رجاءاً الموضوع للرجال فقط

[best banker]

أخواني الاعزاء انا تعمدت اختيار عنوان ملفت للنظر لكن الي ابيه منكم التعليق على موضوعي .
ياجماعة الخير في الاونه الاخيره كثر الكلام عن ظاهره الطلاق وبأن الكويت بها اعلى نسبه طلاق في العالم لكن يا اخواني السبب واضح جدا وله مبرر (غير شرعي) قوانين الاحوال الشخصيه في الكويت جدا (مرخيه الحبل) على الزوجه , فأي زوجه بامكانها ان تهجر فراش الزوجيه وتقعد بيت اهلها وماعليه الا تكتب مذكره ماتتعدى تكلفتها 10 دنانير وتطلب من القاضي حظانه اطفالها نفقه سايق نفقه خادمه نقفه ابناء والخ,,, من الامور الي تقوي عين الزوجه , الريال ماقام يصفى من راتبه 100 دينار فبالله عليكم تبون الريال يكون مستقر مع زوجته أو ان الزوجه تعيد النظر وترجع له ؟؟ انا ما اتكلم عن قضاء الكويتي سواء كان سلبي ام لا لان القضاء الكويتي قضاء نزيه وهو ملجأ لكل انسان مظلوم ولايجوز بأي شكل من الاشكال الطعن في نزاهته لكل يا اخوان احنه نطالب بشويه تعديلات ولمثال اذكر لكم قضيه رجل مطلق الحضانه للمطلقه لكن فشلت جميع الطرق في رؤيه ابناءه (لحد يقولي في قانون يلزم المطلقه بالسماح لمطلقها رؤيه الابناء) ويقوم ياخذ عياله واطفاله عنوه عن مطلقته وينحكم عليه خاطف ابناءه يعني مادري عقب الي كتبته الي يعتبر نقطه في بحر يشجع الطلاق والانفصال ؟؟
والمشكله عقبها ننلام احنه الريايل بأن احنه نهد بنات الديره ونراكض ورا فلبينيه و باقي الجناسي العربيه مابي اذكرها وان احن السبب وراء ظاهره العنوسه يعني وصلنه لي درجه قبل الزواج بساعات نقول يا رب مادري هل راح اعيش معاها لي سنين عمري ولا بعد جم يوم داش المحاكم المسأله صارت امسح واربح يا تصيب يا تخيب
طبعا انا ما اتكلم عن الزوجات بشكل عام لان في الزوجه الطيبه والمخلصه وبالنهايه ترا الحريم امهاتنا و اخواتنا وخالاتنا وعماتنا
شكرا لكم

 

[q8royale]

اعرف واحد انفصل عن زوجته - راتبه اتشلخ - ربحت كل القضايا - حتى البيت راح ينباع و لها النص مع ان ما دفعت فيه دينار واحد .... ابوها رفيجه قاضي ( ضبط الامور كلها ) .... المشكلة الاكبر طلع المحامي اللي حاطه مردم

القوانين الوضعية الموجودة خرطي و تم استيرادها من بلد الفراعنة - السؤال مو فيه شرع و الدين شرح هذي الامور !!

لا اتفق انه الواحد يتزوج فليبينية - يا اخي يطلعلك باجر فليبيني يتكلم كويتي - حلاته الثوب رقعته منه و فيه و الكويتية اولى و يجب على الرجل انه يحترم زوجتة و يقدرها

 

[Abdulla990]

النكتة ان الحريم للحين يطالبون بحقوق الزوجة و حقوق المرأة و كل هذا مو عاجبهم

 

[عبدالرزاق 7]

القانون مع الحريم لاعزاء للرجال والمره اذا تزوجتها مثل البطيخه ياتطلع حمره وتسعدك
وتكون الزوجه الخلوق العطوف المحبه لبيتها والحياة الزوجيه
يأما تطلع البطيخه قرعا واصبحت ترعا وادوس على جبدك مع القانون المؤيد لها
ولو كانت على خطاء
ولكن اخير من هذا كله الاستخاره قبل الاقدام على الزواج وتسأل الله المره الدينه
التي تخاف الله وفيها مستحاء وتقدس الحياة الزوجية مو مثل النسرات امهات ام اربع واربعين
نسرات وجياكر بعد هههههههههههههه الله يعين معشر الرجال ماكول ومذموم​

 

[العاشق]

النكتة ان الحريم للحين يطالبون بحقوق الزوجة و حقوق المرأة و كل هذا مو عاجبهم

ابي اسوي جمعيه تطالب بحقوق الرجل من يسجل::verymad::

 

[العاشق]

القانون اراد ان يحمي بعض الحريم من ظلم بعض الرجال وتقصيرهم

راح وعطاهم الخيط والمخيط وطق بالرجل الطوفه هذا بختصار

 

[best banker]

القانون اراد ان يحمي بعض الحريم من ظلم بعض الرجال وتقصيرهم

راح وعطاهم الخيط والمخيط وطق بالرجل الطوفه هذا بختصار

يعجبني كل التعليقات الي انكتبت لكن تعليق هو الاروع

 

[يحلمون فيك]

