افضل شتر للدرايش لاهل التجربة ؟؟؟

[ramair]

يا جماعة افضل شتر للدرايش شنو
وافضل شركة تسويه بسعر مناسب
وهل يحمي من الغبار والبرد بنسبة 100%

 

[liger79]

السلام عليكم
اخوي ركبت شتر حق بيتنا بأول الصيف هذا وحسيت بالفرق ضد الازعاج و الحراره والغبار والرطوبه .... والفرق كبير لكن ما هو 100% أعطيه تقريبا 80 الى 90%
بس والله فكره ممتازه وأأيد الكل يسويها خصوصا بالكويت
ياطويل العمر والسلامه أفضل شتر اهو الالماني وأفضل المكاين الالمانيه والفرنسيه
الشركه اللي سويت عندها هي شركة ألوبروف ( شتر ألماني مصنوع في بولندا ) وركبت مكاين (صونفي) مكاين فرنسية يدويه .. والكهربائية ايضا نفس الماركة عليهم اثنينهم كفالة خمس سنوات .. وانت براحتك من ناحية المكاين تبيها يدوي أو كهرباء .. والافضل اليدوي اذا كان البيت مبني وخالص عشان ما يحتاج تمديدات كهرباء وشكل الواير مو حلو ونادر ما تخترب المكينه اليدويه وأرخص وسعر المكينة 25 دينار اما الكهربائية فسعرها 50 دينار أو اكثر بشوي
أما اذا بيتك للحين تحت البناء فأحسن لك تسوي المخفي ( يعني البوكس الخارجي يصير مخفي ويصير أثناء البنيان له مكان وتقدر تشوفه بأغلب البيوت وراح تلاحظ الفرق ) ... على العموم مكان الشركة الري _ خلف فانتاسي وورلد أو أعيان بالشارع الخلفي المبنى ألمنيوم لونه رصاصي عند واحد اسمه فلسطيني اسمه بوعمر ( رشيد البيتاوي ) وهذا رقمه 99783683 _ 99585487 خوش ريال ولا نزكيه على الله
كلفني البيت 16 دريشه يدويه + 2 باب واحد يدوي وواحد كهربائي
1400 دينار وحسب المتر على ما اعتقد 21دينار من غير سعر المكاين .
وحط بالك من شغل الباكستانية ترى الشتر ماتدري شنو نوعه اللي ييبونه والله أعلم .
ودمتم ... وسامحنا عالقصور .​

 

[alfares]

السلام عليكم
اخوي ركبت شتر حق بيتنا بأول الصيف هذا وحسيت بالفرق ضد الازعاج و الحراره والغبار والرطوبه .... والفرق كبير لكن ما هو 100% أعطيه تقريبا 80 الى 90%
بس والله فكره ممتازه وأأيد الكل يسويها خصوصا بالكويت
ياطويل العمر والسلامه أفضل شتر اهو الالماني وأفضل المكاين الالمانيه والفرنسيه
الشركه اللي سويت عندها هي شركة ألوبروف ( شتر ألماني مصنوع في بولندا ) وركبت مكاين (صونفي) مكاين فرنسية يدويه .. والكهربائية ايضا نفس الماركة عليهم اثنينهم كفالة خمس سنوات .. وانت براحتك من ناحية المكاين تبيها يدوي أو كهرباء .. والافضل اليدوي اذا كان البيت مبني وخالص عشان ما يحتاج تمديدات كهرباء وشكل الواير مو حلو ونادر ما تخترب المكينه اليدويه وأرخص وسعر المكينة 25 دينار اما الكهربائية فسعرها 50 دينار أو اكثر بشوي
أما اذا بيتك للحين تحت البناء فأحسن لك تسوي المخفي ( يعني البوكس الخارجي يصير مخفي ويصير أثناء البنيان له مكان وتقدر تشوفه بأغلب البيوت وراح تلاحظ الفرق ) ... على العموم مكان الشركة الري _ خلف فانتاسي وورلد أو أعيان بالشارع الخلفي المبنى ألمنيوم لونه رصاصي عند واحد اسمه فلسطيني اسمه بوعمر ( رشيد البيتاوي ) وهذا رقمه 99783683 _ 99585487 خوش ريال ولا نزكيه على الله
كلفني البيت 16 دريشه يدويه + 2 باب واحد يدوي وواحد كهربائي
1400 دينار وحسب المتر على ما اعتقد 21دينار من غير سعر المكاين .
وحط بالك من شغل الباكستانية ترى الشتر ماتدري شنو نوعه اللي ييبونه والله أعلم .
ودمتم ... وسامحنا عالقصور .​

بيض الله وجهك على الشرح الوافي وجعلها انشالله في ميزان اعمالك
والله يوفقه صاحب الافاده

 

[maseela77]

بيض الله وجهك على الشرح الوافي وجعلها انشالله في ميزان اعمالك
والله يوفقه صاحب الافاده

انا ركبت من الشركة الأرمنية
شغلهم ممتاز
ووكلاء مكائن الشترات ويعطيك المكينة على الوزن بشكل علمي وحسب مقاييس

عنوانهم خلف فانتازي وورلد أيضا

 

[ramair]

مشكورين يا شباب وما قصرتوا
وننتظر الافادة من الاخوان بالمنتدى