بكنسل خط انترنت شركه زين لكن الشركه تحاول المماطله

[dcnaq]

اشتراكي بدأ أي أثناء توقيع العقد بتاريخ 1\6\2008 حيث اخبرني الموظف العقد مستمر لمدة سنه و لكن بالعقد غير مذكور المدة شهري او سنوي رغم اني ملتزم بالدقع شهريا ولكن قارب انتهاء الاشتراك و اتصلت على الدعم الفني و قلت بكنسل خطي و قالوا اذا ما كنسلت قبل 1\6\2009 راح تمشي لمدة سنة أي تجديد الاشتراك تلقائيا بشكل اجباري
عندي ظروف تحول دون مراجعه الشركه و ليس لدي الوقت الكافي حيث اني سأراجعهم بعد شهرين ..ما الحل ؟

سبب الالغاء : عندي اشتراك ثاني من شركه ثانيه

 

[fayoona74]

الحل انك لازم تروح لهم وتكنسل قبل تاريخ 1 يونيو 2009 والا بعد هالمدة راح تضطر تدفع كامل المدة المتبقية عشان تقدر تكنسل او تخلي احد عنده توكيل خاص عنك يكنسل بدالك
ومبين ان طريقتهم مثل نظام الفيزا اذا ماكنسلت بتاريخ معين تتجدد تلقائيا لمدة مماثلة
اقرا العقد عدل اكيد تلقا فيه بند التجديد التلقائي
واذا مافي هالبند ولو اني مااظن بهالحالة مايحقلهم يجبرونك ويفترض انتهاء العقد بالمدة المقررة لانتهاء السنة

 

[dcnaq]

الحل انك لازم تروح لهم وتكنسل قبل تاريخ 1 يونيو 2009 والا بعد هالمدة راح تضطر تدفع كامل المدة المتبقية عشان تقدر تكنسل او تخلي احد عنده توكيل خاص عنك يكنسل بدالك
ومبين ان طريقتهم مثل نظام الفيزا اذا ماكنسلت بتاريخ معين تتجدد تلقائيا لمدة مماثلة
اقرا العقد عدل اكيد تلقا فيه بند التجديد التلقائي
واذا مافي هالبند ولو اني مااظن بهالحالة مايحقلهم يجبرونك ويفترض انتهاء العقد بالمدة المقررة لانتهاء السنة

انا قريت العقد عدل قبل لا اكتب الموضوع
و مافي بند تجديد تلقائي
ادري و كنت حاس ما يحقلهم بس اهما يجبروني و يبيلهم شركه رابعه تربيهم عدل

أما التوكيل صعب علي و ما عندي وقت

خلاص انا بنطر ينتهي الاشتراك و اذا جددوه برفع قضيه بس شنو الاجراءات و جم يبي المحامي

 

[rahaly]

انا قريت العقد عدل قبل لا اكتب الموضوع
و مافي بند تجديد تلقائي
ادري و كنت حاس ما يحقلهم بس اهما يجبروني و يبيلهم شركه رابعه تربيهم عدل

أما التوكيل صعب علي و ما عندي وقت

خلاص انا بنطر ينتهي الاشتراك و اذا جددوه برفع قضيه بس شنو الاجراءات و جم يبي المحامي

انا عن نفسي اخذ قضيتك بعشرة الاف دينار ... لا تنصدم

تدري ليش ؟؟؟

لانك صراحة متلكك ومتسبب على الشركة

شنو يعني ما تروحلهم عندك شهرين !!!

ماشي ... اخذ هالاستشارة بلاش

طرشلهم ايميل او فاكس او بريد مسجل يثبت انك طلبت منهم وقف اشتراكك

............................ وان شاء الله ترد علي تقول
" ما عندي وقت اطرشلهم "

بالتوفيق

 

[fayoona74]

اخ رحال هل الايميل او الفاكس وسيلة معتمدة قانونيا للاخطارات والمراسلات اللي يعتد فيها امام القضاء سؤال يطرح نفسه
والله نصيحتي للاخ ان يفضي نفسه يوم واحد وينهي اشتراكة ويفك حاله من المحاكم ولويتها اذا ماعندك وقت ليوم واحد تنهي اشتراكك بيصير عندك وقت للمحاكم وقط فلوس على تكاليف محامي
الله يعينك

 

[قناص_السوق]

بالعكس هذول يبيلهم رادع ....

