالع من كبد
قلت له وانا طالع من كبد ومتجه لجسر صباح الناصر

ابتسم الضابط وقالي هذا مو تابع لنا!
روح راجع مخفر الاحمدي
!!!!!!!!!!!!!!!!!!!!!!!!!!!!!!!!!!!!
رحنا الاحمدي
من مخفر لين التحقيقات ومن رئيس المخفر لين الكتبه
خلصت ورقة الحادث
المحقق حط علي مخالفه
حق عام ومخالفه عدم الانتباه للطريق وتسببت في اتلاف سيارت شركه بيت التمويل!

حق عام ليششششش؟
وانا ماعورة لا شبه ولا اشاره ولا كسرت رصيف ولا شي
حفره بالشارع وانا طبيت فيها وانا الي تعورت؟؟؟
اقول للمحقق زين ليش مخالفه عدم انتباه للطريق وتسبب في اتلاف سياره بيت المويل؟
يقول شسوي والله هذا القانون
رحت الوكاله وديت السياره على اساس ايجار وتامين
عطوني سياره بديله

واليوم دقو علي بيت التمويل وقالوا لي
السيد فلان الفلاني
تعال رجع السياره البديله
وكنسل العقد
لان سيارتك الايجار وديناها سكرااااااااب
وماتتصلح
هل يعقللللللللللللللللللللل؟

ومطلوب مني ربع قيمه السياره
لان ضد مجهول
تعال شوف عاد كم الف الفين ولا ثلاثه

الحين شرايكم يا شباب؟
يعني وقتها الف اطق بريك عشان لا اطب بالحفره واخلي الي وراي بهاليل يدعمني ويتعور ولا الف على اليمين وادعم الي على جنب كل هذا عشان لا اعور سيارتي ولا يصكني مخالفه عدم انتباه !
لا وذاك الوقت رحت برفع قضيه على الاشغال بالمخفر قالوا لي احنا نكلم الاشغال وجدامي دقو علىى طوارئ الاشغال وقالوا لي خلاص كلمناهم قلت لهم برفع قضيه
قالو شوف التحقيق
رحت التحقيق قالوا شوف المخفر !
الحين بيت التمويل بالعقد يقول انت ملزوم تدفع ربع قيمتها
وبعدين انت تروح تطالب وزارة الاشغال

رحت اشوف الحفره بصورها ولا مصلحينها ومبين رقعه اصلاح جديد


الحين شرايكم يا شباااااااااااااااااااااااااااااااااااااااب





ولي رجاء خاص
من الي ماعندهم شغل غير التعليقات الساخره خل يستريحون شوي ولا يشرفون

ودي بالشباب الطيبين الي فيهم الخير يفيدونا

 

[متداول اسلامي]

وللعلم لنا سياره ثانيه طبت بالحفره والتايرين على الرنق بعد ينسم التاير تعور الرنق
وقبل كم اسبوع سياره قالصه خيول عربانه وطبت وفلتت العربانه وماتو الخيول اثنين حصن
وقبلها سياره قالصه بقيات وافلتت بعد الحمدلله الله ستر على السيارات من الحادث
هذا بس الي اعرفه غير الناس الثانيه
والله المستعان




للي يعرف احد في بيت التمويل او يشتغل
هل اقدر اطلع السياره ومابيهم يصلحونها
يبا انا ابدل رنقات وانا اضبط الهئيه واصلحها؟
ولا هالكلام

هل اقدر ارفع قضيه على الاشغال عشان اطالبهم بالي راح ادفعه لتمويل؟

 

[بوسعود66666]

الله يكون فى عونك يااخوى بس اللى اعرفه ان فى شى اسمه تأمين شامل على التأجير
ممكن اعرف ليش يبون يدفعونك ربع قيمه السياره؟؟
على فكره انا صارلى 5 سنوات وانا ااجر من بيت التمويل والحمدالله ماصار معاى ا ى مشكله

 

[Pivotrend]

الله يعينك
صراحة حلها شوي معقد و يبيلها معارف هنا و هناك
بصراحة الي أعرفه أن بيت التمويل إذا تكاليف إصلاح السيارة أكثر من 75% من قيمتها السوقية يسكربونها ولا تدفع لهم شيء
الا بحالة حادث ضد مجهول تدقع 25% فوق تكاليف الإصلاح إذا كانت أكثر من 300 دينار

