يعني شنو شرط الفحص ؟؟ ارجوا التثبيت

الحالة
موضوع مغلق

مهم للغاية

عضو نشط
التسجيل
12 يوليو 2008
المشاركات
594
الإقامة
الكويت
السلام عليكم ورحمة الله وبركاته

اخواني الكثير يقرأ اعلانات بيع سيارات ويقول شرط الفحص.

وكثير من الناس ما تعرف يعني شنو شرط الفحص.

اي شخص يبي يشتري سيارة يدفع عربون للبائع (مبلغ يتفق عليه) (بعد الاتفاق على السعر ومعيانة السيارة) والعربون على حسب الاتفاق ومرات يصير بدون عربون عادي المهم يتفق على الشي هذا قبل الفحص ويتم الاتفاق على طريقة ارجاع العربون او عدم ارجاعه. كأن يقول البائع للمشتري : ترى يروح عليك العربون اذا رجعت بكلامك بدون سبب. او يقول البائع للمشتري : ترى العربون مرجوع في كل الحالات ..... المهم ان يتفقوا.

اذا قال صاحب السيارة ان سيارته شرط الفحص جير ومكينة وشاصي وصبغ (او فقط جير ومكينة او صبغ فقط او اي شي آخر) معناتها ان المشتري يقدر يفحص السيارة ويفحص جيرها ومكينتها والصبغ والشاصي واذا طلع فيها شي لاسمح الله مسؤولية الدفع لمحل الفحص تقع على البائع لأنه تعهد بأن سيارته شرط الفحص. ويقوم بإرجاع العربون للمشتري لأنه البيعه لم تتم بسبب مخالفة البائع لكلمته (شرط الفحص)

لكن اذا السيارة نظيفة مافيها شي المشتري يدفع فلوس الفحص سواء اشترى او لم يشتري ومبلغ الفحص لايحسب من قيمة السيارة. وايضا يحتفظ البائع بالعربون والمشتري يخسر العربون.

اذا السيارة نظيفة وجازت للمشتري وتمت البيعه فإن العربون يحتسب دفعة اولى من السعر الاجمالي ومبلغ الفحص يتحمله المشتري.

طبعا فيه مثال :

واحد قال شرط الفحص جير + مكينة
الشاري راح فحص طلع الجير نظيف والمكينة نظيفه لكن السيارة طلعت مصبوغة .... هنيه الشاري يدفع فلوس الفحص + يروح عليه العربون.
لان البايع ما اشترط فحص الصبغ.


واعتقد هالكلام كثير من الشباب الله يصلحهم مايلتزمون فيه لأنهم يتهربون من دفع مبلغ الفحص.

وبالمقابل هناك شباب ماشاء الله عليهم واضحين ويقولك اتحمل فلوس الفحص اذا السيارة فيها شي .... هذا فعلا شرط الفحص.

اذا تبي تبيع سيارتك بدون شرط فحص قول (لامانع من فحص السيارة ) مثلا .. او قول بصريح العبارة بأنك لن تتحمل فلوس الفحص عشان تكون على بينه.

العربون يقدر يرجعه البايع للمشتري بدون اي سبب لأنه حر (مو مجبور)
وللعلم هذه الاعراف التي نعرفها من مجتمعنا وياريت اذا احد عنده اعتراض يذكره مع ابداء الاسباب.

كل هذا بشرط .... انه لا يتعارض مع احكام الشريعة الاسلامية.
اي شي يخالف احكام الشريعة الاسلامية فهو غير صحيح.

وقال الشيخ ابن باز رحمه الله :

( لا حرج في أخذ العربون في أصح قولي العلماء إذا اتفق البائع والمشتري على ذلك ولم يتم البيع ) اهـ .


طبعا هذه فتوى عن العربون
http://www.islam-qa.com/ar/ref/12580


ملاحظة من الاخ عبدالله6868 جزاه الله خير
اذا كان صاحب السيارة يعلم ان سيارته فيها مشكلة بالشاصي او فاقده للشروط الامن والمتانه يبلغ المشتري او يحاول يسكربها والرزق على الله
الله يوفق الشاري والبايع
 
التسجيل
17 يونيو 2005
المشاركات
952
انا مرتين بعت سيارتي
ويرجع المشتري بالبيعه
واخذ عربوونه
اتوقع مافيها شي
 

بو ناصر@

عضو نشط
التسجيل
19 أبريل 2009
المشاركات
705
الإقامة
الـكـويـت
جزاكـ الله خير ،،
ومشكور اخوي على الموضوع .
 

