اصدرا حكم قبل 8 سنوات في حادث؟

mb34

عضو نشط
التسجيل
1 مايو 2008
المشاركات
536
سويت حادث قبل 8 سنوات بعيد شر عنكم وعندي سيارتين سويت فيهم حادث والتأمين قالولي انطر حكم المحكمه لين يطلع وتاخذ حقك فا ابي اعرف شلون اعرف متا صدر الحكم او شلون استلم فلوسي او من وين اروح اراجع وشنو من اوراق اخذ معاي
 

fayoona74

مستشار قانوني
التسجيل
31 يناير 2009
المشاركات
2,071
الإقامة
الكويت
ادخل على موقع بوابة العدل الالكترونية وحط رقمك المدني واتبع التعليمات يبين معاك الاحكام الصادرة ضدك او لصالحك
وبعدين راجع قسم التنفيذ بالمحكمة المختصة اظن يكون بالعدل وهناك تستلم فلوسك واخذ معاك بطاقتك المدنية والرقم الالي للقضية يبين بالموقع اللي كتبته لك
https://www.kuwaitcourts.gov.kw/mojweb/NGeneral/Main.jsp
 

أمير بطيبتي

عضو نشط
التسجيل
28 مارس 2008
المشاركات
266
الإقامة
الكويت
مااا شاااء الله عليج استاااذه فيوونه كفيتي ووفيتي :)
 

قناص_السوق

عضو نشط
التسجيل
8 يناير 2009
المشاركات
1,348


. . .
مشكورين الاخوان على الرد بخصوص الاجراءات اخوي هذي الطريقة الصحيحة 100% :-
تروح المخفر الي تم في تحقيق الحادث , عند سكرتارية المحققين و تتأكد من القضية تم احالتها للمحكمة ولا لأ و اخذ رقم القضيه منهم + تاريخ الترافع فيها ..

بعد هالخطوه شغلك يصير مع المحكمه قصر العدل عند تنفيذ الاحكام أو اي مرور ادارة تنفيذ الاحكام تتأكد نزل الحكم ولا لأ
و تقدر بعد تتاكد متى الجلسات اذا تحب تحضر بس ما انصح بالحضور في القضايا المروريه لان لو صار ضدك الحكم لازم تنفذ الغرامه بنفس الوقت او يتم ايقافك بالمحكمه .......
. . .
اذا صدر الحكم .... تاخذ ورقه من تنفيذ الاحكام و تروح فيها المحكمه الي محولين الحادث لها حتى تاخذ ورقة حكم نهائي و زهب فلوسك حق طوابع تقريبا دينار او دينارين .... .

وبعدها تروح شركة التامين مالتك تطلع ورقه ان ما عطوك اي تعويض بعدها تروح شركة التامين الي تطالبها انت فلوس وتعطيهم الاوراق ملوت الحكم و الفواتير الي صلحت فيها السياره و يسلمونك فلوسك

و تذكر مو من حقهم يعاينون السياره , واذا قالولك وينها قول بعتها انتو شكو وينها هذا حقي فلوسي والسياره لاعت جبدي منها من الحادث يالله يبو الفلوس لا اقلب الدنيا على راسكم و اذا ما عطوك دزلهم انذار من المحكمه لمدة 10 ايام من بعد الانذار ارفع قضيه ضدهم :)

بس انت مشكلتك قبل 8 سنوات و ما عندك رقم القضيه اذا مو محفوظه او مضيعينها زين , واذا ماكو قانون يسقط حقك بالمطالبه حاليا ,لان اتوقع يسقط حقك تطالب الحين وينك من قبل ؟ ... انشالله عندك مستند رسمي ولا رقم القضيه ؟

وبخصوص موقع بوابة العدل الالكترونيه ما انصحك فيه لان القضايا قبل سنه ما تنعرض + وايد قضايا تنحذف بالغلط و انا عندي قضيه توه طالع الحكم فيها مو حاطينها في بوابة العدل الالكترونيه ;)
 