و لكن بحالتك لا يوجد مجهول
المخطأ هم وزارة الأشغال و أنت مالك ذنب باللي حصل
و لكن بيت التمويل قانوني جدا و لم يخطأ و يبي يحفظ حقه
المشكلة أن ورقة الحادث ضد مجهول

 

[عاشق سدني]

يعطيك العافيه اخوي والله يعوض عليك انا خبره بالاجار كنت باعيان ورحت التمويل 4 سنوات الهم كل هسوالف مريت فيها ستين مره لان السياره كانت للسايق وشوف البلاوي الي اذكر هم مره صارت سالفه حفره بالمخيم ونكسرت الدعاميه وتعورت من تحت المهم صار نفس قصتك بالمخفر
بالضبط وبعد معاناه وفرارة كل مخافر الكويت تبين لي انه العقد التمويل يقول اذا السياره كانت متعوره من حفره وسوء استخدام على العميل التحمل اما اذا كانت السياره متعوره من حادث من طرفين فالتامين والشركه التعيسه تتحمل كل الاعباء واذا مجهول لك النسبه وتعال ادفع المخالفه حق عام اذا كنت داش بطوفه
انا انصحك نصيحه يااخ ستوكي انك ماتدفع ولافلس حق هالشركه البلاعه اول شي تسوي ترروح وتضبطلك محقق يعطيك ورقة تامين حق اضرار ااسياره وبعده تشوفلك واسطه او اي احد يعرف المدير هناك او نته دش وتكلمه حق تصليح التامين وحاول تقرا العقد عدل لان اهو الي يحكم في حال القضيه
اخر شي وفي اسوء الاحول ياخوي نصيحه لاتدفع ولا فلس حق هالبعبع حول السياره بسمك رراح تكون انت الرابح لانك ماراح تخسسر فلوسك الي قطيته طول هالمده تروح بطنهم بلاش وزياده وانت تصلحها واذاغتبي تبيعها راجعلك وراح يكون القصد ارخص وايد وملكك في النهايه وهم بنهايه ادرس العقد عدل معه سعر تحويل السياره وشوف شنو ارخص واصلح ودمتم سالمين !

 

[متداول اسلامي]

الله يكون فى عونك يااخوى بس اللى اعرفه ان فى شى اسمه تأمين شامل على التأجير
ممكن اعرف ليش يبون يدفعونك ربع قيمه السياره؟؟
على فكره انا صارلى 5 سنوات وانا ااجر من بيت التمويل والحمدالله ماصار معاى ا ى مشكله

الله يهينك ويبعد عنك هالسوالف

على كلامهم يقول المقايسات طلعت وحكم ان السياره خلاص سكراب
واهي اللهم حفره طبيت فيها وتعورو رنقين ويبيلها ميزان التواير

على اي اساس هل اقدر اطعن وابطل مقايساتهم

 

[متداول اسلامي]

الله يعينك
صراحة حلها شوي معقد و يبيلها معارف هنا و هناك
بصراحة الي أعرفه أن بيت التمويل إذا تكاليف إصلاح السيارة أكثر من 75% من قيمتها السوقية يسكربونها ولا تدفع لهم شيء
الا بحالة حادث ضد مجهول تدقع 25% فوق تكاليف الإصلاح إذا كانت أكثر من 300 دينار

و لكن بحالتك لا يوجد مجهول
المخطأ هم وزارة الأشغال و أنت مالك ذنب باللي حصل
و لكن بيت التمويل قانوني جدا و لم يخطأ و يبي يحفظ حقه
المشكلة أن ورقة الحادث ضد مجهول

امين ويعين الجميع
على كلامهم يقولون اذا حادث مشترك بين طرفين
نتحمل عنك 100%
اذا ضد مجهول تتحمل 25%
من القطع والاجور

بيت التمويل قلت له حفره قالي حادثك ضد مجهول
المخفر قلت له قالي ضد مجهول
المحقق قلت له قالي ضد مجهول
لانه لو سياره وسياره كل سياره وتامينها يكفلها
اما انا الشركه ما تناطح الوزاره
انا يبوني اطالب بتعويض من الاشغال

حوسه

الفين عشان تايرين
طرطره

 

[متداول اسلامي]

اي والله صدقت
من البدايه حبيت امشي بالسليم
قالوا لي روح مخفر عند محقق معرفه يطلع لك ورقة حادث بين طرفين مشترك عشان ما تتحمل ولا فلس
لكن ما حبيت اسويها
الله المستعان ان شالله تتسهل
بس اذا عندك خبر اقدر اطلع السياره وانا اصلحها ولا كان صار فيها شي

 

[zoya_y]

بس هذا مو غلطك ليش الاشغال مخلينها جذي وماشيين مايصير ...


