تبلي خادمه

[مشعل2009]

السلام عليكم
شباب ممكن واحد يوضحلي شنو الاجراءات القانونيه اذا تبلت عليك الخادمه كان تقول ضربني او اعتدى علي ؟؟ وهل ينظر لها القانون بدون اي دليل ؟؟

مشكورين ويعطيكم الف عافيه

 

[al7loo]

الخدامه موجوده ولا مسافره الحين ؟

 

[مشعل2009]

موجوده
وممكن انها تتبلى باي لحظه علشان تسافر

 

[fayoona74]

اكيد لازم تصير تحقيقات ولازم يكون في دليل مو فوضى

 

[مشعل2009]

اولا انا جدا سعيد على اهتمامكم و سرعة اجابتكم لسؤالي ، بارك الله فيكم و في موقعكم المتواضع ،
بالنسبه للتحقيقات ، فعلا لابد منها بس اللي اقصده هل فيها بهدله و كل يوم تعال و روح ؟؟ وهل تظل الخادمه محجوزه عندهم لحد ما توضح الشكوى ولا انها تسفر ؟؟
لأن انا الصراحه ودي تنقرص شوي و تعرف انه القانون مو لعبه ، مو كل وحده ما عجبها الشغل تتبلي و تسافر ،

 

[متابع الســــوق]

السلام عليكم
شباب ممكن واحد يوضحلي شنو الاجراءات القانونيه اذا تبلت عليك الخادمه كان تقول ضربني او اعتدى علي ؟؟ وهل ينظر لها القانون بدون اي دليل ؟؟

مشكورين ويعطيكم الف عافيه

نعم ينظر لها القانون بس نوع الاعتداء اذا ضرب تبين الاثار عليها من عدمه ومنها تحول اذا سجل قضيه الى الطب الشرعى
لبيان الاصابات ولايعتد بتقرير المستشفى اما اذا تبلت بان الاعتداء جنسى
يتم التاكد اولا من صحت البلاغ من استجوابها واذا تاكد الاعتداء تحول الى النيابه العامه وتندب الى الطب الشرعى 0 واذا اتضح بانها كاذبه سوف تكون عليها قضيه وتسجل وبعدها يتم تسفيرها 0
عموما التبلى من الخدم فى المخفر تتضح الرؤيه ولايتم الاستعجال الا اذا صدق قولهاااا 0 والله يحفظكم من شرور الخدم 0​

 

[مشعل2009]

الله يحفظنا و اياكم و جميع المسلمين من شرور الخدم ان شاء الله ، الواحد قام يخاف من مشاكل الخدم ما يامن حتى يحط عياله عندهم ، و يعطيك العافيه اخوي متابع السوق و كلامك نوع ما يطمن ، خاصة ان كان لي موقف مع خادمه انحاشت و راحت السفاره و اشتكت لهم اني ضربتها و سفروها بدون لا ترفع قضيه ولا شي وحتى الجواز لحد الحين موجود عندي

 

[al7loo]

انتا صج طاقها ولا لا

 

[أبوفلان]

الخدامة اذا تبلت عليك انك مغتصبها او معتدي عليها جنسيا ، او شيء يسونة يحطونك انت وياها بالحبس الاحتازي ،،

لانه ممكن السالفة صج وممكن لا ،،

بعدين تتحول القضية للتحقيق والطب الشرعي ، يعني ممكن يحبسوك 3-7 ايام ،، حتى تتبين الحقيقة ،

لانه بالفعل مرات تصير ان يقوم الكفيل بالاعتداء على المخدومة ،، بس لو تسأل واحد قانوني او محامي افضل ،،

اذكر مره خدامة تبلت على شايبها الكفيل وانها حامل منه ، وبالفعل كانت حامل بس من هندي بالشارع مو منه ،، تبين هذا بالتحقيقات ، بس انحبس الشايب يوم واحد وطلع بالواسطة ،،

هالخدامات تلاقيهم بالهند وانا شفتهم هناك والله عايششن مثل الحيوانات ويبحثون عن الطماط الخايس من الزبالة علشان ياكلون ، ولما ييون عندنا بعد العوايل يودونهم معاهم مكدونلز هههه ويعيشون مثل الملوك ، وآخر شيء انا تبوق الكفيل ولا تبتلي عليه ،،

طلعو الخدم من البيوت وخلو الحريم بالبيوت تبرى العيال وتطبخ والله مافي احسن من هالحياه

 

[مشعل2009]

al7loo
لا والله لا طاقها ولا شي ، بس اشوف هالتصرف هذا مشهور عندهم هالايام من خلال ما اسمعه بالدواوين و الراديو و التلفزيون وقلت الواحد على الاقل يعرف شنو اللي عليه واللي ماعليه قبل لا يخطو اي خطوه

أبوفلان
والله انه كلامك عسل ، يازين المرا اذا قعدت بالبيت بس وين و ظروف الحياة كل مالها و تعقد ، و انا اذكر بعد في قبل جم يوم في وحده داقه على الاذاعه تقول انه خادمتها تبلت على ابوها اللي عمره 65 بانه اعتدى عليها و تخيل ان الخادمه سافرت بعد القضيه باسبوع و الشايب مسجون صارله اكثر من 3 اشهر
، على قولتك نوكلهم احسن اكل و بالنهايه ينكرون المعروف ،

بس في سؤال : في احد الاشخاص قالي اذا تبلت عليك تبلى عليها مثل انك تقول باقت مني الف دينار حتى تخاف و ما تتبلى ، شنو رايكم بالطريقه هذي ؟
وشكرا

 

[مــشــعل 2009]

