الجهل قد صابنا يامحامينا فارشدنا مانفعل

الزمن القادم

عضو نشط
التسجيل
2 يونيو 2007
المشاركات
78
السلام عليكم ايها المحامي حقيقه انا لدي مشكلة وارجو منك الحل
انا اشتريت قبل سنتان شقق فندقية في فندق كوبثورن في دبي والتي تملكة وتسوقة شركة باز العقارية في سنة 2007 جانئتني الارباح وكانت مرضية وطيبة حقيقة ولكن المشكلة ان قبل 4 اشهر جاني كتاب من الشركة ان الفندق لم يتم الاعتراف به 5 نجوم واي شخص معارض عليه ان يتوجة للشركة وباستطاعة ان يلغي العقد ويرد له المبلغ كاملا طبعا هذا الكتاب قد جاء قبل ارباح 2008 يعني اذا تبي تلغي العقد مراح تاخذ الارباح بصراحة انا قلت في نفسي مابي الارباح ولغيت العقد ولكن المصيبة اني اليوم اتصلت فيهم وقالوا ان الشيك جاهز ولكن لازم ترسل كتاب بان نخصم عليك ارباح 2007 اللي خذيتها انا تفاجئت بصراحة احترت وقلتلهم ان هذي الارباح قبل الغاذ العقد وانتم اللي خليتوا بالعقد
المهم قالي انت علي كيفك تبي الشيك لازم ترسل كتاب او اذا تبي شوف محامي بس المحامي راح ياخذ عليك فلوس وفي النهاية راح نخصم عليك الربح
لما شفته واثق من نفسة ارسلته كتاب خصم مبلغ الارباح من الايميل
الحين هل انا علي صح ام انه ضحك علي وطبقة علي نفسي القانون لا يحمي المغفلين ارجو الرد ولكم خالص الشكر مع التفصيل لو تكرمت:mad:
 

الـمـحـامـي

مستشار قانوني
التسجيل
10 مارس 2009
المشاركات
290
بسم الله الرحمن الرحيم

اهلا بك اخى الكريم

الاجابة /
* طالما أنهم لم يبلغوك إلا في نهاية عام 2008 فيحق لك أرباح 2007 ، 2008 وليس لهم الحق في أن يخصموا عليك أرباح 2007 وكان يحق لك مطالبتهم قضائياً بأرباح 2008 وثمن الشقق .. ولكن طالما أنك أرسلت لهم كتاب بموافقتك على خصم مبلغ أرباح 2007 وأرباح 2008 فهذا إقرار واعتراف منك بعدم أحقيتك فيهم ولا يحق لك الرجوع عليهم ..

المحامي / عوض ماطر المطيري
99420979
 

الزمن القادم

عضو نشط
التسجيل
2 يونيو 2007
المشاركات
78
انا ودي اوضح الموضوع مرة اخري انا جاني كتاب في اخر شهر 8 بان الشركة تعتذر بان الفندق لم يتم الاعتراف به 5 نجوم فاي شخص يبي يكنسل العقد له الحق ويتوجه الي الشركة انا رحت الي الشركة وقالولي ان اذا تبي تسترجع اللي دفعته مالك حق طالب بارباح 2008 بس هذا الشي مو مكتوب بالعقد سويت الاجراءات وانهيت العقد وقالو راجعنا بعد شهر اتصلت فيهم قالو ماوصل الشيك بس فيه مشكله قلت شنو قالي لازم ناخذ من المبلغ ارباح 2007 طبعا حاولت فيهم بس هم واثقين من كلامهم ان المحامي مراح ينفعك وراح تضيع وقتك وفلوسك بس ودي اوضح اني مارسلت كتاب لهم كنت داز ايميل باني موافق انكهم ياخذون ارباح 2007 بس الايميل ماوصلهم يعني ماعندهم شي يثبتونه علي والايميل مايعتبر شي رسمي
ياطويل العمر اذا برفع قضية ودي اعرف
1- كم تكلف
2-الوقت اللي تاخذه القضية لاني محتاج للفلوس
3- القضية مضمونه
ردي علي بالخاص وخاصة كم تكلف اذااعتبرت انك انت المحامي اللي راح اوكله وشكر
 

fayoona74

مستشار قانوني
التسجيل
31 يناير 2009
المشاركات
2,071
الإقامة
الكويت
اطلب فسخ العقد اللي بينك وبينهم وطالب بتسوية مستحقاتك حتى تاريخ الفسخ واسفة على المداخلة
 

fayoona74

مستشار قانوني
التسجيل
31 يناير 2009
المشاركات
2,071
الإقامة
الكويت
والايميل وسيلة اثبات غير معترف فيها رسميا
 

أمير بطيبتي

عضو نشط
التسجيل
28 مارس 2008
المشاركات
266
الإقامة
الكويت
والايميل وسيلة اثبات غير معترف فيها رسميا

بس يوخذ فيها لانه الايميل له باااسورد وجنه سمعت قبل فتره صااارت زعزعه بمصر بخصوص الايميل واعتباااره اداه من ادوات الاثبااات :d
 
أعلى