روح حق محامي يطلع لك حقك من عيونهم

ولازم تقرا العقد عدل يمكن فيه بند انهم ما يتحملون اخطاء وزارة الاشغال والله يعينك ​

 

[Pivotrend]

اعتقد لا يوجد غبار على بيت التمويل و ليس له أي ذنب بما حدث
عقدهم واضح و صريح
حادث عادي يتحمل العميل 0%
ضد مجهول يتحمل العميل 25% ماكان أكثر من 300 دينار
المشكلة في تقرير الحادث و ليس بإجراءات بيت التمويل

تخيل لا سمح الله هذا الحادث بسيارة ملكك ماذا سيحدث
ستنتظر و تنتظر شهور حتى تحصل على شيء بسيط من شركة التأمين
و قانونهم نفس الشيء بالضبط 25% ضد مجهول

إحمد ربك مأجر من بيت التمويل و الله يكون بعونك
و الحمدلله على السلامة
بالحديد ولا بالعبيد

 

[بوغمازات]

اخوي اول شي الله يعينك علي اللي انت فيه ... وثاني شي انت الله يهداك رحت وسويت وتصرفت قبل لاتستشير احد او اتقوله اللي صار .. الحين صار كل شي وانتهي بمعني ماتقدر ترجع ابكلامك وتقول انا اصلح السياره علي حسابي ... المشكله مو بالحادث ضد مجهول ولا الحق علي وزارة الاشغال .. المشكله المكتوب في عقد الاجار ؟؟؟ وراح يصيدونك باللي موقع عليه بعقد الاجار ... !!!! سالفتك والله بسيطه بس المفروض اتقول قبل لاتروح مخفر ويصير تحقيق وضد مجهول .... جان ضبطتك ومادفعت ولاشي .. بيت التمويل من الشق للشق ياكلك والله يعينك ..

 

[الصبر زين]

اي والله صدقت
من البدايه حبيت امشي بالسليم
قالوا لي روح مخفر عند محقق معرفه يطلع لك ورقة حادث بين طرفين مشترك عشان ما تتحمل ولا فلس
لكن ما حبيت اسويها
الله المستعان ان شالله تتسهل
بس اذا عندك خبر اقدر اطلع السياره وانا اصلحها ولا كان صار فيها شي

ومن يتق الله يجعل له مخرجا ويرزقه من حيث لا يحتسب


صحيح ليس عندي حل لكن أعجبني تورعك وهو في وقتنا هذا قليل

 

[حكيم زمانه]

نصيحة لوجه الله لاتفكر تروح لمحامي لانه بخليك مليون ب% بترفع قضيه ولمة ترفع قضية بتدفع للمحامي اكثر من الي انت الحين مجبور انك تدفعه للحق العام على قولتهم وحق بيت التمويل




بلاغ كاذب ::يقال ان المحامي نصاب وحرامي وهمه الوحيد ليس الدفاع عنك ولكن كيف يستخرج منك الاموال ........ صح أم خطأ

 

[(فزاع)]

الله يهينك ويبعد عنك هالسوالف

على كلامهم يقول المقايسات طلعت وحكم ان السياره خلاص سكراب
واهي اللهم حفره طبيت فيها وتعورو رنقين ويبيلها ميزان التواير

على اي اساس هل اقدر اطعن وابطل مقايساتهم

اول شي الحمدالله على السلامه ..
والحديد والفلوس كلها .. فدوة ً لك ..

قبل حوالي سنتين تقريبا ً صارلي حادث .. وكنت مسوي مع اكبر شركات التأمين وثيقه ذهبيه تكفل بتصليح كل شي لسيارتي ان كنت داعم \ مدعوم .. مجهول \ معلوم ..


ويوم من الايام كنت امشي على الحاره اليمين وبـ آمان الله ..
جان اشوف راعي تكسي جوال .. من اليسار .. لي اليمين .. وكع ابريك جدامي .. جان ادش فيه ..

اول شي سآلته قلت له عسى ماشر ليش يبه سويت جذي ..؟
بعدين عرفت انه يبي يآخذ عبري هههههههه

طبعا ً السياره راحت فيها .. ويوم وصلنا عند المخفر " وصارلي نفس موقفك .. مريت 3 مخافر علشان بس اعرف وين مكان حادثي " ..

