سوال مهم

[القمر1]

الـــــــــــــســـــلام عليكم جميعا

يعطيكم العافيه


سوالي الحين الحاضنه سافرت راحت وخذت ويها بنت وخلت الولد الصغير ما سافر وسافرت بدون علمي شنو اقدر اسوي ؟ وتنصحوني هل اسوي منع سفر لهم علشان يستاذنوني وهل ليمه خلت الولد هني في عليها اسقاط حضانه وشكرا

 

[rahaly]

بالنسبة لسفر الحاضنة للسياحة ... ما في مشكلة ولا يسقط الحضانة

اما بالنسبة لابقاء الابن .. اذا كان في ايد امينه كالام او الاخت ... الخ

ايضا ما في مشكلة ... لا يمكن اسقاط الحضانة

اما اذبات عدم الامانه بسبب السفر ........ مشكلة

ولا تنسى 90ِ% من اهل الكويت يسافرون في الصيف .. لو كل وحده بتاخذ اذن عشان تسافر .. ويصير خلاف .. تسافرين .. لا ما تسافرين .... مشكلة صح ؟؟

 

[القمر1]

صح كلامك بس لازم ياخذون اذن الابو بسوي منع سفر حق العيال علشان ما يطلعون الا باذني هل الحل هذا زين تنصحوني فيه؟

 

[qanon]

يا اخوى يا القمر العزيز

مثل ما قالك اخونا رحالى ومثل ما بين لك الوضع

وانا بقولك شى

دام اعيالك اللى سافروا استانسوا خلهم يروحون ويستانسون افا عليك

وصدقنى دام اهما مستانسين اكيد انت مستانس واترك عنك سوالف المحاكم بينك وبين امهم

ونصيحتى لك انك ما اتخلى الاعيال حلقة للمصارعة بينك وبين والدتهم وتحياتى لك واسمحلى على المداخلة

 

[القمر1]

لا عادي يالغالي بس اهي خذت واحد وخلت الصغير بيت اختها مو هذا الي نرفزني

 

[qanon]

حبيبى والله يا القمر

شفت اشلون

دام واحد سافر السنة هذى خله يستانس )

وطول بالك

وسو نفسك امعصب عليهم بس من داخلك خله يروح ويستانس )

والله كريم حق الثاني

 

[rahaly]

يا اخوى يا القمر العزيز

مثل ما قالك اخونا رحالى ومثل ما بين لك الوضع

وانا بقولك شى

دام اعيالك اللى سافروا استانسوا خلهم يروحون ويستانسون افا عليك

وصدقنى دام اهما مستانسين اكيد انت مستانس واترك عنك سوالف المحاكم بينك وبين امهم

ونصيحتى لك انك ما اتخلى الاعيال حلقة للمصارعة بينك وبين والدتهم وتحياتى لك واسمحلى على المداخلة

بارك الله فيك يا القانون .. كلام موزون جميل

واخوي القمر ... ياخوي تحمد ربك شتبي بعد فكتك منهم
هم اتونس اليهال .. وهم دبرت الصغير عند اختها

مو احسن ما تسافر وتقطهم عليك وتتورط فيهم وتنربط معاهم لا ليلك ليل ولا نهارك نهار ؟



بس طول بالك والامور طيبة ان شاء الله

 

[موجوده]

ممممممممم
انا مالي دخل ابسوالفكم
بس من الحجي المره سافرت من غير اذن ريلها ماراح بيت خالتها او امها سااااااااااافرت

لو واحد منكم انتو مرته اطلعت بره البيت ومن غير مايدري يذبحها وتوصل بينهم يمكن 3 ايام مايكلمون بعض

هذي سافرت
انا ماقول خل يسوي مشاكل
بس سافرت من غير علم ريلها يعني ممكن اتسوي اي شي
واذا فات الفوت ماينفع الصوت
عالاقل اذا حط منع سفر يقدر يعرف ان مرته بتسافر لان له حق عليها
اسفه على هالحجي بس شنو فايدتة اذا اتسافر وهو مايدري يعني حتى ما استأذنت

ترى ماشيش والله
ويالقمر عدها هالمره وكل واحد يغلط بس ديربالك هالدنيا كل شي الناس يسوون فيها وماااااااااااااااااكو شي ابعيد عن هالناس
والحيطه واجب
والله ياري يهدي سرك ويعطيك على قد نيتك انشالله

 

[rahaly]

ممممممممم
انا مالي دخل ابسوالفكم
بس من الحجي المره سافرت من غير اذن ريلها ماراح بيت خالتها او امها سااااااااااافرت

لو واحد منكم انتو مرته اطلعت بره البيت ومن غير مايدري يذبحها وتوصل بينهم يمكن 3 ايام مايكلمون بعض

هذي سافرت
انا ماقول خل يسوي مشاكل
بس سافرت من غير علم ريلها يعني ممكن اتسوي اي شي
واذا فات الفوت ماينفع الصوت
عالاقل اذا حط منع سفر يقدر يعرف ان مرته بتسافر لان له حق عليها
اسفه على هالحجي بس شنو فايدتة اذا اتسافر وهو مايدري يعني حتى ما استأذنت

