عطوني رايكم ياجماعه الربع

[أبو بدير]

اشرايكم بتعدد الزوجات ؟؟

 

[أمير بطيبتي]

ااذااا عندك مقدره وتقدر تعدل بينهمم تووكل على الله بس هم وااحده زينه

 

[ابو عبدالله333]

بالكويت الواحد مبتلش بوحده شلون بياخذ ثنتين وثلاث

 

[rahaly]

ياخوي هذا سؤال مو حق قانونيين .... شوفلك خطابة اسألها

 

[الحريه وطن]

انت تقول ثنتين

يارجل العزوبيه ابرك شي وحريه لابعد الحدود

 

[bo_7moo00ood]

انصحك بالمسيار ترى تمام ولا من شاف ولا من دري ملاج وشاهدين وكان الله غفورا رحيما واهم شي لاتدري زوجتك طبعا هذا ا ذا انت معزم على الزواج
اما اذا انت متردد لا والله خلك مكانك وقول احد احد
ربي واحد
ونبينا واحد
وزوجه وحده

 

[saadxx26]

يا معود خذينا وحده وتوهقنا - انت وش اللي حادك على الثانيه طيعني ولا تتزوج الا بعد ال35 سنه

 

[أبوفلان]

اييييييييييه يا أم بدير لو تقرين ابوبدير اشكاتب

 

[وليد السعيدي]

انصحك بالمسيار ترى تمام ولا من شاف ولا من دري ملاج وشاهدين وكان الله غفورا رحيما واهم شي لاتدري زوجتك طبعا هذا ا ذا انت معزم على الزواج
اما اذا انت متردد لا والله خلك مكانك وقول احد احد
ربي واحد
ونبينا واحد
وزوجه وحده

السلام عليكم ..

اخوي ما بني على باطل فهو باطل ...

انا اقووولك يا بوبدير اذا بتزوج وشايف نفسك تقدر تعدل بين الثنتين اول شخص تعلمه اهو زوجتك... هذا من وجهة نظري

مع ان هالايااام الواحد عنده زوجه وحده ومبتلش فيها شتبي بعوار القلب والمشاكل اللي تكرهك بنفسك ..

 

[موجوده]

ممممممممممممم
بقول رايي اذا ممكن
طبعا ادري قلته بدون ما اتقولين اي ولا لا
المهم
( مسيار - عرفي - متعه - السفر - وبعد وايد لاح نسمع عمهم لان التأليف عند ويهك )
كل واحد عنده عقل ويعرف الحلال والحرام
ومو كل مايه واحد حلل وحرم على كيفه
بعدين اللي خايف لا يتزوج واذا انت على حق ومرتك امقصره وياك اتزوج بدون خوف لانك مو امسوي شي غلط اصلا
وخر عن الشبهات احسنلك انت الواحد مو ناقص هم خخخخخ
واذا جكت يا سواااد ليلك هههههههه بتتريق فيك قبل ما تتغدى فيها
اي والله هذا اللي ناقص
عموما

الشرع حلل اربع صح ( بالحلال )
ولا اتقول ان المسيار ولا العرفي الحلال لان القصد من الزواج الاستمرارية والاشهااااااااااااااااار وهذا اهم شي
يعني مو بالخشيش
المهم
الله قال (( ولن تعدلوا ولو حرصتم )
يعني الله عارف كل شي وقالكم حلال بس انتو ماراح تعدلون حتى لو حاولتوا !!!؟
اذا بتعدل بفلوسك ماراح تعدل ابقلبك وابمشاعرك
وبعدين ما اعتقد ان الافلوس بتشتري فيهم الناس ولا بتخليهم مرتاحين
يعني لو عطيت مرتك افلوس الدنيا ومعاك وحده غيرها حتى لو بينت انها مستانسه راح اتكون العكس
بعدين انت اتشوف ريال يطالع مرتك ولو بالغلط قلبك يحترق
فمابالك المره وانت ريلها وابو اعيالها وسندها واهلها وابوها وصديقها واخوها وكل شي ابحياتها اتروح منها حق وحده ثانيه

فكر فيها شوي
الشرع حلل 4 ومحد ينكر ولا احد يقدر بس تذكر ( ولن تعدلوا ولو حرصتم)
المشاعر محد فيكم يقدر يعدل فيها لو شنو سوى
بعدين نسره وحده مو كافيتكم خخخخخخخخخ تبون بعد يالتماسيح



الله يعينكم على عمركم ويعين حريمكن عليكم
والله يستر علي وعليكم وعالكل ويوفجكم ويوفجني ويوفج الكل ياربي


اللهم اغفر لي ولوالدي ولجميع المؤمنين والمؤمنات والمسلمين والمسلمات يوم يقوم الحساب



واسفه اذا طولت عليكم

اختكم ,,,,,

.
.
.
.
.
.

