فرق

فضل

عضو مميز
التسجيل
25 يوليو 2008
المشاركات
6,792
الإقامة
بين السماااء والارض

وديت الاهل الى سوق الديره امس وشفت العجب العجاب

شفت الشباب الكويتى واحد حاط تراكى بأذنه كأنه بنت

وواحد لابس حجاب يعنى نفس تقليعه الامريكان السود

واللى لابس بنطلون ونازل اكثر من اللازم ... ومناظر تخلى الواحد

يعتقد انه مو بالكويت


سبحان الله وبالليل صليت القيام وبين كل ركعتين التفت حوالينى

وتعال عاد شوف هالوجوه المنوره اهل الطاعه والمرجله



وتذكرت قول الله عز وجل : (ان سعيكم لشتى )
 

أوبال

عضو نشط
التسجيل
6 يونيو 2008
المشاركات
1,928
الإقامة
KuWaIt
والله إنك صاج تروح الأسواق تستخف من اللي تشوفه وتروح المسايد هم تحمد الله على أن الديره للحين بخير اللهم لك الحمد...
اللهم لا تؤاخذنا بما فعل السفهاء منا.:(
 

RomanticLove

موقوف
التسجيل
3 يوليو 2008
المشاركات
603
الإقامة
K.u.W.a.i.T

وديت الاهل الى سوق الديره امس وشفت العجب العجاب

شفت الشباب الكويتى واحد حاط تراكى بأذنه كأنه بنت

وواحد لابس حجاب يعنى نفس تقليعه الامريكان السود

واللى لابس بنطلون ونازل اكثر من اللازم ... ومناظر تخلى الواحد

يعتقد انه مو بالكويت


سبحان الله وبالليل صليت القيام وبين كل ركعتين التفت حوالينى

وتعال عاد شوف هالوجوه المنوره اهل الطاعه والمرجله



وتذكرت قول الله عز وجل : (ان سعيكم لشتى )

يعني الي يلبس سكارف او يلبس جينز او بنطلون مايصلي ومايعرف ربه ؟ لا تقول حرام بعد !!
 

يا باغي الخير

عضو نشط
التسجيل
2 يناير 2006
المشاركات
494
الإقامة
الكويت
الله يهديهم هالشباب

بس تطلع موضى بالغرب يسارعون الى تقليدها

والرسالة موجهة الى الآباء بالاهتمام بأبنائهم وتعليهم من الصغر على تجنب مثل هالامور

والتنبيه على قول عمر بن الخطاب رضي الله عنه

علمو أولادكم السباحه والرماية وركوب الخيل

فهذه الأمور تعلم الولد الخشونه والرجوله بنفس الوقت
 

monster

عضو نشط
التسجيل
6 يوليو 2008
المشاركات
86
اي والله فرق بين اهل المرجله والمساجد وعباد الشياطين والمرينا !
 

فضل

عضو مميز
التسجيل
25 يوليو 2008
المشاركات
6,792
الإقامة
بين السماااء والارض
يعني الي يلبس سكارف او يلبس جينز او بنطلون مايصلي ومايعرف ربه ؟ لا تقول حرام بعد !!


أنا انتقدت المظاهر السلبيه اللى شفتها فى هالشباب

يعنى انت ترضى تلبس تراكى نفس البنات

يا عزيزى هذى مو كشخه هذى تشبه بالكفار

صدق رسول الله صلى الله عليه وسلم حين قال :

(( " لتتبعن سنن من كان قبلكم حذو القذة بالقذة، حتى لو دخلو جحر ضب

لدخلتموه )) .

قالوا [أي الصحابة]: يا رسول الله، اليهود والنصارى ؟!


قال: " فمن " [أي فمن غيرهم].


ويعلم الله انى اتمنى لهم الهدايه والخير
 

nestla

عضو نشط
التسجيل
20 ديسمبر 2007
المشاركات
1,618
وين الرجوله اذا كانوا الشباب يلبسون نفس لبس البنات و اكسسواراتهم !!!!!!!!!!!!!!
 

coooool2

موقوف
التسجيل
10 فبراير 2008
المشاركات
3,367
الإقامة
K.W.T + مـجـلـس الأمــة
و تعارضون على لجنه الظواهر السلبيه اللي بمجلس الامه بعد ؟
 

sms 74

عضو نشط
التسجيل
30 أغسطس 2008
المشاركات
524
موووووضي علف !!!!!!!!!!

