ورقه وصلت من المحكمة

[al7loo]

السـلام عليكم يعطيكم العافية


ورقه وصلت من المحكمة عن طريق البريد الي بيتنا وكان موعد الجلسة 10-5-2009 وانا اليوم14/5/2009 شفت الورقه بالبيت وطاف موعد الجلسه وانا ما عندي علم شنو الحل وشكرا

 

[rahaly]

السـلام عليكم يعطيكم العافية


ورقه وصلت من المحكمة عن طريق البريد الي بيتنا وكان موعد الجلسة 10-5-2009 وانا اليوم14/5/2009 شفت الورقه بالبيت وطاف موعد الجلسه وانا ما عندي علم شنو الحل وشكرا

الله يعينك ..
غالبااااااااااااااا ... اعلانك للجلسة كان صحيح قانونا

لان المندوب اكيد حضر الى بيتكم .. او ما لقى احد يرد .. او انهم رفضوا استلام الورقة

فذهب الى المخفر وسلمهم نسخة (والمخفر نادرااااااا ان يقوم بابلاغك )
ويرسل لك بالبريد المسجل ... وهذا اللي صار


عموما روح مخفر منطقتكم واطلب الصحيفة

وروح المحكمة شوف شنو صار على قضيتك ... اذا محجوزة للحكم اطلب فتح باب المرافعة .. واذا مؤجلة لاي سبب احضر الجلسة القادمة


موفق

 

[al7loo]

يسلمو ويعطيك العافيه

 

[al7loo]

هل في حل ثاني وشاكرلكم

 

[fayoona74]

الحل واضح باللي كتبه رحالي
(وروح المحكمة شوف شنو صار على قضيتك ... اذا محجوزة للحكم اطلب فتح باب المرافعة .. واذا مؤجلة لاي سبب احضر الجلسة القادمة) وانا اكمل عليه اذا طلع ان الحكم صادر سو استئناف خلال 30 يوم

 

[al7loo]

السلام عليكم فيونه الحين اذا قلنا اجلها لاي سبب ثاني احضر واقدم اوراقي ولا اقوله اطلب اجل لأطلاع؟ اقدر اسوي جذي ولا اقدم اوراقي نفس الجلسه القادمه واقوله احجزها للحكم

 

[fayoona74]

اذا الجلسة القادمة لحقت عليها قدم الاوراق اللي تبي تقدمها اذا كانت جاهزة عندك واذا مو جاهزة اطلب اجل لتقديمها بالجلسة القادمة واذا خصمك مقدم مستندات ضدك اطلب من القاضي اجل للاطلاع
باختصار عشان ماتضيع راجع سكرتير الجلسة يوم الاحد اهو يعلمك شنو صار وكل شي ممكن تسويه حتى طريقة فتح باب المرافعة هم يعلمك اهو عنده كل شي وشنو صار اول باول لان الملف يكون عنده اساسا

 

[rahaly]

ادخل بوابة العدل عالنت حط رقمك المدني ... مفروض تلاقي قضيتك وشنو صار فيها

....................... ابتسم انت في الكويت

 

[al7loo]

مشكوره فيونه

اخوي بوابه العدل المشكله ماكو موحاطين شي بالقضيه شلون جذي

 

[fayoona74]

بوابة العدل مايحطون الاحوال الشخصية ولا الجنائي

 

[al7loo]

مشكوررررررررين كلكم والله يوفقكم وين ما كنتو والله يوفقني وياكم شاكرلكم

 

[rahaly]

مشكوررررررررين كلكم والله يوفقكم وين ما كنتو والله يوفقني وياكم شاكرلكم

والله اول مرة اعرف ما يحطون احوال !!!
عبالي يحطون بس جلسات

مشكورة معلومة جديدة اكتسبناها

 

[al7loo]

مشكورين انتو بعد ومنكم نستفيد

 

[الـمـحـامـي]

حاول تدخل على موقع وزارة العدل البوابة الالكترونية برقم القضية وسوف تعرف ما تم فيها من تأجيل او حكم .. كما يمكنك مراجعة قسم الاستعلام القضائي بأي محكمة بالكويت لمعرفة ما تم فيها من قرار .. وفي حالة حجزها للحكم تستطيع ان تتقدم بطلب بفتح باب المرافعة وترفق به الاعلان الوارد بالبريد للتدليل على صحة اقوالك وطلبك وغالباً يستجيب لطلبك ..
المحامي عوض ماطر المطيري
99420979

 

[al7loo]

مشكور يالمحامي والحن محجزه للحكم شسوي بالحاله هذي 1-6 الجلسه

 

[saeed]

واذا محجوزه للحكم عندك استئناف بمده لاتتعدى شهر ومومطلوب منك تنفذ اذا صدر حكم لغايه ما يصدر حكم الاستئناف

 

[al7loo]

يعطيك العافية