واول ما وصلنا المخفر .. جان يحط الغلط علي ..
طيب ليش..؟ يقول لي في قاعده بالتحقيق ان الدعمه لي ايت من جدام معناته انت الغلطان ..
قعدت اشرحله اللي صار .. يا فلان .. عدل بدل ..؟
قال لي ماكو ..

قلت له كيفك .. حطني الغلطان بعد شسويلك ههههههههه


ويوم رحت اصلح السياره على شركة التأمين .. وقالوا لي انطر يومين على ما تطلع المقايسه ..

جان يطلع القيمه الاجماليه جم ..؟ 5000 دينار وخرده ..
بعد ما رحت عند شركة التأمين ، جان يقولون لي ما نصلح لك ..
طيب ليش ..؟ عسى ماشر ..؟ شاللي صاير ..؟
جان يقولون لي .. انت تأمينك كان على مبلغ 9 الالاف .. وما نصلح لك اكثر من نصف قيمة التأمين ..

بعد الشد بيني وبينهم بالكلام ، شفت ان ماكو فايده ..

اخر شي توصلت لـ حل بيني وبينهم ..

دام ان السياره ان عليها تأمين ، يعني متكفلين بتصليحها ..
طيب اذا جذي انا ماني مجبور اصلح عند الشركه ..
انا اختار اي قراج وانتي تدفعوله ..
وهذا اللي صار بالنهايه .. ( التكفله صارت 3500 دينار ) ..


شالفرق ما بين تصليح الشركه ، وتصليح القراج ..؟
ان الشركه العمال اللي فيها يشتغلون بالساعات ،
بس القراجات شغلهم على المعاش ..

وبالنهايه ، كل قطع الغيار صارت من الشركه .. مع اختلاف الايدي المهنيه ..



وانا من ناحيتي انصحك ان تقول لهم ..
وروني المقايسه علشان اتأكد من القيمه بنفسي ..
واذا ما عطوك روح عند الشركه واطلب منهم ..

واذا حسيت انك وصلت لي طريج مسدود .. قول لهم صلحوه بـ اي قراج ولا عطوني سيارتي انا اصلحها ..


تحياتي لك

 

[مضارب شجاع]

نصيحتى لك حط لك محامى وطالب فى حقك ولا تتنازل عن فلس واحد
كلهم نصابين ولا تخلى حقك والله يكون فى عونك .

 

[سهم مرتاح]

الله يكون في عونك
يعني كانهم يقولولك ليش مادعمت السياره وفكيت نفسك
شر البلية مايضحك
عسى الله يعوضك ويفرج عنك هالكربه

 

[مراقب الاسهم]

الحمدلله على السلامه

اخوي الكريم


من المتعارف عليه ان الحادث ((ضد مجهول ))) يحتمل السائق 50% من تكليف تصليح السياره حتى لو التامين شامل والشامل انواع ولكن عاده في مكاتب التاجير يكون اقل درجه من انواع التـامين الشامل


الفلم اللي سواه بيت التمويل الكويتي (((وانا متأكد انهم نصابين درجه اولى ومتلاعبين بالقانون بالف والدوران )))

ان ةالسياره تسكربت (((من حفره بالشارع )) ولاعبين اذا صدق احد الاخوان ان اكثر من نسبه 75%
من قيمه السوقيه للسياره تتسكرب السياره وحط خط تحت القيمه السوقيه

اول مره اسمع عن عالسالفه هذي اصلا لو السياره معدومه من الشاصي لي الشاصي مايجيبون صاري السكراب واول ماتسمع فيه في التسويه وهناك طرق ونسب معينه يتحملها الطريفين(((نوعيه التأمين وموديل ونسبه استهلاك السياره من تاريخ الصنع الى يومنا هذا في كل 6 شهور يتم خصم 5% نسبه استهلاك وليس قيمه السياره في السوق )) وفي النهايه يخيرونك بين التصليح او التثمين سوائ لهم او للسكراب
فما بالك (((برنقات متوره نتيجه حفره ))


اخوي الكريم انصحك بالاتي


اولا: وديا بدون تكاليف محاماه وقضيه


اخذ عقد التامين وورقه الحادث وروح وزاره التجاره والصناعه قسم المستهلكين ((في العاصمه)) هناك قسم خاص متخصص بشكاوى حوداث التامين ادري بتقول مالهم دور وماينفعون بشي بس ممكن تلقي على الاقل ((واحد ضميره حي ذو حس وطني ووفي ومخلص لبلده مايرضي بالظلم )) تعرف منه على الاقل انت على حق والا على باطل
سالفه ان اتخاذ الاجراء لاتعب نفسك معاهم الطعن بالميت حرام ا