السلام عليكم

اولا : انا اسمى بالمنتدى مشعل 2009 وماكتبت ابدا موضوع بالمنتدى عن تلى الخادمه

بصراحه انا مستغرب حيل حيل

اكيد واحد داش باسمى وكاتب هالموضوع

والله العظيم انا ما كتبته ابد وماعندى هالمشكله ابد

حسبى الله على كاتب الموضوع وحسبى الله على من دش باسمى بالمنتدى

بصراحه غريبه كيف دش باسمى وليش كتب هالمقال بالمنتدى

مع انه مافى احد يعرف كلمة السر

بصراحه غريبه تصير فى منتدى نثق به جدا جدا جدا

والله مستغرب واقسم انى لم اكتب مثل هالموضوع ابد

 

[Jahra]

اخوي مو داش بنكك .. في مسافه بين الاسم و 2009

وشوف مشاركات مشعل الي فوق 8 وانت 40 يعني في فرق ...

 

[ســـــاحـــــر]

سفرها وافتك منها

 

[أبوعلي1]

http://www.indexsignal.com/vb/showthread.php?t=180146

 

[أبوفلان]

السلام عليكم

اولا : انا اسمى بالمنتدى مشعل 2009 وماكتبت ابدا موضوع بالمنتدى عن تلى الخادمه

بصراحه انا مستغرب حيل حيل

اكيد واحد داش باسمى وكاتب هالموضوع

والله العظيم انا ما كتبته ابد وماعندى هالمشكله ابد

حسبى الله على كاتب الموضوع وحسبى الله على من دش باسمى بالمنتدى

بصراحه غريبه كيف دش باسمى وليش كتب هالمقال بالمنتدى

مع انه مافى احد يعرف كلمة السر

بصراحه غريبه تصير فى منتدى نثق به جدا جدا جدا

والله مستغرب واقسم انى لم اكتب مثل هالموضوع ابد

يالحبيب لايكون انت رئيس الوزراء ..!! :d:d

أخوي لاحظ الفرق في الأسماء إسمك فيه مسافات وفي مسافه بين الإسم والسنة 2009

 

[مــشــعل 2009]

السلام عليكم

شكرا للتوضيح

واقول لابو فلان بسك طنازه وكل واحد يحترم نفسه

والا الى يبى يستفسر حرام

للاسف احنا احسن ناس بالطنازه فقط

والله يهدى الجميع

 

[العاشق]

نصيحه سفرها وخل تولي لاجيبلك الحجي والقيل والقال اللي الناس صاير عندهم هوايه هالايام

ويعينك الله على الخساير واذا باطه جبدك غشها بتذكره ترانزيت جم مطار خل يدوخ راسها او تظيع بعد اذا ثولا

 

[aalanazi]

القانون مايحمل مقفلين

 

[نيويورك]

مع الأسف المسأله سلاح ذو حدين ..
وارد جدا ان تتبلى الخدامه على كفيلها او احد ابناءه او اي شخص بالبيت حتى النساء .. من خلال الادعاء بالضرب و غيره ..

فيه كفلاء مع الأسف يعذبون الخدم .. و يمشونهم بالكي بالنار .. و ما يهتمون حق ادنى مقومات الحياة لهم .. حتى ان احد المنازل لما استنكر كثره الصراخ في بيت جاره اكتشف انهم يضربونها بشكل دائم و ما يخلونها حتى تنام و ترتاح ..و فيه مراهقين و كفلاء يعتدون على الخادمه جنسيا .. و يثبت ذلك من خلال تقرير الطب الشرعي .. و منهم من حمل سفاح ..و منهم من قتل بسبب التعذيب .. و هي حالات موجوده ..

و اغلب الكفلاء يخافون الله في الخدم .. و ما يتأخرون في اي شي .. من مقومات اساسيه من لبس و شرب و أكل و غيره .. و يعطونهم اكثر من رواتبهم .. و يعاملونهم معامله طيبه حثنا عليها ديننا الاسلامي .. فيتدخل احد ابناء ديرتها أو غيره بتغريرها و بالتالي تتبلى على كفيلها أو ساكني البيت بأي شي من أجل الحصول على مبلغ تنازل و تسافر .. لأعتقادهم بسذاجه بعض الناس الكفلاء ..

يجب ان ننظر للحقيقه بالعينين و ليس بعين واحده .. وارد تبلي الخدم .. ووارد ايضا اعتداء الكفلاء على الخدم .. و القانون لم يميز بين شخص و شخص لأي أعتبار ..

و بالتالي عند ادعاء أحد الخدم على مخدومه .. يبدأ المحقق أو وكيل النيابه بالسير في اجراءات الادعاء من خلال الطب الشرعي و الأدله الجنائيه و شهاده الشهود و طلب تحريات المباحث اي دليل أخر ..و يأخذ كل ذي حق حقه عند صدور الحكم ..

اما اذا ثبت انه ادعاء غير صحيح أو كيدي فتسجل قضيه البلاغ الكاذب على مقدم البلاغ ..

المخافر و سلطات التحقيق في الكويت على قدر من الخبره و الكفاءه في تلقى هذا النوع من الادعاءات ..فيتم التأكد قبل تسجيل قضيه .. و اعتبارات حجز اي متهم ليست عشوائيه ولا من أجل ارهاق أو عدم ارهاق اي طرف .. و لكن لها اعتبارات قانونيه في غاية الحذر ..


هذه وجهة نظر .. و الله اعلم ..

 

[fayoona74]

وجهة نظرك سليمة 100% نيويورك ان الواحد ماينظر بعين وحدة
لكن الخدم ظالمينا صراحة بنسبة 80% وال 20% اهم مظلومين