البنك يعرض علي التسويه ... ليش ؟؟؟

[طارق55]

السلام عليكم

ياجماعه المشوره لاني والله في حيره ... انا ياجماعه ماأخذ قرض من بنك الوطني مبلغ 40 الف دينار من 7 سنين .. المهم يأخذون مني بالشهر 400 .. ومستمر علي هالحال .. رحت لهم من ثلاث ايام .. وبالصدفه قعدت مع الموظف .. قلت له .. أش صار علي قرضي في شي جديد ؟؟ كل الناس نزلوا الفايده وأنتوا لاحس ولاخبر ؟؟ أكو شئ ايجابي ؟؟ قام وطق بالكمبيوتر وقال : ايه اكو شئ ايجابي لك .. كان قرضك يخلص سنه 2022 الحين بعد مانزلت الفايده صار يحلص سنه 2021 !! نزلوه سنه .. المهم قلت له .. يااخي .. كل البنوك سوت تسويه حق الناس ليش ماتسوي لي تسويه ؟؟ قال لي كم معاشك ؟؟ وهل عندك اقساط ؟؟ وقام وطق بالكمبيوتر وقال .. هاك عرضي : اشرايك .. .. شوف نعرض عليك تسويه .. يقل قسطك من 400 ويصير 330 .. وتقل السنوات من ان يخلص قرضك سنه 2021 الي يصير 2015 ( نازل 6 سنين ) لا .. ونعطيك بعد 3 الالاف دينار كاش !!!! ياجماعه .. القصه صحيحه .. علمونا اوقع التسويه ولاهي لعبه جديده من بنك الوطني ؟؟؟ الله يخليكم .. ابي احد يقول لي ايش اسوي .. ضروري​

 

[fayoona74]

اخوي دير بالك دير بالك وهم ديربالك التسوية اللي اخينا بالبنك يقصدها اهي عبارة عن اعادة جدولة يعني تاخذ قرض يديد بفوايد يديدة وتروح عليك السبع سنوات اللي دفعتها وكون متاكد لو تدق عالخدمة الهاتفية وتسال نفس السؤال بيجاوبونك شي ثاني
400 × 12 سنة يعني 144 شهر المدة المتبقية حسب كلامهم = 57600

وحسب كلامهم بالتسوية 330 × 72 = 23760
يعني كللش مو معقول وين اصل قرضك ووين الفايدة اليديدة حتى لو نازلة حاليا الفايدة 7 الا ربع تقريبا وعندك الحسبة
اخوي دق عالخدمة الهاتفية وبتسمع كلام غير وكل واحد بكلمة موظفين اي شي يودون بدهية عن تجربة شخصية خاصة الوطني اقعد مع واحد قديم وفاهم يعطيك الكلام الصحيح وبتكتشف ان الموضوع عبارة عن اعادة جدولة يعني قرض يديد بفوايد يديدة واللي دفعته طول 7 سنوات بالباي باي راجع القسم موضوع ( عندي قرض من التجاري .. مكتوب فيه عن موضوع التقاضي ضد البنوك)

 

[fayoona74]

موقع السيد خالد الزامل فيه تفاصل وخطوات رفع القضية
http://www.chakbom.com/Default.aspx

 

[الـمـحـامـي]

بسم الله الرحمن الرحيم

شكراً للأخت على المساهمة بالإجابة

الاجابة /
لا تقم بابرام أي اتفاق أخر مع البنك وعليك المبادرة باقامة دعوى قضائية بطلب ندب خبير للاطلاع على بنود عقد القرض لبيان قيمة القرض والفائدة المتفق عليها مضافا اليها سعر الخصم المعلن من قبل البنك المركزي ولمعرفة عما اذا كان البنك قد قام برفع الفائدة المستحقة على القرض أم التزم بالفائدة المتفق عليها وقيمة ما قام بزيادته دون وجه حق.. وذلك تمهيدا للحكم بالزام البنك بعدم تقاضي فائدة تزيد عما تم الاتفاق عليه والالتزام بعدد الاقساط وقيمتها ومدة سداد القرض

 

[طارق55]

السلام عليكم

اولا أسف جدا علي التأخير .. مشغول بالبنيان .. وماعندي وقت ..

اولا شاكر للاخت fayoona74 وأدري أنها نصبه جديده من البنك .. الان الذيب مايهرول عبث .. لكنه قدم عرض ثاني لي .. قال لي زيد قسطك وتقل الفائده وتقل السنوات .. لكني هالايام ماأقدر أزيد القسط لاني محتاج الفلوس للبنيان .. عموما ..
أدري أني لازم ارفع قضيه عليهم بس ماكو وقت .. ومشغول دائما .. لكن ياجماعه الخير .. السؤال الي يطرح نفسه .. كم واحد من الي ارفعوا القضيه اربحوها ونزلوا الفائده وعدد السنيين ؟؟ بمعني ثاني كم قضيه رفعت ضد البنوك ونجحت ؟؟ هذا السؤال الان المحاكم احبالها طويله .. شاكر لكم المشاركه للاخت والاخ المحامي المحترم .. وأي رأي فهو محل تقدير ..

 

[fayoona74]

ماعرف احصائية بس وايد كسبوها والاجراءات ابلاش بموقع الزاملوكل احد من اهلك يمشيلك فيها مايبيلها شي بدال ماتدفع الوف حق محامي انت اولى فيهم والبداية تطلب ندب خبير حسابي