اذا فهمت انه اجراءات بيت التمويل خطأ
ارجع لبيت التمويل ووصعد معاهم الموقف وحاول تدخل اطراف اخرى محايده مثل كراج ثاتي او وزراه التجاره مايصير بيت التمويل يصير الخصم ةوالحكم على كيفه يقيم سيارته من الضرر وعلى كيفه يسكربهاو يسحب العقد

ثانيا واخيرا

الجا لمحامي شاطر يطلع حقك من عيونهم وممكن يحلها
قبل لاتوصل قضيه مثل ماصار معاي
باحدى شركات التامين بالميناء تعرضت لسياره لي لتلف وعدت فتره طويله السياره موجوده عند شركه التامين

ذهب لاحد المحامين وشرحت له الموضوغ
وقالي بالحرف الواحد
انت استلمت السياره
قلت لا
وقعت عل عقد استلامها
قلت لا
اخذت مفتاحها شي
قلت لا

قال خلااااااااااااص القضيه سرقه مو تعويض
نتهمهم بالسرقه
قلت مايصير اخذ حق موحقي واتبلا على ناس قالي صدقي
ماراح توصل محاكم راح يصير التفاهم عندي بالمكتب

بعد وصول صحيفه الدعوى للشركه |(سرقه سياره ))
على طوووووووووووووووول طااااااار محامي شركه التامين عند المحامي مالي وتفاهم معاه على مبلغ التعويض اللي ابيه مقابل التنازل عن ((قصيه سرقه السياره)) الانه هم محامي شركه التامين عارف القانون وعارف انهم مدبوسين بالقضيه فاختار الحل السهل

نصيحه لاتسكت عن حقك ترا ماوصلنا لها المرحله الا سكوتنا
شافونا نسكت وندمدم الموضوع وانخلص ةباسهل اسرع الطرق
اليوم انت بكره يمشون الفلم على غيرك
وبيت التمويل مشهووووووووور بالافلام الهنديه واللف والدوران وانا مجربه وعارفه عز المعرفه اصلا اهو ((يموت ولا له قيمه اذا تعامل بالشكل السليم )))

 

[zoya_y]

نصيحة لوجه الله لاتفكر تروح لمحامي لانه بخليك مليون ب% بترفع قضيه ولمة ترفع قضية بتدفع للمحامي اكثر من الي انت الحين مجبور انك تدفعه للحق العام على قولتهم وحق بيت التمويل




بلاغ كاذب ::يقال ان المحامي نصاب وحرامي وهمه الوحيد ليس الدفاع عنك ولكن كيف يستخرج منك الاموال ........ صح أم خطأ

لا انا مااقصد يروح حق أي محامي ... انا اقصد انه يستشير محامي معرفه يحدد له مركزه القانوني ويطمنه عالاقل بس لازم يكون معرفه وطيدة وإلا كلام حكيم زمانه يطلع صح 100% ... لذا اقتضى التنويه ​

 

[مراقب الاسهم]

الحمدلله على السلامه

اخوي الكريم


من المتعارف عليه ان الحادث ((ضد مجهول ))) يحتمل السائق 50% من تكليف تصليح السياره حتى لو التامين شامل والشامل انواع ولكن عاده في مكاتب التاجير يكون اقل درجه من انواع التـامين الشامل


الفلم اللي سواه بيت التمويل الكويتي (((وانا متأكد انهم نصابين درجه اولى ومتلاعبين بالقانون بالف والدوران )))

ان ةالسياره تسكربت (((من حفره بالشارع )) ولاعبين اذا صدق احد الاخوان ان اكثر من نسبه 75%
من قيمه السوقيه للسياره تتسكرب السياره وحط خط تحت القيمه السوقيه

اول مره اسمع عن عالسالفه هذي اصلا لو السياره معدومه من الشاصي لي الشاصي مايجيبون صاري السكراب واول ماتسمع فيه في التسويه وهناك طرق ونسب معينه يتحملها الطريفين(((نوعيه التأمين وموديل ونسبه استهلاك السياره من تاريخ الصنع الى يومنا هذا في كل 6 شهور يتم خصم 5% نسبه استهلاك وليس قيمه السياره في السوق )) وفي النهايه يخيرونك بين التصليح او التثمين سوائ لهم او للسكراب
فما بالك (((برنقات متوره نتيجه حفره ))