Rap Soul

عضو نشط
التسجيل
2 سبتمبر 2007
المشاركات
965
يعطيك العافيه وجزاك الله خير
وفعلاً موضوع مهم ومفيد واتمنى من الجميع الاستفاده منه
وياريت لو يتثبت ليكون مرجع للأعضاء الكرام وقت الحاجه
 

q8-7744

عضو نشط
التسجيل
20 مارس 2009
المشاركات
102
يعطيك العافيه ,,,, عل الموضوع المفيد
والله يبعدنا عن الغش و النجش
وانا والله اذا اتفقت علي بيعه وسلمني عربون الشاري وبعدين هون عن السياره
راح اردله فلوسه ,,, لان الرزق من الله مو من البشر ,,, وماراح يغنيك العربون اللي
اخذته .....
 
التسجيل
17 يونيو 2005
المشاركات
952
يعطيك العافيه ,,,, عل الموضوع المفيد
والله يبعدنا عن الغش و النجش
وانا والله اذا اتفقت علي بيعه وسلمني عربون الشاري وبعدين هون عن السياره
راح اردله فلوسه ,,, لان الرزق من الله مو من البشر ,,, وماراح يغنيك العربون اللي
اخذته .....


هذا شي راجعلك
بس يمكن هو يعطلني عن بيعه
 

abdullah6868

عضو نشط
التسجيل
3 مايو 2008
المشاركات
6,222
الإقامة
kuwait
ازيد
اذا كان صاحب السيارة يعلم ان سيارته فيها مشكلة بالشاصي او فاقده للشروط الامن والمتانه يبلغ المشتري او يحاول يسكربها والرزق على الله
قبل 6 اشهر شريت سوبربان غرقان من امريكا على مسؤليتي من التامين لما استلمته من الميناء عرفت ان الموتر اللي يشترية راح يتعب بالمستقبل واحتمال ينضر وبعدين على طول السكراب عند داوود للامريكي والحمدللة فايدتي 650 دينار لان صفيت النيه وتوكلت على الله سبحانه
 

مهم للغاية

عضو نشط
التسجيل
12 يوليو 2008
المشاركات
594
الإقامة
الكويت
يعطيك العافيه ,,,, عل الموضوع المفيد
والله يبعدنا عن الغش و النجش
وانا والله اذا اتفقت علي بيعه وسلمني عربون الشاري وبعدين هون عن السياره
راح اردله فلوسه ,,, لان الرزق من الله مو من البشر ,,, وماراح يغنيك العربون اللي
اخذته .....

تقدر تاخذ العربون مكو مشكلة

واذا رديته انت كريم وهو يستاهل

واشكر كل من علق على الموضوع ومر عليه
 

مهم للغاية

عضو نشط
التسجيل
12 يوليو 2008
المشاركات
594
الإقامة
الكويت
انا مرتين بعت سيارتي
ويرجع المشتري بالبيعه
واخذ عربوونه
اتوقع مافيها شي

عليك بالعافية

مافيها شي طبقا قول الشيخ ابن باز في الفتوى المذكورة
 

الـكويـتي

موقوف
التسجيل
18 يناير 2009
المشاركات
104
موضوع مهم وحساس اشكرك مهم للغاية على طرح الموضوع نرجو التثبيت من الاداره
 

FORDracing

عضو نشط
التسجيل
15 يوليو 2009
المشاركات
21
موضوع مهم جداً وفعلاً يستحق التثبيت
 

الشراااااااي

عضو نشط
التسجيل
14 يناير 2009
المشاركات
1,126
السلام عليكم كلام طيب من وجهنا طيب الموضوع منتاز جدا
العربون يضمن حقك
 

العازمي32

عضو نشط
التسجيل
26 يونيو 2009
المشاركات
878
الله يبار ك فيك علا حفظك علا الاسلام وكلام الشيخ الله يرحمه بن باز =وشكرا علا الموضوع الطيب
 

مهم للغاية

عضو نشط
التسجيل
12 يوليو 2008
المشاركات
594
الإقامة
الكويت
الله يعافيكم

واشكركم على كلماتكم الداعمة

ونداء للإدارة بتثبيت الموضوع
 
الحالة
موضوع مغلق
أعلى