بنشرتك سيارتك وماعندك الي يبطلع براغي السياره دش

[حدي-ذرب]

السلام عليكم ورحمة الله وبركاته ،،

هالجهاز يا شباب وايد حلووو وينفع اذا بنشرت السيارة ويوفر الوقت اهو عباره عن مسدس يبطل براقي السياره ويشتغل على ولاعة السيارة وايه معاه 4 رؤوس لاختلاف احجام البراغي size: 17mm, 19mm, 21mm, 23mm

الصور

السعر 25 دينار .. والكمية محدوده

 

[بن زيمه]

عجيب والله !!!!!

شنو صناعته اخوي؟؟
اخاف استعمال مره وحده ويتعطل.

 

[مهم للغاية]

عجيب والله !!!!!

شنو صناعته اخوي؟؟
اخاف استعمال مره وحده ويتعطل.

احب افيدك ان الاجهزة الكهربائية الخاصة بالسيارات يجي معاها فيوز حماية

وفعلا بين فترة وفترة الفيوز يحترق ويحتاج تبديل علما بأن قيمة الفيوز تقريبا 25 فلس

يعني خمطة فيوزات بربع دينار

هالكلام اقوله من منطلق تجربة جهاز نافخ للإطارات ( بمب ) على ولاعة

 

[حدي-ذرب]

شكرا اخوي مهم للغايه وفعلا كلامك صحيح ..

والصناعه تايواني الحين السوق اخوي كله الي ماشي فيني صيني وتايواني

 

[ستوك]

والله ماودي أخرب .. بس الجهاز هذا في مثله بمركز سلطان اللي بالشويخ 4 و 5 أنواع .. أغلى واحد يمكن ب12 دينار .. وأنا شريت منه ب 9 دنانير

واللي حاب يتأكد يروح مركز سلطان اللي بالشويخ بالسرداب

والله مو حسد بس السالفة صارت سايبه كل واحد يدور له شي بالسوق يشتريه ب10 ويبيعه ب25 هذي مو تجارة هذا لعب

وسامحونا

 

[حدي-ذرب]

اخوي ستوك الانواع تختلف عدل ولا لأ والي انا حاطه مو من الكويت ياييبنه من بره ماشريت شي من السوق وحطيته اهني بالمنتدى وكل واحد حر ببضاعته عدل وانا ماقتلك تعال اشتر مني غصب حلالك عندك وحلالي عندي والي عاجبه السعر والمنتج راح يطلب ورايك هذا على عيني وراسي ..
ولا تنسى انه نوع عن نوع يختلف عندك مثل الزنون بشوي في نوع ينباع ب10 دنانير وفي نوع ب15 وفي 20 وفي 30 بتقارن ال10 دنانير بنفس ال30 دينار اكيد لا مع انه هذا زنون وهذا زنون ..

وتحياتي لك ..