 

[asmreka]

^^
اجلي موضوعج شوي

اخوي اذا عندك المقدره انك تتزوج اكثر من وحده تزوج

بس اهم شي العدل :×

خصوصا بتعدد الزوجات راح تشوف اداء غير عن الثاني

وسلامتك

 

[nabhaan79]

يقولون وهو الصحيح

اللي يتزوج وحده مثلها : يعني إذا مرضت أهو مرض وإذا جاها عذر شرعي يصير نفسها يبتظر وإذا ولدت يصير عليه 40 يوم ::: بالعربي يتبهدل

واللي يتزوج 2 مغلوب على أمره : يعني يطلعون إثنينهم عذرهم الشرعي نفس الوقت ويتهاوشون وتطيح براسك وهذي تزعل والثانيه تزعل تعيش حياه الله العالم .

واللي يتزوج 3 يشيخ : بإختصار إذا الثنتين حطو عليك الثالثه تشيخك عليهم وتعيش عيشه سعيده .

واللي يتزوج 4 عريس : كل ما يجي دور وحده تكون غايب عنها 3 أيام يعني كأنك بأول ليله الكشخه ما تخلص عندك ....

وبالنهايه إذا كنت جوعان بتشبع وإذا كنت متزوج واللي عندك صاليه وصايمه وقايمه بواجبها وساتره نفسها وساترتك إمسك عليها وأنا أخوك ترا شوفة الغالي وأهو زعلان تقطع القلب .

وإذا كنت ناوي تتزوج : الزواج مو مجرد شهوه أحسن الإختيار لأم أولادك الثانيه واللي راح تكون عمة أولادك الحاليين لا تفكر بالجمال فقط وإنما الدين ، والأخلاق ثانيا .

 

[أبو بدير]

يا اخوان التنويع حلو ؟؟
والشرع حلل اربع

بعد نبي اراء

والله يعطيكم العافيه

 

[rahaly]

يا جماعة ... ياريت هالموضوع يكون بالاستراحة
........ ماله شغل بالقانون

والا مستانسين قاعدين مكان خاص ما فيه ماره وايد ؟؟

 

[أبو بدير]

يا خوي يا رحال اشفيك زعلان ومتضايق

جنك بتحسسني ان اذا كتبنا موضوع جنه بنفول المنتدى

موضوع نزل والجماعه ردو عليه وخلاص

وبعدين ردك دورلك خطابه خل وبعدين خل انشوف راي الشباب والي عنده شي يشارك

عالعموم مشكور ع الردود وماقصرت

 

[خدمة الشعب]

ابوبدير .. انت مقتدر مادياً ؟

اذا نعم اسمع الكلام وأنا أخوك :

تزوج الثانيه وأن شفت الموضوع أوكي وماشيء تمام

إذا (( لا ))

تزوج الثالثه وعيش بربيع وماراح تندم وإذا تبيني شاهد حاضر

مبروك مقدماً وأحجز الصاله من الحين ترا الناس زحمه وطق عصي

أخوك

 

[موجوده]

يمه منكم حق الخراب زينين

قال تعالى
(( ولن تعدلو ولو حرصتم ))
ومحد ادرى من ربه صح !!!

وانا راح اطلع من هالسالفه لان كلكم متحيزين
والله يوفجكم ياربي

واسفه اذا طولت
اختكم ....

 

[ام روتا]

وحده وبسسسسسسسسسسس
وين ام بدير
من يعطيني رقمها ؟
هههههههههههه

 

[ام روتا]

يا حبكم لتعدد الزوجات وخلاص
ليش من الاول وحده وفيها كل ميزات الاربعه وخلاص
واذا مو فيها انت الي تقعد تعدل فيها هذا اهو اختيارك من اول ومافي احد غصبك
يله موفق اخوي

 

[أبو بدير]

ههههههههه

ضحكتي مشاركه الاخوات

احس محترين

صج الشريجه حااااااااااااااااااااااااااااااره

بس ترى الجدر مايقعد الا على اربع

يله دورولي