ابصراحه قانون المحكمه مالت اخوانه الشيعه الجعفريه احسن من محكمه السنه

فليبي يتزوج يروح الجعفريه احسن

القانون ياتلعب علي يايلعب فيك

 

[kwaity1978]

ابي اسوي جمعيه تطالب بحقوق الرجل من يسجل::verymad::

انا اسجل واقدر اساعدك بطريقه اشهارها

 

[kwaity1978]

الموضوع كبير قانون الاحوال اشخصيه يحتاجاعاده نظر بالكامل يعني مو معقوله اشياء كثيره فيه للاسف قانون ظالم وبدأ يكره الرجل بالزواج ويهدم الاسره بسبب ظلمالقوامه للرجل اصبحت القوامه للمرأه ويبين انتكاسه بالقانون

 

[بوالعيس بيك]

السلام عليكم

الله يعين رجال هالزمن..وانا مع الزواج بغير كويتيه ولكن بدون تجنيس.

 

[العاشق]

يعجبني كل التعليقات الي انكتبت لكن تعليق هو الاروع

كلك ذوق

 

[الحريه وطن]

العزوبيــــــــــــــــــــه شئ جمــــــيــــــــل

 

[k-n-p-c]

اي والله القانون يبيله تعديل جذري
صار الريال يحاتي لما يتزوج
تبي تعيش عيشه هنيه لاتتزوج كويتيه
هذا شعاري

 

[شيل و مشي]

قانون جيهان السادات وليس شرع الامام مالك رحمه الله للاسف يطبق عندنا وبحذافيره والضحية الرجل
نتمنى تحرك من اعضاء مجلس الامة وخصوصا وليد الطبطبائي ومحمد هايف المطيري

 

[وقاص]

الحل سهل وبسيط وعلى ما اعتقد ويمكن يكون كلامي خطأ

ولكن اغلب الربع هاليومين انتشرت بينهم حركة جديده

يتزوج بالسعوديه وهذا اول شرط يشرطه على اهل الزوجة

وصارت كثير والله

والي الاحظه بالسعوديه الزوج يعتبر ولي ووصي على الزوجه وله حق التصرف الكامل والمطلق

ما عدا قبض المال ( الكاش )

هني مرة راجعت وطبعا الكل يعرف ان الزوج بعد زواجه بيومين يسوي توكيل عام على زوجته

يتجنب دخولها المراجعات والتعب والاذية لها

دخلت ولا يقولي الموظف ما اقدر امشيها !!! اقصد المعامله

إي ليش قال لازم حضور صاحب العلاقه

والتوكيل عام !!!! ما شاء الله عيل ليش مسوي التوكيل انا ؟؟

زياده ورق بالتجوري ؟؟

افضل شيء وبصراحة مطلقه تاخذ من اهلك وتفك عمرك باجر على الاقل ما تسجنك يمكن ابوها يقولها حرام ولد عمج فضي مخباته إي لكن سجن حرام يكسر الخاطر قام يمشي ويكلم نفسه

ولاتنسى ضبط اخوان المرة يعني عيال عمك لا باجر واحد يفر راسها وحزتها ترقص فرحا يا غالي

عيالك ما تشوفهم ومعاشك طاير وتدور سلف وقضايا

وكل ما تدخل على القاضي تلقاه يبتسم لك تقول الله ابتسم لي يعني كسرت خاطره الحمدالله

ولكن يطلع القاضي فيه الضحكه بس غامتها غصب ويقول بقلبه شنو بتاكلها يا غالي

الافضل العزوبية يا حلاتها على الاقل ماكو حريم بحياتك الا امك ولو سبتك تسكت وتقول أجر أجر وثواب

تحياتي

 

[الاولى]

المرأه الحديديه طلعت كويتيه

ياخوى والحكومه ماقصرت
الى تتطلق يمشولها 460دينار
ولو عندها أطفال يويلك
يعنى المرأه مدعومه (حكوميا)
ورجال بالسجن محطوط(قضائيا)
الله يستر
لحد يسمعنا :d

 

[Abdulla990]

القوانين اللي تتكلمون عنها هي من اهم اسباب العنوسة لأن الناس صاروا يخافون من مشاكل الزواج
و المرأة هي المتضرر الأكبر من هالسالفة لأن الزواج بالنسبة للرجل صار صفقة خاسرة و لا يرغب به

 

[بوهلا]

انا اسجل واقدر اساعدك بطريقه اشهارها

انا معاكم ياشباب بس شرايكم نشهر هالجمعيه فالمغرب ؟؟
ووالله ياشباب اللي بيروح هناك وهومومتزوج بيتزوج واللي بيروح وهو متزوج بيقول الله يلعن العجله ليش تزوجت قبل اجي المغرب
ومصيركم كلكم انشالله تروحون وتتأكدون ان كلامي صحيح مليون %
وشكراااااااااااااا

 

[الشرقاوي]

فعلا الزواج اكبر غلطه يرتكبها الرجل في حياته
والله يكسرون خاطري الشباب اللي يتزوجون مع اول معاش وتلقاه مستانس عباله صار ريال ما يدري ان الربل راح يشتغل عليه بعد ما يخلف
العزوبيه تاج على رؤوس العزاب