مشكلة مع مكتب خدم

[ostath]

الله بالخير ...ممكن افادتي بحل لمشكلتي ...

عندي خدامة تمت عندي 7شهور و كانت ما تشتغل بضمير و بعد ما شفتها و بعد ما عطيتها اكثر من فرصه قررت اردها للمكتب...و كانت مستلمه كل معاشاتها بموجب توقيع على دفتر المعاشات ..ما عدا آخر شيك تقول انه ماوصل لأهلها...قمت و لغيت الشيك ...المكتب خذاها مني على 300 دينار ..بس يوم سلمتهم الخدامه حسبت المعاشات و بالغلط طلع لها معاش شهرين مو ماختهم من ضمنهم الشيك اللي ماوصل ..طبعا بعد اسبوعين عطوني فلوسي من غير الشهرين يعني 90دينار..و قلتلهم اييب لكم ورقه من المزيني تثبت اني حولتلها كل معاشاتها عدا الشيك الاخير الملغي..و بعد 3شهور رد علي المزيني و للأسف قالولي انه الشيك الاخير انصرف بالهند يعني الخدامه تطلع مستلمه كل معاشاتها ..يوم رحت مكتب الخدم و عطيتهم ورقة المزيني قالولي ..خلاص بابا خدامه خلاص ياخذ كل معاش مال هو ..طلعوا معطينها معاش الشهرين ..و ما رضوا يعطوني هالفلوس ..قلتلهم انا قلتلكم بييب رد من المزيني عن الشيك الاخير و بعدين اخلص مع الخدامه قالولي انت اتأخرت .....الحين شالدبره...و انا المبلغ اللي سلموني اياه بالأول ماعطوني عليه وصل يعني مافي اثبات لهم على هالمبلغ...ادري طولت عليكم بس هذي سالفتي....الحين شالحل ...ممكن اروح اشتكي بادارة مكاتب العماله و الا اروح حماية المستهلك و اقولهم انه المكتب حول الخدامه من غير لايعطيني ولا دينار ..

 

[rahaly]

يعني انت رايح عليك شهر او شهرين(ما فهمت بالضبط)

بدون قانون ... من باب النصيحة

ياخوي انت ما تقدر تنكر فلوس المكتب

وبتروح وترجع وتدوخ سبع دوخات عشان ال 90 او 45

وبما انك في المؤشر افترض انك تشتغل بالاسهم

احسبها انك خسرتهم بنزلة سهم بيوم واحد


والله علم

 

[ostath]

بس الحق الواحد ما وده يسكت عنه...و الا الفلوس مو مشكله عليها ..بس هالمكتب انا وراه وراه و لي عندهم 90 دينار

 

[fayoona74]

مشكلة ماعندك اثبات بالمبالغ اللي استلمتها

 

[ostath]

مشكلة ماعندك اثبات بالمبالغ اللي استلمتها

بالعكس ..هذا لصالحي..اقدر اشتكي و اقول انهم ما عطوني شي يعني ادفعهم ال300دينار كاملين

 

[fayoona74]

بس انت ماتبي الحرام تبي حقك وبس
دام جذي قدم شكوى عليهم في مخفر بيان قسم العمالة المنزلية
وترا هالكلام نقلا عن واحد يشتغل بالداخلية مو متاكدة 100%

 

[ostath]

بس انت ماتبي الحرام تبي حقك وبس
دام جذي قدم شكوى عليهم في مخفر بيان قسم العمالة المنزلية
وترا هالكلام نقلا عن واحد يشتغل بالداخلية مو متاكدة 100%

تسلمين على المعلومه ...و انطر المزيد من المشاركات للاستفادة

 

[rahaly]

بس الحق الواحد ما وده يسكت عنه...و الا الفلوس مو مشكله عليها ..بس هالمكتب انا وراه وراه و لي عندهم 90 دينار

يقولون في ملياردير امريكي طاح منه نوط بو مية دولار ... ما رضى يشيلة ..

قال الوقت اللي اخسره في النزول والصعود لاخذ المية دولار يروح علي فيه شغل بمئات الالوف

اذا عندك وقت تخسر كل هاوقت عشان تطلع ال 90 دك ... عليك فيهم




موفق

 

[fayoona74]

ولا حتى لو دينار لاتسكت عنهم مو كفو فلس بجيبهم عشان يكونون عبرة مايتعودون يبوقون الناس

 

[rahaly]

ولا حتى لو دينار لاتسكت عنهم مو كفو فلس بجيبهم عشان يكونون عبرة مايتعودون يبوقون الناس

كل شيخ له طريقته

 

[fayoona74]

رحالي اذا بيوم طاح منك نوط ووقتك الثمين مايسمحلك تاخذه بلغني عشان انا اخذه بدالك وقتي يسمحلي

 

[rahaly]

رحالي اذا بيوم طاح منك نوط ووقتك الثمين مايسمحلك تاخذه بلغني عشان انا اخذه بدالك وقتي يسمحلي

ههههههههه

اصلا الفرضية مو موجودة نهائيااااااا ....
لان النوط عمره ما راح يطيح

 