والله يا جماعة انا استغرب من الوضع الحاصل هاليومين فعلا مناظر تعور القلب وتأذي العين وتفشل ولا حيا ولا مستحى ولا خوف من الله ولا احترام للناس الشرهة على الاهل وهم بعد المجتمع لازم ينبذ هالاشكال وما يجاملهم بس الحاصل مع الاسف غير انا اذكر قبل جم سنه في الجامعة كان في معانا من هالاشكال المتشبهين بالحريم وكانوا يحضرون المحاضرات والدكاتره يحترمونهم لا وبعضهم يدير باله عليهم ,,, في دول الخليج كلها ما تحصل هالامور بالعلن ولا يتجرؤون يسوونها وللاماكن العامة هيبتها اما احنا مع الاسف عكس واكبر دليل امس كنت قاعد اطالع التلفزيون قناة فنون برنامج ولا كلمة الأخ الشايع ( المذيع ) مستضيف ( عامر ) المشهور بدور موضي علف في مسلسل الحيالة وكان فريقه كله بنات وينادونه ( موضي ) لا ورقص مصري جدام الكاميرا ويتنيعم ويقولون الربع انه صار له سنين على هالحال ويداوم في وزارة الاعلام بملابس نسائية وما يرضى احد يناديه الا باسم بنت وطوال هالسنين ولا مسؤل كلمه ولا عاقبه مع الاسف ,,,
 

ابو غانم

عضو نشط
التسجيل
19 ديسمبر 2003
المشاركات
1,288
هذولا أهلهم ماربوهم على المراجل ومجالس الرجال والتردد على المساجد وللأسف وبعضهم مايعرف يلبس اللبس الكويتي الدشداشة والغترة والعقال .

مرشد البذال يقول في قصيده له ينصح فيها أبنه

ترى الرجال ابهم فهود وحياويـن **** جاك الكلام اللـي صحيحـا ثباتـه

ان كان ما تدري ترى الناس دراين **** الرجل مدحـه بالمجالـس طراتـه

رجلن تعلق به رجالـن مسلميـن **** عـز الرفيـق ولابتـه والحماتـه

ورجلن تشوفه جسم وعيون ويدين **** ولولا الشعر ما تفرقه من خواتـه
 

بو ذياب

موقوف
التسجيل
20 يوليو 2008
المشاركات
309
يا شباب ابتعدوا عن التطرف الفكري لانه في ناس تعتبر اي شي مختلف عنها مو زين
يعني ماراح يصير شي لو الريال لبس بنطرون او قميص بس طبعا بدون لايكون مبتذل
والاخ الي قال عباد الشياطين والمرينا ؟؟؟ ليش المرينا مجمع حاله من حال باجي الاسواق واذا انته شفت ناس مو زينه مناك تره الزين تارس الديره والدليل المسايد ...
وتره مو كل واحد لبس دشداشه وترس الغتره نشا ريال وله كل واحد لبس بنطرون من عباد الشياطين والكفره المرده :)
 

sms 74

عضو نشط
التسجيل
30 أغسطس 2008
المشاركات
524
عفوا يا اخوان الظاهر فيه لبس بالموضوع ترى احنا ما نتكلم عن كل اللي يلبسون بناطيل لا احنا نقول الاشياء المخالفة للفطرة والتشبه بالضايعين والتشبه بالجنس الآخر سواءا الشباب او البنات بس هم بعد اللبس او الزي الوطني ولبس اهلنا واجدادنا له حق وهو اللي يمثل ساسنا واصلنا وبصراحة لازم نحافظ عليه
 

man.vip

عضو نشط
التسجيل
9 أبريل 2008
المشاركات
2,136
الإقامة
الكويت
جزاك الله خير علي غيرتك لدينك بارك الله فيك..