ترى ماشيش والله
ويالقمر عدها هالمره وكل واحد يغلط بس ديربالك هالدنيا كل شي الناس يسوون فيها وماااااااااااااااااكو شي ابعيد عن هالناس
والحيطه واجب
والله ياري يهدي سرك ويعطيك على قد نيتك انشالله

هههههههههههه

اختي العزيزة .. شلج في اللقافة ؟؟

بما ان هذا تخصصنا .. فنقدر نفهم ان المرأة مطلقة
لانه يقول اسقاط حضانه .. ومنع سفر

يعني اذا عرفتي ان مطلقة ... اكيد راح تغيرين كل الكلام ... صح ؟؟

يالله تفضلي .. المايك لج

 

[qanon]

عن اذنك رحالى انا خذيت المايك

اول شى مشكور على كلامك الطيب لى

واتمنى ان اكون مثلك بردك الموزون للجميع

وثاني شي اشفيك هبيت على الزبونة

جذيه زباين المنتدى ينحاشون ) لا اتغشمر معاك

وانا اقولها الحين اتفضلى المايك مع ابتسامه )

 

[القمر1]

بس انا بسوي منع سفر لنه من غير علمي ما يصير يسافرون كل ما يرحون المطار يستاذنن وما فيها شي بس بالخش والدس ما يصير

 

[fayoona74]

مسا الخير نقاش حلو صراحة وموسمه الحين بما ان فترة صيف والكل بينحاش من الحر

اسمح لي اخوي قمر اخذ المايك و اجاوب على سؤالك الأخير :
محد راح يمنعك انك ترفع طلب للقاضي بمنع سفر ابنائك للخارج واكيد بتذكر ان السبب سفر طليقتك بالاولاد بدون علمك وترك الثاني عند اختها بس مابي اضيق خلقك واقولك
ان طلبك راح ينرفض للأسف بنسبة 99.9%
والسبب ان القانون واضح باشتراط اذن الاب في حالة ..... لالا اخليك تقراها بنفسك بحكم المادة 195

أ- ليس للحاضنة ان تسافر بالمحضون الى دولة اخرى للاقامة الا باذن وليه ، او وصيه.
ب- ليس للولي ابا كان او غيره ان يسافر بالمحضون سفر اقامة في مدة حضانته الا باذن حاضنته.


وتدري شنو حكمة المشرع بالمادة
الحكمة عشان ماينحرم الاب من شوفة عياله وهالشي يتحقق بطلعتهم من الديرة للاقامة بدولة ثانية
لاحظ للاقامة مو سياحة

 

[rahaly]

وثاني شي اشفيك هبيت على الزبونة

جذيه زباين المنتدى ينحاشون

والله كلامك صحيح

صج عاد صارلنا جم يوم كساااااد ....

اسف يا زبونه ... تفضلي وقولي اللي تبين عشان نصحح المعلومات
(شرايك جذي زين؟؟)

 

[القمر1]

شاكرلكم

 

[qanon]

حياك يا القمر

 

[موجوده]

مشكوور اخوي بس الحريم معروفه عنهم اللقافة خخخخخخخخ

المهم ندخل في الموضوع مع اني مادري شنو سالفة المايك اللي عندكم
بس المايك عندي هالمره

بدايه الموضوع انا قلت ( انا مالي دخل ابسوالفكم )

يعني في اسف من اني علقت وبعدين اتحجيت
واذا ماعرف ابهالسوالف انت فهمني عادي مافيها شي اذا ماعرف بس الغلط اني ماعرف واقول فاهمه او اعرف واقعد اتطنز عالناس بدال ماعلمهم (

عموما اخو عزيز وغالي
وانشالله دوم هالضحكه انشالله
بس انا اشدراني ):
موشي
يالله نتعلم من الغلط

 

[rahaly]

مشكوور اخوي بس الحريم معروفه عنهم اللقافة خخخخخخخخ

المهم ندخل في الموضوع مع اني مادري شنو سالفة المايك اللي عندكم
بس المايك عندي هالمره

بدايه الموضوع انا قلت ( انا مالي دخل ابسوالفكم )

يعني في اسف من اني علقت وبعدين اتحجيت
واذا ماعرف ابهالسوالف انت فهمني عادي مافيها شي اذا ماعرف بس الغلط اني ماعرف واقول فاهمه او اعرف واقعد اتطنز عالناس بدال ماعلمهم (

عموما اخو عزيز وغالي
وانشالله دوم هالضحكه انشالله
بس انا اشدراني ):
موشي
يالله نتعلم من الغلط

بالعكس اختي ...
حياج الله معانا وما فيها شئ الانسان يتعلم .. وكلنا نتعلم

بس السؤال كان قانوني .. وجاوبنا عليه انه قانوني
وانتي ما نلومج .. لانج اخذتيه من ناحية اجتماعية .. وما قبلتي بمخالفه العادات.. جزاج الله خير

بعدين لازم تعرفين ان القانونيين طبعهم جافين ...
عمرج شفتي ضابط يضحك ... حق غير امه ؟؟



يا هلا فيج