[ostath]

محامينا شكله مو فاضيلنا

 

[الـمـحـامـي]

* أخى الكريم .. من غير المعقول انك تحضر كتاب من شركة المزيني تقعد فيه ثلاثة أشهر .. لان المكتب لن ينتظر هذه المدة الطويلة والخدامة لن تنتظر أيضاً فأنت تأخرت فعلاُ عليهم ..
* وعموماً طالما لك حق بمبلغ مالي لدى الشركة والخدامة تستطيع ان تشتكي عليهم وفي النهاية ستصل لحقك . ولكن هذا يحتاج رفع دعوى قضائية عليهم .
المحامي عوض ماطر المطيري
99420979

 

[ostath]

* أخى الكريم .. من غير المعقول انك تحضر كتاب من شركة المزيني تقعد فيه ثلاثة أشهر .. لان المكتب لن ينتظر هذه المدة الطويلة والخدامة لن تنتظر أيضاً فأنت تأخرت فعلاُ عليهم ..
* وعموماً طالما لك حق بمبلغ مالي لدى الشركة والخدامة تستطيع ان تشتكي عليهم وفي النهاية ستصل لحقك . ولكن هذا يحتاج رفع دعوى قضائية عليهم .
المحامي عوض ماطر المطيري
99420979

تأخري 3شهور مو مني من المزيني كان ينطر رد من الهند عن وضع الشيك اذا انصرف او لا و هذا يبيله 3شهور .....ثاني شي اعتقد الورقه اللي تثبت حقي مو معاي الحين اهيه عند المكتب و ما أعتقد يطلعها لي بعد السالفه ...و هل السالفه تسوى ارفع قضية عشان حق مقداره 90 دينار ؟ او اسكت و لي الله

 

[Camaro]

والله ياخوي مثل مانصبوا عليك لازم تسوي مثل ماسووه انك تاخذ منهم خدامه او تخلي احد من ربعك ياخذها بأسمه وتكرفها شهرين وكل مايدقون لاترد عليهم ولا قولهم زين بعد يومين احولها وعلقهم شهرين وتالي بأبرد من البرود قولهم وحده بوحده والبادي اظلم ولا سالفة قانون وقضيه تره لويه ويبيلها وقت خذ حقك بنفسك ومكاتب الخدم صراحه من تجربه ماشفت فيهم مكتب زين كلهم نصابين يعطون كفاله ولما ترد الخدامه يماطلون فيك ومايردون فلوسك وحتى لو عطوك فلوسك مايحولو الخدامه بسرعه نصب نصب نصب

 

[قناص_السوق]

كمارو شنو يكرفها كرف و يلعن خيرها :\ تراها الخادمه انسان بشر اتق الله @: @:

 

[kwaity1978]

يقولون في ملياردير امريكي طاح منه نوط بو مية دولار ... ما رضى يشيلة ..

قال الوقت اللي اخسره في النزول والصعود لاخذ المية دولار يروح علي فيه شغل بمئات الالوف

اذا عندك وقت تخسر كل هاوقت عشان تطلع ال 90 دك ... عليك فيهم




موفق

لا تسكت عنهم والحق حق ما ينزعل منه

لو لهم عندك 10 دنانير ما يخلونك

ما فيها شي انت تطالب بحقك انا ادعيلك من كل قلبي انك تاخذ حقك وجدامهم تصدق فيها لاغرب مسكين المبدأ مبدأ السالفه مو سالفت فلوس وكثر الله امثالك بالعكس انا اعتقد انك وطني ومحب للديره السالفه مو سالفت 90 السالفه مبدأ وقوانين دوله 90 على تسعين احسبها هذا مكتب جم شخص والله انهم باطين جبدي هل المكاتب ويجب رفع شكوى عليهم وعلى اتحادهم هذيل ضد المواطن الكويتي وعليهم سوالف صايرين مثل المافيا

 

[ostath]

لا تسكت عنهم والحق حق ما ينزعل منه

لو لهم عندك 10 دنانير ما يخلونك

ما فيها شي انت تطالب بحقك انا ادعيلك من كل قلبي انك تاخذ حقك وجدامهم تصدق فيها لاغرب مسكين المبدأ مبدأ السالفه مو سالفت فلوس وكثر الله امثالك بالعكس انا اعتقد انك وطني ومحب للديره السالفه مو سالفت 90 السالفه مبدأ وقوانين دوله 90 على تسعين احسبها هذا مكتب جم شخص والله انهم باطين جبدي هل المكاتب ويجب رفع شكوى عليهم وعلى اتحادهم هذيل ضد المواطن الكويتي وعليهم سوالف صايرين مثل المافيا

على طاري اتحادهم...بسالفتي اللي قلتلكم اياها يوم رحت المكتب اول مره لقيت واحد عرفني على نفسه انه عضو باتحاد مكاتب الخدم و قالي القانون مو مع الكفيل و قالي اعتبرها دفعت بلا ...ها هاه قلتله انا شكو تبونها دفعت بلا انتوا دفعوها ليش اتحملوني انا هالمبلغ