نسال الله العفو والعافيه..
 

nabil yassen

عضو نشط
التسجيل
4 مايو 2008
المشاركات
156
هذي حرية
والزمن تغير
وانا بالاول كنت اقول نفس الكلام بس اتضحلي شي ثاني هالشباب تقدر تقول عنهم ورعان بو16و17 يعني مراهقين,, يعني قمت العناد والراس اليابس
والعيب مو بالاهل العيب من حكومتك الملل قتلهم روح الامارات وشوف الانشطه اللي يسونها حق المراهقين تحس قصبن على اللي خلفوه يصير رجال
اذا المراهق مايبي يروح المسجد ولا يلتزم مع شباب المسجد؟؟ ماتقولي وين يروح بالكويت غير الغزز بالمجمعات والشوارع واذا راح هالاماكن مو لازم يغازل واذا غازل مو لازم يواكب الموضه علشان يتحدى الغزيزه واذا اتبع الموضه يعني راح يهول بنفسه علشان ترضى فيه المراهقه
مولازم نوفرله الانشطه البديله اللي تفيده بالمستقبل مو لازم نوفرله الانديه الرياضيه اللي تتابعه اول بأول
والله ياجماعة الخير اذكر قبل كنت بنادي كان المشرف علي شخص كويتي كان يعرف عني كل شي حتى يسألني كم مره رحت الحمام (عزكم الله) مو الحين مصري ولا اجنبي ونفسيته بخشمه لا اهتمام ولا ينسى اسمك بعد
ذاك اليوم رايح السوق مع اعيالي واشوف ولد خالتي وربعه لابسين هالجنزات والشعر بسمالله تقول ماسكته الكهربا :eek: انصدمت علماً اهو من اسره متدينه وابدويه والغتره ماتنزل من الراس فيها اعدام اذا انزلت :) ودايما بالمسجد,, جان امسكه ها يافلان شعندك بالسوق قالي اتمشى واضيع وقت بهالصيف وين اروح مجمع الرجل (الولد جهراوي) جاي اتمشى بالمرينا ,, ولا يكلمني احضري بعد
ياجماعه هذا ولد بو16سنه ويتكيف مع الجو العام اذا توفرت له الصياعه يصيع واذا توفرت له الانشطه الهادفه يصير رجال تحطه على يمناك,,
 

فضل

عضو مميز
التسجيل
25 يوليو 2008
المشاركات
6,792
الإقامة
بين السماااء والارض
هذي حرية
والزمن تغير
وانا بالاول كنت اقول نفس الكلام بس اتضحلي شي ثاني هالشباب تقدر تقول عنهم ورعان بو16و17 يعني مراهقين,, يعني قمت العناد والراس اليابس
والعيب مو بالاهل العيب من حكومتك الملل قتلهم روح الامارات وشوف الانشطه اللي يسونها حق المراهقين تحس قصبن على اللي خلفوه يصير رجال
اذا المراهق مايبي يروح المسجد ولا يلتزم مع شباب المسجد؟؟ ماتقولي وين يروح بالكويت غير الغزز بالمجمعات والشوارع واذا راح هالاماكن مو لازم يغازل واذا غازل مو لازم يواكب الموضه علشان يتحدى الغزيزه واذا اتبع الموضه يعني راح يهول بنفسه علشان ترضى فيه المراهقه
مولازم نوفرله الانشطه البديله اللي تفيده بالمستقبل مو لازم نوفرله الانديه الرياضيه اللي تتابعه اول بأول
والله ياجماعة الخير اذكر قبل كنت بنادي كان المشرف علي شخص كويتي كان يعرف عني كل شي حتى يسألني كم مره رحت الحمام (عزكم الله) مو الحين مصري ولا اجنبي ونفسيته بخشمه لا اهتمام ولا ينسى اسمك بعد
ذاك اليوم رايح السوق مع اعيالي واشوف ولد خالتي وربعه لابسين هالجنزات والشعر بسمالله تقول ماسكته الكهربا :eek: انصدمت علماً اهو من اسره متدينه وابدويه والغتره ماتنزل من الراس فيها اعدام اذا انزلت :) ودايما بالمسجد,, جان امسكه ها يافلان شعندك بالسوق قالي اتمشى واضيع وقت بهالصيف وين اروح مجمع الرجل (الولد جهراوي) جاي اتمشى بالمرينا ,, ولا يكلمني احضري بعد
ياجماعه هذا ولد بو16سنه ويتكيف مع الجو العام اذا توفرت له الصياعه يصيع واذا توفرت له الانشطه الهادفه يصير رجال تحطه على يمناك,,

اتفق معاك ان الشباب فيه طاقه مكبوته يبى يفرغها لذا لو يتم توفير

نشاطات واماكن ترفيه وتوجيه للشباب حتى يتم توجيه هذى الطاقه

للاتجاه السليم
 
أعلى