اخوي الكريم انصحك بالاتي


اولا: وديا بدون تكاليف محاماه وقضيه


اخذ عقد التامين وورقه الحادث وروح وزاره التجاره والصناعه قسم المستهلكين ((في العاصمه)) هناك قسم خاص متخصص بشكاوى حوداث التامين ادري بتقول مالهم دور وماينفعون بشي بس ممكن تلقي على الاقل ((واحد ضميره حي ذو حس وطني ووفي ومخلص لبلده مايرضي بالظلم )) تعرف منه على الاقل انت على حق والا على باطل
سالفه ان اتخاذ الاجراء لاتعب نفسك معاهم الطعن بالميت حرام ا

اذا فهمت انه اجراءات بيت التمويل خطأ
ارجع لبيت التمويل ووصعد معاهم الموقف وحاول تدخل اطراف اخرى محايده مثل كراج ثاتي او وزراه التجاره مايصير بيت التمويل يصير الخصم ةوالحكم على كيفه يقيم سيارته من الضرر وعلى كيفه يسكربهاو يسحب العقد

ثانيا واخيرا

الجا لمحامي شاطر يطلع حقك من عيونهم وممكن يحلها
قبل لاتوصل قضيه مثل ماصار معاي
باحدى شركات التامين بالميناء تعرضت لسياره لي لتلف وعدت فتره طويله السياره موجوده عند شركه التامين

ذهب لاحد المحامين وشرحت له الموضوغ
وقالي بالحرف الواحد
انت استلمت السياره
قلت لا
وقعت عل عقد استلامها
قلت لا
اخذت مفتاحها شي
قلت لا

قال خلااااااااااااص القضيه سرقه مو تعويض
نتهمهم بالسرقه
قلت مايصير اخذ حق موحقي واتبلا على ناس قالي صدقي
ماراح توصل محاكم راح يصير التفاهم عندي بالمكتب

بعد وصول صحيفه الدعوى للشركه |(سرقه سياره ))
على طوووووووووووووووول طااااااار محامي شركه التامين عند المحامي مالي وتفاهم معاه على مبلغ التعويض اللي ابيه مقابل التنازل عن ((قصيه سرقه السياره)) الانه هم محامي شركه التامين عارف القانون وعارف انهم مدبوسين بالقضيه فاختار الحل السهل

نصيحه لاتسكت عن حقك ترا ماوصلنا لها المرحله الا سكوتنا
شافونا نسكت وندمدم الموضوع وانخلص ةباسهل اسرع الطرق
اليوم انت بكره يمشون الفلم على غيرك
وبيت التمويل مشهووووووووور بالافلام الهنديه واللف والدوران وانا مجربه وعارفه عز المعرفه اصلا اهو ((يموت ولا له قيمه اذا تعامل بالشكل السليم )))

حيبت اضيف شغله

اخوك مو محامي ولكن مجال عملي بقصر العدل

اذا المساله فيها قضيه لا تفكر بشي اسمه اتعاب محاماه
لان اصلا انت بنفسك تقدر تترافع عن نفسك
ب 15 او 20 دينار بس رسوم المحكمه بدون محامي وتكسب القضيه بعد
المحامي ترا مو اجباري (((بس الناس كسالا وجهل )) وممكن المحكمه بنفسها تعين لك محامي (((اذ رأت ذالك))

المساله بسيطه جدا ولا تحتاج تعقيد
في كل مره تذهب للمحكمه استشير محامي وشوف شنو يقولك وانت تترافع عن نفسك

ترا اكثر 70% من المحاميين الكويتيين يعتمدون على المستشارين من جنسيه عربيه اللي عندهم بالمكتب المستشار هو اللي يسوي كل شي ويضع المطالب في صجيفه الدعوى ويساندف ويطلب خبير والمحامي ((سمنديقا)) بالمحكمه بس يرفع المذكره للقاضاه واحينا مايحضر الجلسه

يعني انت تتقدر تتخصر المسأله وتقوم مهمه المحامي ويكون الربط بينك وبين مستشار المحامي والمحكمه

 

[Pivotrend]

اخ متداول اسلامي الله يعينك
لكن اذا تبي الحق بيت التمويل أو شركة التأمين مالهم دخل بالحادث
المشكلة هي بالتقرير
كلمة الحق يجب ان تقال