اذا وضعك القانوني سليم ..... خطط و امش وياهم نفس ما يبون اخر شي فاجأهم بالقانون و اخذ تعويض و قول حق القانونيين ملوتهم حبيت يصير عندي فلوس على افاكم


لان هذي الشركاااات ما ياهم ليه يومكم الي يردعها

 

[rahaly]

اخ رحال هل الايميل او الفاكس وسيلة معتمدة قانونيا للاخطارات والمراسلات اللي يعتد فيها امام القضاء سؤال يطرح نفسه
والله نصيحتي للاخ ان يفضي نفسه يوم واحد وينهي اشتراكة ويفك حاله من المحاكم ولويتها اذا ماعندك وقت ليوم واحد تنهي اشتراكك بيصير عندك وقت للمحاكم وقط فلوس على تكاليف محامي
الله يعينك

اختي ..
اذا كتاب (ايا كان نوعه) بعلم الوصول ... شئ طبيعي يعتد فيه
لان الاصل هو علم الشركة بعدم الرغبة بتجديد العقد ..

وانا مضطر اقوله هالطريقة لانه هو نفسه يقول ما راح يروح لهم


.......... ومع هذا ما اعتقد ان الشركة تجدد الاشتراك اذا ما دفعت(اتوقع)

 

[fayoona74]

اخ رحال الشركة ماتجدد الاشتراك يعني الخدمة توقف اذا مادفع بس رسوم الاشتراك تظل شغالة عليه وصارت معانا شخصيا

 

[rahaly]

اخ رحال الشركة ماتجدد الاشتراك يعني الخدمة توقف اذا مادفع بس رسوم الاشتراك تظل شغالة عليه وصارت معانا شخصيا

معلومة جديدة ... شكرا

عبالي مثل كوالتي نت اذا انتهى الاشتراك ما يجددون الا بعد السداد

 

[الـمـحـامـي]

اذهب للمحكمة في يوم وسوى لهم إنذار على يد مندوب الإعلان تخبرهم فيه بإلغاء العقد والخط الانترنت اعتباراً من 30 / 5 / 2009 وعدم رغبتك في تجديد العقد وتابع الإنذار لحين إعلان الشركة به عندها إذا لم يقوموا بإلغاء العقد فليس عليك ثمة مسئولية مالية تجاه الشركة ويكون تعنت منهم تجاهك .
المحامي عوض ماطر المطيري
99420979

 

[نيويورك]

واضح ان عندك ظروف سفر .. تقدر تسوي توكيل حق اي شخص .. و الوكيل ينوب عنك بانجاز المعامله ...

 

[fayoona74]

اخواني اذا اخونا صاحب المشكلة ماعنده وقت يروح 10 دقايق الشركة اللي افرعها موجودة حتى بالمجمعات وصبح وعصر شغالة بيكون عنده وقت يروح يسوي انذار وتوكيل بالمحكمة صبح وزحمة ولا شرايكم
اذا جذي السالفة تاليته الاشتراك بيتجدد وبيدفع يدفع
والله اعلم

 

[rahaly]

اذهب للمحكمة في يوم وسوى لهم إنذار على يد مندوب الإعلان تخبرهم فيه بإلغاء العقد والخط الانترنت اعتباراً من 30 / 5 / 2009 وعدم رغبتك في تجديد العقد وتابع الإنذار لحين إعلان الشركة به عندها إذا لم يقوموا بإلغاء العقد فليس عليك ثمة مسئولية مالية تجاه الشركة ويكون تعنت منهم تجاهك .
المحامي عوض ماطر المطيري
99420979

يا استاذ عوض ..

3 محامين قاعدين يعطون الاخ استشارات ... لانه ما يقدر يروح الشركة (المشوار كله ما ياخذ ساعة لو بيتهم في النويصيب)

................... هالمرة يروح يسوي انذارات وتوكيلات ... الخ ؟؟

 

[dcnaq]

معذره لكل المحامين و لكل من رد
قلت ما عندي وقت لان الشركه قالت ما نكنسل الا من الفرع الرئيسي فقط مو كل الأفرع كما تظنون و يفتح من الاحد لي الخميس من 9 الصبح لي 12 الظهر و انا دوامي 7 الصبح لي 2 الظهر

 

[شيل و مشي]

معذره لكل المحامين و لكل من رد
قلت ما عندي وقت لان الشركه قالت ما نكنسل الا من الفرع الرئيسي فقط مو كل الأفرع كما تظنون و يفتح من الاحد لي الخميس من 9 الصبح لي 12 الظهر و انا دوامي 7 الصبح لي 2 الظهر

شنو المشكلة خذ اذن من دوامك وما صار الا كل الخير

 

[rahaly]

شنو المشكلة خذ اذن من دوامك وما صار الا كل الخير

ليش عاد ؟؟

استشارات المنتدى مجانية ...


احسنت

 

[fayoona74]

ليش عاد ؟؟

استشارات المنتدى مجانية ...


احسنت

محامي + قضية+ محاكم = تعب قلب وقط فلوس اكثر من سعر الخدمة
مراجعة شركة + اذن او طبية او طارئة= يادار مادخلك شر