في امل .............؟

[ام روتا]

السلام عليكم
في واحد مصري الجنسيه ويشتغل في الكويت واهو مستقر فيها
بس المشكله يا اخواني انه عنده اخو معاق ويبي ينزله الكويت يقعد معاه ويقولون انه ما يصير
ابي اعرف اهو ما في امل ؟
وللعلم انه امه وابوه متوفيين يعني ما لا غير اخوه
اتمنى احد يفيدني
ويعطيكم العافيه

 

[fayoona74]

مافي شي مستحيل بس يبيله واسطة ويمشي الموضوع يعني سلطة تقديرية لوزارة الداخلية بمنحه الاقامة بالضوابط والشروط المقررة

 

[ام روتا]

يعطيج العافيه
ملينا من موضوع الوسايط
مافي شي لله
يله خير ان شاء الله
وما قصرتي

 

[ام روتا]

مافي طريقه ثانيه؟
وين المحاميين ؟؟؟؟؟؟؟؟؟؟؟؟؟؟؟؟

 

[نيويورك]

اختي الكريمه ..
شروط وضع الاقامه .. او الالتحاق بعائل معروفه و لها قواعدها الاجرائيه ..

اي حالات استثنائيه مثل الحاله اللي تفضلتي فيها ممكن تقديم الطلب مع شرح الحاله للسيد مدير الاداره العامه للهجره .. او لمعالي وزير الداخليه مثل ما تفضلت الاستاذه فيونه ..

المسئولين و خصوصا في ادارة الهجره مكاتبهم مفتوحه و سهلوا العديد من المعاملات الانسانيه .. و لهم سلطة تقدير للمعاملات الاستثنائيه بحسب تعليمات معالي الوزير ..

موضوعج يا اختي الكريمه مو قانوني ولا من اختصاص الاخوان المحامين .. الموضوع معامله حكوميه و استثناء من قيادات وزارة الداخليه ..

 

[ام روتا]

تسلم اخوي

 

[nabhaan79]

موضوع سهل

يحطله إقامه ويدخل الكويت

يدفع 550 دينار بالكويت عشان الفيزا أرخص من مصر 15000 أو 20000 جنيه

 

[rakan_yes]

اخوه معاق ؟
هني المشكله

فالمعيل بقانون العلمل بالكويت
هو لاسرته
المكونه من الاب الام الزوج الزوجه الابناء

يعني لو كان الابن معاق يستطيع انه يجيبه للكويت
ويستطيع ان ياخذ كاااااااااااااااااافة الامتيازات التي يتمتع فيها المعااق الكويتي

لاكن خليني اضح لج نقطه او ادلج على المكان الصحيح

روحي للشعب البحري عند
المجلس الاعلى الطبي

الدور الاول واهم يفيدونج بموضوع المصري الي اخوه معاق

وبعدها يقولون شنو الاجراءات المطلوبه بالشكل الصحيح
اتمنا اني فدتج في ردي للمضوع
تقبلي تحياتي
ابورااشد

 

[ام روتا]

يعطيكم العافيه
وتسلم يانبهان
وتسلم بابو راشد ما قصرت

 

[ام روتا]

الرجاء الي يعرف المكان بظبط الي يروح يسال في
يقولي
وتسلمون

 

[ام روتا]

؟؟؟؟؟