الـمـحـامـي

مستشار قانوني
التسجيل
10 مارس 2009
المشاركات
290
* واضح من كلامك أنك لم توكل محامياً للدفاع عنك في محضر الحادث ورفع دعوى تعويض وبالتالي لو كان الوضع هكذا لن تجد شيئاً فالمحكمة لا تحكم بالتعويض من نفسها لابد من رفع قضية بالتعويض .. وحاول بسرعة تبحث عن وضعك بالمحكمة حتى لا يضيع حقك بالتقادم المسقط ويكون المستفيد في النهاية شركة التأمين مع العلم بأن دعوى التعويض تسقط بعد مرور ثلاث سنوات من تاريخ نهائية الحكم الجزائي .
المحامي / عوض ماطر المطيري
99420979
 

mb34

عضو نشط
التسجيل
1 مايو 2008
المشاركات
536
طلعلي لازم اراجع الجهه حولي ونوع جنح مرور وتاريخ شهر 4 2005_ يعني الي فهمته اني لازم اراجع محكمة حولي مرور لي احوال القضائيه او محمه العدل الي موجوده علي بحر والاثباتات بطاقه مدنيه فقط
 

mb34

عضو نشط
التسجيل
1 مايو 2008
المشاركات
536
انا من دشيت الموقع وزارة العدل وحطيت رقم المدني طلعلي الاتي رقم القضيه وجهة حولي ونوع جنح مرور تسجيل تاريخ 28 _4_2005 ماتعرفون الحين منو اراجع بل ضبط وزارة العدل وله حولي ومكانهم وين صاير في حولي وشكرا
 

قناص_السوق

عضو نشط
التسجيل
8 يناير 2009
المشاركات
1,348
راجع المرور الي بالجابرية العمارات الي تطل على الدائري الرابع , روح عند تنفيذ الاحكام و شوف الحكم نازل ولا بعد ....
 

fayoona74

مستشار قانوني
التسجيل
31 يناير 2009
المشاركات
2,071
الإقامة
الكويت
اول شي كويتي يراجع مرور حولي وياخذ الرقم بعدها يسوي استعلام اذا في قضايا مرتبطة اذا في يراجع محكمة العدل واذا مافي معناه مافي قضية تعويض والله اعلم
 

أمير بطيبتي

عضو نشط
التسجيل
28 مارس 2008
المشاركات
266
الإقامة
الكويت
بما انط شيكت بموقع بواابه العدل رووح اقرب مركز خدمه لوزارة الداخليه وراجع قسم تنفيذ الاحكااام اذا عليك شي والاغلب انها غرااامه سوى تظلم لان اتوقع الحكم غيااابي بماا انك ماا تدري عن الحكم .

وتررى موقع بواابه العدل يوضح كل شي بهد ماتدخل الرقم المدني اختار قضايا مرفوعه منكم او قضايا مرفوعه ضدكم راااح يطلع رقم ألى اضغط عليه وتلقى فوق طاالعه قوائم المستجدااات والمخفر والكليه والاستئنااف والتمييز والاعلان ... الخ وجوووفه واتوقع الاعلان مكتوب داااخله عدم الاستدلال على العنوان :)
 

قناص_السوق

عضو نشط
التسجيل
8 يناير 2009
المشاركات
1,348
الغرامه ما تييه علييك لان الحق معاك بتقرير المحقق ... الا اذا في خطأ مشترك و تم تسجيل قضيه , و اخت فيونه يمكن اجراءات الي تتكلمين فيها قديمه :) او انج تقصدين نفسي لان مرور حولي مكانهم الجابريه يروح قسم تنفيذ الاحكام .. نفس وصفي ;)
 

mb34

عضو نشط
التسجيل
1 مايو 2008
المشاركات
536
خلاص باجر بروح تنفيذ الاحكام بل جابريه واروح استفسر مع رقم الالي للقضيه وانشاء الله يكون لي الحق من ورا هل الحادث وسنوافيكم بل مستجد
 

fayoona74

مستشار قانوني
التسجيل
31 يناير 2009
المشاركات
2,071
الإقامة
الكويت
لاتنسى تستفسر اذا في قضايا مرتبطة عشان تعرف اذا في قضية تعويض او لا
 

mb34

عضو نشط
التسجيل
1 مايو 2008
المشاركات
536
اليوم رحت تنفيذ الاحكام بل جابريه دور الخامس وبعدها قالولي يبون رقم القضيه قتلهم ماعرفه قالو روح شعب عند الجمعيه يطلعونه لك ورحت وطلعولي رقم القضيه ورحت المخزن وقالي قدم طلب علشان انطلعلك ملف القضيه بعد اسبوع لانه المخزم معفوس وعطوني ورقة مراجعه بعد اسبوع ويصير خير الله كريم
 

قناص_السوق

عضو نشط
التسجيل
8 يناير 2009
المشاركات
1,348
المخزن معفوس انت شكو هذا اهمال الموظفين حسب الله عليهم مهملين

جان رحت المخفر عن سكرتاريه المحققين يمكن يكون موجود عندهم الرقم بالاحوال ...
 
أعلى