المقبس
عضو نشط
- التسجيل
- 21 مايو 2009
- المشاركات
- 107
يا جماعه خدمة النت بالكويت بدائيه والي مو مصدق يستخدم النت بدبي او السعوديه لااااااا بلاش دبي او السعوديه اخاف تقلون هذي متقدمة عن الكويت تطورا خلينا نروح مصر وشوفو النت عنهم والله طياره عموما انا جربت تقريبا اغلب الشركات سواء كونكنت متنقل او دي اس ال او شي اشتركت بالوطنيه وخذو قيمة الجهاز وما اتذكر بس كان غالي واشتراكهم 28 وجربته فتره لقيت انه سريع بس المشكله يوم سريع واسبوع بطئ يعني انت وحظك وايام ما يشتغل بالمره وشوووووف الدعم الفني ما يرد عليك .. قلنا خلنا نروح الشركة الاقدم والاقوى واكيد بنيتها التحتيه اكبر لنظام نقل المعلومات والانترنت (( زين )) عالم جميل ((عالم نصب)) عيني عينك شفت اعلاناتهم 10 متر ب 10 استمتع بالايغوو (( بلاحدووووووووود )) اشتركت ب28 الي هو اعلى اشتراك واسرع وسالت وكررت السؤال للموظف هذا مفتوح قال يبا مفتوح لا يهزك ريح حمل وامش (( اقصد بحمل داون لود )) سرعته لا باس فيها بس غير الي نسمع عنه ولا يعطي 7.2 وزين منه 2 ميغا وبعد 3 اسابيع لقيت الدايل اب اسرع منه دقيت على الدعم يبا ليش بطئ قال حنا مسوين لك كود نبطئ السرعه .. طيب ليش قال انت تعديت كمية التحميل 30 قيقا بالشهر زين محد قالي عنها قال مادري عن الموظف شلون يعني نفتحها سبيل تحملون بكيفكم قلت هذي دعايتكم وعلى الاساس اشتركنا صافي الكلام نزلت اشتراكي ل 13 وخليته للضرورة ولما اكون بره البيت واشتركت بكواليتي 2 ميغا ولما دفعت كاش سنه قالو خطك ما يتحمل طيب رجعلو الفلوس قالو مايصير نعطيك 1 ونعطيك شهرين زيادة يا عيال الحلال عطوني خلوني اشوف شركه ثانيه ولما هددتهم حولوني لشؤون القانونيه وجاني مصري لابس نظارات عدساتها مثل قاع البطل وجاب العقد وحسيت من كلامه انه ممكن يحشوني بالمحكمة اعدام ولا مؤبد قلت يبا خلي 250 دك تولي وهذول الشركات ما ينخاف عليهم ماخذين حقهم وزيادة وعاملين احساب لك شي عموما استمريت ومعاهم ومعاناة اقسم بالله ساعات من كثر ما هو بطئ اسكره وكل يوم عندهم مشكله ..
وبالنسبه لفيفا اخوي عنده ومشترك من اول الناس ايام ما اعرضوه بالمعرض وتبون الصراحه كان طياااره لدرجه اني انا بغيت اشترك بس يوم بعد يوم بدت تطلع المشاكل ويصير بطئ اتوقع للسمعه الي خذها وكثرت الاشتراكات وزاد عليه الحمل وهم شركه توها جديده وما عندهم قدرة تحمل كبيرة وفاست اسمع انه لا باس فيه بس ماني متاكد ..
عموم اسمحولي على الاطاله بس والله من مافي جبدي من النت واحتمال انزل قصه قصيره بالاسواق ((معاناتي مع النت )) ههههههههههههههههه
وبالنسبه لفيفا اخوي عنده ومشترك من اول الناس ايام ما اعرضوه بالمعرض وتبون الصراحه كان طياااره لدرجه اني انا بغيت اشترك بس يوم بعد يوم بدت تطلع المشاكل ويصير بطئ اتوقع للسمعه الي خذها وكثرت الاشتراكات وزاد عليه الحمل وهم شركه توها جديده وما عندهم قدرة تحمل كبيرة وفاست اسمع انه لا باس فيه بس ماني متاكد ..
عموم اسمحولي على الاطاله بس والله من مافي جبدي من النت واحتمال انزل قصه قصيره بالاسواق ((معاناتي مع النت )) ههههههههههههههههه
